大都烤鴨

營業中

休息中

早前假日即興去尖東睇燈飾，經過k11黎間大都烤鴨一於試一試，全店都係卡位，坐得好舒服～叫左半隻片皮鴨，肥瘦適中，肉嫩香口。再來推介的是年糕紅燒肉，紅燒肉炆得好淋食，加上甜甜的紅燒汁，很開胃🤤

烤鴨被譽為「中華第一吃」 更係御膳珍品添✨呢間滬菜館深得家中兩老喜愛 決定嚟試一試👅.📌烤北京填鴨 $298/半隻嚴選北京嫩鴨 皮好脆 肉質軟嫩帶點韌勁 連住少少脂肪 甘香唔油膩🦆用左果木燻烤 淡淡木香炭燒味🪵🔥荷葉餅好Q軟 包埋紫蘿蔔, 蜜瓜, 青瓜, 京蔥, 砂糖同秘製醬汁 味道清爽 層次豐富🫔.📌二崧炒鴨末 $98/2位呢到竟然有鴨架八吃‼️免治鴨肉碎好惹味 伴以香蔥同松子仁 更香口🦆揀左芝麻燒餅 烤至金黃酥脆 乾身唔油 平衡鴨肉味道 一啖食超滿足🙌🏻.📌淮揚灌湯小籠包(2隻起) $20每隻小籠包皮唔會太厚 夾起又唔易穿🤍新鮮蒸起 熱辣辣 咬開爆湯汁🍲肉餡飽滿軟嫩 豬甘鮮味濃香🐷.📌黑松露小籠包(2隻起) $32每隻肉餡加入黑松露 上枱已經聞到濃郁菇菌香 同豬鮮味好夾🍄‍🟫.📌清炒香菌小棠菜 $128小棠菜鮮綠爽脆 加埋大量雜菌 真係清炒 唔重口味🥬🍄‍🟫

今天得閑去了尖沙咀的k11，商場內人頭湧湧，充滿節日氣氛。約了朋友在大都烤鴨午餐，餐廳環境同坐位尚算舒適。坐低首先叫了兩個前菜，第一個是星形的水晶牛肉，十分特色，另一個是之前在香港沒有食過的燻鱼，燻魚似我喜愛食嘅生炒骨，皮脆咬落去又有魚肉鮮味，味道十足。再來是小籠包，小籠包實在做得不錯，外觀已見薄皮內滿滿的濃湯。片皮鸭這一味來得皮脆肉嫩，可以講贏得掌聲，明乎其實招牌菜。小黃魚煎得皮脆肉滑，恰到好處。冬瓜蛋白亦十分特色。幾個人叫了兩個麵，第一個黃魚麵，湯底鮮甜，另外的雞肉煨面味道亦不錯。甜品两個更值得推薦，驢打滾完全似好好食嘅糯米糍，佢嘅糯米皮薄薄，甜味適中。最後嘅高力豆沙亦十分美味，可以再食多幾次。這一間以烤鴨為名的餐廳其實其他食物都值得推薦，可以留在香港唔使北上食烤鴨了。

阿媽好少坐車外出 。難得佢肯出城，同佢食最愛的片皮鴨第一次去大都烤鴨 。鴨片批走肥糕食物精緻 ，味道好好，尖沙咀遊客區，假日中午時間餐牌價竟然有八折，留港消費今次忘記叫甜點 ，下次一定要試吓

其實已經喺OpenRice訂位㗎啦，我都唔係好明點解佢仲係話我係收接待，我都想🥲由於小朋友超級鍾意食片皮鴨，爸爸生日都專登搵間食片皮鴨嘅餐廳同爸爸慶祝生日。呢間餐廳呢已經食過第二次啦，今次喺OpenRice度訂位好簡單，其實你邊諗到平日都係full House，好彩有訂位咋。爸爸就食過好多次，佢話呢間係尖沙咀嚟講呢係保持好好嘅水準啦，咁我哋對上食過一次都覺得好不錯的。所以今次決定encore 🥰我今次試咗佢個二人餐，有頭盤有片皮鴨有嗰個燉鴨湯羹，有炒四季豆，有醬爆蝦球，仲有小籠包同埋甜品埋單都係$800，係幾抵食！仍然要講吓啦，佢個片皮鴨係好高質嘅，個包皮熱辣辣仲有好多配菜俾我哋揀，小朋友仲要食到舔舔脷添，不過呢今次我哋食過鴨湯羹呢就冇之前咁濃味，呢個呢就要complain 下😆不過總括嚟講啦，其實都好好味😛

環境唔錯，餸菜就很快上曬，呢樣好唔好就真係見仁見智啦，服務都很好，點了幾個菜，有北京填鴨、醉雞、鍋貼、小籠包還有荷葉飯，當然最好食嘅就梗係北京填鴨啦，下次要再試下其他菜式。

職員服務態度佳，每次上座離席都換枱布，感覺衛生，食物精緻但好味，生煎包皮薄 餡靚，酸魚脆嫩可口，牛柳也炒得嫩易入口，素春卷的皮很薄，而且很脆，豆漿小甜亦濃郁，環境寧靜，很舒適的午餐。

大都只是有其名冇其實的食店,身處遊客區,此店食物只可食一次而不可再，幾十元一碗酸辣湯連最基本蝦仁和肚絲也沒有。义子只是加工廠叫貨加熱上枱，填鴨更是讓人洩氣，味道只可說勉強，鴨肉無味織維粗，鴨肉不是片皮，只是用一些沒刀工的員工，像燒臘店般切将骨肉分離，可惜切肉不連皮，只是將切開了的肉放上碟，再將鴨皮蓋上已切好的鴨肉上，一客主打菜也如此製作，其它菜式也不用多說。這裡有新派簡潔裝修，用著優質食具，三流偽殷勤的服務，四流食物質素卻一流收費，還要限時享用，在這年代人人只影幾張相，隨便寫幾就自認是食家的年代，只是追求可打咭就是美食，卻無視食物的製作和味道，真材實料的食店卻被這些欺世盜名的店子所淘汰，劣幣驅逐良幣時代，那些唯利飮食集團，為收益媒體，對食物無知的食家，讓美食推上飲食業沉淪之路。

正正常常叫左個二人餐，滿心歡喜黎食烤鴨，點知d野食係咁上， 食都食唔切，最後d野食凍哂，片皮鴨都變冷盤，成枱野食侍應都係亂擺，全部放哂左邊，要自己執位先可以再食，未食哂主菜連甜品都上埋，我忍唔住同呀姐講話：我野都未食完點解上甜品？經理同個呀姐都黑口黑面，食到成肚氣，甜品都冇食就走，仲要我比10%服務費比錢買難受我見其他人評價都有講服務態度差好後悔冇睇食評就入左黎食服務真係極度差，一定一定唔會再黎呀！

叫咗個兩人套餐，嘢食一般 主要係凍晒 每個菜都想得太快 成枱都係嘢食唔切 明明甜品寫明叫上，未食完菜就已經放定叉同埋碟 成枱嘢食凍晒 服務質素極差 留喺度傾多陣偈都唔得 極度負評同失望 臨尾仲要開行冷氣等啲人食快啲 千祈唔好去食 套餐有片皮鴨片皮鴨肉質好差 皮又唔多 配菜都唔夾仲有一個鴨肉元貝湯羹 似水，胡椒粉蓋過味道四季豆逐粒極少 乾水重油 極度難食炒蝦球 得嗰陣老抽味極重 甜味配搭完全不能接受好似食緊老抽浸鮮蝦仲有啲前菜都係好細碟擺明唔係做生意嘅啲服務員都係西口西面 俾錢買難受

家人生日飯 選擇呢度 慶祝，在 開飯平台 預訂準時到達 我們選擇了 4人餐 ，服務員 一嚟就上咗5個菜式，我同佢講 ？係咪要上菜上得咁快 ，冇理會繼續 上埋津白湯 及 其他餸菜，當時只是 享用了大約一小時，跟隨 一位 職員 上前 同我講 要夠鐘還枱 我問道 我訂枱時 冇說明限時 而且我重有 自擁蛋糕未食 ，冇回答就走咗去， 切餅費每位12玩 合理 我就叫 經理 過嚟 ，是否要限時 交枱 支吾其詞我話上埋蛋糕就會埋單 我都吾想再留係到諗住食餐飯 輕鬆自如傾吓計 都咁難就算 有幾好食都假 貼錢買難受我都想多 留港消費 咁樣態度 點幫襯

一直都好鐘意食片皮鴨，無論平費的片皮鴨都會去試，但呢間大都烤鴨真係食完會想再返黎食！因為鴨皮真係烤得好靚，好好食，相信你就咁睇相都可以睇得出鴨皮有幾靚。中午時間食價錢仲好抵，有做優惠。當日仲食左小籠包，都好食，但冇片皮鴨咁令人難忘蘿蔔千絲酥甜品就係傳統的北京小食驢打滾是紅豆糯米做成的糕點唔想散叫，都可以揀套餐，但就唔可以再用折扣優惠啦

友人介紹K11大都烤鴨，未試過的烤鴨店，果然有驚喜。 菜單不只有烤鴨還有京滬式的點心和麵食。必點北京烤鴨，由於人少關係點了半隻烤鴨，鴨皮片的薄而脆，鴨肉也多汁嫩滑，烤製出美味烤鴨的關鍵是選用肉質飽滿、脂肪分佈均勻的北京填鴨或北京麻鴨。 吃過就知道他們是用此正宗北京鴨。 配菜更看得出餐廳的用心，這碟北京烤鴨是我近年來吃過最出色的。 小吃點了醉雞，還有鎮江肴肉及雞絲粉皮，俱有其特色。 主食是擔擔麵，用拉麵製作，加上花生、麻醬等，最細心處為辣油另上。而全天最精彩的還是餐後甜品，高力豆沙製作鬆化，將蛋白層次提升，不僅口感細膩、香醇可口，帶有一種獨特的甜味和蛋香。 而豌豆黃有其獨特香味及軟滑口感，豌豆蓉再配以白糖和黃蠟油進行翻炒。 這一道美味的點心經過一段時間的燉煮後，既能享受綿軟的口感，又能感受到它清甜而誘人的風味。驢打滾，這是一個極具北京特色的甜品，當你咬一口，那種從外到內的層次感，甜而不膩，醇香四溢，讓人回味無窮。 這三個甜品讓我回味無窮，下次一定要再試。

一人套餐的味道不錯，環境安靜，方便談話。可惜，...但也請管理人員留意，並且訓斥凡是處理食物的員工(尤其一位戴眼鏡的廚師哥哥)去完小便後，必須洗手，並且不得在洗手盆吐痰。就算不想洗手，當有客人在廁所內，也要扮洗手。

食完馬上去廁所，個豆腐更凍的，個烤鴨皮系軟的，同埋系迷好窮丫，連鴨屎忽個位都片落去，一咬落去，鴨好骚，直頭吐了出來，烤鴨都能整到甘難食，叫了一個兩人套餐，最後兩個餸都未上，就食唔落了，叫人賣單，重搞笑，那服務真的好到出國際丫😂反正大家自己試下就知了，中坑有時候政府系甘要求話留港消費，但系問心噶句丫，你都要明白依家香港飲食的水準真心系搞唔掂咯，真心中坑，以後唔會再去，好難食，本來我都唔想評的，但系真系太激氣