大鍋口海鮮火鍋店

營業中

休息中

天氣轉涼好想打邊爐，去左佐敦莊士敦12樓的【大鍋口】。$228 一位，有雞煲靚牛靚魚靚海蝦任食2小時，真的非常吸引🤩🤩。座位環境闊落，飲品區自由選擇，最正有冰凍竹庶茅根任飲😋，汽水，凍茶一應俱全。醬料有炸蒜，沙茶醬等，醬油咸味適中👍🏻。🌶麻辣雞煲揀左先食雞煲後邊爐🤤小辣微麻，超惹味😋! 雞肉軟嫩彈牙~🍲湯底有多款港式風味，揀左新鮮豬筒骨湯🍖有一大舊豬骨熬湯，香味十足，愈食愈出味。🥩安格斯牛小排肉質嫩滑，牛味香濃😋~🐟白鱔片、鯇魚腩及脆肉鯇新鮮爽口!!🦐鮮海蝦爆膏，鮮味彈牙，一次過就食左4隻😆🦑手打蝦丸及墨魚丸彈牙鮮味🤤，好爽口呢!!🥬蔬菜油麥菜及萵筍很新鮮翠綠的😍，處理得整潔。火鍋配料選擇多多，水準相當高👍🏻~整體服務很好，加湯落單上菜爽快，沒有漏單情況，2小時到達亦沒有催趕，香港難得好火鍋店💯。

昨晚一行八人去打邊爐,就決定去食返呢間,因為之前都成日會去,不過今次食完就真係唔會再有下次,首先一坐底叫左個雞煲先,佢地話係任食既,點知個雞煲黎到D雞需然係熟既不過一D辣嘴既都冇,要自己慢慢再滾返熱,之後我地再叫打邊爐既野食啦,頭一倫出野既速度都正常既,之後再入紙叫就死得啦,佢話任食兩小時,不過雞煲返滾都要一段時間都唔同佢計,我地入紙叫既野,就冇黎過.到我地出聲啦,就黎D菜呀,粟米之類比你,好老實兩個鐘頭都唔知食過D咩.唔會再有下一次

天氣已經涼返好多! 🍁🍁收工即刻同同事去打邊爐🥢🥢餐廳而家做緊$2️⃣2️⃣8️⃣ 雞煲+打邊爐任食!坐低即刻上咗個雞煲!! 香噴噴!!雞肉入晒味! 一嚿接一嚿食唔停!🤤食完就打邊爐! 碟牛肉顏色幾靚📸📸📸同埋推介佢哋嘅海鮮! 海蝦同鱔片非常新鮮!! 所以Encore咗好多碟!! 蝦蝦蝦!! 🤣🤣🤣而且上菜速度中好快! 抵讚‼️‼️嘢飲都係無限任飲㗎!! 星期五就係要暢飲暢食🍻餐廳嘅環境，食物，同價錢性價比都超高!

小編和屋企人食的第一間任食火鍋店就是「大鍋口」，當時覺得最好食既就系海蝦，時隔多年再去食，估不到佢地既食材依然保持水準。呢度除左火鍋之外，仲有雞煲任食，汽水任飲，食材夠地道，樣樣都岩香港人食。生猛海蝦海蝦超高水準，超新鮮，肉質爽口彈牙，蝦味濃郁鮮甜，每一隻都爆哂膏，小編食到停不下口，少有地食左十幾隻。雞子朋友覺得超正，雞子口感Q彈，鮮味獨特，不腥，即使煮得過左火，口感變得結實，依然好好味。中意食雞子一定要黎試下。鵪鶉蛋第一次見火鍋食材有得揀鵪鶉蛋，我地都引不住叫了一碟，味道正常，但要自己煮熟剝殼😂炸魚皮咸香脆口，無隔夜味，浸一浸湯底即刻索哂啲湯底，正!

我今日放工後，約同好友去位於尖沙咀彌敦道219號莊士倫敦廣場12樓的大鍋口海鮮火鍋店食火鍋放題，環境舒適，坐得舒服。我地揀左火鍋湯底係皮蛋芫茜，配料揀左：海鮮類：生猛海蝦、脆鯇魚腩、脆鯇魚片、新鮮魚雲、鮮蝦滑、墨魚滑、白鱔片。肉類：滑牛肉片。蔬菜類：秋葵、蓮藕片、鮮淮山、油麥菜、金菇、秀珍菇、豆腐、凍豆腐。飲品：竹蔗矛根水，汽水。我地不用等好耐，店員就送上麻辣雞煲，待我們食完雞煲，就換上皮蛋芫茜火鍋，跟著火鍋配料也上檯，檯面夠大，食物放滿也感到自在，食得感心！整體黎講係服務好用心，食材夠新鮮。

如果你想搵一個好地方聚餐佐敦大鍋口海鮮火鍋店真係唔可以錯過環境寬敞又舒適 而且價錢合理😎非常適合同朋友或者家人一齊食飯圍爐‼️佢哋主打任食火鍋放題兩小時內可以隨便食😱😱😱仲有好多新鮮海鮮同肉類選擇😍例如日本廣島蠔/帶子/極品肥牛等等真係應有盡有 滿足到唔同口味👍🏻👍🏻我哋先食咗佢哋嘅雞煲打打底先😂香氣撲鼻 麻辣味道濃郁雞肉又嫩又滑 入味得嚟又唔膩食完雞煲之後先開始打邊爐🍲入正題😏講到湯底 我哋選擇咗鴛鴦湯底分別係四川麻辣湯同花雕醉雞湯四川麻辣湯超級適合鍾意辣味嘅朋友辣味同麻味結合得非常好食落去好香辣 令人一試就上癮而花雕醉雞湯就清新又香濃雞湯入味 湯底有種淡淡嘅酒香飲落去非常舒服😌呢度仲有大量火鍋配料可以選擇以下係我哋點咗啲特別受歡迎嘅選擇：首先係海鮮類 點咗青口/蝦🦐每一樣都新鮮 蝦肉彈牙 青口滑爽肉類方面 我哋試咗極品肥牛同埋美國桶肉肉質鮮嫩 特別係肥牛 薄薄一片煮一煮就融化喺口中 真係好享受蔬菜方面選擇咗金針菇/豆腐/菠菜等點綴火鍋 清爽又健康金針菇同豆腐吸曬湯底勁正😙小食例如炸魚皮/炸春卷都唔錯😌

好耐無黎過打邊爐，今日同兩個朋友突然好想任飲任食打邊爐😂😂我地揀先食雞煲再打邊爐，我地揀左小辣雞煲，雞肉好滑，醬汁夠濃，埋位直頭用d醬汁「生啫」牛肉，好好味！之後打邊爐就叫左沙爹同埋番茄湯底，特別要講番茄湯底好甜，所以有好濃郁嘅番茄味！我地加左錢叫左碟手切肥牛，色澤好靚，油花均勻，好有牛肉味！任叫海鮮配料都有白鱔片、脆肉鯇腩！最真係手打墨魚丸同埋雞軟骨丸仲食到有粒粒係裏面，性價👍🏻👍🏻

好耐都無食過放題類嘅晚餐啦，難得中秋佳節，就一放同屋企人去好好獎勵下自己啦！今日去咗呢間任食打邊爐，真係超正😋首先,佢哋嘅食材超新鮮！😻我自己最鍾意佢哋嘅手切肥牛同蝦滑墨魚滑，好爽口，肥牛牛味重！👍🏼👍🏼蝦滑新鮮彈牙！真係令人欲罷不能。雞軟骨丸同雞軟骨滑好少見😍不過最出色嘅一定非生猛海蝦莫屬，我地encore咗好多次！🥰仲有佢個炸魚皮，又係食到停唔到口，我地呢檯食咗勁多碟🤣蔬菜亦有眾多選擇，唐生菜、蘿蔔、芋頭，應有盡有！環境方面呢，佢哋嘅座位好寬敞舒服，同朋友傾吓計或者同家人情侶一齊來食。都會好fit🤌呢間餐廳真係幾正，既有新鮮優質嘅食材，坐得又舒服，價錢公道，物超所值！🤪🤪

火鍋放題🍲 任食2小時 7:30pm前走，人均$198，都好抵食最中意夏天打邊爐🤣，攤住冷氣食雞煲，真係好幸幸福😍，餐廳環境幾寬敞先食雞煲，再打邊爐🤩雞煲好惹味，煲到開始滾，勁香噴噴，雞肉都好入味，辣辣地咁好好食🤤火鍋湯底揀咗皮蛋芫荽湯底，入面仲有勁爽甜既馬蹄，湯底清甜火鍋食品係以填紙仔方式，飲品方面就出面自己拎，火鍋食品都算幾多，必食自家製韭菜餃🥰，皮薄餡靚，上菜都算快手同無漏單情況👍🏻👍🏻

佐敦打邊爐真係有好多選擇，不過講到性價比最高既任飲任食，一定就非呢間大鍋口莫屬了黃金時段都係$228每位再加一可以先食雞煲再打邊爐，不過今次我地就skip左，直接叫左個豬筒骨煲，個豬筒骨大大舊，都好好食先黎一碟靚肥牛，油脂分布平均，入口即化呢度最好既係款式種類超多，但質素都好好仲好多款既魚，手打丸同滑當然唔小得牛柏葉，水魷，鵝腸呢啲咁正既火鍋必備配料啦，連炸魚皮都好脆好新鮮飲品有多款汽水、茶飲，同埋先家製竹蓆茅根，夠哂清熱氣

晚餐來到佐敦《大鍋口海鮮火鍋專門店》兩小時任飲任食火鍋放題，先吃個麻辣雞煲，再打邊爐😊。雞煲特別香氣撲鼻，雞肉嫩滑甘香🐥，入口麻香四溢💥惹味十足，食落不是太辣， 調較更合香港人口味。吃過雞煲後，直接換上🥥【椰子滑雞湯底】，除了有清除虛熱效果外，更能溫中補脾，最適合炎熱 🔥 的夏天滋補一下～😊【雪花肥牛🥩】質素不錯👍🏻，每片肥牛油花分佈均勻✨，入口即溶，肉質嫩滑，還滿口牛肉香😋，咬落去滿足感爆棚🔥【原隻鮮蝦🦐】蝦肉結實爽口彈牙🦐，鮮甜可口😋【蝦滑及墨魚滑】上枱時已睇得出幼滑 😋，開半落湯煮熟後，大大粒，口感彈牙🥢平日唔多點食既【白鱔片】，我地居然encore左三次，真是非常爽滑👍🏻👍🏻👍🏻

2小時火鍋放題（$198，加一服務費，7:30前離座）時下好多台式火鍋放題，我都經常幫襯，但有時候又想食返啲比較港式嘅火鍋配料，咁就會嚟「大鍋口」。入座會提供雞煲，可選擇要或唔要，而且食完可以再添加。過吓口癮食一轉就可以了，雞煲味濃，不算是乾身的那類，偏向醬汁，雞件是有不同部位，不是啖啖肉的雞脾肉，可以"lun"吓骨，我buy呢種。食完雞煲會轉打邊爐用湯底，有十款湯底可以揀，今次要咗最簡單嘅「皮蛋芫茜」。火鍋配料用剔紙仔方法落單，另會送上一碟靚嘅肥牛。個人必吃，當然係肥牛、手打丸、脆鯇腩、海蝦、白鱔片、牛柏葉、鵝腸、響鈴、炸魚皮。但亦會食啲坊間比較少有嘅，如魚雲、鵪鶉蛋、雞子、九肚魚。除咗食物，飲品櫃內嘅都可以任飲，而我一定會飲自家製嘅竹蔗茅根，清熱解暑下火，次次都飲兩樽。最後，甜品只有一款，軟雪糕機，而且唔係次次有得食，有時會無。

入到去坐低，先叫雞煲，之後發現上面滴水，咁滴水梗係要掉位啦，同咗職員講掉位，有一個着黑衫嘅職員黑晒口面話我哋叫咗嘢食唔可以掉位，大佬你個位上面滴水點樣唔掉位？跟住個雞煲半個鐘都未到，我哋問點解未到，佢話因為掉咗位嘅問題！個雞煲嚟到得幾件！一等要等半個鐘，話任食你都唔夠膽再叫啦！到叫打邊爐配菜，遲黎而且又得一兩碟，都寫左4個人，都係一碟或兩碟咁黎，實在太差，以前幫襯都唔係咁，仲介紹幾次朋友黎食，以後都唔會再幫襯！！

同朋友聚會晚飯，主要環境寬敞夠大，冷氣涼，4位即有位, 平日去所以不用等枱（假日就唔知）。。食物有驚喜。好多款式，唔貴，$2××左右特別推介是：蝦滑＆墨魚滑，夠爽夠鮮味 .... 其次羊肉唔錯，夠 “羊” 味，提議排在後期才食，否則一早食煮就全湯底充滿羊味哈哈。。整體食物任點，上桌快。會再去...

四人入座後先黎一窩蟲草花花膠湯，湯好鮮味，都有四條花膠俾你食，每人都飲到兩碗，飲完花膠湯後再叫雞煲，雞煲味道都惹味，我地再叫多次雞煲因為任食嘛。然後叫個胡椒豬肚做湯底，好香胡椒味而且仲有豬肚食，火窩材料都算新鮮，和牛，肥牛都好嫰滑，九菜餃味道幾好，雲吞，蝦滑好有鮮虾味，鯇魚片都唔錯，其他配料油炸鬼，丸類都唔錯，其實張紙都好多選擇，叫唔晒咁多，另外飲料任飲，飽到甜品都冇拎黎食，埋單平均每人250左右。都算抵食