大隻佬麵家 (已結業)

鑊鑊唔收工唔開會，放工係員工私人時間！鑊鑊唔放飯唔開會，食飯係員工私人休息時間！仲要覺得自己皇欣浩蕩福利優厚，刻薄縮骨孤寒無良知無親情就有您份！多年來不停打那亂我時間表，頂住條氣！我要食食食食食，我要食好多野降火！獨獨晚餐！大隻佬只有米粉、河粉、幼麵、粗麵，我想食伊麵及出前一丁啊。蠔油芥蘭，頂級頂上貨色！滿分無投訴，爽甜翠綠鮮嫩，莖部脆卜卜多汁無青味。蠔油西洋菜，特別的配搭，罕見的供應！爽甜汁滴滴，切得太短太碎帶少少渣，都好味道的。腐乳通菜，菜葉好嫩，腐乳醬好香，不過莖勁厚勁韌，幸好整棵有菜甜味。蠔油菜芯，大隻佬出品既油菜真的高質無投訴，每次都鮮嫩爽甜勁多汁滾熱辣送到，無可挑剔。只得菜芯、芥蘭、生菜、西洋菜、白菜供應，還滿以為會有其他特別菜試試添。不如搞搞新意思，韮菜花、皇帝菜、白菜芯都好好食。豉油皇雞腳撈麵，侍應四眼叔叔您唔記得走蔥喎。雞腳膠黏質感一流，肉彈滑入味不過無修甲，腳甲長長。完美微暖鹼水麵過水非常乾淨，沒半點鹼水異味，超級爽口勁彈，趙到索索聲過足癮。豉油清新香甜可口濃郁，撈埋大量辣椒油十分香口，有微微五香味。麵底份量一向都偏少，啜兩啖已經消失殆盡，食兩碗先夠喉。雲吞麵加腩汁

其實金莎好似系將好多種魚磨成粉 擺系麵上面一上臺就聞到好香😌距仲附有一碗好清甜既湯 可以撈埋食🙆麵質幾彈牙 撈埋金莎食唔會太過鹹✌不過整體唔算太驚艷 好細碟 幾啖食完😛Waffle成日都覺得中式麵店好難生存 可能要搞搞個鋪面同宣傳🌚

說好生病的時候就要吃得清淡一點, 結果是在旺角工作的時間, 找來了前身是龍記的大隻佬麵家, 這裡的老闆, 也就是龍記老闆的十弟, 手瓜起𦟌得來很符合大隻佬這名字. 沒有點龍記出名的辣牛根, 因為不想刺激喉嚨呢! 金沙撈麵的金沙不是咸蛋碎, 而是平時煲湯用的大地魚粉, 外觀好看但味道真的較多淡, 本以為它會比湯的味道濃烈的. 銀絲麵麵質爽口彈牙而不過淰, 沒有令人討厭的梘水味, 基本功還是做得不錯. 五十二元的沒餸撈埋麵, 有點貴也不夠填肚, 結果還是要點多碗淨雲吞呢! (笑)

在旺角, 真係行唔夠兩步就有食店.麵檔當然係最多的吧.有d 仲越賣越平. 但有d 就堅持基本水平, 都大有捧場客.因為自己住個度搭小巴落旺角, 第一個落車位就係黑布街.一落車見到呢間叫大隻佬既餐廳, 原來賣麵既, 咁有趣? 即管入去試試!一坐底, 就見到樓面收銀處有好多名人的簽名和合照. 望望個menu, 嘩! 咁多款式選擇既?! 但見到牛筋麵用紅色字 highlight 左, 應該推介野黎啦. 就試試佢.一上到食桌. 見到碗子雖少, 但好足料.初頭擔心個三隻辣椒會否好辣, 但又不會. 味道有少少辣, 牛筋十分實淨有咬口兼彈牙. 不會好似出面有麵檔d 牛筋咁好鬆好淋. d 麵亦是好好咬口, 加埋帶點牛肉味的湯底.成碗野都好令我享受.亦都明白點解呢間大隻佬餐廳可以在競爭林立的旺角區可以爭一席位了.

由巷仔轉左出大街，少左黎食喇，一來少左揸車過黎買汽車產品，二來個價錢都貴左好多，相信同租金有關吧⋯⋯好耐無過黎食，之前食過金沙撈麵，還可以啦。今日再去，食鼓油王炸醬撈河，好失望⋯只有咸味，無炸醬味⋯一路食又有啲烏蠅仔嬲黎嬲去，食完仲要有啲肚痛⋯希望搞搞啲烏蠅仔啦，真係好影響食慾唉，以前觀塘一排麵檔，清拆後重開嘅都無辦法做得返以前嘅水準⋯ 好心酸⋯估唔到特登出去搵麵食，都一樣失望而回，呢間應該唔會再食了。

此店䇄立多年，捧場客依舊。經常坐無虛席。幸好今天過了午市過來幫襯下今天食豬手河...豬手外皮膠質很重，醬汁惹味一咬下去，肉質鬆而不太鹹陣陣的南乳味也跟隨着豬肉溶了！河粉份量多，大大一碗好足料。而且個湯唔會成鹹。平時出去食粉麵店都遍鹹一碗豬手河粉，有三大塊豬手！下午茶其實也很夠飽的！

短短既黑布街，做得好既麵食唔只止一間，不過我每次爭扎完都係投向大隻佬既懷抱。一入鋪頭，通常都就會見到大隻佬係度招呼客人個人最愛食豬手麵，湯頭濃郁但一D都唔咸，豬手又煮得好淋，入口真係每一啖都係骨膠原！至於個麵底，可以話係最佳配角，爽得黎好彈牙。加埋用公雞碗裝住碗油菜，成件事圓滿晒。

今日去換回鄉證，因為輪候時間太長，所以決定去食個下午茶醫肚。😜落大雨，又唔行得遠，最後嚟咗黑布街呢間大隻佬雲吞麵。 一進餐廳，老闆真係如假包換，好大隻！！💪🏻我們點了一碗雲吞麵和辣牛筋麵。 雲吞麵都幾好， 麵質爽口彈牙，湯底有蝦味，餛飩剛剛好一口size。辣味牛筋面就比較有趣，牛筋都燜得腍同入味。雖然叫做辣味牛筋，但是一點辣味也沒有。牛腩汁都很有牛味同漿口，相信都花上一定時間淆製。包子都希望夫君吃了之後都可以有老闆的滿身肌肉！😎

話說今天要去換回鄉證，在網上預約左都要等兩小時，肚仔餓的我去了附近「大隻佬麵店」吃了個午餐，中午不算多人，但坐滿了卡位，我見其他食客大多點了炒麵及雲吞麵，但擔心唔夠飽，所以叫了個「肉餅飯」😅試下。聽「大隻佬麵店」個名，起初有些暇想以為有大隻仔做侍應，原來只是家族開的食肆，有一位幾好商意的老闆娘同伯伯做侍應生，檯上有擺放幾張「健美先生」的相片作噱頭，🤣😂😂個人認為可以印大張d，視覺效果更佳!肉餅餅如我預期有種佬味的碟頭飯，肉餅材料豐富，口感不錯，豉油撈滿白飯，很美味!👍

係旺角路過見到呢間餐廳外面貼晒好多名人相咁，食物相片又望落幾正，所以就入左黎試下，呢間店冇下午茶餐！冇下午茶餐！冇下午茶餐！，同朋友本來諗住去食間台灣野既下午茶，不過唔緊要，照叫左兩個招牌麵。真係賣相幾好，個名都好把炮。濃情金沙撈麵，係由大地魚粉磨粉撈埋，不過我食完就覺得一般般，首先味唔夠濃，第二份量少，麵係幼麵，有少少簡水味。之後呢個秘醬撈河就更加麻麻，河粉太林，煮得太熟，夾起都碎晒，味道都係唔夠香同濃真係唔知點解有咁多名人留影，可能係唔岩我口味

咁啱工就喺附近，經過橫街見到呢間外面有好多明星合照嘅小店，就好奇睇睇個餐牌，發現大部份都係撈麵，好似幾特別咁，於是就決定試吓啦。唔知係老闆定員工，都真係有一個大隻佬，同餐廳名一樣真係冇呃人老闆推薦我哋食招牌菜，其中一個係秘製豉油撈麵，另一個係金沙豉油撈麵。金莎豉油撈麵其實就係將啲魚磨成碎， 變成好似金黃色嘅粉，豉油面底都夠入味，有啲咬口，食落有少少似蝦子麵，不過我個人覺得有少少齋。呢個秘製撈河，先唔講味道，個賣相都有啲嚇親人，一嚟到嘅時候都呆左呆，心諗呢碗就已經值$52啦？食落去個味都唔差嘅，但係唔會話好好食，有肉絲、叉燒、冬菇做配料，不過就算一次唔會再去食

看見店內有不少大隻健碩男子💪🏿的相片，以及健身、健美的圖片。據知，這間大隻佬麵家的老闆亦都有玩健身。店裏不是太多客人的時候，他便出來包雲吞，有一邊跟食客談談昔日往事🗣。據說🗣，他幾十年前，就已經在旺角這邊開設麵檔，根據以往的報道，也見過他搬入去現在這間舖位之前，都是在對面的一間麵檔。現在店子挺大，兩邊有卡位，中間又有座位，另外廚房亦都設有大玻璃👀，可以看到廚房的情況。豉油王炸醬撈河，本來滿心期待，但是不算等得太久，好像5分鐘之內，就已經端來這個撈河🤔，就讓我感到會不會是預早整好了。雖然好可惜溫度夠熱，底下叫做有少許煙，從底下向上撈，上面有少少炸醬，肉絲，應該也混入了少許豬油，因此味道比較香。惟河粉偏林，醬汁多而膩，像浸著河粉多於撈的感覺，炸醬肉絲較少。友人的豬手麵，麵條也像雲吞麵那些份量一樣少，豬手都有三兩舊，豬皮的部份叫做沒有毛，還算乾淨。另外一碗淨雲吞，細細隻，一個碗子裏面大約有9至10隻，一口一顆雲吞，味道較清。我不懂他的情懷，但是這店的環境相當理想，這個價錢也不算太昂貴，而這個質素，還是算是中規中矩吧。

Good food. Good service. Noodles are great and wanton are big and tasty. Worth going to visit as chef was featured in Anthony bourdain’s program in the past.Good food. Good service. Noodles are great and wanton are big and tasty. Good food. Good service.

久唔久都要黎食呢個牛筋豉油王撈粗加彊蔥, 直頭食到有d上引。由佢做鐵皮屋做到宜家有鋪, 多多少少都有少少感情...有時我都會介紹俾朋友試下, 試過嘅朋友都大讚！不過佢嘅收費就有d貴喇...如果無記錯加加埋埋都要七十幾，味道行先, OK ge.... 

茶餐廳粉麵舖何其多，小人不理大小，不理上不上市也經常幫襯。湊巧在旺角的有緣一遇，即時踫上。小人叫了碟豬手撈麵。老實說，先以蝦籽而言已認為少，麵亦不多，爽是爽的，惜入味一般，況且兩三已全掃入胃，如何的大隻佬？再講豬手太小隻了吧……只得兩舊，說飽都難。友人的牛腩撈的牛腩可能太要爽了，有些位有些靭，只能汁。蝦籽更比小人那一碟還少；牛腩亦當然不夠多，食麵都食唔飽。食完都不用擔心變大隻佬，因為是不飽的，唔慌大隻得去邊。