大飯桶 (已結業)

星期日中午找地方吃飯，到處都要排隊，唯有這裡不用排，將就試試吧。點了一碗豬肉米線，＄65元，價格不平宜，應該不差吧？可惜事與願違，米線的賣相不錯，幾片厚豬肉，伴有豆芽和香菜，番茄湯底。可是米線沒煮透，一條條硬的，厚厚的豬肉肥多瘦少，彻底失望，所以說，要趁熱鬧，去人多的地方吃肯定沒錯。

行過見到好似好乾淨衛生, 應該唔差!入到去都算濶落企理!Order咗「爺爺梅菜肉餅窩蛋煲仔飯」, 上枱都算快! 餸幾足料，肉餅鬆化，不過西蘭花好硬，改菜芯之類會好d!整體上都ok嘅!

食物質素一般... 叫咗【蒜香豉汁鮮腩排煲仔飯】冇想像中咁好食... 只可以話不過不失! 冇套餐... 飲品要另加錢!服務就麻麻... 負責樓面嘅語氣比較倔... 唔多友善!

完全中伏 貨不對辦新開張行入去試試，叫咗個最貴嘅所謂 台山黃鱔煲仔飯，送上來 黃鱔和圖片嘅顏色完全兩樣，無色無味，明顯蒸熟就算，而且是很普通的雪藏貨，米飯更加和快餐店冇分別，人地 唐記包點都用金鳳米，講到豉油，明顯是現成的合成醬油，得個咸字。如果個醬料係自己調校，咁叫個廚師收工啦。講到餐具，完全是沒经深思的配對。收成$98一個煲仔飯, 我不如去大家樂或茶記。名不符實的一間店，簡單裝修扮晒台日式，祝佢好運。經營者肯定沒有做飲食經驗。

成日經過，都見到大排長龍，今日早咗去到，唔使排隊就可以入去。食物方面餐牌都好多選擇，除咗有煲仔飯，仲有丼飯，我係午餐時間去，所以有埋米線揀。今次我就食鰻魚丼。主角鰻魚超級肥美！呢個價錢食到咁樣嘅鰻魚，真心覺得好抵！醬汁夠濃厚，有夠哂多配料，特別係個燒合桃夠脆口，令到成碗飯個口感好特別👍🏻環境方面餐廳唔算大，啲位都迫迫地，不過裝修幾靚，日式風格，又夠新淨，都算好坐。天氣未係好凍，等凍啲先試咪煲仔飯～