大飯館

營業中

休息中

工業村既新商場環境又好又舒服，坐位夠哂寬敞，一定坐得舒服。呢個咖喱吉列豬扒賣相雖然一般，但食落真係好正！豬扒嘅外層炸得金黃脆口，入面嘅肉質又嫩滑又多汁。咖喱醬嘅味道濃郁，帶有一啲微辣，令整體味道更加層次分明。醬汁配合住豬扒，咁樣嘅搭配實在係一流，食落去令人有滿足感。值得一試！

💟常餐 🍅蕃茄湯米粉 🍞丹麥多士 🥚滑蛋 🍖火腿最驚喜蕃茄湯底，加入西式香草醬及蕃茄蓉變成西式風味米粉，味道超讚~多士為丹麥多士，有別於普通多士，配上滑蛋味道一流。

💟水煮魚魚片鮮嫩，數量都多，裡面仲有芽菜&娃娃菜，但湯底有種中藥味，同埋無用熱油淋上辣椒，少左一陣香辣味。💟鑊氣小炒王勁油，炒到黑曬，每種食材味道分開，蝦乾係南乳味，無咩鑊氣，得個油字。💟蜜桃咕嚕肉上枱份量好似俾人食過咁，啲汁滴到碟邊都有，但味道唔錯，份量一般，咕嚕肉肥瘦比例剛好。💟避風塘椒鹽鮮魷味道香口，炸得通透，但好多油，似係炸完鮮魷最後無開大火逼返啲油出嚟。加左生紫洋蔥一齊食感覺無咁”漏”，點睛之筆。💟咖哩吉列豬扒意粉椰汁甜咖哩，味道正常；吉列豬扒夠熱夠香脆，係薄左啲囉，份量有兩塊。💟蒜蓉時蔬油浸時蔬，但蒜蓉味幾香。全部菜式都偏咸偏油，每個菜跟一個白飯，服務都算幾好嘅，叫拎水、拎碗、催飲品都無黑面。

朋友生日選擇左佢，有房裝修企理野食都好好味，有人情味小店大家都食得好開心最鐘意食帶子，但食得太快無影底😆湯都好有家的感覺飲完五會好口渴，無論同朋友食飯還是自己一個都係一個好選擇

下午經過常見坐無虛席，食物賣相亦很吸引，見到環境好吸引所以決定在這裡為朋友慶祝生日，終於試到了，十分滿意。提早預約了，將軍府房間。原來係一間中西合璧的餐廳第一道餸上菜係露荀香煎牛油帶子味道香香甜甜，牛油有時俾我感覺會好膩，但呢個配搭，好食喜出望外，唔喜歡牛油的我，都要俾個讚第二道餸揀左玫瑰豉油雞如圖，肉質細嫩 卻有嚼頭 海鮮揀左兩款，有點特色。預先訂左古法陳皮蒸鮑魚，金銀蒜粉絲蟶子王都係一上菜已經俾掃光了的菜式蟶子王粉絲做底 ，但都帶出到蒜香🧄海底椰雞湯係配搭返主菜的預先訂左火焰龍蝦伊麵 🦞掛住食影唔切相片，上菜時會有點火表演龍蝦帶點酒香，一上菜聞落已經好吸引，可以形容佢為五味俱全香口又脆既火山一字骨因為係朋友慶祝生日，仲送左果盆，環境食物同服務態度好好，如果同朋友慶祝生日都會令佢哋好開心，因為有啲特別驚喜將軍府係有將軍衣服㗎！新年再同屋企人嚟食飯，十分滿意的餐廳！

同男朋友諗住簡簡單單食個晚餐，就試吓呢間新開嘅茶記，晚膳時間唔算多人 好易就搵到位。舖頭嘅待應立即問我哋要唔要送既例湯～ 例湯比平時嘅大碗好多🤣 飲到底仲見到好多湯料😋我哋叫咗兩個小菜：沙薑雞 XO醬翠玉瓜炒豬頸肉兩個小菜味道都唔錯 而且份量超大🤣連隨餐附送嘅白飯都份量超大 滿滿一碗，難怪呢度叫做大飯館🤣雖然食物質素同服務環境等等都唔錯，不過小菜嘅價錢略貴，兩個人食咗230幾蚊，如果平時區內住戶想當飯堂食飯 呢個價錢相對唔係太吸引🥹

下午茶時段，唔係好多人，諗住坐低食個下午茶，之前試過早餐，份量少，想俾多次機會呢間餐廳，同埋屋企人試吓新野。新開外觀ok，環境空曠，附近沒有類似的茶餐廳。QR code落單唔清晰，會選擇錯誤，店員唔樂意幫忙。叫佢人手落單，態度差唔耐煩，顧客需要受氣。食物質素一般，價錢比一般茶餐廳貴。一般是清湯米線，呢到見到係清水米線。 麵包上面牛油極少。 咖啡及奶茶味道就有啲似奶水。 唔想再去多次... 新開張都有這樣的體驗，難以期待有改進，又一次失望。 只好期待商場內有更好質素的餐廳開幕。

新開張有9折，附近返工就去試新野。味道不錯，新開張環境好，值得一試。8月11日中午食左一個咖啡吉列豬扒飯幾好，有下次，所以22號又再去食，但同一個飯10日後竟然加價10蚊。。。一開始唔多覺，因為QR Code點餐，後來搵返記錄，竟然加左咁多變相無9折仲要俾多d

等左好耐 終於有間茶記係呢頭，仲係試業當中，早幾日終於開埋晚市到9點半，早午餐3餐都試左，味道還可以 岩岩開仲有進步空間價錢如有係工業區就高左小小 不過佢都係坐落係新商場 呢邊既朋友唔洗行出安寧路個邊就可以有飯食，都係一個好選擇晚餐試左豆腐火腩同咕嚕肉，佢哋話岩岩開始未有太多選擇同白飯要另加，會慢慢加菜式同套餐，期待！味道不錯 好有鑊氣！

我同老公途經一間餐館比佢design 吸引入去食飯，望落去好光鮮，應該新開，服務員好友善招待我哋入去坐，由於太肚餓，即刻叫咗3道菜，第一碟咕嚕肉，－口咬落去竟然皮脆肉嫩，酸甜適中，D菠蘿吸晒D汁酸酸甜甜好好食，食唔停口第二碟係鼓椒炒蟶子，竟然－粒沙都冇，隻隻好新鮮咁，少少辣夠惹味，仲要有大排檔鑊氣最後叫咗我最愛小炒王，D魷魚鬚彈牙爽口，好有小炒風味，配上白飯魚仔好餸飯，腰果炸過有口感，連食2碗飯超級飽