天仁茗茶 (荃灣廣場)

營業中

休息中

【荃灣區】【天仁茗茶】我相信大家同我一樣都飲過呢間高質素嘅台式茶飲店無數次，不過之前都比較少機會講佢哋。今次佢哋同堅信號合作出咗幾杯新嘢飲，我都有同朋友去試，覺得幾值得講吓。佢哋 crossover 嘅係「豆漿豆花系列」，全線一田嘅天仁分店有售，我哋喺荃灣試。我試咗 $27 嘅中杯「豆漿奶茶」，我覺得豆漿味好濃，喺用飲管吸啜嘅過程裏面飲到啲豆腐花，成件事就喺口感同味道上面都好有新鮮感。朋友就試 $32 嘅中杯「豆漿豆花四季烏龍奶茶」，佢不約而同都係稱讚豆味濃郁，而佢話個茶味都唔錯咁話，幾好。而店員就畀咗張 coupon 我哋，原來只要購買豆漿系列茶飲，每單即可得到堅信號優惠券一張。我唔知係咪張張都一樣，我攞到嗰張就係堅信號指定小籠包嘅半價優惠券。本身堅信號嘅小籠包質素都好好，而家仲有埋半價優惠都幾抵，有機會去埋堅信號先。。。（地址：荃灣大壩街4-30號荃灣廣場L4樓一田百貨TW-4-007專櫃）@tenrensteahongkong#1amfoodie #foodie #hkfoodie #thatfoodiething #hkfood #food #instafood #yummy

6-10-2024 （Sun）晏晝，同老公喺Dough Bros食完冬甩後要飲嘢解膩，就走入呢個商場搵啦，上到嚟4樓見到呢間，就睇吓有咩啱飲，都睇咗一陣子至決定到，最後我哋要咗：1. $21.00嘅熱四季烏龍茶（中）溫度唔太熱，係啱啱可以入口嗰隻，四季春嘅清可中和烏龍嘅澀，加上唔太甜，幾舒服。5分2. $27.00嘅冰菊花普洱（大）7分甜菊普，通常都係喺茶樓飲，冇諗過喺台式飲品店出現，減甜就係冇咁甜，但仍飲到我唔鍾意嘅菊花味，普洱嘅味道好淡。2分抵食係2.5分

12月22號 下午4:00-5:00有兩個女店員係度不斷傾計，我等了一陣才幫我落單。落單時服務態度極差、語氣呼呼喝喝！眼神望我亦不好，瞪大對眼啤住我。明明我上次去男服務員態度都唔錯，先想幫襯多次，今次就遇到個咁差嘅服務員，唔該你地公司正視下啦，咁多人提出都唔處理，日後不會幫襯了，除非有改善！

職員態度差.一開口黑面問飲咩.比完錢張單丟係我面前都算.香芋奶綠之前飲過好多次.呢一次香芋好硬同冇味.超級難飲.同之前係其他地方飲架完全.以後都係轉其他牌子飲.

比完錢之後直接將單丟喺客人面前，跟住泡個茶茶粉都冇溶晒，一粒粒咁 Menu上面寫住鮮榨水果綠茶，其實都冇飲到鮮果，同埋7分甜都可以做到酸到難入口，下次唔會再買，建議大家都諗吓再買

今日一家出動Family Day👨‍👩‍👧周圍行👟。Shopping🛍行到熱辣辣又攰攰地😵。忍唔住要一人一杯凍冰冰嘅🥤。蜂蜜洛神花冰茶 （少甜 - 7分甜）媽咪👩🏻揀咗酸酸地嘅洛神花。🤭仲有養顏💃、去浮腫功效。😬甜度適中。🤩珍珠奶茶 （走甜）唔太好甜嘅爹地👨🏽就揀咗本身珍珠就有甜甜味嘅走甜奶茶。😎呢個甜度對佢嚟講啱啱好。😉檸檬綠茶冰沙我就熱到選擇咗沙冰飲品，🥺冇得揀甜度嘅。飲落有少少酸嘅檸檬味🍋。再飲😗就有綠茶嘅味道。可惜酸甜澀嘅味道加埋🤷‍♀️一齊就唔太夾。‍

黎開荃灣行一田，咁岩見到hsbc信用卡做緊買一送一優惠，就去買杯野飲解解渴🤤🤤🤤🤤個優惠只限同款飲品我都覺得合理，但連甜度同冰量都要一樣，咁樣會唔會太苛刻呀😒😒😒hsbc信用卡買一送一優惠，兩杯高纖水果綠茶總共$34，咁既價錢其實真係無得輸，而家仲有幾多地方可以十幾蚊杯丫 ☺️☺️☺️☺️人唔算太多，但最後都等左差唔多半個鐘，重點係得一個哥哥仔沖野飲，真係辛苦晒🙇🏻‍♀️🙇🏻‍♀️

本人於2021年5月29日下午約四時，行咗陣街諗住買啲嘢飲，咁老婆又鍾意天仁茗茶，咁就特登上荃灣一田百貨4/F內的天仁茗茶分店買嘢飲品啦。我張飛號碼是198，當時看見電子牌顯示17幾，因為果日都幾多人，所以我到附近逛了約五分鐘後折返。返到鋪前再等多幾分鐘後，職員幾杯整好飲品放在枱上，發覺電子顯示牌冇顯示，職員亦沒有叫號，只係見幾個顧客輪流用手將放在枱上的飲品左檸右檸，去睇吓杯身張label號碼係咪自己嘅⋯當幾個人摸完望完後，有兩杯冇人認領，我先行埋去睇睇，原來係我果兩杯😩之後我立刻問職員：點解電子屏幕冇顯示號碼？職員沒回應，再問一次後，佢先話：係冇㗎！我再問：冇？咁點解唔叫飛？佢又再唔睬我⋯我之後再話，你唔叫飛，d人唔知邊杯打爛邊杯，而我杯嘢飲俾3、4個陌生人摸完望完，我覺得咁樣好唔衛生喎！這時才有另一位職員過嚟講唔好意思！之後我再問果位職員你哋有冇customers services 可以跟進吓同埋你叫咩名？佢只係答我：上社交平台睇！我話你公司社交平台 會有你名㗎？？咁我之後唯有望吓佢件衫啦，抄低個名之後離開。

913黑糖珍珠鮮奶茶$30走冰走甜還是913茶好飲，夠香夠茶味！好彩走左甜咁配埋黑糖珍珠岩岩好因為平日好靜本來擔心怕珍珠放太耐珍珠中間起硬粒好彩冇珍珠粒粒分明冇痴埋一舊下次試雪糕

TenRen’s Tea 天仁茗茶Jasmine Green Milk Tea (cold) $19茉香奶綠 （凍）$19去台式飲品店不嬲都唔鍾意飲奶茶，但係卻偏愛奶綠嘅清新口感！好耐冇飲過天仁茗茶啦，琴日經過荃灣見到有，終於飲到！

買完烏冬去對面買個飲品，我不常飲那些珍珠奶茶、奶蓋飲品，因為覺得太大杯，一個人飲唔晒。排隊買了一杯「913黑糖珍珠鮮奶茶」少冰少甜，又真係幾好飲，唔怪得有咁多人排隊。原來我今日叫的是天仁茗茶的茶王，「913茶王」是半發酵茶，味道清香，內裡的珍珠糯糯的，好有嚼口，鮮奶他們用上明治鮮奶，非常好味，嚐了一口朋友的正常冰和甜度，味道更出色，不過我都是喜愛我的健康之選。

天仁茗茶向來都係我最愛，今日經過荃灣係一田行街，都特登行過黎睇下個架步係點樣。原來荃灣既天仁茗茶收埋左係一田既餐廳入面，隔離有啲開放式bar枱餐廳，同埋有拉麵、井飯店，可以一度食飯，再係隔離買天仁飲。或者我見到有啲人係買壽司再加天仁食都得！幾唔錯。依間天仁有飲品同埋雪糕賣，款式幾多，我都係叫番最鍾意既鮮奶茶飲！！等左一陣就有喇，個杯都幾有香港特色，有啲香港專有既霓虹燈牌做設計！鮮奶茶我簡左半糖去冰，但杯野飲都係凍既，而且茶香奶味重，亦唔太甜，依個個人化選擇，真係天仁先做到！

天仁茗茶的分店愈開愈來除左因爲香港人喜歡台式飲品外仲因爲佢質素有保證作為天仁的粉絲基本上一個月總會飲幾次🍽913黑糖珍珠鮮奶茶珍珠是用黑糖來煮黑糖味超香濃 珍珠是一貫的彈牙用上了913茶王同時又有913茶王的獨特香味加上是用鮮奶沖成仲有一陣淡淡的奶味🍽茉香綠茶加珍珠茉香綠茶的濃帶有茉莉花的清香Ordered 3分甜個人覺得剛好有茶香得來又不太甜又加了珍珠天仁茗茶的珍珠質素真的很好咁多年來都無令我失望過

早前同朋友行咗幾個鐘街, 諗住去天仁買杯913茶王解解渴, 點知見到新出嘅紅龍果系列廣告, 加上店員都強烈推介, 就試吓係咪伏! 不嬲都知紅肉火龍果營養價值好高, 而且入面嘅甜菜紅素具抗氧化功能, 但榨汁飲就真係未試過。叫咗杯紅龍果綠茶(紅肉火龍果+傳統茉莉綠茶), 因為無加糖關係, 飲落嘅甜味全部係果肉嘅鮮甜, 原汁原味, 又好濃味! 另外飲落仲有粒粒果肉, 增加口感。如果鍾意奶味嘅朋友, 可以飲吓同系列嘅紅龍果鮮奶綠!天氣熱當然想飲杯凍飲解解暑, 呢杯咁健康嘅飲品比珍珠奶茶之類健康得多!

今日食完午餐，突然想飲杯水果茶，咁一田就是係樓下，入面有間天仁茗茶，我上openrice睇有食評說水果茶，不過冇相又好似評論一船，但都是想去試下。點知我見到店員在調制的時候，見到沒有水果，只有一杯似橙汁的果汁，然後打開一包似糖水，一包似綠茶的水。。最後杯水果茶變左全部綠色一杯。我真的呆一呆，我仲要唔鍾意飲綠茶的呀叫了少甜的，飲了一啖之後。。好好好甜呀。點算好呢？又唔想浪費，回公司之後就諗不如加d水落去，加左至少大半杯，再飲就好好多，飲到果汁味了！