天仁茗茶 (新都會廣場)

營業中

休息中

我最近去咗天仁名茶，真係一個好靚嘅地方，適合同朋友一齊享受台式飲品🍊🍵**冰香橙綠 $30** 呢杯冰香橙綠真係一啖清新，橙味濃郁又唔會太甜，配合清新的綠茶，簡直係夏日消暑必備🥤💫 每一口都感受到橙子的酸甜與茶香完美融合，令人心情大好！而且冰塊融化後，味道依然保持得好好，真係好值得一試😋🎵🎵🎵Experience a refreshing twist with the Ice Orange Green at Ten Ren Tea, where the vibrant flavors of orange and green tea come together for a delightful summer sip. Perfect for those hot days, this drink is a must-try for tea lovers!

叫左杯茉香綠茶走糖走冰加寒天，點知一入口甜到爆，問店員係咪加左糖，佢話寒天轉左配方？🫣就係因為我唔食得甜野先走糖，點知好似飲緊糖水咁😓仲甜過飲加左珍珠飲品啊😪

平時行葵芳都會沖左去葵廣買嘢飲 今日突然之間好想飲天仁茗茶😍葵芳呢間都好多人買 不過店員都好快手 唔係等左好耐 飲左杯平時飲開既珍珠鮮奶綠 多珍珠半糖 甜度對我嚟講岩岩好 超正

✨913茶王杯裝霜淇淋（$28）我轉杯裝 有得免費加一份配料，我選左仙草🖤呢個霜淇淋高冰粒感🧊，都好快融化。霜淇淋只有淡淡嘅茶味，所以都唔酸唔甜唔苦😂😂仙草幾好食，隻顏色同霜淇淋好配～

而間店真係好搞笑，諗住打電話叫定外賣，去到就唔洗等咁耐。諗住叫5杯，店員話要6杯先可以落單，我話我只係叫定 唔係要你送喎，佢都係話唔得，我再打去成功落6杯野飲，我同店員講我有現金券，佢又話唔用得，要用卷一定要落店舖落單，一定要去到等，最後我唔飲，我覺得好不知所謂我覺得只係落單整定嘢飲等人哋去攞舉手之勞都而樣唔得果樣唔得。我真心想問下貴公司點解唔得？ 點解電話落單一定要六杯先肯幫人落單，一杯唔係生意咩？

好耐冇飲天仁茗茶，今日諗住再去試吓有冇改善，因為佢啲茶越飲越淡，諗住咁耐冇飲、比多次機會再試吓，點知飲咗一啖就後悔，個奶茶淡到覺得自己係飲緊奶水，真係唔會再有下次。

嚟到天仁茗茶，多數都係揀913茶王，如果肚餓就加珍珠，冇咁肚餓就加仙草，始終覺得台式飲品有啲咬口係爽好多嘅，亦都邪惡好多🤨今日就揀咗913茶王加仙草，少冰微甜，因為有仙草嘅關係，都會甜甜地，仙草盡常嫩滑，有少少涼茶味，配埋甘香濃郁的茶飲都幾唔錯。天仁茗茶可以揀去冰，不過而家天氣咁熱，都要有少少冰調劑一下😁不過可能今日係公眾假期，人比較多，都要等咗差唔多20分鐘先至有，不過商場有冷氣都算數啦😉

同朋友係葵芳行街街，行得耐想買返杯野飲個陣見到有天仁茗茶，我一向都好鍾意飲天仁茗茶，所以都買左杯913奶茶飲，今日唔知係咪太多人，所以我地都要等左一陣先有，不過杯奶茶都保持到水準

天仁飲得多，特衰特慢真係新都會呢間認第二都冇人認第一，永遠呢間野唔知點解長期得一個人沖，買一杯野飲恭喜你，除非你真係起完全無人嘅狀態下買，否則小至10分鐘，大至20分鐘你都未必拎得到天仁見得多，開正旺角/cwb多人嘅地方都有，但效率都唔會咁低！如果係因為人手短缺問題，咁就要反省下點解淨係呢間分店先咁！如果真係冇人手做，真係唔該執左去，唔好累人，一係就用高d價錢請人啦！！！不知所謂嘅分店，影衰天仁呢個名

葵芳分店的戴帽的男店員服務態度惡劣，不公平對待客人。本人order一杯熱飲外賣拎走，他直接扔個膠袋俾我要我自己裝。2分鐘後，一位女士也是order飲品外帶，他主動詢問客人是否需要膠袋且幫她將飲品放入。 請改善服務品質。

平時好多飲天仁！因朋友有couple!咪試吓囉我叫咗杯綠㭑茶拿鐵冰沙都幾大杯！不過飲到尾聲啲冰未溶！好難飲到不過茶味唔係好夠！而且服務麻麻！佢寫住少糖可減$2！但又無講明邊啲飲品問店員只係不太耐煩地話你所選嘅無得減

聽人講話呢個好好飲，就買咗嚟試吓，覺得佢幾濃烏龍味，然後再加上新鮮嘅牛奶，一啖飲落去真係好好味，同平時飲嘅奶茶唔一樣，果然用鮮奶係唔同啲。呢個搭配我鍾意！會再飲過！

係葵芳見行行下街，想買杯野飲，而一向係天仁茗茶既fans,就係度買左最鍾意飲既珍珠奶茶，朋友教上網買有$5折扣，即刻覺得抵晒，不過網上買噤既時候都好驚噤錯，一定要檢查好先若單！叫左之後，可能因為無咩人，好快就到我地啦！我個杯珍珠奶茶維持水準，我最鍾意呢間既奶同茶既份量比例，剛剛好呀！朋友就叫左杯檸檬綠茶，佢話夠酸，佢叫左少冰，真係唔算太多冰，值得一讚之前飲過其他店舖，少冰都仲係好多嫁！下次口渴，我都會再黎買！

忽然的大熱天，口淡淡卻不想喝高卡飲品，就到附近的 天仁茗茶 買一杯台式茶飲都不錯 , 見到原來有新產品 "金橙綠果茶" , 那就買一杯來喝 ~ 冰金橙緑果茶 : 要少冰 , 五分甜是剛剛好 .... 緑果應該是桔仔，一杯果茶的味道分明，桔中有橙，橙中有桔，味道酸酸甜甜好醒神 , 味道鮮活之餘又解渴 , 更因為是水果茶 , 感覺上就是有益健康 , 有夠好喝 , 又頭好壯壯 ~(期間限定) 恒生信用卡友注意 :天仁茗茶的手調茶飲有買一送一，至3月15日 ~本篇完~

鐵觀音霜淇淋 ($23)-係需要一點甜嚟調劑下🙌🏻霜淇淋比冰淇淋 嘅質感嚟得輕盈 冰感偏重 可能未必啱鍾意好濃滑雪糕嘅朋友🤔不過我自己就好鍾意呢種偏冰感重嘅雪糕 重點係茶味超濃郁好突出🍵食落去感覺好清新啊 仔細望嘅話其實係會見到個雪糕有好多細細嘅茶葉碎🙆🏼‍♀️唯一唔好係霜淇淋比較溶得快 但真心好好食😋