天仁茗茶 (創紀之城五期(apm))

營業中

休息中

（第一次寫評論）一直都有飲開天仁啲珍珠奶茶，多去秀茂坪分店，最近需經過apm黎到呢間分店買。一田呢度嘅分店位置較入，要行一段路先到，但為左飲珍奶行少少路當然不成問題，問題黎喇...收銀動作都快，問題喺製作過程：最初第一次黎呢間分店嗰陣，唔係做緊收銀嘅其他店員（2人）都停曬手係度傾計，但排隊等既人至少有6個，傾左幾分鐘後先開始製作，然而製作過程同樣緩慢，望公司督促。此外，特別提及，幫襯咗呢間分店約兩個月後發現，其中一位店員喺製作過程中都時不時用手機睇社交平台覆message，一停手就停3分鐘以上，明白排隊嘅人得3-4個時較chill，但建議清晒單先停手做其他嘢🙇🏻‍♀️你可能話佢處理緊重要嘢，但我幫襯目前為止已經超過15次，每次都係咁嘅時候係唔係真係應該處理呢個問題呢～天仁茗茶係好飲嘅，同時亦都有地方希望改進提供更好嘅服務～

唔使飛去台灣都飲到好味嘅珍珠奶茶😘因為天氣涼，又唔想飲太熱店員姐姐好好咁幫我整咗杯常温🥰茶底係紅茶，令奶茶更含濃郁嘅茶香而珍珠好好咬，而且甜而不腻😋好飲👍👍

終於可以出街，去apm 買個珍珠奶茶🧋飲。apm有幾間珍珠奶茶店，今次選擇了一田超市內的天仁茗茶。天仁茗茶在做無咖啡因的推廣， 十分適合飲完奶茶睡不着覺的人。<<博士鮮奶茶 M size $29 加珍珠$4>>現時在做推廣，選擇博士茶減$5 ，最終加了珍珠只是$28。點了常溫少糖，方便回到家中都不會因為冰融化而變淡。博士茶的茶味比較淡，但與平時奶茶的味道沒有太大分別。少糖的鮮奶茶仍然比較甜，珍珠份量多，夠煙韌。

杯野飲勁多黑色一粒粒係入面，睇真啲又唔似茶葉一向叫開走糖，但第一次飲到啲珍珠有陣臭味…飲左兩啖頂唔順，真係好臭，吐左出黎由細飲到大既天仁茗茶點解變到咁難飲應該永遠唔會再買

上完堂就諗住買個嘢飲，見到有天仁茗茶當然即刻買一杯。我叫左熱珍奶，7分糖，我個人覺得熱飲冇咁甜。珍珠有咬口，夠煙煙銀銀。我鍾意。等拎嘅時間唔長，雖然話都多人買。

作為天仁嘅粉絲，珍珠鮮奶綠係最愛，因為比較鍾意牛奶味多D，比起奶精正好多，珍珠又好味同彈牙，唔似出面冇彈性。一田內面係個細細地嘅foodcourt，如果想坐低飲，可以係果到飲。

星期五叫左杯珍珠鮮奶茶。感覺比珍珠奶茶好飲，冇咁多化學添加劑。叫七分甜，甜度不但沒有減少，卻比平時沒少甜的更甜，簡直係多糖......珍珠口感適中，若珍珠冇連住，會更好。整杯飲品的甜度不均勻，第一啖超甜，飲到糖，喝到後來才正常些。

自從十年前我第一次喺台北飲過天仁嘅珍珠鮮奶綠之後真係返唔到轉頭！坊間好多間珍珠奶茶我完全飲唔入口！當初知香港銅鑼灣開我直頭仆一去買黎止癮！喺apm開我直頭個個星期飲添！不過之後珍珠鮮奶綠已經吸引唔到我！因為......出左一柸珍珠鮮奶鐵觀音！不得了！一飲過之後連我去台北都飲唔返觀塘呢陣味，鐵觀音嘅香味完全令鮮奶茶嘅層次更上一層樓！無得彈😌

食完午飯之後突然好想飲杯野，於是行行下就去到附近既天仁茗茶，呢間分店都幾細但員工都唔少，不過排隊同等既位置都係走廊比較迫。天氣涼涼地就點一杯暖既珍珠鮮奶綠（半糖），今日唔算人多，好快就整好。溫度剛剛好，入口暖暖地又唔會太熱辣親個口，珍珠煙韌彈牙仲帶住獨特既蜂蜜香味，試過咁多間台式飲品店既珍珠，個人認為天仁茗茶既珍珠係最好味最特別。而且綠茶既茶香突出同鮮奶好夾，唔會搶到大家既味道。唯一可惜既地方係所有飲品只得一個ＳＩＺＥ，男士可能未必夠飲，但仍然值得推介！

食完飯，口淡淡，買杯珍珠鮮奶綠飲，可惜收左珍珠錢但無俾珍珠，好失望。講番杯野飲，鮮奶比奶精好飲好多，奶香、滑，口感豐富，綠茶味較淡。上次飲時泡量多d，同個奶味濃d，宜留意每次的質量穩定。

昨日放工回家途中，走去呢間茗茶坐下嘆下，前幾排星期天人多冇位置坐低，昨日走去好彩有位置坐低，我就買左杯少甜少冰冬瓜茶，不過我飲落去口感一般般，但價錢上合理。希望搵次帶朋友去幫襯下。

天仁茗茶行過見到今日無乜人龍🧐立即買☝🏻😌！因為佢地既珍珠係甜甜地！喜歡913鮮奶茶加珍珠 ($24+4)佢地既913 茶係出名既！濃濃既茶味☝🏻😌加埋明治新鮮牛奶！飲落唔會有奶精個陣「假奶味」！好飲☺️而且珍珠好有咬口😊店員做野都好快手☝🏻由落單到拎到杯野👍🏻都係10分鐘內既事

有事出左去觀塘APM，返屋企前買返杯天仁茗茶先!!!天仁茗茶係一田入面，雖然細細間，但就比其他分店少d人排隊今次買左杯 913茶王 - $16一直都想知913代表住d咩，就上左佢地既官網睇下第1個數字係代表茶葉既等級，等級係由1-9-3-4-5排，5就係茶王等級中最好既茶葉。而第3個數字就代表焙火既程度，3字尾係中度(3分)焙火既茶葉，9字尾就係重度(9分)913茶王係用台灣中部高山茶區既上等烏龍茶同頂級粉光參調製而成，飲落佢個茶味特別甘醇，仲散發住陣陣清香，好好飲!!!

同朋友係觀塘附近食完飯就去左APM行街，朋友建議去買返杯天仁茗茶，就行左落去一田買。咁岩去到冇人排隊，即刻落單一人買返一杯先！我叫左杯珍珠鮮奶綠🤤當店員開始沖茶，已經聞到陣陣茶香😍🍀珍珠鮮奶綠 ($24): 少冰少甜佢係用茉莉花茶做茶底，有陣清清地嘅茉莉花香👍，由於佢係用鮮奶沖，飲落口更加香滑佢地啲珍珠本身係用蜂蜜煮，就算叫少糖都仲甜甜地，珍珠細細粒又夠彈牙😋勁好飲！天仁茗茶果然係我係香港最鐘意嘅台式茶飲店👍👍👍

台式飲品店開得成行成市，天仁茗茶算是比較早打入香港市場的。這家位於觀塘一田超市內的天仁茗茶店選址十分好，顧客可以在逛超市的同時買杯飲品來喝，十分方便。天仁茗茶的飲品選擇種類頗多，星期六中午時段顧客不太多，排隊購買至取飲品大概只花了5-8分鐘。這次我點了最喜歡的珍珠鮮奶綠，由於怕容易長胖，所以選擇了半糖（即減甜品50%）臨近聖誕節，店家都換上了聖誕裝的紙杯，小雪人的紙杯非常可愛一如以往，奶綠香甜幼滑，5分甜其實已帶有一定的甜度，所以建議大家謹記減甜度。珍珠方面，這次覺得有點可惜，因為珍珠煮的稍硬，如果煮得軟一點相信會更好。趁著聖誕，大家也買杯聖誕版來感受一下節日氣氛吧！