天仁茗茶

營業中

休息中

員工的態度不能再差了，怪不得放學時間也不見有人幫襯😟我想要的是常温913奶茶+珍珠。店員問：熱定凍？我答：熱然後，我重覆：常温913奶茶+珍珠店員說：咁熱定常溫呀？我答：常温店員回我：咁即係唔係熱啦！熱就熱水開！常溫用食水開！。。。。之後對話不多，我無補充😶店員態度有問題，杯奶茶當然做得不好！结果我手上有一抔熱燙手的奶水，無茶味！無珍珠！一段時間也不會幫襯了🙄🙄🙄

珍珠奶茶加仙草堪稱係我最愛嘅茶飲！不過就唔係間間台飲都有提供，試過好搞笑地唔俾溝埋 😅因為天仁茗茶係一定有珍珠奶茶加仙草嘅，所以癮起就飲佢啦！先講奶茶，叫咗少甜都係頗甜，但都仲飲到茶味嘅，我諗下次叫微甜可能會好啲！珍珠好實淨, 太好咬口，𡁻得耐有啲攰，同埋好飽。仙草口感本身唔錯，但珍珠實在太實，變相令仙草冇乜存在感。。。整體嚟講都叫做不過不失，但飲完好飽囉 😂

等一杯茶嘅時間要多少？答案係 30分鐘或以上30分鐘可以做咩30分鐘車程可以去多遠？值得不值得要是明知的話只好接受要是不知道的就很難有下次問題不是你預計到的等待叫人很無奈！

前言:身為沙漠居民，附近既食肆當然無辦法同旺區既食肆相比，所以盡量搵一點合乎性價比既食物啦，繼續沙漠下覓食之旅😋疫情漸漸緩和，朋友相約到海傍跑步🏃，雖然而家天氣都涼返d，但做完運動始終身水身汗同口渴，就同友人一齊去買野飲，再返屋企慢慢嘆😀去到便利店望過雪櫃睇唔岩心水，朋友就提議去天仁茗茶買返杯台式飲品😌老實講本人對台式飲品無咩興趣，不過朋友叫到當然唔想掃佢興，因為我怕甜關係，所以就買左杯珍珠奶茶（少甜）試一試🤣珍珠奶茶第一啖飲落去真係唔會太甜，都合乎我既合味👍奶茶都算唔錯，飲到茶既味道👍每一啖都飲到珍珠，不過本人就唔係太鐘意珍珠同埋覺得珍珠到到都係差唔多，所以無咩感覺不過整體黎講都算唔錯，改變左我對台式飲品既睇法，我諗我都會間中幫襯下，到時再試下其他茶品😁

還記得有張$25現金卷快到期了, 見商場有間天仁, 買了杯香芋奶綠來飲.我本身好鐘意香芋的清香, 有些綿綿地的口感. 我一如以往的要了微甜（三分糖）因為不想吸收太多糖. 但事實上少甜（五分糖）是會好飲些的, 甜甜綿綿些. 我也去了冰, 不想一路飲, 冰一路溶, 杯飲品變得越來越稀. 但奶綠入口的感覺上還是稀了一些.因為香芋被打得碎碎的, 一定要拌勻先飲, 還要趙的. 所以飲完個肚好飽好漲, 有排都不用吃東西.這店都好多人, 下单後也不用等好耐, 店員比較有效率！

買天仁茗茶，預咗要花少少時間等，最初最鍾意飲佢嘅珍珠奶茶， 後尾發現佢嘅芋頭奶好好飲! 有芋頭粒咬 ，而且用鮮奶做嗰隻! 唔好搞錯，因為佢有一隻係用奶粉開， 嗰隻好似平幾蚊。佢嘅雪糕都算出色， 20蚊左右一杯，份量都幾大， 夠兩個人一齊食， 我比較鍾意佢紅茶 嗰隻味。

台式飲品基本上已經成為香港人的日常。而嘗試唔同既台式飲品,已經成為樂趣。曾紅極一時,大排長龍既天仁茗茶。雖然已經唔洗再排隊,但購買既人都係無間斷。講到天仁茗茶,相信好多人都偏愛香芋奶綠。🔸香芋鮮奶綠(半糖去冰)粒粒香芋,再配上鮮奶綠茶簡直無人能及。略嫌正常甜度偏甜,所以揀左半糖去冰唔會過甜,而亦都唔會因為冰太多而融化帶黎既淡味。🔹四季烏龍鮮奶茶奶味太搶,覆蓋左烏龍茶味,有少少喧賓奪主。💬好貼心既店鋪,可以自行選擇甜度及冰量,切合每個顧客所需

35度的炎熱天氣，真令人受不了。酷熱天氣警告下，飲返杯凍飲一點兒也不過份吧！經過天仁茗茶，睇下有咩岩飲先。門口廣告牌推介新鮮果茶系列，有鮮搾水果綠茶，香橙綠茶，萄葡柚綠茶。炎炎夏日，不防轉一轉口味，來點清爽口味吧！於是選了凍香橙綠茶！香橙綠茶用透明膠杯盛裝，有別於平時用白色紙杯盛裝的茶飲。只望外表已經十分醒神，令人覺得有種透心涼的感覺。飲落真係好清新，好有橙味，比例調配得剛剛好。唔會好似其他店咁有那種人工調味料很假的味道，亦不會像酒樓般有溝水難飲的感覺。炎炎夏日，飲住天仁茗茶這杯凍香橙綠茶真係好fresh，好好飲，好透心涼。正真心向大家推薦！除了即調飲品外，天仁茗茶仲有不同種類的商品出售，當然唔少得茶葉啦！另外，仲有不同台灣小食賣，如花生，豆干和核桃糕等。

台式珍珠奶茶店開到超多，好似緊有一間在附近。 在咁多間中天仁茗茶才是我那杯茶，因為它的茶味較香，真的可以有嚐茶感覺。 當然嚐茶就不是叫那些珍珠奶茶之類飲品，我只喜歡要它的菊花普洱茶，這配搭其他店較少有。 不過最可惜是買過幾次，它的味道好像沒有準則。 有時菊花味十分香濃，有時又淡而冇味只得普洱茶味。 好在它的普洱茶茶夠醇，就算有時缺少了菊花味也好飲。 不過今次就差一些，就係竟然杯外面紙套也濕了帶水印，感覺不太好呢。

星期日無聊,遊車河無無聊聊想食野,食完太咸,所以想買野飲,而朋友好中意天仁茗茶,咁咪去食啦,我地去到分別點左913鮮奶茶蜂蜜緑茶,玉露奶綠三杯全部3分甜去冰,913鮮奶茶,用913茶王做茶底,味道出又濃,配上奶十分順滑,易入囗,另外蜂蜜綠茶,綠茶味好香,加埋蜂蜜,甜而不膩十分清爽,而玉露奶綠,我比較愛天仁既珍珠,因這家珍珠用蜂蜜浸的,有別其他店,但朋友較愛玉露,而佢表示玉露奶緑係正常的好飲,ㄧ定再泥

天仁茗茶不嬲都多人讚架啦～當日又有回肚餓，但又未夠鍾食飯，唔知回好行過天仁茗茶，見到個雪糕就買左啦，佢部機果日唔夠冰，雪糕唔夠實，一唧出黎已經溶溶地咁，但味道都係好正，冇回扣分，上面仲有塊餅，但好硬，兩樣加埋都幾唔錯！

信用卡買一送一優惠，食飽飽都要黎買😍平日夜晚九點半都要排長龍，排左我超過二十分鐘先買到🙈本來諗住買我最愛嘅香橙綠茶，但見到竟然連雪糕都有得買一送一，咁就買左個綠茶雪糕黎試下啦🤤個雪糕好大杯，綠茶味都好濃但又唔會話好苦嗰種，好味道😋😋

搬咗新店之後第一次飲難得星期日嘅晚上竟然冇人排隊叫咗個例牌913奶茶加珍珠，茶濃，少甜，少冰一飲。。。好甜！連我平時唔怕甜嘅人都覺得甜😣珍珠就一如既往嘅煙un好味勉強咁飲咗一半，終於出返d茶嘅味道睇黎係因為未搖匀飲到尾就正常返好多！比較共茶，歇手亭，gobuy呢堆台式飲品連鎖店嘅珍珠奶茶，始終最愛天仁茗茶佢呢個913系列，再加茶濃，冇得輸！

天仁咁多雪糕味入面，烏龍茶係最好味！馬鞍山天仁茗茶搬遷到馬鞍山廣場百佳對出後店面大好多，有賣茶葉既位置，等候時有野可以睇下，可以係果度等位，唔似沙田果間咁逼塞曬走廊，呢間環境唔錯。等候時間方面，平時沙田分店係雪糕一定即叫即吱比你，不過馬鞍山呢間我今次體驗有點唔同，都等左一兩杯飲品先到手，唔知係個別情況定點呢，但我鍾意係沙田分店買既原因係唔洗等，路過買一買就走，如果馬鞍山分店多人時買雪糕要等咁多杯飲品先得既可能會減少路過見到即買既意慾了~每次去天仁茗茶買雪糕都有碰運氣既感覺，因為唔係每次都會遇到心目中想要口味，如果烏龍茶可以長期供應就好啦，因為真係比其他味出色好多！茶味雪糕係香港比較常見係綠茶、抹茶、焙茶，而天仁茗茶就提供另外幾種茶既雪糕，如紅茶、烏龍茶，當中烏龍茶係最好味，真係會食到唔想停，茶味苦澀味、甜味適中，唔會太淡又唔會濃得過火，有甘香既感覺；雪糕質感方面我覺得佢造得同茶味呢種雪糕相當夾，因為個人覺得如果太多奶/油太creamy既感覺就同茶本新果種清新有d唔夾（抹茶味雪糕另計！哈哈）；份量方面，更加係豪爽得驚人，店員每次都會好似唔洗錢咁轉好多圈先比你，見到個杯飽滿地盛載住（有排食

本身好鐘意飲天仁913 奶茶，去過cwb 同旺角分店都覺得好好飲，但mos 今次就沖得好淡，無咩茶味😢而且我有講到要少冰，但佢沖完出黎倒落杯度發現唔夠大杯又落左三大粒冰😂😂咁我講左要少冰同無講有咩分別😂 感覺上training 唔夠？?