天仁茗茶 (已搬遷) 新店位置

食完飯花先生要飲返杯珍珠奶茶。見天仁茗茶唔算太多人，等一陣就有喇！噫⋯⋯ 飲一啖，咁重奶既？！唔通攪唔勻？攪一攪再飲，都係好重奶味喎⋯⋯ 平時飲既天仁茗茶奶茶好有茶香架⋯⋯ 因爲order左少甜？應該係比例問題！無左茶香完全唔好飲！唉，飲珍珠奶茶也要靠運氣！

好耐無飲呢間...今日天氣甘熱...好想飲d凍野...就黎到馬鞍山呢間買返杯黎飲..叫到個招牌有杯香芋珍珠奶綠..好似好好飲甘...就order左一杯半糖少冰...因為好多人都要等成10幾鐘先等到...一試之下..d芋頭唔粉..d珍珠好大粒又硬..以前鐘意飲天仁係因為d珍珠夠細粒甘淋..但今次真係好失望..唔知係馬鞍山呢間既質素下降左..以後都唔想黎飲..下次都係要出去出面試下😑仲要等甘耐🤦🏽‍♀️🤦🏽‍♀️🤦🏽‍♀️

馬鞍山裝修完冇左貢茶 唯有似天仁頂住當先估唔到3點幾都咁多人排隊前面有5個人排隊都等左15鐘咁岩有人買茶葉， 又等耐左叫左913奶茶微甜好似冇太古城分店啲茶味咁突出

This was first time trying a drink that contained taro pieces. My friend and I were walking around Sunshine Plaza, in search for a sweet treat. Taro milk tea was mentioned and it certainly sounded intriguing to me. Decor:The store front was decorated with a warm green color, allowing customers to connect the shop to tea easily. The set up was open, thus making it feel welcoming.Service:Quick and straightforward service from a small drinks store. Did encounter the workers blaming each other thoug

我聽台灣朋友講，香港既天仁茗茶算貼近台灣風味。有一日食完飯行過見到呢間鋪頭，最吸睛既反而唔係佢地既飲品，係鐵觀音味雪糕。可能夏天關係多人食，個雪糕就好似唔係幾結實。鐵觀音味係特別既，究竟係飲緊茶定食緊雪糕呢？一邊食一邊個感覺都好混亂杯雪糕好大杯，好似食整都食唔晒咁。但係雪糕既質地就比較「水」，即水份較多，茶味比奶味濃，所以不算太滑。

一連三日 買第二杯半價 正式開羅！愛小便宜的我當然不會放過這次機會。因為太晚才買，所以珍珠和香芋都已經售罄。唯有買最普通的鮮奶綠來淺嘗吧。兩杯冰鮮奶綠盛為$31，除開每杯只需$15.5抵呀！

食完晚飯行過見到天仁茗茶，平時已經好鍾意飲佢啲茶，今日見到佢有兩款軟雪糕口味（鐵觀音同抹茶）即刻就要試一試佢抹茶軟雪糕比較多地方有得食，今次特別啲試吓鐵觀音鐵觀音雪糕顏色淺啡色，大大杯，一口食落去，（感覺就是好好味）雪糕質地好滑，茶味香濃，真係好似飲緊鐵觀音咁，一試難忘。喜歡飲茶嘅朋友一定要試一試

< 鐵觀音雪糕 $22 >今日好熱！中暑咁制！於是走去食雪糕！第一次食鐵觀音既雪糕，冰感重，奶味唔重，所以食落係茶味出啲，但係茶味並唔濃，不過真係大件夾抵食，好大杯，解熱一流！

岩岩依完Lunch食返支雪糕, 見鐵觀音味咁得意~哇, 估佢唔到可以咁好味! 首先,雪糕texture好幼滑, 好creamy, 讚!質地同時都好軟, 但又唔會好快溶~ 口感一流。另外，個茶味好香，唔算係好強烈好濃個種，但尼種淡香仲正！我唔好飲中國茶，唔知D鐵觀音令5令啦, 但覺得味道做得好好, 比日本"沒"茶味雪糕特別, 值得一試!

夏日炎炎買左杯珍珠奶綠解渴。等左五分鐘就有。微糖不太甜剛剛好。淡淡綠茶味和鮮奶味，很多珍珠，甜甜地十分Q彈。另外加多個阿蕯姆雪糕，好大杯，雖然唔知咩係阿蕯姆，但好香茶&奶味，夏天食真係消暑佳品。

入到新港城，頸渴到爆！見到天仁即時衝去買杯嚟飲，之前都飲開檸檬紅茶不過叫微糖都好甜。今次怕怕，叫左茶皇，本來無乜期望，點知吞落喉嚨個下有回甘，係飲完都覺得成個口係甜既，唔錯呀，我本人都好鍾意飲回甘既茶，佢既甘要keep到好耐下！茶皇係值得一試！

個人認為珍珠奶茶都是天仁的最好飲，基本上每次經過都會買一杯。平常都會選奶綠，今天要了奶茶。我口味比較獨特，一定走甜走冰。走甜是因為唔想甜味阻礙我品嚐茶香；走冰是不想冰阻礙我吸珍珠。點解我會接受到走甜？因為其實天仁的珍珠是帶有甜味的，所以走甜也不會難飲。還有天仁的珍珠是比較細粒和q彈、煙un，跟其他品牌好不同。順帶一提，天仁的珍珠奶茶就算走冰，都不會是微暖的，店員都好懂拿捏如果做到走冰而又是凍的，值得一讚！

一看見《天仁》這一個品牌，大家都會想起茶，若是在《天仁》這名字後面加上了《喫茶趣》，大家就會想起各式各樣的台茶飲料。現在，這《天仁喫茶趣》在香港開到周圍都有，要飲有水準的台茶，已經不是什麼困難的事。之不過，我自身的感覺上，台茶的熱潮已過，於今時今日仍然可以擴充業務的，一定是頂瓜瓜的好店。而是日，我們終於拜訪了設店於馬鞍山的《天仁喫茶趣》，而我們試的並不是茶，而是他們的雪糕。對，我們不是為茶而來，是為了好似係此店獨有的雪糕口味而來，是他們的鐵觀音雪糕。飲慣鐵觀音的朋友應該不會對這一個味道感陌生，入口不太甜，而且有甘香的茶味，說真，這比起大家食慣的茶雪糕 (日本的綠茶雪糕)來得更香口，難怪此店，經常都有街坊及區外人士，為這雪糕而排隊。很好，很香口，是日簡單一試，我已經可以給予一個好。

生活每日都係一個重覆，唯有甜品可以令人忘記苦悶鐵觀音雪糕 雖然唔係好受其他人歡迎不過女朋友每次行過都要食一杯去感受個種茶既苦味、澀味重有令人夏天都涷到上心囗既無敵冰感❄️望住一齊食個個人係度嗌好涷好涷就忍唔住笑左出黎😆不過其實又唔係好推薦大家食因為食完之後去左搭巴士返屋企九個字既車程之中女朋友口乾到不得了澀到上喉嚨 怕既話建議紅茶味會比較好

天仁茗茶，自登錄香港後一直深受潮人文青的歡迎。自從係Instagram 見過呢度有鐵觀音霜淇淋之後，一直念念不忘。聽朋友講只得馬鞍山先有，我沒有考究，直到旺角開埋都冇機會一看其風彩，我不知現在其他分店有冇，但總之這裡一定有鐵觀音霜淇淋就是了，各位食家知道，可以報下料。今天去白石燒烤，難得來到新港城，當然要朝聖下。廿二蚊一杯，以過江龍來說，也算化算。味道像茶一樣的回甘，甜味不特別強勁，係一個特別的mix and match。而其筒皮非常酥脆，配合雪糕係另一番味道。非常高興今日可以試到，找天再試多次。天仁喫茶趣馬鞍山鞍祿街18號新港城中心2樓2038舖