影片
港鐵旺角站 C3 出口, 港鐵旺角站 E1 出口, 港鐵旺角東站 B 出口
繼續閱讀
開飯介紹
來自東京的丼飯店，其「天吉丼」連續八度蟬聯日本天丼金賞獎，飯上有黑虎蝦、魷魚、海紅鯛及各種蔬菜等，相當豐富。餐廳更設有香港限定的軟殼蟹丼。
繼續閱讀
附加資料
每位客人最低消費100元
營業時間
星期一至日
12:30 - 22:00
以上資料只供參考, 請與餐廳確認詳情
相關文章
今次黎到旺角，揀左依間位於朗豪坊，十分出名既天婦羅飯，依間雖然天丼選擇唔多，但食物質素十分高，我叫左天吉丼同All star，首先會有個椰菜沙律絲作為前菜，配上柚子沙律醋，食起上黎十分清新，另外依度係有牛蒡茶代替綠茶，不同於一般日本餐廳，牛蒡茶有好重既牛蒡味，與天丼十分配搭。天吉丼同All star既天婦羅份量十分多，有蝦天婦羅、墨魚天婦羅天婦羅魚、流心蛋天婦羅，不同在於天吉丼有茄子天婦羅，all star就有洋蔥絲天婦羅，每樣既天婦羅都新鮮炸，外皮十分香脆，海鮮亦有本身鮮味，配上特製既天婦羅汁，十分好食。推介大家一試
繼續閱讀
一入到去見到大部份人都叫天幕御膳，所以我都跟住叫。坐低咗冇耐，店員就拎咗個雜菜出嚟，另外配咗支柚子汁。夾埋一齊食，真係好開胃，食到停唔到口，識咗一陣就食晒要叫佢加。之後望多陣就見到有牛蒡嘅漬物，佢又整得幾好味。配埋牛蒡茶，真係一絕。食咗一輪前菜，主角終於上場，望落去都幾大份幾吸引。佢個建議食法就係食咗個蝦天婦羅先，佢隻蝦好濃味好鮮甜，個天婦羅汁都好有心思，入面有蘿蔔蓉同埋薑蓉。之後佢建議嘅第二個食飯，就係加佢個秘製嘅汁落埋飯一齊食，又係另一番風味，好快就食完一碗飯。已經飽咗大半，到佢最後嗰個食法就係落埋鰹魚湯，加咗芥末，同埋紫菜成件事即刻昇華咗，全部炸物都冇得頂，係唯獨個天婦羅洋蔥式落去比較滯，不過最後都比我全部食曬。
繼續閱讀
今天是我的好友生日，我們便揀選她最喜歡的日本餐廳一同慶祝她生日。進去這間餐廳後，看到餐廳的環境很舒適、燈光明亮，可惜座位不是很多。我們看完餐單後便叫了 All star井吃。🤤下單後要等大概15分鐘食物才上到菜，看到這個All Star井便感到很驚喜，因為看到他的料也很足，分別有軟殼蟹、魷魚、雜錦炸物、雞肉、茄子箴南瓜等炸物，真的十分豐富，而且還配有飯和麵豉湯，真的太幸福了！南瓜炸起來又甜又粉綿，而炸粉不會太厚，吃下去不會很油膩但是也很香脆 😋總括而言，整個用餐體驗也不錯，食物環境也不差，可惜等候的時間稍為長而食物價格也少許貴，所以我們也不會經常來這間餐廳別，但是如果和好友慶祝的話，我們認為這間也是不錯的選擇👍
繼續閱讀
近日開始有朋友飛去日本飲飲食食，自己應該短期內都唔會去，今晚就食日本炸物慰藉下。睇完餐牌今晚叫左All Star及丼天幕御膳各一客。前菜既棷菜絲同牛蒡令人愈食愈開胃。All Star丼包括黑虎蝦、石斑魚配紫蘇葉、軟殼蟹、魷魚、洋蔥、櫻花蝦、雞肉、茄子、南瓜、四季豆及溫泉蛋，炸物種類夠多元化。All Star丼既飯面已淋上天丼醬汁及柚子，食落清甜帶柚子清爽。炸槳輕薄不油，炸物如黑虎蝦、軟殼蟹、櫻花蝦及魷魚都帶不錯鮮味，石斑魚配紫蘇葉係心頭好因紫蘇葉跟海鮮好夾。茄子、洋蔥同南瓜都帶蔬果香甜、雞肉及四季豆比較普通，但流心既溫泉蛋成為另一亮點。天幕御膳包括黑虎蝦、石斑魚配紫蘇葉、軟殼蟹、洋蔥、魷魚、茄子、南瓜、炸紫菜及四季豆等不少炸物。炸物如黑虎蝦、石斑魚配紫蘇葉、軟殼蟹、洋蔥、魷魚、茄子同南瓜等跟All Star丼出品一樣有水準。天幕御膳重有天婦羅、天丼及天茶泡飯三種食法。天婦羅食法有蘿蔔泥同吃平衝油膩感，而天丼可以品嚐到天丼醬汁既味道。天茶泡飯就可試到茶泡湯汁既美味。既然未有計劃去日本，留港食下日本野頂住心癮都係好事。
繼續閱讀
呢間日本過江龍天丼專門店來港多年依然屹立不倒 一定有過人之處多年前食過後 嚟到今日再次光臨一入到店內 飲到熟悉嘅牛蒡茶味道我今次一於試佢天幕御膳套餐$168套餐包咗前菜沙律 可免費添加可添加柚子醋調味按指示跟隨三食法！天丼嚟到十分具視覺效果天婦羅十分豐盛澎湃有虎蝦 南瓜 雜錦炸物 炸紫菜 茄子 四季豆 紅鯛魚小妹最喜愛係第二個食法記得問店員拎秘製高湯做第三食-天茶泡飯白飯仲可以免費再添仲有麵豉湯附送 記得飲埋牛蒡茶去膩唯一要抱怨就係話座位枱面太細太少空間用餐
繼續閱讀