天后雞煲

營業中

休息中

小編今次同老婆嚟到位於天后嘅天后雞煲食兩款雞煲，第一款係呢間餐廳馳名嘅秘製雞煲，味道香濃，相當惹味，另一款就係店主相當推薦嘅椰子雞煲，先飲湯，係食雞，碗湯相當美味，剛才所食嘅秘製雞煲係兩種唔同嘅風味，但係味道依然係烹調得相當出色，相當值得一試另外我哋仲order咗手工丸，配合埋椰子雞湯底，相當美味，除此之外，仲有蒜蓉烤生蠔，生蠔好新鮮，相當有風味，另外飲品方面仲嗌咗兩罐藍妹啤酒，真正朋友，大家不妨一試。

又返到嚟天后搵嘢食😋睇住呢間餐廳有裝修到開張今日一於入去試吓🙆🏻‍♀️未入去已有好多大餐牌風格感覺似返咗大陸另外喺門口嘅雪櫃入面見到有生蠔都幾大隻，好似都幾新鮮👍🏻星期六嘅夜晚舖頭都算多人，只剩低門口嘅幾張細枱我哋叫咗半隻椰子雞煲🐥，侍應幫我哋倒咗啲椰子水入去個煲度煮啲雞食得出啲雞件都有鮮味，符合選料新鮮嘅宗旨👍🏻另外我哋都嗌咗鮮雪花牛肉小份薄切牛肉都好新鮮✅最後係鮑魚同埋生蠔之間，我哋揀咗鮑魚，鮑魚都有唔同食法，可以打邊爐或者叫廚房煮熟👩🏻‍🍳總結：值得一讚嘅係食材新鮮，選料唔錯👍🏻但由一入去坐低到叫埋單都好唔暢順例如：嗌咗幾次先攞到醬汁，埋單用信用卡試咗幾次先俾到錢等🥲而且環境較嘈雜，地下又有啲跣，冷氣都唔係好夠咁🥲

以前曾經在天后和太太居住了一段時間，對這裏的環境很熟悉，加上家人都是住北角的，今天路過看到有間新開的雞煲專門店，便來到一試。秘製雞煲小份$188，這個雞煲屬於醬汁較多的，配料有洋蔥、辣椒、薑和其他調味料，雞肉差不多已經熟，不過還要放在煲內數分鐘，待滾起之後，便可享用層次感豐富的雞肉。雪花吊籠雙拼$368，這碟手持牛肉，肉質鮮嫩，牛肉味道香濃，只需放在窩內數秒，便可享用鮮嫩美味的牛肉了。蔬菜拼盤$88，有皇帝菜、萵筍、津白、生菜、冬菇、芋頭、芠白，這些蔬菜吸收了椰子雞鍋底湯底的鮮甜味道之後，更加美味。

今晚為了慶祝姨甥女生日和她來到天后的雞煲專門店為他慶祝生日。這裏的裝修陳設很像回到深圳一樣，非常有氣氛。椰子雞大份$328，椰青有三個，店員會將椰青水倒在鍋內，而鍋內已經有椰子肉和湯底，加入椰子水之後，等待滾起之後，便將雞件放在鍋內3分鐘，雞肉變白之後，便可將爐火收細，因為過火雞肉便會老了。這裏的雞件採用湛江雞大於280天，因此皮脆肉嫩，如果喜歡吃鮮嫩雞肉的，必須將爐火關小一點。醬料費每人$10，椰子雞的醬料有砂礓、指天椒和桔仔，可以將桔仔榨汁放在豉油內，再加上砂礓，將雞放在醬料內，便可提升味道層次。三絲炒米粉$38，米粉爽口彈牙，醬油味道香濃，配料有蛋絲、肉絲和椰菜絲，很有家鄉的味道。這個煮食，份量十足，好味又抵食。

今晚一行五人去咗新開嘅天后雞煲。餐廳裝修好新淨，枱同枱之間有一定嘅距離，感覺舒服。其中有兩個朋友就話想食秘製雞煲，另外兩個朋友就話想食椰子雞。咁就一於兩個都叫晒啦。秘製雞煲有芫荽，紅椒，青椒，同大量嘅洋蔥落去煮，好惹味。雞件入晒味，但肉質又唔會嚡。椰子雞真係用三個新鮮嘅椰青水去整㗎，未食都已經覺得好潤。加埋一啲都唔肥嘅雞一齊去煮，啖湯真係好清甜鮮味。用返呢個湯底去打邊爐就啱晒。雪花吊龍雙拼：三款唔同嘅牛肉部位喺齊一碟度。無論鍾意食爽口嘅，肉味濃嘅，定係林滑嘅都有齊喺度。梗有一款啱心水。蔬菜拼盤：個拼盤好大份。全部菜都好新鮮，味道清甜。三絲炒米粉：佢係幼身嗰種米粉炒嘅。炒得幾乾身，冇乜油又唔會好燶。火喉控制得好好。串燒：我哋叫咗烤五花肉，烤牛肋肉，烤豆角同埋烤土豆片。全部串燒都有加到啲椒鹽，好惹味，啱晒適合食濃味嘅我哋。串燒唔會燒得太乾👍。

今晚圍爐食飯😂5人一齊試左兩款雞煲🎉人多就係咁開心，食到多啲唔同嘅嘢👏🏻🌟椰子雞（大份）$328: 椰子雞煲清甜好味，侍應在我們面前倒了3個椰子水落去，加埋椰肉和雞即時煲。侍應話隻雞係文昌雞，雞肉比較有咬口、彈牙。椰子雞煲嘅精華當然係個湯，除了椰子和雞，佢仲加左啲細細粒嘅馬啼，啖湯好清甜好好味😋🌟秘制雞煲（小份）$188: 同樣是文昌雞，跟椰子雞煲口味不同，呢個比較惹味啲，一樣好味😋🌟雪花吊龍雙拼$368有三款肉，中間的肉嫰牛味重，右手邊的爽口，正👍🏻特別一提：我哋係飲完椰子雞個湯之後，侍應再加入雞湯（而唔係白開水），我哋先開始打邊爐👍🏻👍🏻🌟蔬菜拼盤$88有肉有菜先正常，蔬菜的款式都多👍🏻🌟三絲炒米粉$38: 超抵食，餸多味好，米粉質地正，唔碎👍🏻🌟串燒（五花肉、牛肋條、豆角、土豆片）難得雞煲、打邊爐之外，仲可以滿足埋食串燒嘅願望😋最特別是五花肉，爽生菜和蒜片一齊食，唔會覺得膩👍🏻餐廳有圓枱有方枱，目測圓枱坐到5-8人，知己好友或一家人圍埋坐，傾計好舒服🥰#天后 #天后雞煲 #椰子雞 #雞煲 #串燒 #打邊爐 #香港必食

今天晚上一家人來試這天后旺場店 - 天后雞煲。有的想試它的招牌秘制雞煲，有的想試椰子雞煲，難以取捨之下，我哋最後決定兩樣都叫🤣趁未吃雞煲之前，先飲椰子雞煲的湯底，清甜的椰青水加上雞的鮮味，好飲！見他們倒了足足三個鮮椰青，而且他們強調它們這個雞是每天新鮮的文昌雞，要唔鮮味都好難。我們每個都十分喜歡他的椰子雞，雞肉唔單止嫩滑，皮也爽脆，真係食得出同其他出面的雞是很不一樣的！👍🏻👍🏻👍🏻極力推介！🌟🌟🌟接着，急不及待要食他們的秘製雞煲，講得係招牌就真係名副其實，味道很濃，略帶少少辣，很是惹味。我們連雞煲內配菜、洋蔥、紅椒青椒，全都吃光光呢！😋🌟🌟🌟然後我們還點了一個三絲炒米粉，這米粉也出奇地有驚喜！米粉炒得夠乾身，而且入味，大家不妨一試！👍🏻 另外，我們還叫了一個雪花吊龍雙拼，雪花肥牛很嫩滑而且有牛肉味，推介！🌟除了那兩個招牌菜- 椰子雞煲和秘製雞煲外，我們也點了一些串燒，有烤五花肉串、烤牛肋條、烤土豆片和烤豆角。那些孜然味，真的有北上吃串燒的風味呢！特別欣賞那個五花肉串，它配以生菜和蒜片一起吃，清新得來又刺激，配搭很不錯！👏🏻

環境真係非常好！吹水極力推介大家去！但係對於我同朋友都話一句：冇下次😡😡話說我哋一行2人去試吓，首先叫左出名半隻椰子雞煲，先來一個煲，入面有椰子🥥硬既5-10條，10-15粒迷你馬碲，侍應再拎2個椰青來，only椰青水倒入去個煲度，椰子肉bye bye，隻雞話係文昌雞，瘦到好似竹絲雞咁！倒埋隻雞，3-5分鐘飲湯，半份$228左右！同平時屋企打邊爐方法一樣隻雞太太太細啦，肉少骨多！散叫左D菜同瓜，呢個就真係不錯👍🏻！本身有張優惠券，收$個個女仔話比在8折，原來只係個煲八折omg😱😱我哋張優惠券係全單減$50! 蝕左！大家記得食之前唸一唸埋單$4xx

這天路過，新開雞煲，即試！裝修不是很裝潢，一般啦，有點深圳feel，但反而讓眼睛舒服啲。先叫一個椰子雞鍋，嘩，上來的是兩個大椰青，直接倒進鍋裡，加少許清水，原味呀！已經覺得爽。 雞，一看肉質，肯定是新鮮的，雞滾了大約4分鐘，即吃，果然沒看錯，雞有雞味，肉質有咬口，冰鮮雞不能比。吃完這個沒得返轉頭。以後不再吃冰鮮雞！餐牌選擇不多，叫了兩樣小吃，炸大腸是即炸，脆且嫩，又叫了烤鴨，有點麻辣，送酒一流。墨魚丸，蝦丸，彈牙新鮮，豬肚丸特別。大家一定要試薑汁年糕，放湯裡熱一下，不得了，咸中有甜，甜又帶薑味，口感一流。我建議店家快過年，直接賣年糕啦！保證食過番尋味。朋友不吃牛，今次沒試牛，會再來試牛。唯一是餐牌選擇不多，可能是貴精不貴多。太心急了，忘記影雞😂