天園餃子 (華發大廈) (已結業)

最近宣布方便就腳嘅旺角店只係做到五月尾。今次試咗個撈麵，但又食返自己鍾意嘅「胡椒雜菌」、「豆腐」同「雞捲」！餃子繼續漲卜卜、拉麵幾彈牙、番茄湯依然香甜⋯⋯遲啲得返土瓜灣店，再食就無咁就腳啦！😢。次次幫襯佢嘅時候，都唔係好多人，反而對面嘅甜記就大排長龍，再能大家唔係好留意，有其他良心餃子。📍 天園餃子 (華發大廈) (旺角)旺角通菜街1號華發大廈地舖。好味指數：🌕🌕🌕🌕🌑回味指數：🌕🌕🌕🌕🌑

旺角越黎越多餃子店係方便快捷既好選擇🥟 見到呢間門口好多人而且價錢都好抵食💰係良心小店都係一個賣點💛 但係質素黎講真係好失望🌚 餃子質素比起同區其他選擇難食得多 非常不推薦⭐️ 白胡椒雜菌豬肉餃 🤍⭐️ 韭菜豬肉餃 🥩本身覺得白胡椒呢間配對好特別 但係微辣既口味好唔夾🌶️ 而且皮好淋一夾就爛😟 豬肉餡食落唔新鮮 加上湯底偏水而且有點味精感 😠⭐️ 酥炸豬扒撈麵 🍖撈麵質素反而比餃子更好🤣 豬扒啖啖肉但係比較油膩 撈麵整體比較重口味😬

Intro: 旺角真係有多餃子店，有啲仲賣緊40蚊10粒餃，當然餃子嘅成本好本；而店舖嘅坐位有好多，基本上唔洗等位，其實仲有飯同麵嘅選擇，最後都係選擇左食餃；___________________🍽 十隻西洋菜豬肉湯餃💰 40 ⭐️7.5/10✍🏻 湯底似加左少少味精嘅味道，飲完會少少口乾；✍🏻 十隻餃子脹卜卜，但裡面大多都係西洋菜，唔多豬肉嘅成份；✍🏻 西洋菜幾鮮甜，餃子包得好實而唔散，✍🏻 蘿蔔好甜，整體上份量少左d。🍽 雞絲涼皮💰 26 ⭐️7/10✍🏻 青瓜絲數量足，但雞絲涼皮就少左啲，好難夾到長條又完整嘅涼皮；✍🏻 加左胡麻醬幾夾幾開胃，但對比坊間嘅雞絲涼皮就無咁特別，坊間嘅更好食。🍽 桃味手工茶💰 套餐加配 $10 ⭐️8/10✍🏻 呢款算係桃味幾突出，味道又夾呢隻茶；✍🏻 樽裝幾特別，但個貼紙影響左個賣相。___________________🏠 天園餃子📍 旺角通菜街1號華發大廈地舖⭐️ 7.5/10___________________

之前經朋友介紹佢既餃子好多款，今日食lunch 諗唔到食咩就食呢間啦，見到隔離食淨餃子加蘿蔔，我怕唔夠飽都係叫餃子麵好啲，平時啲餃子都係配豬肉既，所以今次見佢有個素餃子就叫黎試試，紹菜甘荀木耳素餃配米粉，一碗有5大隻，個皮好薄，好清甜，見到好多人都加咗個榨菜，我都加咗小小試，食得辣既一定中意，因為佢唔係一般榨菜咁簡單，佢仲加咗蝦米同辣椒油，令到成個口感同味道都昇華到另一個層次，不過順帶一提，唔食得辣既點極小試試味先喔。總結係下次會試埋淨水餃配蘿蔔，睇下佢既白蘿蔔係咪咁鮮甜先><

🍴🍴🍴🍴🍴🍴🍴🍴🍴今日去食咗個韭菜豬肉煎餃套餐加咗個酸辣湯同埋樽仔奶茶🥟🥟🥟🥟韭菜豬肉煎餃都幾油不過煎得好香韭菜好爽口 點埋醋好好食👍🏻🥟🥟🥟🥟套餐加$20有一碗酸辣湯酸辣湯份量都多但好可惜真係幾難食首先一啲都唔熱個芡好杰身又唔夠味感覺一pat pat 好失望🍹🍹🍹🍹另外加咗$10有樽仔奶茶奶茶茶味幾出 濃滑而不澀 好飲👍🏻埋單$68 如果再黎都淨係食餃子算喇

今次我就叫左旺角天園餃子既西洋菜豬肉餃（12隻）併單點上海麵。餃子非常足料，餃子皮亦非常薄，所以食落口感唔錯。至於湯底，除左清湯外，亦可以選擇蕃茄湯底，不過就唔太濃。

好抵食嘅餐廳雞捲質感有啲似雞肉版嘅肴肉，有少少腥味🙈撈麵個醬似台灣肉燥嗰種，同埋麵有啲淋，個人唔係好鐘意🙈餃子無乜款揀😢少sad雞翼超好食must order!! 炸衣唔會過厚同埋好脆雞肉好juicy調味都好jengs🤩🤩撈麵自己唔係好鐘意炸醬🙈🙈同埋佢撈完嘅味其實同雞捲嘅一樣（ie 其實係雞絲粉皮醬）我會形容呢間餐廳係日常愛店嘅選手🙈🤣

本身想食附近另外一間餃子店，不過超級人多，排勁長隊，所以就轉場呢一間。 雖然依間餃子店不是我們的首選，但坦白說，餃子做得中上，沒有伏味。 我們兩個人點了 白胡椒雜菌鮮豬肉湯餃， 炸西洋菜豬肉餃， 椒鹽炸雞翼， 仲有一碟菜心。 白胡椒雜菌鮮豬肉湯餃，白胡椒味不夠香，而且主導了整隻餃子的味道， 就算我們再用辣椒油調味，都依然無法蓋過那種白胡椒的霸道。 煎餃子和湯餃太普通，四周圍都食到，所以另外一個就點了炸餃子。 炸餃子配泰式辣醬，係幾出色而且感覺幾新穎，若果能夠保留多少少水份會更好。 椒鹽炸雞翼都好食，但若果可以醃得更入味，我會更喜歡。 總括而言，以這個價錢在旺角鬧市，可以有咁多款食物，而且質素平均， 我相信我仍然會再次幫襯。

旺角通菜街良心餃子店 呢間平時都幾多朋友仔提起 亦都係少數仲有文宣既小店 值得支持一下 聽講土瓜灣主店比分店好食 今次試試旺角店 去到唔洗排隊 見到門口有pop up精品店 .🤔加姐之前食過 話湯餃湯底比較清 😅個人鐘意有特別湯嘅湯餃 所以都係揀番煎餃⭐️韭菜豬肉煎餃$40 10隻煎餃等得比平時耐 大概15分鐘👍🏻有煎到金黃色 而且少少通透 餃子皮煙韌🤔餃子皮望落簡單對摺 但其實煎完唔鬆散😋值得一讚係韭菜做得比其他店香 咬開有汁🤦🏻‍♀️但煎餃油份同韭菜融合左 口感都幾油建議加吸油紙 咁就fit啦.#hkfunfoodrecord窮遊香港#hkfunfoodrecord_旺角#hkfunfoodrecord黃店 .#天園餃子 (華發大廈) (旺角)地址：旺角通菜街1號華發大廈地舖.⭐️評分：味道：3/5 ok啦環境：3/5服務：3/5抵食：3.5/5.鐘意睇野食既朋友仔 記住幫手like分享 同撳埋右上鐘仔超感謝你嘅支持🙏🏻一齊見證我脂肪成長.#飲食 #美食 #優惠 #抵食 #hk #hkfood #hkfoodie #foodiehk #hkfoodblogger #hkblogger #

呢間餃子店都食過幾次，今次我地叫左麻辣雞捲撈麵（$56）、黑胡椒洋蔥牛肉煎餃（$36）、韭菜豬肉餃麵（$40）、手工檸茶（$18）、手工桃茶（$18），個撈麵都幾有誠意😍😍，有好多唔同嘅配料喺上面，食落幾香口，真係唔錯，雞卷份量都幾多，而且都幾滑，韭菜豬肉餃都幾大粒，食落去用料都新鮮，湯麵份量都好多，最特別就係洋蔥牛肉煎餃，食落去黑胡椒味都好重，煎得外脆內軟，好值得叫！！飲埋手工茶就啱啱好🤣🤣呢個價錢來講佢都叫幾抵食

見佢裝修幾好，工作太攰，於是入去食啦，諗住餃子難食極都有個譜點知真係好難食我叫左韮菜豬肉湯餃，一夾，啲皮爛左，餡漏晒出黎。韮菜好韌，咬到個口好攰。味道似灣x碼頭水餃，唉，不如係屋企食灣x碼頭水餃算啦。菜心同樣又係老，咬左好耐。菜頭無批，見有輕微腐爛現象。雞絲粉皮好乾，但味道正常。成間舖有陣up味，令人唔想再坐。全部都係用木筷子、膠羹、膠調味料碟，唔環保都算，膠羹托唔住粒餃，多次食下食下成隻餃跌落啲湯，濺到成塊臉都係湯汁，食得小心翼翼，又狼狽又辛苦。呢間舖，只能食良心。我只勸一句：檢討食物質素同用餐體驗，否則好快執。

又食一間餃子店！近來愈黎愈多餃子店，要做到點樣脫穎而出，好需要有自己獨特推出嘅口味而又岩大眾食！ 大眾對餃子嘅要求亦會愈黎愈高。 呢一間舖內位置較大，但亦都坐滿差不多9成，平日晚飯時間，可見香港人幾咁中意食餃😂本人芫茜腔！見到呢度有芫茜豬肉餃，二話不說嗌哂5隻！ 可惜咬落去芫茜味道一啲都唔出…食唔到芫茜味咁濟，如果我不知道是芫茜餃的話，純粹豬肉餃，咁我會無咁失望男朋友則點了雙拼：韭菜豬肉餃 & 白胡椒雜菌豬肉餃。佢評價都話一般，唔係難食，正正常常咁囉！ 最後我地有叫埋小食炸雞翼。4隻都好肥美 餐廳面積唔算好細，但座位之間都有少少迫。抹枱方面亦不算抹得好乾淨。希望餐廳可以留意下呢方面

一心諗住試吓，於是由晚上7:07叫咗一碗水餃酸辣麵，當時餐廳仲有幾張四人枱未有人坐，我由晚上7:07等到7:30忍唔住收錢店員: 仲需要等幾耐我嗰碗子係水餃麵，煎餃要等耐啲我都明白，但我只係一碗水餃酸辣湯點解都要咁耐？然後一個樓面，店員搶答: 就得就得！！到最後碗麵到我手係晚上7:37 ，我足足等咗半個鐘，由於當時落緊大雨，我只接過手上嘅膠袋就離開，冇諗過碗麵原來係唔熱，5分鐘後返到屋企打開碗麵食，佢分左湯麵餅已經凍到變成一舊散唔開，將麵餅放落湯底更完全撈唔埋要一束束咁食，個酸辣湯底更變到凍到變成一嚿嚿杰身狀態，食落口嘅溫度只係微暖，完全係小朋友可以隨時食落口嘅溫度，到最後只係食左1/3碗就頂唔順放棄，感覺太差

行開行埋，都會嚟幫襯！最鍾意食佢嘅「白胡椒雜菌豬肉餃」；今次發現，原來小食都正 。「麻辣口水雞捲」比想像中大份，好適合兩、三個人share；「椒鹽脆豆腐」熱辣辣，豆腐仲好嫩🥰。佢對面就係「甜記」，兩間都係良心嘅餃子；但係對面長期都排長龍，「天園」大部份時間都有位，可能因為舖位比較大；如果對面要等，可以過嚟食吓㗎，分散投資。📍 天園餃子 (華發大廈) (旺角)旺角通菜街1號華發大廈地舖。好味指數：🌕🌕🌕🌕🌑回味指數：🌕🌕🌕🌕🌑

人生第一次寫食評，可惜極度失望！今次已經第三次食呢間餃子，因為就近返工地點，而且中午繁忙時間都會有空位，食物質素一般般但性價比可以接受。今日lunch time原本心情好好，但係俾錢嘅時候，應該八達通卡出現問題，所以第一次唔成功付款，員工無好好解釋，只係勁大聲叫囂！重複大叫：「我冇收到你啲錢㗎 ！你再俾多次啦！有咩問題，你咪聽日再過嚟囉！」態度同樣貌勁衰！我以後都唔會再食，更加唔會介紹朋友！以免影響心情！