天外天

同朋友慶祝生日所以提早訂檯話想要window seat打黎confirm時再講多次要window seat佢地話儘量安排去到先知無window seat 問佢地點解無 佢地話按訂位次序安排檯（唔知係咪 佢咁講 我咁聽）唔知點解早左訂檯都係無 可能因爲唔係vip有就有 無就無 一早講清楚 食到一肚氣食物其實ok … 叫左個片皮鴨餐每道菜都OK又唔係貴。但整體真係感覺好差，應該唔會再去食飯。咁既服務質素真係唔怪得知個個都返哂大陸。

Visited for yum cha. Waited for 30min before food arrived, first dish was braised abalone chicken feet had a strong frozen smell, the rest of dishes was very average with very little seasoning or can taste any of the ingredients used. Not what you would expect at a hotel yum cha, other hotels along same stretch have a certain quality, this left much to be desired. Not sure how it is Michelin recommended restaurant apart from the view

今日黎左天外天餐廳食片皮鴨套餐，食景又食野，正先俾大家睇睇剛入去坐底既時候既景色，超靚😍主角片皮鴨出場！個皮超好食！好脆，同埋皮同肉中間既肥膏佢飛走左，所以一啲都唔會膩👍同埋佢一份係淨皮，一份係連埋肉，可以有兩個口感跟住上菜喺翡翠芙蓉蟹肉羹，比我想像中清新，唔會話好杰撻撻。再來就係無花果山藥炒蝦球，呢個都好食，個蝦好脆👍呢個係涼拌川味青瓜帶子，原隻鮑魚雞粒撻，冰燒三層肉，一碟上哂，三樣嘢都各有特色，全部都好食最後甜品係萬壽果紅棗燉雪燕配美點薈萃，個燉雪耳好清甜，食完成餐晚飯之後有個清清地嘅甜品做總結。最後我哋走嘅時候嘅景色：

非常差的體驗！之前參考過食評，有質素，有靚景，舒適，好想來體驗一下。今日襯同阿媽慶祝生日，一於來捧場吓。嘩，慘慘慘，服務非常一般，一系非常趕急地一同上兩道菜，一系等等等等等，等都吾知幾時先有菜上，忍不住要求上菜先有動靜😩😩服務生吾識主動做嘢，食完菜吉碟擺滿枱都冇人理，等下一道菜上才急急收碟！食物好一般，片皮鴨吾好食，咁嘅價錢吾值，炸子雞冇味，肉質尚好，其他菜式一般，炒飯都冇乜驚喜，一般茶餐廳都好過佢，蟹蓋尚可以接受，較為理想系在其酒店訂嘅蛋糕，好味😋造型靚總的一句，絕冇下次！

屋企人今日生日，本身之前都睇過呢一間餐廳上網嘅片，見到佢嘅景觀真係好靚，而且真係非常適合慶祝生日，今晚媽咪就想試佢嘅套餐，我就帶咗佢去試吓，因為係佢嘅生日，我哋仲叫咗wine pairing! 整體侍應都非常專業，一開始為我哋介紹每一道菜，而且亦都非常貼心，幫我哋安排好準備晒所有嘢，呢個位非常值得加分！佢嘅叉燒非常出色，而且入口絕對唔會成口油，佢係熱熱地嘅感覺，所以成個口感做得非常好，而且餐廳應該採用高級嘅豬肉，所以叉燒非常鬆化，極都燒得好香！加埋紅酒嘅配搭，簡直係一流！而且餐廳個景真係冇得輸，成晚我哋都係咁打卡。非常靚。

老公生日 一早預訂要求窗邊位置🌃提早在Green預訂了蛋糕 安排直送到餐廳亦額外加購了壽包 中西合璧😆全晚欣賞維港夜 view幾靚 店員服務都好好酒水有介紹 視乎個人喜好口味🥂//////🦆 片皮鴨晚市套餐 ($788/位).琥珀合桃為小食 酥脆香甜 停不了口💛蜜汁叉燒 | 鮑魚雞粒酥 | 麻辣蟲草花紅蜇頭三款都超級讚 特別喜歡鮑魚酥撻皮好鬆脆 口感豐富 呢個超難忘叉燒半肥瘦 肉質鬆軟 燒得剛剛好片皮鴨是這裡的招牌菜 咬落外皮脆 肉質較厚餅皮以蒸籠保溫 口感偏厚身不夠薄雖然眼看份量少 但二人份量剛剛好🍲龍皇蟹肉羹好飲！好足料！啖啖都飲到有蟹肉🍤松露野菌炒蝦球蝦球新鮮爽口 配黑松露香 炒得相當出色！🥘蒜香帶子炒飯份量多 米飯粒粒分明 很有蛋香 冰花桃膠燉雪梨配美點薈萃

食物高質，冇諗過原來環境咁好。不過真係有少少迫，如果可以再闊落多少少就完美啦。佢嘅環境係好似西餐廳咁樣，唔似一般中餐。片皮鴨好食，皮好脆，冇乜肥膏。基本上茶，小食啊，嗰啲都好有心機，飲得出係靚茶，甘香。其他酒樓係食花生佢呢度係食蜜糖合桃，個合桃好甜脆卜卜好好食。個普通嘅炒菜都炒到好香，本身冇乜期待，都係普通一個炒生菜，但係佢蒜蓉味勁香。個肉餅就都唔錯嘅，好有鹹香味。如果可以煎得脆啲咁就更加正啦。😻

今次嘗試咗幾樣菜式，整體黎講真係唔錯！⭐️大澳馬友煎肉餅：肉餅煎得外脆內嫩，肉質非常細膩。調味適中，帶有啲微辣嘅香料味。⭐️港式片皮鴨：片皮鴨嘅皮好脆，肉質都保持得好嫩滑，搭配上薄餅同特製醬汁，味道相當正宗，絕對係一個經典之選。⭐️蒜蓉炒生菜：生菜炒得清脆爽口，蒜蓉味道濃郁，唔油膩。⭐️荔芋燉蛋白：呢款甜品甜而不膩，荔芋嘅香味同蛋白嘅滑口感完美結合，係一個好輕盈嘅結尾。整體來講，每樣菜都非常有水準，無論係食物既味道定係餐廳環境窗外既景色絕對有水準！

之前到天外天食過晚飯慶祝生日 今次同朋友喺weekend中午去食點心 可惜當天天色灰暗 否則風景會更好最喜歡食這裏的琥珀合桃 通常好快清了自己那小碟 點心menu點了：蝦餃燒賣肉鬆臘味蘿蔔糕子薑崧子和牛批荔蓉燒鵝酥鮮奶蛋撻仔金鈎韭菜煎薄撐點心整體表現正常 有傳統亦有較新穎的款式 味道沒有特別驚艷的位置 但又恰當好處另外點了叉燒 讚位是可以選擇輕量（4件）或例牌 （8件） 所以即使人少都可以試下 叉燒肥瘦適中 味道不過不失 但又是欠缺了少少濃邊作為酒店中菜廳服務質素是毋庸置疑的 可惜中午都分了2輪訂位 即是有時限 所以未夠時間跟好友暢談

我覺得這間餐廳適合聚會，商務會議也可以。因為員工的服務態度也很好。如果是要來品嚐食物的，我覺得這間餐廳的點心不是很出色，不過乾淨精緻。環境很舒適，適合旅客及請客

Hotel Icon內的中菜餐廳，位於酒店的28樓，可以欣賞到維港景色。團圓歡聚套餐 $688 pp（四位起）🐷蜜汁叉燒叉燒半肥瘦，燒得很好，肉質鬆軟，好味道。🥒清涼的青瓜白玉术耳青瓜新鮮清甜。白玉木耳爽脆，搭配的醬汁酸辣開胃。🍄‍🟫香脆松茸素鵝素鵝脆口，內含蘿蔔和松茸，帶著蔬菜的甜味，非常美味。🦞龍湯海皇燴燕液龍蝦湯中有一些龍蝦肉，味道中規中矩。🦞金蒜銀絲蒸開邊龍蝦開邊龍蝦肉質彈牙，搭配下面的粉絲和金銀蒜，味道恰到好處，不會過鹹。🐷蜜燒蔥香鹿兒島茶美豚醬汁十分美味，但豬五花肉上肥膏的部分稍微多了一點。🥬蠔皇鮑魚菇花菇扒時蔬整道菜煮得剛剛好，各種蔬菜的熟度都把握得宜。🦀蝦頭油蟹肉炒飯炒飯有鑊氣，不過蝦頭油的香味稍微不夠突出，蟹肉份量不算很多。🥭楊枝甘露搭配美點薈萃所有的甜點都非常美味🫶我尤其喜歡合桃酥，酥香鬆脆的口感令人愉悅。食物整體都算不錯，不過服務方面，侍應們好像都不是很熟手，可能是學生過來做實習。

位於酒店頂層嘅天外天坐擁無敵維港大海景🌆，第3️⃣年榮獲Wine Luxe雜誌評選為香港十大葡萄酒配對餐廳，獲米之蓮推介💮，更連續6️⃣年入選南華早報百大餐廳。🍽️紅袍龍皇抱太子 | Wok-fried Lobster and Scallop Stuffed in Tomato | $288 🌟依個係夏日精選菜式，將龍蝦肉同帶子釀入新鮮番茄，再加埋酸酸甜甜嘅汁，開胃得嚟亦都有驚喜。🍽️蜜汁叉燒 (輕量) | Honey-glazed Barbecue Pork (Light Portion) | $118肥瘦適中，食落肉質都幾腍，但唔夠焦香，可以再燒燶啲脆啲，蜜汁亦都可以多啲，另外加分位係可以揀輕量(四嚿)或者例牌(八嚿)。🍽️冰燒三層肉 (輕量) | Crispy Roasted Pork Belly (Light Portion) | $110依個都係可以揀輕量(六嚿) 或者例牌(十二嚿)，個皮好脆，食落亦都唔會覺得成口肥膏。🍽️宮廷海鮮酸辣羹 | Hot and Sour Soup with Seafood | $138所謂海鮮羹其實入面得蝦，不過味道方面幾好，酸辣度都幾平均。🍽️蟹肉菜苗

今年訂了天外天同老媽子慶生，招呼帶位入座都好到位，海景位，天氣又好視野一覽無遺，未食就已經加分，但講到餐桌茶具就相對簡單，枱腳不平要墊紙，進餐體驗大打折扣。小姐姐好用心解決問題，可惜實在巧婦難為無米炊，墊幾張紙頂住先。講返食品叫了一個午餐套餐，加了兩個蟹藝同一個蛋白蒸蟹鉗，出菜有，燒肉，春卷和青瓜。燒肉皮薄脆口，春卷外皮鬆化，青瓜無特別，之後上個蒸石斑件，肉質比較粗小鞋欠彈性，個湯就好小小，足味足料的，跟住上個蟹蓋，外型到位，肉餡可以豐盛一點更加理想，而個蒸蟹鉗老媽子話好好食，跟手炒西芹上枱，對味。接力係炒飯，飯粒分明，不錯。小姐姐之後送了個驚喜壽包，新鮮熱辣又軟又甜，可口。最後上埋個紫米露甜品，完美收工。整體黎講天外天的服務是非常到位的，員工態度友善笑容滿面，要讚讚讚，而食品就不過不失。今日餐飯唔錯的！

一向對於中菜冇乜好感嘅我，係選擇中菜係有一定嘅難度，今次試咗hotel icon嘅天外天，服務上唔錯，選擇嘅菜單都有唔同嘅選擇，整體上所有嘅service都係可以，ORDER嘅嘢食都唔錯。

聽說會撞到明星，抱着八卦的心態去看明星，訂了平日12:30飲茶，接待靚靚姐姐好像第一天上班的引領我們入座，期間撞到枱燈兩次，很擔心她有冇受傷？入座後，明明服務員都是站着閑談，好似叫極都叫不到他們咁，究竟忙什麼呢？食物很符合五星級酒店，是好食的，環境一流，裝修一流，風景一流，只是服務不入流。很懷疑是怎樣訓練職員的。