影片
電話號碼
29888469
營業時間
今日營業
06:30 - 22:30
星期一至日
06:30 - 22:30
以上資料只供參考, 請與餐廳確認詳情
正常嘅一餐揚州炒飯見到盒飯超大碗，材料都好似好多，叉燒無咩叉燒味，比較碎，火腿勁多，蝦仁細隻，無蝦味又有蝦腸，生菜絲勁油又老，同埋唔知點解個炒飯食食下會有d 豬肉肥膏。整體感覺，唔鹹有點油，一般凍檸茶，正常，但飲完個口有d 口乾，都係一般不過，咁嘅價值，咁嘅質素，不過不失，唔好要求咁多叫外賣個menu 勁少野選擇
繼續閱讀
難得有同事揸車，可以離開一下平時既「飯堂」，出去品嚐下外面既美食🤤去左東涌啲村屋附近，原來好多平民小店，仲好多應該係機場附近做野既地盤叔叔係度食飯。我地唔嗌碟頭飯，嗌左幾個小菜share食。先上例湯，嗯，就係平時例湯咁既味。咕嚕肉，幾惹味，酸酸地，幾開胃👍🏻重點係炸粉唔厚👍🏻椒鹽魷魚，夠晒火候，但又唔會好油膩，乾身👍🏻小時候最愛，豆豉鯪魚炒菜，送飯一流最正係呢隻霸王雞，必嗌，雞肉嫩滑👍🏻
繼續閱讀
最近無論工作日或週末都經常上街吃飯，在這樣無住家飯的日子，我很多時候會患上 "渴魚症"，不是炸魚、煎魚，而是家裡的蒸魚。星期天的中午想到從前在天廚見過港式地道的蒸魚飯，正合給我止咳之用，出發去吧！天廚是一家提供中式小菜、碟頭飯、港式下午茶及海鮮的飯店。中午已有客人品嚐海鮮。外面有露天座位，方便吸煙人仕。無論地下或一樓的室內都是一般茶餐廳格局，圓膠櫈、大圓枱等。一般中午時段客人不太多只開放地下一層。想不到星期天的中午客人也不少，大部份是東涌街坊，也有少部份行山客或單車客，大部份電視送飯。絕大部份侍應都是自家人，態度有點傲慢。被告知星期天原來沒有蒸魚飯，只有燒味飯，很無奈地只好選其他類別。碟頭飯奉送例湯，當天是木瓜雪耳，味道雖較清，但沒有明顯的味精，還好！老公要了火鴨絲炆米，用料算不弱，火鴨絲份量頗多，可惜米粉炆得不夠入味，亦不夠乾身，還差一點點功力！吃不到蒸魚飯，來個茄子班腩飯止止渴吧！起初送來一碟蕃茄班腩飯，單子錯了，幸好侍應還是負責任的送回廚房，廚房也同樣負責任的從新烹煮，不錯的態度與專業精神。一派港式閃爍的玻璃獻油，搶眼的茄子及圓渾的班腩，樣貌頗吸引。獻汁味道鹹甜恰好，襯著爽口的白飯，很開胃；茄子都是走油後再烹調的，還好不是太油；班腩有小部份是帶有一層層的魚肉，比一般的 Cat Fish 魚柳質量優勝，但仍有光是炸粉漿的情況發現，但整體比預期的好。要了一杯凍檸檬，味道可以。窗前掛了三梳供售賣的大蕉，有一根還是連體嬰，特別的粗大。這一個畫面充滿了鄉土的氣息，畢竟是村屋的環境方便種植。這趙未能完全治好 "渴魚症"，還好有魚類落肚，就當是壓止病情的療程吧！有好幾次惠顧天廚的經驗，包括海鮮及小菜，水準時好時壞，因此不算得是東涌的首選，其實街坊對中菜是有一定的需求，希望天廚日後可慢慢的改善。
繼續閱讀
由此”張飛送嘅”關係,我們選了27號晚到東涌睇戲, 睇完戲問太座同事-地胆F可以在哪裡吃個飽, 她介紹我們的就是這間”天廚”了, 當迎接我們的車行下行下我就記起上星期同J君上東龍石澗嘅時侯就係呢個方向架啦, 只不過我們行黃龍坑嘅對面,我們就是隔住個坑口望住呢排屋仔上山架啦, 估唔到在村屋後欄有咁大間飯館, 因為外面空地位都攤埋枱面出嚟, 變成多了一間鋪,那天我倆只有兩個人叫不了多少餸, 當天品菜如下:蝦醬通菜煲$68上菜時雖然熱騰騰但蝦醬香味不太感覺得到,通菜基本上沒有怎樣度過,每條也保持原狀, 這個菜一定很粗纖了, 食完見到個煲底好多水, 証明廚師係將D菜連洗菜水一倒而下, 這樣會令原本燒熱嘅煲一下子降溫, 蝦醬的香氣再谷不上來的原凶之一囉黑椒豬肚$68 豬肚夠淋身, 黑椒都夠多蜜汁大蟮$98 呢個就都幾唔啱胃口, 蟮肉外層的炸粉一粒粒, 每片都比較簿身口感不佳,加上個蜜汁令到個外殼淋淋地, 顏色係黃金色, 外形又不太吸引囉, 不值這個價錢喎, 白飯一個$7
繼續閱讀
同yan and eric去東涌打羽毛球,順便同埋eric阿哥一齊係果邊食飯,不過東薈城多數都係得d連所and偏貴又多人...so想搵d其他野食,eric介紹左喱間菜館,一於去試下先,我地去到時好早,好似係6點幾到,so冇乜人,一來到即有個例湯送,正~!有套餐,d小菜都幾吸引同幾平,叫左個特別推介,叫多2個小菜食~!上湯菜膽雞半隻,雖然係半隻,不過睇落個份量都多,雞肉幾滑,菜亦好清甜,唔錯~!有上湯浸住之下都夠味,唔點薑蓉食都ok la haaaaaaaa~!蒜茸蒸扇貝,落左好足料既蒜茸同粉絲,食落好香口,粒元具好肥大,肉質鮮甜美味,好食呀~!清蒸游水海石斑,成班都係愛食魚之人,條石班幾鮮味呀~!豉油皇煎海中蝦,真係好大隻,似大蝦,蝦煎得香豉油味,好惹味,蝦食落都好鮮味爽口,唔錯呀~!金銀蛋時菜,食左咁多肉要食返點清清地既野,有上湯浸住既菜唔油,又唔會太寡,唔錯呀~!仲有一個唔知叫咩肉.....真係唔記得個名..不過當時食落幾覺得幾好味的~!綜合來講野食幾好味,同環好清優,不過係遠左d,其實咁都有到好,起碼唔洗點等位同保持到個食物質素先啦~!
繼續閱讀