天河食坊 (已結業)

由我小時候認識車仔麵開始，總覺得，食車仔麵既地方，一定要邋邋遢遢才有風味。所以，食車仔麵向來都有另一個稱呼，叫 "嗱喳麵"。前排，一個人在馬鞍山等阿仔放補習，我就看中了《天河食坊》這一個看起來嗱嗱喳喳的地方，食一碗開心的嗱喳麵。當日我要的三餸是牛腩、豬大腸同煙肉腸。煙肉腸的確是一個少見的選擇。店另一邊是售買牛雜魚蛋小食的。相信是這原固，餐紙上會有這些煎炸小點的出現。這兒的牛腩湯底看起來好清，但味道卻是十足的，牛腩肉厚香口，大腸夠腍夠香，也帶少許腥味，配合了油麵，令整個味道很是地道，很是嗱喳，很有風味。當日，我配上一杯奶茶。小小店雖主打車仔麵，本以為只簡單地賣汽水的。然而，他們的奶茶是一杯令你我他都會感滿意的出品。夠濃香，奶味茶味都十足，非常之好。改日，又係因為等阿仔放補習而再一次路經這兒。為食地叫了一碗牛雜。相信，車仔麵的濃香腩汁就是來自此牛雜，碗內的各內臟都很入味，很腍，是一碗很完美的路邊牛雜。再一次證明，有心去一些嗱喳地方尋食，會尋找到令人開心的好味道。

我諗住馬鞍山既應該都食過呢間🤣佢d炸燒賣真係幾熱氣都食左先講🤤炸到外面好脆入面又好煙韌🤤🤤🤤再加埋蜜糖真係好好食😹I think you have heard of shumai before, one of the most popular street food in Hong Kong. And this, makes it to another level!!! It's crispy outside and chewy (in a good way) inside. Btw it serves with honey, so u can imagine how good it is😻

天河食坊而家好少見到有豬紅豬腸食，難得去小店試試👍👍豬紅份量較多，豬腸就少d，都洗得好乾淨😁我仲叫左杯凍檸茶，茶底都👌整體評分：3.5/5環境：3.5/5味道：3.5/5地址：馬鞍山鞍誠街28號富輝商場地下

平時諗唔倒食咩, 又唔想食飯個陣, 都會嗌個車仔麵食下, 配料多選擇之餘, 每樣都做得好好.大腸同牛腩都好入味, 又好淋. 牛腩雖然肥左少少, 但一定唔會好乾柴, 每舊都做到一絲絲咬出黎既感覺.白蘿蔔雖然唔會超甜心, 但做到好淋, 又無根, 已經好過好多車仔麵店架喇.有時都會叫下魚皮餃, 牛肚同佢比較出名既雞翼尖既. 久唔久換下口味, 點都唔會食得厭.最重點推介, 其實係佢既麻辣汁, 比起好多標榜賣麻辣既舖頭, 真係高幾班, 如果食得辣, 不妨剔完, 係側邊寫多個中字, 等廚師知道你想加辣.

車仔麵一向係平民食物，但做得好一啲都唔易，我相信大家都食過好難食嘅車仔麵。呢間車仔麵做咗好多年，好多街坊都鍾意幫襯，除咗價錢平，當然質素都唔錯，性價比高。我今日帶咗三餸麵， 分別係紅腸、豬紅、同埋魚蛋。佢個麻辣湯味道唔錯，唔會好辣但係帶麻嘅感覺，豬紅係我最鍾意食嘅配菜，唔會一夾就散，仲有彈性，唔係間間車仔麵都做得到。小食方面，佢有好多選擇，牛雜啦，咖喱三寶等等，我今次就叫咗炸大腸同炸燒賣，佢炸大腸上碟之後會有蜜糖淋上面，炸大腸賣$16串，但件數都幾多，外皮香脆大腸彈牙。炸燒賣我不嬲都好鍾意食，不過我覺得炸得硬咗少少，不過不失。

我之前都係openrice睇過食評玩呢間老店啲嘢唔錯今日試咗真係ok喎，豬紅，牛腩都好食只係牛肚比較咸坐就一般般但勝在夠平同埋以食到以前車仔麵嘅味道不過佢個腩汁好特別完全同想像唔同

牛腩、牛雜、🐷大腸都好入味，最新芝士魚皮餃冇唸過咁好食，最初第一啖咬落去以為普通魚皮餃，點知咬咬下有啲芝士爆出嚟，真係口感得意又好食😋，之前食得多芝士丸，冇諗過芝士魚皮餃都咁惹味。最緊要係抵食，好食過好多專做粉面店。

以前中學時期經常去打躉既車仔麵老店，早排聽到老闆同老闆娘即將退休既消息，當然要即刻搵返班老朋友一齊去支持下👍🏻✨必叫炸燒賣即炸魚肉燒賣，加上蜜糖醬，非常香脆🤤✨超級入味既牛什✨仲有唔少得既車仔麵放題🤤都只係60蚊左右，超級抵食👍🏻

今日諗唔到食乜，又見到它闆咁nice咁直接交俾老闆話事黎到原來係 豬排米線開頭有d失望 得一個餸咁孤寒，食晒又岩岩夠飽，豬扒炸得夠脆， 辣椒醬又會過份辣，最岩我心水！

我係荃灣住，男友話馬鞍山有好野食😋，星期日就去左，一點到，都爆曬無位😣，等左十分鐘先有，我地叫左幾樣，不過最令我難忘係麻辣豬耳🐷👂而家都好掛住，心思思想食😅不過無影相😭，唯有今個星期再去啦，附近泊到車，都方便車仔麵ok 但我都係要食豬耳豬大腸🤣

幫襯咗咁多次，其實最鍾意食既係佢既燒賣，影相個陣已經忍唔住食咗一粒價錢為8蚊5粒，但係成個燒賣嘅精髓係 佢 個 豉 油！記得一定要加豉油，唔係既話佢只係普通一碗燒賣係第二到未食過咁既味！同啲燒賣好夾，所以每次經過都忍唔住買翻一串食。有時候會買埋牛雜個啲翻屋企食。車仔麵都食過幾次，價錢親民。滷水入味，蘿蔔夠林。雖然唔係話超好食，但對住宜個價錢已經係非常唔錯。知道最近好似轉咗手，唔知食物質素仲keep唔keep到呢？

馬鞍山之選轉左老闆，食物質素keep到小有枝裝可樂，懷舊👍🏻今次食左車仔面，蘿蔔好食夠𣺉無渣，即炸午餐肉，正👍🏻見隔離台食三寶，原來即炸，下次要試！！

中午飯過後一直忙忙碌碌，不經不覺再看鐘時已經是大約四點半了。為了抖擻一下精神，決定來個下午茶小休。很久沒有吃車仔麵，就多行兩步來到這間小店。點了牛腩大腸魚餃粗跟熱檸茶。今天人比較少，大約五分鐘左右麵已經送到。下午茶來說，份量剛好。牛腩有四片，顏色偏紅，沒有太多脂肪，軟身清甜。大腸亦是四片，呈淺啡色，入口豬味濃郁，爽甜。魚餃有三粒，白裏透出淺紅，皮簿餡鮮。粗麵一底，淺黃，爽滑但未到彈牙。較為肚餓的話請加底。熱檸茶含三片檸檬，茶夠濃，檸檬夠酸。這樣就HKD41了。

晌美食沙漠嘅邊緣返左幾年工，一lunchtime諗食咩都幾頭痛。今日見平時好多人排隊嘅車仔麵竟然有位，即管試下。餐牌寫住兩餸車仔麵配熱飲$31，咁我見熱柚子茶同其他奶茶檸茶咖啡熱飲都同一價錢都係$14，就叫熱柚子茶。杯飲品嚟咗，然後先俾張單我，收$34？店方原因：柚子茶加$3下，$3唔係俾唔起，不過成間舖都冇寫咁樣跟餐要加錢！做生意咁唔老實。呢間餓死都唔會再嚟食！

如果馬鞍山想食車仔麵 我會選擇呢間 雖然坐得唔係好舒服 但味道唔錯 以前好鐘意食呢個炸燒賣 今次食有點硬無以前咁好味次次都好多人食要排一陣隊，可能都因為假日黎食大家不妨可試試