天然居海鮮酒家 (已結業)

【深水埗區】【天然居】我喺美國過年，返到嚟要飲吓茶先得，我同家慈今次就去咗長沙灣搵我識咗十四年嘅「亞媽」飲茶。佢哋係第一次見面，我都想畀家慈知道就算佢唔喺度，都有好多人好睇住我同埋照顧我，唔一定要結婚先 handle 到件事嘅。亞媽推介 $58 嘅「沙薑豬手」，食落係唔錯，沙薑得嚟豬手味夠香。之後到頂點嘅「必食蝦餃皇」，我又食唔出佢有幾必食，普普通通啦。反而小點嘅「潮州蒸粉果」有驚喜，首先夠熱，其次係食落皮薄餡靚，係幾足料架喎。然後到特點嘅「蟹籽燒賣皇」，都係比較正路嘅好食，冇乜話好特別嘅賣點。到大點嘅「蟲草花鮮竹卷」同特點嘅「鮮蝦腐皮卷」，兩者本身都係有啲似嘅，不過都係熱到辣口同埋都整得幾好食，前者仲有啲蟲草花點綴吓咁。跟住追加咗大點嘅「蜜汁叉燒腸」，比較一般，反而中點嘅「醬皇蒸鳳爪」夠濃味幾好食。最後整個甜品，係中點嘅「薑汁千層糕」，嘩，食落好夠薑味，好正，薑味濃得嚟又唔會話太辣，啱啱好，大家食到讚不絕口啊。我哋係星期五下晝去嘅，大中小點劃一 $20.8，特點 $33.8，頂點 $36.8，茶位就 $12 位。寫到嚟呢度我就盡架喇，因為去到爭畀錢嘅環節就冇我參戰嘅可能性，我都係斟多

呢區嘅酒樓都幾多，今次試下呢間天然居。佢位於相當荒蕪的西岸廣場的三樓。個人嚟講，雖然食物選擇唔算多，但我覺得比隔離嘅龍寶酒家好食。因為佢做出來嘅點心喺有啲獨特嘅味道，與眾不同而唔花巧。門口寫明大中小點一樣價錢（當日平日好似係$18.8），但係好多點心都屬於特點／頂點，另外小菜都有唔同價錢。環境亦都比較舊，缺乏裝修，呢一點淨係睇外牆個招牌甩皮甩骨已經知，而且佢仲用屏風間左一個D區（而係冇乜人坐），令其餘空間更顯侷促。值得欣賞之處係佢嘅點心食落去比較新鮮，例如個蟹籽燒賣皇肉質喺彈牙架，口感明顯喺有啲分別，居然係有層次感。喺哩個價錢，已經好少食多啲咁新鮮嘅點心。佢呢度嘅鮮竹卷有浸煮湯嘅，腐皮軟滑富豆香，冇雪藏味，內餡亦好balance。另外叫左個鬆化蛋散（當日特價＄13.8），點中糖漿之後亦都係非常香，食落帶點奶香味，酥脆可口。潮式鹹菜豬肚（＄38），都算份量十足，黑椒加鹹菜恰到好處，鹹淡適中，豬肚煙韌冇異味，最底有啲蘿蔔，索晒啲汁。成碗我哋喺飲到一滴不剩。蝦米腸係有煎香個表面，配有麻醬甜醬同豉油，個人黎講比較鍾意叉燒腸。酥炸綠茶餅外脆內軟，面頭有好香嘅芝麻，中間口感煙韌，趁熱食好好食。咸水

二千蚊12個人捧著腹,又可大眾暢聚,環境又寬敞,食品質素又佳,夫復何求。最近一班很久沒有見面的明友因一次一齊活動的机会至晚上,決定來個聚餐,天然居這老字號一向都較有信心和有品質保証,而且仲有二仟蚊全包宴仲有啤酒汽水,選擇又多,包括白灼中蝦、燒味拼盤、北菰鵝掌、芝士蝦伊麵、碧綠炒龍躉片、火腩炆頭腩、清遠雞、瑤柱羹等等。樣樣都碟頭充足,味道中上,尤其灼蝦及龍躉球各人都大讚有海鮮檔的水準。這晚大家都盡興而歸。

男朋友爸爸鍾意食中菜，所以好多時都會試下唔同酒樓，喺op揾到元州街呢間樓上舖酒樓，抱住試下嘅心態去試下，食完覺得每道餸都份量足，味道亦都唔錯！餐牌有唔同人數嘅套餐，亦有晚飯優惠。前排睇中醫話我氣血虛，睇到『是日靚湯』有蟲草花烏雞湯😍一盅夠晒我哋七個人飲，營養豐富，夠晒滋補，好好飲！好多湯渣！湯濃料足。黑椒牛仔骨好惹味！！牛味濃郁，肉質勁腍好易咬👍🏻再用黑椒汁撈白飯 必叫～上湯海蝦伊麵 單睇擺盤就知廚師絕對唔係馬馬虎虎！最後叫 冬菇鮑螺片扒生菜，螺片腍身，芡汁無煮到稀身，簡單又大份嘅傳統菜式！糖水係紅豆沙，口感濃稠，甜度適中，而且勁多紅豆，好滿足！

疾情前我哋歡送同事調職，午餐就去咗飲茶。深水埗餐廳多，但酒樓就比較少🤔，反而近長沙灣天悦嗰邊有多幾間選擇。其中一位同事介紹我哋試喺大廈三樓嘅「天然居海鮮酒家」。估唔到酒樓係樓上舖，但都咁多人幫襯，目測全場滿座👏。可能上咗樓嘅關係，餐廳環境幾唔錯，光猛開揚，不過坐得少逼。整體感覺算乾淨衞生😊。呢餐我哋一行十人每人百一蚊左右就搞掂，而且係食到飽飽，仲有食物剩打包添，性價比OK👌。不過茶錢$12位，食水都幾深。　點心紙十分清晰，因為大中小點寫哂出嚟每款幾錢，唔駛再搵餐牌對數，但其實大中小點同價($18.8)...😅。午市仲有啲拼盤餐同孖寶餐，抵食啲。另外，亦有單點推介菜🥢。蜜餞雞中翼($48)，依個係同事嘅必食推介，又真係幾好食喎😋。雞翼煎得幾香口，蜜餞口味甜蜜蜜，但唔係蜜糖嗰種死甜。但一碟得六隻，我哋要叫兩碟先夠。另外點咗兩款小食：椒鹽脆豆腐($42)同椒鹽魷魚鬚($48)，兩樣都好酥脆，正啊。籠仔蒜香開邊蝦蒸飯($78)，呢個飯嘅造型不得了😍。首先，因為係以籠仔上，感覺即刻吸引啲。第二，雖然係蒸飯，但其實個飯有炒底的，所以飯粒乾身得嚟，又別有一番香氣。第三，開邊蝦唔大隻，但切開豎起幾好睇

近新年，廿八晚上我們一家人決定出街食團年飯，記得家附近有一間酒樓食晚飯不錯，今日決定去天然居，一早已經訂位，佢安排我哋上4樓，佢有兩層，3樓同4樓，我哋坐好了，見到一圍一圍套餐，我哋岩岩一圍，決定叫$2688 套餐，12罐汽水，1枝紅酒，第一碟：燒味拼盤， 有燒肉 ，燒鵝，叉燒，海蜇，味道不錯，因為叉燒覺得不錯，我哋另外再叫一碟例牌。肥瘦岩岩好，大人細路都好喜歡食。第二碟：白灼海蝦，好大碟，食得出好新鮮，第三碟 ：鮮魷魚炒翠肉瓜，唔會好油，第四碟蠔涌髮菜豆苗 蠔涌不錯，唔會好細隻，第五碟：海鮮卷，入面好足料，沙律好多，第六碟：有湯飲，第七碟： 有新鮮大魚，條魚好大條，睇得蒸得岩岩，食落好新鮮。第八碟：最愛炸子雞，食落好脆，肉唔會好乾，第九碟：炒伊面 啲面好似好散，有啲偏濕，第十碟： 糯米飯 個仲飯不錯食落不會油，好香。最後一碟是甜品 陳皮紅豆沙。

今日同10幾個同事飲茶，呢間好在有得book位選民，價錢又中價，符合了我們的最低要求了。食物質素就要看看當天情況了。我地今次來叫左點心，全部都是好熱上檯，所以大部分都好正常。 呢個燴烏冬肉片處理得不錯，不會韌，好入味，番茄都夠新鮮，個汁有點甜甜地酸酸地幾開胃，但係烏冬就太淋了，本人比較喜歡有咬勁嘅烏冬。呢個奶皇包不是流心得，不過勝在熱啦啦，奶香味都幾出。酥炸魷魚絲，好香口，不錯！

2019年2月16日（星期六）約齊人食飯，扶老攜幼楝中式酒樓最方便！揀套餐就更方便!本來對新春套餐冇乜期望。不過第一碟哈哈大笑都已經送上驚喜，蝦肉鮮甜彈牙、豉油有畫龍點睛之效，好味！燒味相併燒鵝皮脆肉香、多汁甜美，海蜇簡直比下去。炒班球啖啖肉、炆斑頭腩做得更精彩。雲耳紅棗索滿魚汁魚香，係餸菜精華所在。至於湯羹、海鮮卷就係一般晚飯出品，質素平平！發財豬手豬手充滿骨膠原、美味可口；連獻汁都濃稠適中，令豬手份外鮮美，極美味！甜品係紅荳沙though，甜度適中，係晚飯完美嘅點綴！食品質素高好，值得再幫襯啊！

今個週末寒風凜烈，早上睡得晚了，就和家人出外飲個茶，應付了早午餐便算了。反正未去過，便試試長沙灣天然居吧！位於三樓，可謂大隱隱於市，入到酒樓內，佈置頗為風雅，牆上有字畫及印章點綴。午市人流不多，疏疏落落的，每位食客都有足够的空間和距離，十分舒適。茶位每人十蚊，茶葉雖非上佳，但真的是完塊茶葉，並非茶碎，飲的時候，不會有渣。蒸鯪魚球，真材實料，內裏還保存着一塊塊的鯪魚肉和鯪魚皮，加上香茜，腊腸和陳皮。没有加過量的粉，所以口感不是十分彈牙。煎馬蹄糕，清甜，質感實淨，糕內有很多馬蹄粒。可是三件糕厚薄不一，亦煎得不够香。鹹水角，皮炸得外脆內糯，但内餡不太分明，糊塗一片。上素粉果，皮以澄面製成，有很強的伸展力，不易穿破。內餡有菇，芹菜，玉米及紅萝卜，蔬菜味道配合，而菇味突出，是出色之作。布拉腸粉吃得出並非外面買來的街貨，但粉漿比例失調，韌性不够，所以亦不能拉得够薄。油水也落不足，所以腸粉不够滑口。素翅鳳眼餃，雖然賣相不差，但一用筷子夾起，材料便四散，好睇不好吃。蒸义燒包，的骰細緻，內餡帶甜，义燒是真燒過那種，並非肥猪肉拌上义燒醬便算，不錯！這次飲茶的體驗是良好的，但下午茶會較經濟。

唔係為咗就親戚 方便應該冇乜機會嚟呢度飲茶。 泊車難唔難？ 對面油站在後面條街有好多咪錶位 不過多數長期畀車房及附近嘅鋪頭霸佔 咁就要行多幾條街 去東京街嘅另一邊拍入啲屋村。 搭地鐵就長沙灣站好似近啲。 呢間嘢喺商場3樓， 睇啲部長同啲阿姐你都知 係一啲比較舊式嘅 經營。 啲嘢食真係普普通通 切雞瘦到冇乜肉嘅， 只係得啲叉燒見得下人。 點心質素只係一般 個鯪魚球林bet bet .... 不過價錢就算係平。 地方尚算寬敞 不過個洗手間污糟得都幾恐怖。 如果你問我 老老實實我特登嚟呢區食唔會幫襯 呢間。

又喺一年一度細妹嘅生日飯，過往幾年都喺就番細佬妹揀晌深水埗食，但今次就行遠多一個站，改晌長沙灣。而佢哋較鍾意食中菜，所以，就搵咗間商廈樓上嘅中菜館「天然居」。其實呢間酒家屹立晌長沙灣應該都有廿多年，因為，小弟十多年前就同啲夜校同學晌度搞過謝師宴，哈哈！內裡嘅環境比較老式嘅酒家，無咩豪華靚裝，都喺少少街坊酒樓格局，但就勝在地方四正，乾淨企理，而且，掛上幾部大電視，俾啲街坊茶客一邊食飯，一邊追劇，目測所見，睇到唔少客人都似喺街坊客。菜式選擇方面，睇到張小菜紙就更感覺喺好街坊，簡單嘅色紙印刷，底面兩版，就大致上羅列晒各類小菜、燒味、是日靚湯、啤酒、汽水……等等。仲有另外兩張細餐牌紙，喺啲餐前小食、特價精選、各款孖寶、套餐及海鮮……等等。晌特價精選中，見$98一隻燒雞，真喺無理由唔點。順便講講，茗茶收$12位，酸菜$10一碟，所以，眼前呢碟花生成10蚊架。粟米魚肚豆腐羹 $88先嚟一鍋粟米魚肚豆腐羹，嘩！勁大鍋，每人至分到兩大碗有多，出嚟嘅質素一啲都唔失禮，兼且勁多料，粟米、魚肚、豆腐樣樣都多，最緊要喺個質感煮到啱啱好，唔會太杰或太稀。豉汁帶子蒸豆腐 $98細妹對唔少海鮮有敏感，但帶子就絕對放

完全冇想過每位二百元可以吃到這麼豐富而又有水準的海鮮餐，一衆朋友對這間隱世食店也有些好奇，就趁今晚去試一試，發覺他的海鮮不但止新鮮，而且煮工也很有水準，尤其那個粉絲蝦煲和扇貝，當然他的燒雞也很有水準，皮香肉滑，最令大家驚喜就是他的燉湯，不但止材料豐足，而且湯味濃郁，實才令人有一番驚喜，由於不是在旺區，店員的親切招待，也是這所店的一個特色，據聞是自家鋪，在這區已有很長的歷史，店子不大，但是在食材和手工已得到街坊的肯定，今次朋友確實是一個好介紹，下次再有呼朋喚友的時候，也一定要來這裏再试他的圍餐。

只試過下午在天然居飲茶，感覺環境不錯，沒有平常去酒樓的嘈吵，很舒服！最重要是食物質素不比附近的酒樓差。但晚飯就未試過喇，今次父親大人開口話試吓呢度嘅晚餐，就試試啦！$1488全包宴，連埋啤酒汽水，免加一，抵食！鴻運乳豬海蜇（半隻），皮脆肉嫩，唔油膩，唔會食到成口油。蝦仁翠花姿（點解搵唔到花姿？問侍應，佢可能新入行，竟然答我：係呀，廚房整咩就係咩架喇）後來有個高級的侍應可能聽到對答，主動走過來，說給我們換過一碟。金巢海中寶 哎，無睇清楚，一人選一個菜式，才發現兩個菜式有點相像⋯幸好，蝦仁爽口彈牙，我亦比較喜歡西芹。但可惜個'金巢'唔脆嘅⋯鮑參翅肚羹 味道都唔錯，亦食到厚厚的海參絲。蒜蓉粉絲蒸元貝 我永遠覺得呢個餸，粉絲才是主角，粉絲吸收晒啲鮮味，正！碧綠炒龍躉球 肉質嫩滑，唔錯！蒜子火腩炆頭腩 粉唔厚身，還可以。清遠鹽香雞 好夠味，唔太咸，肉不嚡。楊州炒飯 唔錯，炒得粒粒分明，最後上菜，反而好快清晒成碟！最後上甜品，紅豆沙 唔太甜，為晚餐劃上句號！

一家人放假去酒樓飲茶嘆番一盅兩件是指定動作吧！所以今個星期日，我們兩小口子來到我們常來的天然居嘆茶~屋企附近其實都多酒樓，不過覺得都是天然居好食啲！以前來茶樓食點心，蝦餃燒賣是必定要吃的！可現在不吃豬肉之後，已經無得食了，好彩天然居點心小食的款式都多，就算不吃這兩樣，都還有很多選擇~下午茶時段就是最抵食的，就算星期日也兩點便開始，剛好放假的日子可以睡到日上三竿之後才落來^^下午茶綠色紙上的點心一律10.8元，都幾抵食！來這裡十分喜歡食薄罉，平常我不食蔥的，可是它就是煎得又香又煙靭，有小小蝦米，味道更好，加上圍邊的地方脆脆的，縱使我要逐粒火腿揀返出來，但仍喜愛食它！蝦餃外觀幾好，不過無我份，薑蔥牛柏葉湯汁濃味，大大件的牛柏葉爽口彈牙，愈食愈停不到口！棉花雞平常應用魚肚加冬菇加雞肉，可是不知為何會出現西芹，有點格格不入，而且雞肉吸收了西芹的大味道，更顯得怪味！加上“魚肚“極似是用“豬皮“來替代了，我不敢試，怕真是豬肉，令我極失望！！是日最好味的要算沙薑雞腳了！本身採用新鮮雞腳，所以彈牙度已無雪藏的可以比，而且咸度很好，沾了沙薑外皮更滑，腳非常有咬口！

近期多幫襯呢間酒家，因發現點心好食及有水準，聽酒家經理講星期六、日及公眾假期會推出幾款精選點心，但如平日預訂點心都可以，所以今次都預訂三款點心，菊花春卷、义燒餐飽仔及燉蛋白😋，及推介芋粒臘味炒飯，果然炒得好香夠嘢味👍