影片
港鐵土瓜灣站A出口, 步行約4分鐘
繼續閱讀
營業時間
星期一至日
12:00 - 15:00
17:00 - 22:30
以上資料只供參考, 請與餐廳確認詳情
之前見到依度有outdoor 位置已經想黎試下😇😇黎親唔係outdoor 有人坐梗就係裝修中，今次終於有機會試到😋😋始終土瓜灣要搵個地方可以邊食野，邊飲野又可以呼吸既地方真係唔多😇😇餐廳啲裝飾幾得意，見到都想飲多两杯😂😂其實餐廳唔係好大間，我唸大概二十個坐位左右，不過坐位之間唔會太近同太迫👍👍講真，依度啲清酒真係真心抵飲🫶🏼🫶🏼🫶🏼一百幾至二百頭一支720ml ，真係超抵👍👍掛住飲掛住食都無咩點影野食相🫣🫣佢地啲串燒抵食得黎有驚喜👍👍豬腩肉同雞皮我地都嗌左两三次😋😋仲有雞心元都係依度特別推介🫶🏼🫶🏼同埋店員個個都好健談👍👍好食又好有人情味既小店❤️❤️
繼續閱讀
病完之後 就好想食好多邪惡既野食😈今次同朋友再訪土瓜灣既天神食堂餐廳換左MENU 價錢依然好抵食朋友都大讚呢😇土瓜灣站行去都好近 5-10分鐘到真係唔講都唔會發現到呢間小店居酒屋格局 滿滿既動漫卡通 好輕鬆既感覺🤗而家仲加左D霓紅燈裝飾 多點香港色彩餐廳開到零晨 同朋友係到傾計CHILL到夜一夜都唔怕🤫晚市以各式串燒同小食為主新MENU仲出左雞心元 雞頸肉 雞皮蝦等少見既串燒 價錢好抵 $14起 😌9月仲做緊啤酒買二送一 🍻我地2個人叫左D小食串燒SHARE食樣樣都好高質 CP值好高添呀🥰一定會再訪😎小食💥鮟鱇魚肝配柚子醋啫喱 鮟鱇魚肝油脂豐富口感嫩滑柚子醋啫喱清新 中和油脂感好開胃既小食😉💥鱈魚魚乾 整得脆身香口 仲配埋個七味粉沙律醬送酒岩哂喇😀💥清酒煮蜆 好中意呢道小食蜆勁大隻肥美 份量又多 仲要好鮮甜😚串燒💥翠玉瓜 💥日本青椒仔 💥開邊雞中翼 💥雞心元(限量) 💥雞頸肉 💥雞皮蝦💥安格斯牛小排💥盬燒牛舌芯 💥豬腩串💥煙肉熔岩爆槳車厘茄💥雞肉棒棒💥獨創火爆雞肉棒串燒全部都燒得恰到好處微焦香 調味適中 嫩滑又KEEP到肉汁👍🏻多款特別口味既串燒個人好中意佢地獨創既火爆雞肉棒加左指天椒係入面 辣辣地好過癮😈煙肉熔岩爆槳車厘茄 一咬就勁多芝士 正😆雞皮蝦 雞皮燒得脆口 但蝦肉好鮮甜😋燒飯糰💥明太子蓉燒飯糰 💥蟹膏燒飯糰 2款燒飯糰都勁好味 燒得又香又脆外脆內軟咁 仲要好足料😋明太子蓉帶點辣好惹味蟹膏帶鹹香濃郁 鮮味爆發拎紫菜包住食 仲香口😝甜品💥黑糖菠蘿 💥燒芝士年糕黎個串燒甜品 食埋大滿足😆飲品💥荔枝鮮奶沙冰感覺用左新鮮荔枝製成既沙冰好FRESH飲落好清新☺💥天神特飲 上次飲過好中意今次再ENCORE酸酸甜甜 配串燒好夾😉
繼續閱讀
本身幫襯開另一間串燒店，覺得師傅燒得好味，最後一次去食物大變質，原來師傅走左。好彩g前有因為叫佢去街市買特別嘢食燒拎左電話，whatsapp佢原來去左呢間舖。新呢度環境更chill,有妹豬鍾意嘅燈牌打卡位。whatsapp師傅訂位時，佢話今日買左新鮮紅龍，咁一定要試啦，兩隻開四邊，試晒3隻味，芝士，牛油同鹽燒。芝士同牛油勁正，鹽燒咸左啲。其他叫左3杯大啤兩杯細啤，章魚丸，蜆，雞翼，雞皮，軟殼蟹，明太子，幾串牛肉（因為出左街外食煙，唔知朋友叫左咩牛）同燒菠蘿，燒菠蘿外面有層糖衣入面勁甜勁多汁（醉醉地無影到😅🤣)，我嘅no.1推介。龍蝦我都唔知洗唔洗訂，想食就打去問問啦。
繼續閱讀
估唔到土瓜灣有間隱世居酒屋🍶除咗1比1嘅蜘蛛俠🕸️🕷️我好鍾意牆上用粉筆畫嘅畫, 畫得好細緻依間居酒屋我食過幾次😋食物質素食得出好用心去製造,即叫即做‼️見到我哋叫嘅野食幾乎一樣一樣咁上好似食緊Omakase咁每件都係熱辣辣咁放入口章魚小丸子🐙食到章魚粒有口感咬落去好似炸嘅感覺😋😋比平時嘅小丸子更脆同乾身薄脆雞皮🐓超級薄脆之餘,唔會有焦黑變苦嘅味道真係好有心思,因為出面雞皮真係淨雞皮甘燒佢係會連埋雞肉與皮之間嘅脂肪加皮去燒所以口感會煙韌加好香脆👍🏻👍🏻封門柳 封門柳肉質粉嫩,牛味濃郁,五成熟👅👅配玫瑰鹽,更加突顯牛的香濃龍躉粒粒天婦羅 龍躉夠鮮,口感煙韌,啖啖肉😋😋左口魚群邊天婦羅👍🏻👍🏻魚油香味重,依個幾特別好少地方有配日本柚子鹽,味道更突出心太軟🍫👍🏻👍🏻心太軟入面朱古力好香濃個皮外脆內軟配上雲呢拿雪糕及忌廉冷熱交融, 真係估唔到係度食嘅心太軟係咁高質仲要好食過西餐廳同專食心太軟嘅甜品店
繼續閱讀
我同屋企人一齊去咗呢間餐廳食嘢。入到去嘅時候，我哋即刻畀到餐廳嘅裝飾吸引住。呢間餐廳到處都係好多精緻嘅模型和各式各樣嘅裝飾，仲有一個真人size嘅蜘蛛俠模型 揀好位坐低之後，我哋開始睇餐牌，發現餐廳嘅食物選擇好豐富，而且價錢都幾平。點完餐之後，大概過咗10分鐘，嘢食就送到喇！呢個速度真係好快，完全唔洗等太耐。當侍應將我嘅蒲燒鰻魚飯送到我面前嗰陣，我真係覺得好驚喜。呢碗飯上面有一條好大條嘅蒲燒鰻魚，睇落去好新鮮，香味撲鼻。最令人滿意嘅係，呢碗蒲燒鰻魚飯嘅價錢只係80幾蚊，性價比都算高。我同屋企人都食得好開心，大家都覺得呢間餐廳嘅食物質素好高，又唔貴，以後一定會再嚟。呢次嘅用餐經驗真係非常愉快，值得推薦俾朋友。
繼續閱讀