天聚源 (已結業)

每次尼到呢一間蒸海鮮...海鮮又新鮮...上枱后的海鮮還會郁..地方又舒服...特別個豬手再配酒真係吸引我每次尼...三五個朋友坐係到舒服傾下計...又唔會趕人走

首先好想講佢呢度真係好靚，坐出邊露天嘅話呢可以影吓相，而且又有得泊車，佢嘅粥底海鮮蒸氣火鍋超正，老實講偏向有啲貴，但係勝在好食，令我愛上蒸氣火鍋，個粥超入味，推介👍🏻🌹

平時好小會出街打邊爐同埋食海鮮，因為覺得自己買料又新鮮啲，抵食啲，最重要系一定洗得乾淨啲。但因為同太強屋企人食，洗唔到咁強海鮮，上網睇呢間評價唔錯就試一試佢環境黎講都幾岩一家大細去食，地方夠大。同埋佢外面燈光暗啲，當日我地就坐房，所以無蚊咬。我地當日系叫套餐既，如果大家都系想叫套餐記得系佢黎到戈陣點一點數，因為成日都會有漏要叫佢跟一跟番。講番啲野食，佢系第一間我會覺得洗得夠乾淨既餐廳，應該同自己洗既程度差唔多！亦系呢間野最加分既地方，最緊要系佢啲食材都系好新鮮同埋無泥沙！所以會再去食

朋友喺外國返黎話想食蒸氣火鍋，即刻諗到天聚源因為佢地既裝修好有中國特色。如我所料，朋友一入到中間outdoor 位置已經讚好靚。2個人叫左精選蒸氣石鍋套餐，另外再加鮑魚。餐廳有部夾公仔機，夾中公仔既話可以用公仔換蜆，又有抽獎抽現金卷。首先黎左個沙律同冷烏冬冷烏冬撈左芝麻醬超級好味，好味到停唔到口，但要留肚食海鮮因為平日加上落雨，餐廳比較少人。待應有時間幫我既整，呢個服務真係可遇不可求👍🏻👍🏻👍🏻海鮮夠新鮮，所以就咁清蒸都好好味。每食一樣都有驚喜。食哂海鮮之後，佢地拎左碟雞件黎蒸。將所有蒸海鮮同雞既精髓都跌左落個粥度超級無敵咁好味！

今次母親節，想搵一間有特色的餐廳慶祝一下，始終未試過一家人一齊食蒸氣海鮮。藍地以前行過經過好多次依間天聚源，門面裝潢係日本風，一直以為係食啲普通日本刺身，定食個啲，冇乜點吸引到我留步。後來聽住藍地嘅朋友介紹，原來佢地係做蒸氣海鮮，一於試下好吾好食先行到入去原來係超大的，有個戶外埸，冬天坐出面應該好有氣氛，夏天就吾好了，想熱死嘅話可以試下嘅。依個係室內有冷氣，地方都好寬敞嘅。今次我地揀左坐室內，因為個日好熱我地5個人，揀左個4人海鮮套餐另外再加左啲日式串燒牛舌好厚身好好味，雞翼燒吾錯，不過吾夠香口。另外仲叫左炸雞軟骨，吱豆，芝士圈雞軟骨：調味幾好，只係炸粉有啲厚，有啲適中吱豆：好難整得難食，除非本身吾中意食芝士圈：Good海鮮好鮮甜，平均水準高，價錢比出面平好多，今日人均250左右特別要讚個個蕃薯蜆，鮮甜爽口，多肉下次會單叫多幾隻珍珠蜆，好咸呀有好多隻，每一粒都好似食緊海水咁，不過係海鮮本身嘅問題尼。我吾中意服務都吾錯，雖然吾係幫你蒸埋嘅，全部係自助的，但當你有需要時，店員都好主動去幫你水可以任飲，其它飲料計錢，有罐椰子汁好難飲🤢🤢🤢仲要貴23蚊，千其吾好中招，但我冇影到，哈哈。鍋底係粥

其實住附近，反而近嘅美食冇試過。工人姐姐放假就試吓嚟食呢間啦！一家大細有老人家坐輪椅。服務員態度非常好任我哋揀一張舒服嘅枱方便我哋照顧老人家。叫咗一盤肉，一盤雞同一盤海鮮一個烤盆，一個蒸氣火鍋海鮮好有趣，每樣野寫得清清楚楚要煮幾多分鐘。而且啲蜆同扇貝都非常大隻，好新鮮亦唔會有沙肉就似平時烤肉，冇咩特別。蒸氣鍋食到最後會放埋啲雞同埋啲米落去煲雞粥，之前啲海鮮汁都會滴晒落去，好新鮮。膽粗粗打算試吓個烤豬手點知有驚喜，豬手外脆內軟，加埋佢個汁好好味好開胃！

本來生日開開心心食餐生日飯。來這裡當然係食蒸氣海鮮鍋！我們叫左個$498兩個餐。一份小牛排。一份德國豬手。同一杯白啤酒！送餐服務快。我們都好快都食了海鮮！海鮮係幾新鮮。但貝殼類就好多沙！有十隻不同的蜆食到沙同唔開死左晤食得。食海鮮途中我們把蒸好海鮮的汁倒回粥到。因為想鮮味一點。因為呢餐我最期待係個海鮮粥底啦。可能食海鮮食得太急！所以個粥我們唸住慢慢食。點知吹下水途中個鍋蓋係咁流好多水+粥水的野落枱面同我隻腳。我立即叫人來睇。服務員來到時叫我們坐身晤好整到個身。她把一個啤酒筒同裝垃圾器皿裝起流出來的水整走。當時我心唸。晤係呀。我們之後點食。她們整完流出的水後成個鍋都拿！我問她們甘我個粥底點。她話比翻個白粥底我。但我們的海鮮食曬。我心想比個白粥我有咩用。我聽完好好笑。如果要食白粥我使係到食。我不如係家自己整。之後她們就未試過發生這情況。即刻心想係我會預知自己係甘？！她們見到我黑黑地面。之後話送其他野食比我們。例如有咩海鮮或其他想食！我心唸我老公生日一心來這裡係開開心心。食個海鲜精華粥。我們還突登把蒸好的海鮮汁倒回粥下面。想個粥好味一點。但最後無得食。老公求其叫左杯白啤就算。但我心好晤開心好

一大班朋友好久不見，相約在這裡好好大吃一頓蒸汽海鮮，沒令人失望，環境有點室外桃源的感覺，海鮮也多選擇，而且很新鮮，大大隻的扇貝、聖子王配上粉絲蒜蓉一起蒸，蒜泥的香味加上海鮮的海水味，令人食指大動，還有象鼻棒、螃蟹、大大塊的肉彈牙、鮮甜，令你欲罷不能！最後就是要喝一碗海鮮精華粥，太美味！

天聚源，常給人印象是「世外桃源」，原因是她外邊大門給人感覺與內裡設施和裝潢全不一樣，大門是一般餐廳模樣，但看不透裡面是吃甚麼的，常人猜的都是喝啤酒的地方，但內裡是別有天地，有一塊露天的空地，建造了數個木製類似涼庭的屋仔，中間放枱，每個涼庭內都掛著一個燈籠，十分古典和別緻，客人就是在枱上吃東西和與友人相聚，大家都有回歸有自然，自由自在的感覺。如果天氣太冷或太熱，可選擇進入內堂，內堂有空調，可遮風擋雨，如同酒樓一般。食肆名為「天聚」，可能別有用意，露天的空地，的確可看到天空，感覺與天相連，太陽星星月亮白雲，盡入眼簾。空地上，還建有鞦韆和魚池，魚池上有一水車輪，十分雅致，作為與友相聚的好設施。當與情侶在此地相伴時，會感到浪漫，當與一群好友相聚時，會感到豪邁和奔放。晚上燃點了所有燈籠和燈飾時，又會有七彩斑斕和五彩繽紛的氣氛。食物方面，主要是青一色海鮮套餐，分二人餐和四人餐。二人餐有龍蝦、大蟶子、扇貝、大蝦、花甲、貴花蚌、蜆、走地雞，再配烏冬和沙律。四人餐除了份量多一些之外，還多了一隻紅蟹。空地上，還附有一檔海鮮檔，隨叫隨劏，非常新鮮。有時，看見一些海鮮如龍蝦上枱，劏開半邊，手腳還在動，反而有點

嗰日同老婆喺藍地大街 行街，去到天聚源 蒸氣火鍋 。叫咗個 蒸海鮮 二人套餐 。食物包括有 龍蝦 ，海蝦 ，貴妃蚌 ，大蟶子， 花甲 ，特大扇貝同特大蜆 ， 羅浮山走地 雞。 同埋烏冬同沙律 真係非常豐富喎。 餐廳一早已經安排咗啲 米 喺個蒸鍋度 。 啲海鮮非常新鮮 ，蒸啲時間啱啱好 。走地雞 雞味豐富 非常 嫩滑 可口 。 烏冬同沙律醬汁調較得酸酸甜甜非常惹味， 食完之後再食海鮮就 一流 。而最驚喜嘅一樣嘢就係嗰啲粥啦， 啲海鮮嘅精華喺曬啲粥度。 我同我老婆都食咗兩大碗 。結果捧住個肚飽飽地咁回家， 今餐真係有驚喜哦。

第一次覺得差到要寫評論！ 期待很久終於去試到 天聚源，可是期望越大失望越大，食物很一般，無想像中新鮮，而且份量少⋯⋯叫了4人餐，但沙律和烏冬只有2人份量，龍蝦細只，聖子有沙，個粥底都唔覺有海鮮味...而且室外座位十分多蚊子，食完後基本上各個都要去一次toilet...當清腸胃了！總結係唔會有下次.

這間的餐廳其實表面是好像是居酒屋,也像燒烤店，實情今日我要介紹既就唔係表面既東西啦，其實餐廳既入面有一個好日式既大花園，環境優美。由於今次是朋友發板的,所以我就看看那些海鮮需要多少時間去蒸熟不過要記住一個小問題,海鮮要好吃就要留意時間的問題唷!!!

一入到去好似去左世外桃園咁，有千秋，魚缸，烏龜。屯門嚟講很難得既地方叫左個大海鮮餐，整體來說都是新鮮，龍蝦爽口，重有高的，價錢合理，份量剛好，環境舒適，會介紹朋友去

今晚係同屋企黎食晚飯當團個年, 勝在有海鮮嘛, 老豆至愛。這裡最好就是有餐可點, 4人餐只需$698, 有龍蝦, 蟹,特大聖子,花甲, 蝦等等。。。一開始就會有個粟米生菜沙律 仲有麻醬撈凍烏冬, 這些都是普通的頭盤, 致在蒸海鮮。 這裡每樣海鮮都有張紙教住 需要蒸多少分鐘, 咁就唔使估估下。老實說, 蟹同埋龍蝦就不足夠4個人食, 不過這個價錢都不能預計每人都分到龍蝦又有蟹, 都是散叫多份吧。 龍蝦好新鮮彈牙嘅, 蟹肉亦較細, 有膏。海鮮整體都好新鮮而且夠其他都有足四人份量。蜆類完完全全沒有沙, 可以每隻都食住讚, 而且有沙的話跌落粥底就會影響個粥, 所以最後個粥只有吸收曬蜆汁。另外, order 左鮑魚, 都係好食新鮮, 又有口感。最欣賞雞件, 蒸雞又滑又香, 有雞味。又再加多串燒 , 豬腩肉- 燒得剛好 而且彈牙, 仍保留到肉汁。豬耳又真係幾入味喎, 爽口度剛剛好, 不會太硬。送酒一流個餐仲包埋生啤一大杯, 真係好抵。最後粥底 加埋生菜絲 都每人食兩碗大有多, 份量好夠, 味道非常鮮味, 夠曬味 完全不需要加鹽或者冬菜等配料。

屯門藍地大街海鮮粥底蒸氣火鍋呢度有室內同室外，要讚一讚室外地方， 座位與座位之間非常闊落， 完全唔會有一種好迫嘅感覺，但唔好處係如有6位以上就會有分開枱坐咁！好啦講返嘢食先， 我哋叫咗個四人餐$698， 海鮮喺個魚缸度撈起處理好畀我哋， 上枱時D海鮮仲識旭😁超新鮮！ 我哋先食海鮮帶子, 蟶子同蜆有滿滿嘅海水味， 龍蝦螃蟹都有膏😍，好彈牙😋！最後我哋先至蒸雞， 雞有驚喜， 估唔到有鹹香同酒味醃製過👍🏻另外我哋叫咗燒生蠔同炸餃子喜歡食燒生蠔嘅朋友可以試下，雖然蒜蓉味唔太突出，但係佢嘅海水面非常之正， 而家好少燒生蠔會即開即燒， 炸餃子就皮薄肉嫩， 我啲朋友都話好食！😋😋 唯一唔好既係地點， 揸車嘅朋友呢度可以泊車，