天與地龍門酒莊 (已結業)

無論食物或環境都不錯，不過沒有水供應，我們就要了在menu 中挑了一種很特別蠻好喝的茶。這裡還有巧克力高力。裡面是暖暖的巧克力醬和果仁~! 喜歡甜品，特別是choco 的人，必定要試~=========================================想看更多的pics 和comments，請到my blog:http://hk.myblog.yahoo.com/mei_ciel/article?mid=37&fid=-1

已經唔記得點解要約班損友出去食lunch,總之suggest黎呢間果個最後無去到lor.... -_-" 4個人叫左4個set lunch,湯+飯+一款:香甜骨--唔錯,幾香口蔥爆肉片--都可以,送飯都好蟹柳豆腐--呢個就麻麻地,可能本人唔係太鍾意食蟹柳京川魚塊--都係唔錯0既另外仲加左抄手&窩貼tim, 不過不失啦 0係中環黎講可以book位,又係呢個價錢呢個食味算幾好,下次想約人食飯呢度都係唔錯0既選擇,不過一定要book位,walk in 應該無乜可能ga la...

環境有點昏暗，來了這兒吃午餐。食物都是細細碟的，我們一行八人，迫在一個小房，坐得不太舒服。至於食物，每碟都可嘗一、兩口的，口水雞應是招牌菜吧，普普通通啦，紅油抄手都ok，另外其他餐都不太記得了，每個套餐包一碗飯、一味餸和一碗湯。

好耐無去過天與地，以前都係去諾士佛台那間，中環是第一次。上面拉客的姐姐仔，基本上無乜function，可能今日條街人少吧，唯有同隔離傾兩句打發時間。入到去都係黑孟孟的隔局，還好安排的二人，有多一張椅子放袋。叫了三味，包括醬汁包心菜，醬爆蝦仁茄子，同埋雪菜雞絲炒粉皮。女友問我鍾意邊款，其實頗難選擇，因為各有特式，包心菜很惹味，雪菜雞絲炒粉皮我從未吃過，有點新意，而蝦仁茄子是出乎意料的甜味，也是別有一番風味。最後都揀了炒粉皮，就因為未吃過炒粉吧！反問女友，佢就喜歡蝦仁茄子，因為甜味很特別。其實三款食物也是自己心水，所以吃得也開心。問題是九點鐘吃完，十二點已有點肚餓，是我太大食，還是不夠份量呢？服務還可以，可能今晚算是清閒，大家都因為天氣凍，改吃火鍋吧。多謝請我食了餐。

其實都唔係第一次食, 不過覺得佢地愈來愈差. 上星期有日去食晚飯, 一入去勁多普通話人, 以前都冇咁多大陸客. 我地2個人叫左芹王牛肉面, 西湖蟹肉湯, 炒豆苗(竟然要加錢, 佢話豆苗貴wor!), 同小籠包. 小籠包幾大粒, 味道ok, 西湖蟹肉湯蟹肉少,冇乜味, 芹王牛肉面得果少少牛肉碎, 仲完全冇味. 炒豆苗又係完全冇味, 似乎鹽都冇落一粒. 男友叫左杯青島, 唔知點解飲飲下愈飲愈酸, 結果返去又柯又嘔左幾日. 又唔抵又冇味仲會食物中毒, d waitor 又唔係特別nice, 以後都唔會去.

我以前係中環返工，依傢就係金鐘，Lunch有好多時都會去中環“天與地”。又可以book位又可以坐得舒服D。D野食又唔貴，比起食“翠華”趕餐死真係好好多。Set lunch $54一个，每個禮拜換一次。D食物偏辣，又有湯同前菜，幾好食。不過呢到D服務就真係差得好緊要。我對餐廳D服務好者重傢，我覺得身為消費者點解要受氣，我俾足錢wor!!!呢到D waiter, 一D笑容都無都算啦。每次都催我買單！我未食完碟野又收走。外面無人等位都可以放低張單，有病！仲有, 有次我同6位朋友又係食Lunch，本來有2個茶壺，食食下得番1個，我問個waiter，佢話唔夠茶壺用。哇~ 唔係卦？？！？！？！唔夠係應該去買咯！！我6個人，茶壺又細，你地D waiter有唔識refill！唔該改改D服務啦！！

今日行程緊密，剪完頭髮，就去了中環既聖誕歡樂小鎮，將祝福語登上了電子屏幕。接著去買聖誕禮物，跟住就近近地係天與地食個晚飯就趕去看林海峄個show。好耐無黎過，環境一樣陰陰暗暗，侍應們講個句國語“歡迎光臨天與地”講到好似英文甘，真係要檢討下。個二人餐都幾抵食，不過最衰唔岩口味，所以散叫了魚湯豆苗﹑露荀牛肉﹑黑醋松子魚﹑雞絲湯麵。牛肉很嫩，但個菜就淡左啲。整體味道ok，我杯紅棗龍眼水好味，唔會太甜，但男友就嫌杯薑茶唔夠薑。客人已由主要老外變了多自由行。

難得專兄來找LQ和我兩個中環友午饍，地點選了這裡，應該是專兄想試試這裡的擔擔麵的原故。坐在高檯，如LQ所言，格局似Pub多過似餐廳，而這一邊事實上這裡晚上也是飲酒的地方來的。就叫幾個午市套餐，計有蜜汁豬爽肉麵、擔擔麵及辣子雞丁飯，再加一碟口水雞。豬爽肉幾腍，口感一般，甜甜的似叉燒；吃了一點擔擔麵，都有點辣，麻醬都幾香。但吃了大半碗的專兄卻覺得麻醬太多，只屬一般；辣子雞丁一上檯就知唔掂，醬汁很多，一點辣椒的影子也沒有，亦不辣，只當作是個平常的下飯菜也無不可；口水雞也不辣，吃完也是一頭霧水。唯獨是地方不錯，裝修幾得意，亦有大電視看新聞。杯杯碟碟都幾靚，食物賣相比味道好，同意專兄所言，這裡的目標客戶似乎是一眾洋人，不過是日所見，是本地年青白領來吃的多。埋單二百一十蚊，不貴，但似乎沒有再來的道理。來飲杯野，都還可以。

這是一個較早前的午飯記錄。約了中環食友P先生及S小姐來一個即興午市飯局, 但地點頗難選擇, 選了幾個地方都已爆滿, 最後輾轉間選擇了這裡。印象中, 這是一間典型的“鬼佬中國餐廳”但坐下環顧一下四周, 其實更似是一間中式格調的酒吧。雖然, 看其裝修, 對象仍是以老外為主吧, 我相信。三個人被安排坐於一張高檯, 說實在的, 當然不會坐得舒服, 但午市人多, 再要求也只是自找麻煩。午市套餐選擇都不算少, 價錢亦不算貴, 我要了一客麻醬雞擔擔麵, 賣相算是不錯, 份量未至於“縮水”一類, 但味道就一般了, 麵質較腍而湯底太濃麻醬, 拌雞的醬汁亦差不多味道, 反而雞件就無甚味道, 總之麵又好雞又好, 吃下去味道都差不多, 都是濃厚麻醬味帶少許幾乎感覺不到的辣。或者是我對擔擔麵的要求太高﹖但相信這裡的擔擔麵, 相信老外們會吃得頗高興。而據報S小姐的排骨麵及P先生的宮保雞丁都不過不失, 以“鬼佬中國餐”來說, 已算是合格有餘。但現在回想起來, 其實最好味的, 還是檯面上的那碟涼拌青瓜粒。

之前都去過‘天與地’幾次，每次都覺得他們的菜式OK，環境也十分舒適；但他們的Menu經常千篇一律，而且我不嗜辣，選擇少了一半，所以最近都沒有再去。今次就因為碰巧路過＋好肚餓＋突然想不起附近有更好的餐廳＋同行的爸媽都未試過‘天與地’，因此帶了爸媽入去坐坐。一坐下好口渴，其實只不過想要杯清水或普通熱茶，居然一定要叫四寶茶或其他drinks，迫於無奈唯有叫了四寶茶，爸媽於是有點不滿。幸好叫了幾碟菜味道都ｏｋ，包括‘天與地炒飯’，‘黃金桂魚塊’和‘松子鴨崧伴叉子燒餅’；炒飯加了蕃茄，酸酸甜甜好開胃；‘黃金桂魚塊’的咸蛋黃是我的至愛，膽固醇超標也在所不理；‘松子鴨崧’明明沒有‘辣椒指示’，應該是不辣的，但都辣到超出我們可以接受的地步，原來那些‘辣椒指示’是信唔過的，大家要小心。

如要比比那間上海店最好吃的，一定不是天與地，但論到裝修，天與地算是最好的了。Lunch時間，排隊的人多的是，我這個人最不喜歡等位，因為我認為等位是白白浪費我時間的事，但朋友想吃，那沒辦法，只好等。服務算不合格了，侍應不是傾計，就是門口那位粗聲粗氣，加茶亦要提，豁開不提這些，說說食物：香甜骨：得個脆字，食之無肉，棄之可惜；擔擔麵：朋友說這個有點像在日本街頭吃的貴價拉麵，他的意思應是說好味道；天與地炒飯：炒好放在石鍋上，熱得好緊要，要等一等才可將口進食，味道不過不失。總括而言，要排隊就不去了。

三年前自從公司搬到中環後,不時都會約同事同天與地午餐,貪佢有得預訂,set lunch價錢都可以。最近的一年,我都只可以用四個字來形容『每況愈下』。侍應、reception服務態度差不在話下, book了枱還得要我等上半句鐘。明明訂好了三人吃飯,卻硬要我三個人坐2人枱。食物都差得不能想像。單單是一味椒鹽排骨,我只吃到咸味,沒有其他了。起初還以為午市時候太繁忙,所以先失準。有晚ot後都已經9點,朋友約食飯, 誰不知他提議到天與地,我也即管再試。服務態度依舊惡劣(總算比午市好)、食物依然失準。糖醋魚, 太酸了!! 小籠包也沒有以前般多汁! 看一看四周,還沒有坐滿客,食物的水準還是這麼差劣。我想我以後都不會再到這間上海飯店了!!

午飯時間的中環當然是被人龍擠得水泄不通了. 12:45 拿籌﹐大概等了15 - 20分鐘便有位吧. 雖然我覺得知客不是太有禮.. 問她大概等幾張她只冷冷的說: "到就會叫你" errr.. HA! 點了一個飯餐(菜式是雞柳+ 勝瓜) 和一個擔擔麵餐. 兩者都包前菜- 一個辣辣地的榨菜東西. 頗為惹味. 那個飯餐送八寶湯. 是一個菜干湯, 味道不錯! 而擔擔麵就很有水準﹐花生醬+肉碎+麵質彈牙﹐好吃! 茶裡面有很多料的﹐有些像紅棗的東西? 因為食物太辣, 所以喝了很多茶! 價錢合理, 在這個燈光昏暗的地方吃中式午餐也夠特別吧! 吃完不久感到口渴. 味精作祟!!

午市套餐有大約十個選擇，有飯有麵，這次試了椒鹽排骨配湯麵，前菜是辣炸菜絲，再配四寶茶，連加一$42@。椒鹽排骨炸得極香脆，灑上蒜泥和椒絲，十分香口。可能炸物難逃有味精作怪，吃罷有點口渴。湯麵麵條不錯，有咬口。PS 這裡在早上11:15過後才可訂位。

日期: 2006 年4月26日嘩, 超差的服務態度, 大約12時40分, 入去食lunch, 餐廳有八成都是空的, reception 問我可否盡量1時多交, 我話應該可以掛。一坐下來, 跟住我的朋友通知我要1時才到, 便立刻告訢他們, 不可交(留意!!!這時餐廳仍有7 成是空的), 他們立該要我坐最差最差的吧, 我見其他剛入坐的人都不是預先訂也不用坐吧, 而餐廳又禁多空置, 為什麼要我轉坐吧??????? 離譜....要我轉的態度又異常惡劣。如果禁多人訂, 你咪掛在門口寫只接受訂囉, 為什麼比我見到你們講大話?我堅持要坐到1時多才轉吧, 點知我們剛剛食了4個字時間, 快餐店都未食完啦,佢就立刻叫我們埋單先, 我們照做, 一埋完單, 他們就立刻叫我們走, 我話之前個顆計話可以現在轉吧, 他們竟然說沒有吧, 你們只得離開, 實在令人驚訝他們的態度, 我們的東西只吃了一半,( 很細小) 竟然沒問我們便收曬。中環的餐廳我可以話巳試了80% , 我傱來未試過言種服務, 為了多做一個半個午市客, 可以這樣迫走人, 一般茶餐廳都好過佢好多, 食物又難吃, 又不要特別平, 我試過晚餐, 10個人