天與地龍門酒莊 (已結業)

都唔知佢點攪，今日去幫親佢既dinner, 叫晒野佢就問飲咩，然後比個酒水牌我，諗住order左咁多野咪飲水算啦，點知佢話淨水都要$8一位，如過叫menu上野飲，可以免費比一杯水比你，不過無得加水，D 侍應態度仲好差，SIGN~我對佢地可失望!

下午12點到3個人去, 諗住食lunch, 朋友先搵位, 我黎到都成12點20分喇. 叫左2個客飯再加碟菜, 食食下, 有個人走黎話要12點45分交枱, 仲拎張單黎叫我地埋單先! 我地剛剛食, 都未食完. 再過多陣, 又有人走過黎問我地d野食完未, 我地話未啦, 咁真係未食再嘛! 又過多陣, 又有人走喇問我地d野仲要唔要, 大哥, 好明顯我仲食緊啦! 點知佢竟然收左我碟菜同餸, 喂, 我仲未食完架喎, 佢竟然當我冇到, 仲叫我地食快d! 有冇搞錯?! 咩鬼垃圾餐廳?! 咁對d客既?! 呢d叫待客之道囉! 俾都唔會再去!

下午時間很多人，一定要訂位，但好像訂了位也要等一會。set lunch 有飯或粉選擇，今次五位同事去，點了三個飯餐，一個黑醋排骨、宮保雞丁、還有一個忘記了。另加一個醉雞和雷沙湯丸。

因早前試過香棘屋的$100set, 當中有四款食物: 前菜x2, 主菜及甜品, 份量同質素都唔錯, 又抵, 就試同group既其他食店.天與地一向都唔係平, 諗住咁抵就去試. 未食先激氣...1. 問我地是否非吸煙區, 我地話係, 佢跟住就安排我地坐響一對吸緊煙既情侶隔離! 我問個waiter點解, 佢先話有位就轉比我地. 咁就唔好問啦!2. 叫先有東亞promotion果個menu來, 我地點了其中一個set, 再叫佢比杯茶, 佢指住個menu話: 茶響呢度(示意要比錢叫先有) 我再問, 咁比杯水我啦, 佢又指住個menu話: 水響呢度, 冇禮貌之餘好mean, 連水都唔比杯人飲, 我地唔會比佢得請, 於是咩飲品都唔叫3. 得三款食物(1)縮水牛展, 仲要得8超薄片(2)迷你式下午茶小童份量脆皮素鵝, 但個九唔搭八既汁就好大碟(3) 超酸黑醋排骨(係得骨, 得個炸粉同骨)埋單居然仲要比前菜錢$10, 另叫既白飯又$10再加一, $100餐要$132埋單兼兩個人都唔覺得食左d咩, 唔想減價大可以唔參與呢優惠, 做得咁衰咁小家只會做壞自己個名, 大家記住唔好幫襯佢!

一個神秘的入口，其實對面就係蘭桂芳個7-eleven, 都好易搵。餐廳裝修好有中國神秘色彩，好暗，沿樓梯行落去的牆身底有一個個細電視仔，其實都係幾浪費的設計。不過呢間野原來又係King Parrot Group 的，真係去到邊都走唔出佢地手指LA...今天lunch 叫左擔擔麵同香甜骨(即係咕嚕肉) 食，免茶芥的。擔擔麵好重麻醬味，而香甜骨則炸得唔錯，入口有少少脆及有肉食。有D 地方整出來會太淋太硬或太多骨，呢度就剛剛好，不錯! 佢的set lunch 在中環區都算抵，不過好多人食, 要早D 入先好...

今次係我第二次黎呢度食，今次係食lunch, 食左個上素麵，其實只係一d粟米冬筍冬菇等素擺埋一齊，味道好普通lor, 連埋青瓜既前菜三十幾蚊，係環黎講都算係o甘啦

普普通通的晚飯，不太好也不差。主菜那些鐵板豬肉和其他送，令我想起跟團去旅行在唐餐館吃的飯菜。反而飯麵類較好，炒米粉、擔擔麵都幾好。服務一般，有點死氣沉沉。最喜歡還是叫"青蛇"的奇異果青蘋果飲品。我諗還是比較適合遊客。PS 是一間沒有筷子座的餐廳，太不留意細節了。。。

有幾樣野係非叫不可. 第一, 一定要試下個正宗既拉茶, 緊記一定要襯熱飲. 然後, 馬拉盞就一定唔少得, 睇下你想炒乜啦, 我本人就覺得炒蟹真係冇得頂. 既可以帶出馬拉盞既香味, 又可以帶出蟹既鮮味。這味菜同出面普通既炒蟹, 真係與眾不同.不容錯過. 最後, 梗係唔少得個薄餅. 香口得離帶鬆化. 鬆化得離帶煙un, 煙un 得離勁有口感. 冇得頂. 如果你未去過, 不防試試, 實冇介紹錯...

今日同朋友仔黎呢度食晚飯，呢度環境好好，好黑，好有情調，我地食左天與地炒飯，怪味雞同埋素扒粉皮，炒飯冇乜特別，但好夠熱，怪味雞甜甜地，好食，但好多碎骨，粉皮都好好食！好鍾意呢度個環境呀！不過飲水竟要比錢！埋單接近二百元，有點貴，不過都okay啦

中環區中式午餐來說幾抵食, 都是$5X.中式小菜+湯+飯, 黑醋排骨好味, 同事試過麵餐都OK, 我幾喜歡佢地的茶, 叫四寶茶, 雖然比八寶茶小料, 但都OK.以前新開時好耐都以為係PUB, 因為太黑, 位又似LOUNGE SOFA. 試過食晚飯, 都幾好味, 但份量細細碟, 適宜3幾個女仔, 男士一定唔夠食.

星期四同d 兩個friends 去呢度食dinner，叫左1. 醉雞2. 羊肉薄餅3. 螞蟻上樹4. 海哲頭5. 擔擔麵6. 3杯特色飲品。我地前後叫左都冇10分鐘，d就上晒檯。速度之驚人，簡直令我o地嘩然。d菜的味道基本上ok，不過海哲頭就好咸，唔係咁好食。價錢就貴d，3個人成400幾蚊，不過坐得幾舒服，o岩晒三五知己黎食飯傾計。

之前經過, 見佢有個廣告話set lunch 係$30 up, 同朋友決定在此lunch.Selection有小菜set ($52) 或湯麵set ($38 up). 上次來天與地食晚飯, 只得幾檯客, lunch time? 竟然逼到98% 滿座! 我諗只係做Lunch都夠交租了.4人order:小籠包<- 特價$25四隻, 水準可以, 有肉汁.醉雞<- $55, 散叫幾貴, 而且朋友話不及尖沙咀店好食.黑醋排骨set <- 包前菜, 湯及白飯, 清茶. 味道very good! 入味, 不太鹹.麻婆豆腐set <- 好辣! 麻麻地...埋單$200鬆d, 重平過去翠華食lunch, 有d離譜. 不過環境好嘈, 如果1:45pm 去, 就剛剛好人潮散去可以傾到計.

今日同兩個朋友第一次去天與地食lunch，之前朋友話這兒很多人，所以我們提出十二點半出去。雖然沒有訂位，但由於時間尚早，所以還有bar檯。今次我們選擇了set lunch，一飯一餸一湯一前菜。份量不少，味道也不錯。但朋友上次叫了麵餐，份量就較細，連女仕也覺得不夠。雖然地方較迫，但座bar檯不會見到其他人，所以也不錯。

今日11點幾打去book檯話full哂，叫我地試下walk in，我同事12.30去到有bar檯坐，3個女子都坐得舒服。我地今次唔食set，省叫幾樣野share食：黑醋排骨：都算大碟，d醋好香，酸甜適中，我地3個都話食到停唔到口；小籠包：湯夠熱，餡料好味，皮唔薄唔厚剛剛好，正；雞絲粉皮：粉皮好咬口，如果你較好煙韌野就哂，d醬撈得唔錯；天與地炒飯：應該有2-3碗飯的份量，多料，唔油膩，炒得好好味我地3個女子全力掃清哂所有野！價錢又唔算貴, 今餐非常滿意！

尋晚同D朋友去食，但間野有個待應Jenny既服務態度很差。事緣係因為我地唔幫襯飲野。天與地有d drinks，Jenny就不斷sale我地飲，但係我因為有(咳)氣管炎，所以我唔想飲；而我兩位朋友都唔鐘意飲，因此我地想叫滾水。她立刻面色一變，態度好唔友善且一點笑容也沒有地說：「我地會收番你地每位HK$8的茶錢架喎！！」，我覺得無所謂，表示無問題，茶錢OK啦。但我心諗係你洗唔洗黑晒口面呀…….跟著我地叫食物，我地叫左山東手絲雞、黑醋魚、雲吞、貴花卷…….我見到有香芹牛肉麵，但係menu內有隻棘椒在旁，我唔知係代表「本店推介」定係「辣」的意思，因為我咳我驚辣所以我問她是不是棘的，她態度很不友善地說：「下！唔辣架喎！！」OK，唔辣所以我地叫左。問下係咪犯法架？洗唔洗咁串？叫完野，隔了5-10分鐘，我杯滾水仲未到，於是我再問Jenny，她居然重覆先前的語氣和對答：「我地會收番你地每位HK$8的茶錢架喎！！」我同佢講我地唔介意你收我地每人HK$8呀，我地只不過想飲水，我d朋友這時有d怒，於是問她叫乜名，可唔可以叫經理出來傾傾？她態度惡劣地說：「好呀！叫經理囉，呢d係公司規矩！！」我唔知佢指既「公司