天荷坊

營業中

休息中

今天經過「天荷坊」被門口大餐牌的「即烘」兩字吸引，於是立刻選購一份簡單的菠蘿油配熱奶茶 。小店是快餐店線購票形式，收銀員也先道明牛油有機會會被熱菠蘿包熱熔，但我也想嘗一嘗。很快地，服務員為我端來我期待的懷舊港式美食，大大個對半切開的菠蘿包已焗得軟綿綿，打開看看牛油果然已經接近溶解，我也急不及待 大口大口開懷地吃 ，雖然吃到牛油的甘香，但消失了牛油少許的咀嚼口感。個人喜歡烘烤的菠蘿包，面脆內軟夾牛油片，入口時，牛油呈半軟狀態是最佳口感，當然，這份理想 相信要在家才可以完美體驗，但今次的體驗也算不錯。

同事話找找新意思,試下呢間外賣,平時見好多人排隊買嘢。本身冇咩期望,嗌咗個xo醬炒腸粉配杯熱鴛鴦,39蚊。佢下午茶餐牌多啲其他嘢食,例如碗仔翅、豬皮魚蛋蘿蔔咁~送到係意料之外好吃😳😍保持溫度,仲係暖嘅;一大盒腸粉份量超多,腸粉滑溜,xo醬香微辣,整體唔算油,鴛鴦合格。同事們食豬扒包、碗仔翅等,都覺得好味。有其他地方工作嘅同事知道,問我呢間叫咩名。一上openrice睇,竟然見到劣評如潮😳😳😳非常意外…唔知係咩一回事…但係我諗下次我哋都會叫番佢~ 性價比好~

見到屹立咁耐, 今日試咗個 牛坑腩飯, 未試過咁難食嘅飯, 仲要青咖哩, 完全冇咖哩味, 希望唔會肚痛. 真係唔明點解佢會整得咁難食, 個個都係試一次唔會有下次. 杯凍奶茶係可以嘅, 租金都唔平附近有多競爭

放晏買野食原先諗住 同 同事 去九湯屋買外賣點知去到先知 執鬼咗 咁唯有睇下近邊有乜嘢鋪頭揀向左邊望 係一間 叫 仙味凡香 嘅台灣嘢 跟住 向左啲望就 見到呢間 天荷坊咁樣 我見到好似都 有唔少人 等緊 外賣 咁咪諗住簡佢點知一試就難忘事源 我就叫咗個雜扒飯 咁佢就有雞扒豬扒同牛扒簡咁當時嘅情況呢 豬扒賣曬 焗住簡 雞扒, 豬扒加洋蔥汁 呢個組合咁我拎到外賣返到公司 時間應該用左 15分鍾左右當我返到公司 坐到埋位 打開個飯盒 果然同記憶中嘅頹飯一模一樣佢呢個雜扒飯  完完全全勾起我中學時期嘅回憶螢光嘅茄汁 睇落去就知道可以媲美車呔嘅牛扒但 先唔講佢呢兩樣嘢 我個人認為 一個叫有質素嘅頹飯 啲飯起碼唔會濕到 一舊舊我一路食住食住飯 一路以為我係住緊醫院咀嚼有困難嗰啲病人但意想不到嘅係 佢呢個雜扒頹飯係有隻流心蛋但另一個意想不到嘅係 佢成個飯係得隻蛋 係令人 覺得真心好食如果要我簡短啲點評撇除個塊牛扒咁樣去叫 佢係適合 公公婆婆 嘅頹飯如果你同我一樣 係稍微後生啲 嘅年輕人 千祈唔好揀呢間嘅飯品

叫左推介的（原本睇個名都好似少伏但見係推介就試左）芥末牛排飯(全名唔記得），個汁似鼓油加左芥末但酸酸地好奇怪，幾十蚊牛排就不予置評了🤢。食左幾啖就冇再食。😫

買過幾次早餐，都知呢間野出餐次序有啲混亂，都唔跟次序，喺出餐位出左乜就pack乜先，今次又係咁，只係買個炒米粉，正常你呢啲快餐店都一早整好晒，只係上碟出，明明號碼叫嗰陣係我個號碼前4-5個，我估唔洗等好耐啦⋯⋯點知等等等，又開始叫我後面啲號碼，跟住俾我喺佢個出餐位個窿見到廚房佬用一隻大湯碗載起成碗米粉，然後放去第二個地方，再隔左陣見到碗米粉出現番，出晒煙....我就估到佢頭先係拎碗米粉去叮番熱...唔係嘛?😳...連基本保溫爐具都冇㗎嘛..？跟住pack外賣嗰幾個人不停叫我之後啲號碼，叫到我後面10個號碼都有，早買早享受嗎？喺呢間鋪唔會有...我叫嗰杯熱飲，拎到返公司已經唔熱，應該沖左好耐喺度等個米粉翻熱時攤凍埋😤個米粉味道如何？有圖有真相啦⋯差過炒冷飯，食幾啖熱食幾啖暖甚至唔講得係暖，又凍又熱嘅口感仲唔係翻叮先有嘅效果？又冇味, 一個咁簡單嘅早餐都可以整到咁，呢間野值得一個好評都冇。唔明點解仲有人幫襯...

在金鐘搵餐晏仔食下，唔想幫襯大集團，想試下地道小店啦，點知...真係伏到喊。第一，我只係叫一個最簡單既煎豬扒飯，加洋蔥汁$49，好喇，加杯熱飲，牆上面個電子餐牌話加$5，落完單（只收現金）收左我$66，佢將個杯熱飲打左單買既價錢。之後我再埋去問個收銀，第一次佢仲扮野話幫我落左單！我話你收多左$，佢先再話架機打錯，真係吹水吹到咁都得。第二，係真心難食，兩件豬扒完全無肉味，得d醃肉粉味。洋蔥汁冇洋蔥味，成個汁係冇味。食完成個飯我都唔知自己食咗啲乜嘢。希望大家唔好中招。

係金鐘呢個美食沙漠要搵到平價午餐真係一d都唔容易🙈呢間港式餐廳難得係商業區屹立不倒仲有茶記價錢嘅lunch最最最難得嘅係佢有少量堂食嘅位🤣就算冇得返office 食都冇問題.🌟肉丸魚片酸辣米線🍜 （$39）米線嘅份量比想像中多 好似食極都仲有咁而且夠多酸菜 所以湯底比平日嘅酸辣湯更加酸而且肉丸同魚片都唔會得一兩片/一兩粒咁孤寒🥲碗米線仲加左紫菜添！.餐廳除左米線之外仲有好多港式嘅飯餐都算係一個平價食堂🤓

金鐘食野多數都好難搵到平價餐廳，今日我食左魚皮餃併魚片酸辣米線，味道偏咸，感覺味精重，勝在價錢真係好平，如果打工仔好似我咁到糧尾想慳錢，如果對食物味道無咩特別要求，可以試吓呢間天荷坊，可以堂食又可以外賣。

金鐘本黎冇咩好食，同事話都係近近地買外賣算。因為公司係正餐廳樓上，我地決定叫外賣送上黎，好懶咁等食。叫左個 牛丸鮑片麻辣米線，真心好好味。 麻辣醬調製升級， 更惹味和層次。食飽之後，個陣麻辣仲係口腔入面。我地叫佢12:30送到，又真係好水準時送到，值得一讚。

我明白茶餐廳要夠快而且係商業區營業Lunch time可以話係黃金時間🔥🔥但唔代表可以咁兒戲同當藉口！！😡😡😡今日要講嘅係位於金鐘遠東中心有一茶餐廳:天荷坊LED餐牌掛係門口價錢係金鐘黎講算平民💸💸💸今日一心大開殺戒叫左雜排飯揀左雞同豬排🐔🐷等左大約十分鐘超快！滿心歡喜拎住外賣返公司😀打開飯盒餓到相都唔記得影就已經急不及待開動！！！！一切開雞排..........！生嘅！！！！！！仲超粉嫩於是又去切一切塊豬排！！！都係生嘅！！！！🔥🔥🔥🔥🔥

一個人 hea 食午餐，第一次試這店的外賣飯盒。平來已經沒有期望，一試更是印證不用有期待。生炒骨飯 : 排骨的確不少，可是肉質略實較硬，肉味也欠奉，的確一般。熱檸水有數片檸檬，反而有點誠意。$45 不便宜，反正在中環金鐘不算貴，所以每日人龍依舊。

話說金鐘打工仔食lunch其實幾難搵食，又多人又貴，淨係多快餐店。是日去呢間位於遠東金融中心的天荷坊買個外賣試下，食完幾肯定唔會再幫襯~叫咗個午餐menu上的 "葡汁雞皇意粉"配熱奶茶拎走。個意粉係完全冇味，只係boil熟咗的一堆意粉囉，撈埋汁都唔入味個種><葡汁冇香味，只係得黃色，D雞肉數量算多，但feel 到係有味精，幾鹹添呀!杯熱奶茶OK la，正常味，但野食唔ok，食到一半都偷笑!!! 所以唔會再黎。

剛搬到金鐘上班，下午時間間餐廳都排隊。諗主快快買完返公司食，點知今次真係一個好好的經歷。。。小女子自問不是挑剔的人，亦吾係什麼食神。但係一間gum經典的餐廳還是第一次幫襯。食物難食吾在講，態度仲要差到。。。好此欠左佢gum...講翻食物先，叫左個白汁雞飯。平就真係平，但係成個飯都吾知有沒兩條雞絲。得白汁。。。。。。應該叫白汁飯。如果吾係金鐘沒什麼選擇我諗呢間餐廳都應該做不了兩個月。。。。收銀個女人態度仲要衰到。。。多謝都唔講聲。 無論如何，今次真係好好的經歷。。。希望各位小心

午飯時間, 12:30左右, 同朋友經過黎到尼間'天荷坊',,因為唔係太餓,所以叫左個公司三文治+煎蘿蔔糕..三文治$22 ,煎蘿蔔糕都成十幾蚊!!ORDER時果位短頭髮女士禮貌十分差!!我地堂食..order完就坐左入去..廚房聽歌好大聲,,完全唔當有客係外面..等左十分鐘,,d野到喇,,真係.......不能接受公司三文治只有火腿,蛋,半片牛餐肉而蘿蔔糕同樣不能接受, 見到都冇胃口門口影d相真係厄到人呀! 最基本的番茄都不見了..係咪真係可以做得咁無誠意呢?咁差既餐廳, 係尼句真係小見呀, 影衰哂我擔保冇下一次幫襯