影片
電話號碼
29888522
營業時間
今日營業
12:00 - 17:00
17:30 - 22:30
星期一至日
12:00 - 17:00
17:30 - 22:30
*最後落單時間: 22:15
以上資料只供參考, 請與餐廳確認詳情
住喺天水圍咁多年都好少留喺天水圍食飯，同屋企人諗住出街食，你都頌富都有好多餐廳做選擇。而屋企人比較少食日本嘢，所以我哋今晚就試吓呢間居酒屋。佢除咗單點之外，原來仲有做埋任食，佢個場都幾大，成個裝修都好有日式居酒屋feel。佢任食任飲，除咗平時汽水紙包飲品之外，仲包埋sake同埋啤酒。每一個set都會送一個拼盤，分別係兩款牛兩款豬。無論豬定牛都不相伯仲，都夠晒腍，係唔錯嘅。個湯底我哋揀咗花膠雞湯底，佢入邊都有成四五嚿花膠，仲要煲到勁腍好入味，真係膠原滿滿嘅感覺。配菜方面我幾想講嘅係佢一個叫做QQ豚肉餃，茄特別唔係個餡，而係個皮，真係平時食開其他餃子好唔同，煙煙韌韌真係好特別。而我哋叫咗個係豬腩肉set ，不過後尾可以任食嘅豬腩肉同埋佢送嘅拼盤就好明顯有啲唔同，送嗰款咁爽脆比較腍身。另外啲人唔少嘅熟食，而佢呢度嘅炸蝦真係好鬆脆，呢個值得無限encore。薯餅都係好好味，牛味好重，再加埋薯蓉甜甜地又炸到咁鬆脆，真係冇得輸。然後我喺個餐單上面見到有一樣嘢叫做包皮薯條，好奇心驅使之下想睇吓係咩嚟，原來係有皮嘅粗薯條，佢哋都炸得幾好，所以其實佢哋呢度嘅炸物都真係幾出色。原來呢度仲有一個叫做必飲生蠔麵豉湯，佢真係好足料有幾隻蠔仔，令到個麵豉湯更加鮮甜。鹽蔬菜類我都幾鍾意佢有羽衣甘藍俾你揀，菇類瓜類菜類選擇都唔少。最後甜品我想講嘅係有一個好特別嘅叫Tiramisu雪糕，原來佢係一款香港製造嘅小眾品牌，個味道真係幾真，都好幼滑。
繼續閱讀
冇幾可嚟到比大西北更大西北嘅地方，嚟得原來不外乎想遠避市區嘅物價呢間天水圍嘅日本居酒屋好抵玩，火鍋放題價極平首先揀咗湯底先，滋補花膠雞湯好啱呢個轉季乾燥嘅日子飲，雞肉勁嫩滑，湯底好濃花膠香氣，打邊爐之前要飲返兩碗先呢個套餐有包任食五花腩豚肉、北海道白豚肉眼同鮮雞件豚肉肉質好爽彈，而且幾大塊，雞件都係好滑溜，同湯料一樣正仲有其他火鍋配料嗌，例如餃子、丸類、菇類、蔬菜、麵飯等等，最令大胃impress嘅係黑豚QQ水餃，餃皮Q彈到佢呢，好想再encore除咗打邊爐，仲有壽司嗌，有唔同嘅反卷同太卷選擇。其中三重芝士大蝦反卷都幾抵食，芝味十足又多餡。蟹柳小卷都唔錯，細細粒好易入口炸物都好足磅，有薯條、蝦片、炸雞、炸蝦等等當中牛肉薯餅同芝士年糕最令人一再回味，想食多件一定要留肚仲有枝豆、櫻花蝦沙律、中華沙律、螺肉等等可以送吓酒生蠔味噌湯都唔錯㗎，真係有粒生蠔喺湯裡面飲品櫃裡面有唔同嘢飲，亦有啤酒同sake仲有雪凍咗嘅酒杯畀大家用，好細心呀！食完可以嗌雪糕，本地品牌味道都好特別
繼續閱讀
是晚相約了同住在大西北的舊同學聚舊。舊同學推介這間位於天水圍T Town的「天鳥居酒屋」。「天鳥居酒屋」的裝潢如店名一樣，貫徹日式居酒屋的原素。餐廳座位數量都幾多，而且座位都幾闊落，幾好坐。點了五花腩豚肉套餐火鍋放題，連同火鍋配料和小食，總共有66款食物任選，100分鐘內食到飽。湯底有9款可選，試了這個滋補花膠雞鍋。鍋內備有鮮雞件、花膠、杞子等材料，湯頭呈奶白色，入口帶鹹香鮮味。肉類方面，分別有北海道白豚肉眼、五花腩豚肉和鮮雞件供應。2款豚肉中，覺得五花腩豚肉的肉質相對滑嫩，肥瘦度適中，而豚肉香氣也濃郁一些。其他配料和小食都是透過手機掃描QR code下單，非常方便。丸類、菇類、菜類等火鍋必食的款式，基本上都有齊。其中，香菇貢丸是來自台灣品牌−阿中丸子，入口有彈牙感，充滿香菇和豬肉香。另外也有陳皮魚蛋，它獨有的扎實口感和陳皮香氣都十分吸引。菇類和菜類都頗為新鮮。菇類更有4項選擇：金針菇、靈芝菇、秀珍菇和鮮冬菇，喜愛吃菇菌的筆者非常滿足！除了火鍋，還有多款小食供應。漬物有中華沙律、青瓜螺肉和生芥辣八爪魚。生芥辣八爪魚配上紫菜片包著吃，入口帶微微嗆辣感，幾過癮。炸物吉列蝦脆卜卜，三重芝士大蝦反卷就不過不失。舊同學最喜歡黑松露炸薯條，炸至熱辣辣的薯條蘸上充滿松露香味的醬汁，令人食不停口。生蠔麵噌湯強調必飲，所以立刻點一碗試試，果然每碗都有生蠔，幾足料。意外發現有軟糖供應，身為糖果怪的筆者忍不住夾了1/3碗，過過口癮。甜品當日提供了3款，有雪糕泡芙、海鹽味和曲奇味杯裝雪糕。而飲品就放在雪櫃中自取，都是一些盒裝支裝飲品和罐裝啤酒。
繼續閱讀
上個星期五同男朋友去天水圍拍拖，拉咗佢去食天鳥居酒屋😂😂呢間嘢平靚正💦呢度裝修有日本特式風格，絕對係吃貨天堂！特別推介佢哋嘅五花腩豚肉套餐🐷，$198～100分鐘任食66款嘢食，絕對係超抵😳🍲湯底：滋補花膠雞鍋🐔滋味濃郁，加入咗鮮美嘅花膠同雞肉，飲落肚令人好舒服😌🥩頭盤：五花腩豚肉、雞肉同潮式魚蛋🐖🐓🍢-🐖五花腩豚肉嘅肥美，索湯之後好有鮮美，仲要冇臭豬味㗎😍-🐓雞肉鮮嫩，帶有淡淡嘅雞香-🍢潮式魚蛋有彈牙口感，充滿海鮮嘅鮮味🍲火鍋配料：豆腐、唐生菜、阿中香菇貢丸、蟹柳棒、金針菇同即炸響鈴-豆腐滑嫩可口-唐生菜清脆新鮮🥬-香菇貢丸鮮美多汁💦-蟹柳棒有彈牙嘅口感-金針菇帶有鮮甜嘅味道-即炸響鈴脆口可口💕絕對能夠滿足你對火鍋嘅渴望🍤小食：生芥辣八爪魚小食、炸雞塊、黑松露印尼蝦片、三重芝士大蝦反卷、牛肉薯餅、吉列炸蝦🍣🍘-生芥辣八爪魚味道濃郁辣爽，每一啖都感受到八爪魚嘅鮮味同口感🦑-炸雞塊酥脆嘅炸粉，一口咬落去，香噴噴嘅雞肉汁💦-蝦片濃郁嘅松露香味，再配上脆口嘅蝦片，絕對鮮美🦐-反卷大蝦彈牙鮮甜，包裹住嘅三重芝士融化喺口，勁正🥳-牛肉薯餅外脆內軟，牛肉餡鮮嫩多汁💦-吉列炸蝦，蝦肉嘅鮮甜同外層酥脆嘅口感係勁夾🦐🍦甜品：朱古力味雪糕杯、海鹽雪糕、香芋雪糕糯米糍除此之外，餐廳仲設有自助區，供應各種醬料同飲品（包括茶、汽水同酒類飲品）以及部分甜品，等食客可以根據自己嘅喜好調醬😛💕唔止裝修有日本特色，營造出一個舒適同溫馨嘅用餐環境，更重要嘅係佢哋嘅菜單好多樣化，質素好好😛五花腩豚肉套餐嘅價格真係超值，令我哋盡情享受😍
繼續閱讀
天水圍T Town 嘅天鳥居酒屋任食火鍋放題，性價比很高。我同朋友揀咗五花腩豚肉套餐，白豚肉眼真係好好依，肉質嘅味道肉味濃郁，肥瘦均勻保留到適中嘅油脂感外，仲咬到肉質嘅爽口。估唔再配壽喜燒湯底都會好夾好惹味。火鍋配料都應有盡有，蔬菜，丸類，豆品都任叫，滿足哂所有願望。日式壽司小食呢個都幾驚喜，而且每款都食得出用心製作，絕對不是湊個數嚟出品，同埋可以任叫真係超值，特別推介佢地嘅面豉湯，超鮮味嘅蠔味，我都飲左好幾碗，一定要試。另外仲有一堆啤酒汽水無糖茶可以可以任飲，大人小朋友都照顧到。
繼續閱讀