天鴻燒鵝飯店

營業中

休息中

前排先知道呢間燒鵝店頗有名氣，今日既然嚟到元朗，當然要會一會佢啦。燒鵝飯（$60）好好彩，斬咗隻上脾位，燒鵝份量比預期中多，有八舊，而且斬得大大舊。燒鵝溫熱，鵝皮脆口，鵝肉紮實，醃味剛好唔會好咸。白飯唔算大碗，另外仲有啲椰菜。燒鵝瀨粉（$60）呢碗就斬咗胸位及背位，一樣有八舊，舊舊都有皮有肉，唔會得啲骨。燒鵝同樣溫熱，鵝皮脆口，鵝肉紮實。瀨粉份量足，質地夠彈性，唔會一夾就斷。凡惠顧燒味飯/瀨粉，冷熱飲品加$7。喺整個用餐期間，一直都有客人堂食或外賣，九成都係要燒鵝，不停見到師傅係廚房拎啲脹卜卜嘅燒鵝出嚟，雖然自己已經食緊，但睇見都流哂口水。PS：只收現金。

燒鵝瀨粉&燒鵝飯上月中旬工作完畢後，路經元朗去食我最鍾意嘅燒鵝瀨粉，天鴻位處元朗區，屬於比較出名嘅燒鵝燒臘店家，雖然位處舊區環境比較差，而且零裝修，屬於舊式嘅燒臘店，但係為咗食燒鵝唯有將就一下。店內環境及餐具碗筷清潔一般，但仍然可以接受，叫店員攞杯水自己洗下筷子匙羹還算可以。落單一碗燒鵝瀨粉同一碗燒鵝飯再加多兩杯凍檸檬茶收$134。燒鵝瀨粉比嘅係燒鵝下裝部位，顏色香味都屬於水準之作，皮及油脂肥美而肉質軟嫩，配上醃料香味濃郁，入口𡁻兩𡁻滿嘴油膩同皮肉組成爆炸混合體，天作之合問你點頂，又係另外一種美食感受。瀨粉軟滑又有咬口感，而湯汁比較淡味，其實燒臘店斬剩咁多下欄，應該放埋落去熬湯底，一定會增加整體表現。至於另外一碗燒鵝飯情況啱啱好反轉，燒鵝係上半部，鵝皮微燶發黑，而肉質就較為煙靭嚡口，同樣一齊落order，水準落差大不同。至於凍檸檬茶嘅水準就可以唔使再提，似飲杯有顏色嘅檸檬冰水，今時今日真係好難飲到一杯像樣嘅檸檬茶。

聽左好多人介紹呢間燒鵝，今日買個外賣試下。皮脆肉嫩，係肥左dd ，不過好香。如果想食燒鵝都不錯選擇。今日仲唔使等好耐，一買就走得，下次要試吓個胸，可能好食啲。而且唔會好似出面好咸好多醃料。

元朗的《天鴻燒鵝》早已經是馳名港九新界了。這一間簡陋小店，傳說鏞記也來偷過師而首響名聲。早在 2017年，我就專程來吃過一碗燒鵝飯。鵝汁同豉油汁的美味，令我在吃過一次之後，感覺到戀愛了。而這一次，時正清明要過節，當我去完屯門，覺得要專程經一經元朗才回家，為的，就是再一次尋找這一個已經得到米芝蓮加許的燒鵝店，買半隻回家，過節加餸。我一埋去，就立即叫，要半隻燒鵝。斬料師傅就非常熟手，揀了一隻肥大的燒鵝，先開邊，後就好有次序地斬件及擺盒。山長水遠回到家，打開盒子，燒鵝依然是香噴噴的。一打開盒子，也看得出是皮脆，肉香的出品。未到正式食飯時，阿爸已經忍不住，要新鮮熱辣吃一件。不伴啤酒，伴一杯熱茶，也是一流的享受。到晚飯時間，稍為翻熱了一下，鵝的油脂完美地解放，令到整份燒鵝變得更香。經過多個小時，鵝皮依然是香脆，仲有一陣陣的羶香。再加上肉厚，醬香的味道也由內至外滲出，令到肉有肉香，皮有羶香，而且每一件都係大大舊肉，的確是一份由鵝肉本身，製作過程同味道上都非常出色的燒鵝。對比上一次 (2017年) 來，我更可以說，這《天鴻燒鵝》是越做越好。有機會，多人來家做節食晚飯，退休廚師親戚又回港探親時，買一隻

💁🏻‍♀️呢間鋪已經開咗好多年店入面貼咗好多以前嘅報道原來2001年開業的，每日由佛山養殖場直送到店的黑棕鵝，分批即醃即燒，所以先咁新鮮咁多街坊捧場👍🏻⭐️佢仲係米芝蓮推介餐廳⭐️當日去到大約12點，店入面都差唔多滿位，期間不斷有人嗌外賣，生意都非常好🙂好多男士幫襯，見佢地都係叫燒鵝髀飯，份量都好大碗，抵食🫡我地兩個人叫咗半隻燒鵝等咗一陣就送到，真係好香呀😌食落口去完全唔會好油，肉質好有咬口，唔會太實或者太腍，加上佢即燒，個皮仲脆架☺️真係好好味🤭 本身我唔太好燒鵝，因為出面食咁多鵝都覺得d肉好實，第一次覺得原來燒鵝係咁好食😂大家要留意佢嘅開鋪時間，唔好摸門釘呀😉

今次特登帶泰國朋友入嚟元朗食燒鵝因為佢見到有啲泰國Foodie介紹所以佢真係好想食， 對上佢一次嚟香港嘅時候舖頭中段時間休息所以食唔到， 佢今次終於食到啦勁開心而且老闆仲拎隻燒鵝出嚟同佢合照😃

星期六去咗元朗，路經天鴻，第一次食，唔洗等，因為都早，真係唔錯，好過中環－樂多多聲，60蚊食咗個燒鵝瀨粉，份量好多，真係好飽，下次經過都會試其他菜式，谷友真係好介紹。

10月4號星期三中午去吃燒鵝，好彩有開門，不知道是改變了週三都開門定係咁好彩。點了一邊燒鵝，兩碗奶粉，一碗飯。燒鵝感覺水準保持，皮脆，味偏咸小小。幾年前感覺天鴻比較貴，但現在覺得天鴻比外邊平。外邊的燒鵝，這幾年間不停的加價，10月3號星期二在九龍塘又一城仝堂，709/只。好普通一間店都要$600以上，所以天鴻現在真的好抵食，水樽又保持到。感覺我每星期都要來食一次了。

今日同友人等左30 分鐘， 入到堂食。一開始同店員講要 下裝。店員一直表示忙碌 到下單時跟我說 已經沒有下裝 只有上裝。 最神奇是接我的下一位客人 要下裝。不知道為什麼她又可以會有 傻眼🙄️。建議大家來吃的 時候 要是店員跟你說 沒有下裝，你只需要說一句不需要，只要堅持只要下裝 就可以有了。燒鵝偏貴 只試一次。不值下回再參觀 特別是價錢 食物 質素 不成正比。 不是說不支持小店 是找不到支持的理由。

店舖太差了，我路過斬些叉燒回家，但打開盒子一看全部都是頭頭尾尾，吃後感覺又硬又難食，真是一間中伏的店舖......請各位食客小心，想想後才光顧此店舖....又或者是我當天運氣不太好........

因為家人無輪椅人士，要係元朗搵間入到輪椅既餐廳唔容易咁岩平日經過天鴻又想食，就試下問下老闆可唔可以門口開台平時多數都係入舖食，如果老闆唔係到伙計都敢話事肯開比我地坐，老闆一聽即話開，個下都幾開心，仲擔心我地唔夠涼～燒鵝飯 $58燒鵝唔係超肥，但啖啖肉好好食，皮都有小脆唔係軟淋淋，份量都幾多，飯都唔小，老闆見我地仲食淨飯，叫師傅再加料比我地，驚我地唔夠，佢話最緊要食得開心，呢個老闆好好傾又大方，呢餐飯充滿人情味，我同屋企人都食得好開心仲有老火湯同鵝翼，無影到相，好好味比我地清哂，下次去再影再Share！！！！

搬離咗元朗之後，已經好耐冇食過元朗真係太多好嘢食不過呢一間好似係已經開咗21年仍然屹立不倒果然有佢嘅道理聽講佢每日新鮮出爐今日試咗佢隻原隻燒鵝髀飯果然係好肥美而且份量好多，好多汁，肉嫩而有味個酸梅醬亦都好正 個價錢真係有返咁上下貴不過我覺得偶然食一次半次都算OK嘅間舖頭好細，座位唔算多，好似大排檔一樣如果要揀環境要緊舒適就唔啱你啦不過入邊又真係好多斯斯文文嘅客人所以未到真係勝於一切真心值得推介💪🏻💪🏻💪🏻

今天下午行經元朗建業街見「天鴻燒鵝店」，店內店外食客差不多爆滿，所以決定進店嘗試一下他們的燒鵝並且叫了一個燒鵝米+凍0茶。 在食物方面，燒鵝飯價錢也不算太貴都是$58，除了燒鵝還有其他燒味選擇。凍0茶甜度適中、冰粒足夠，但檸檬比較多，霸了很多位置所以茶就少了一點。午餐可以選飯或米粉，這個燒鵝米粉上到枱的時候熱度十足，燒鵝分佈得很平均，賣相亦很美觀，甜酸醬亦很好味，我咬下燒鵝皮時候那些燒的味仍然存在十分吸引，而燒鵝很有鵝肉味道，湯底也不會太鹹，這個極力推薦。

依間係米芝蓮必比登推介，亦係我每次翻元朗屋企都會食嘅燒味💕鵝瀨 💰58 ❤️‍🔥8/10分有鵝味，肉唔會羶，肉汁多，皮有少少脆咁，食落超香，配酸梅醬一流🤤完全明白點解咁多人專程去食/排隊食不過瀨粉有啲碎，扣咗少少分🫠而且加咗價，覺得有啲貴（第一次食好似係54蚊），所以無俾到更高分〰️🔅留意翻佢營業時間11am-1pm，2pm-630pm星期三唔開，賣哂會早收舖我通常12點度食就一定有🤘🏻

屹立元朗內街21年，堅持每日新鮮出爐。招牌原隻燒鵝肶飯、下裝例脾、馳名燒鵝瀨粉與燒鵝飯等。舖頭細，座位不多，基本上係大排檔形式坐喺條街度食，所以想坐得舒服就一定唔會揀佢。眼見一枱一枱OL及西裝客人都盡情享受大大隻燒鵝髀飯，嚟嘅大部份都係為咗食燒鵝。次次嚟到一係大排長龍，一係就賣晒更提早關門，今日中午經過咁啱有枱客人走，就即刻坐落去。#燒鵝瀨粉果然名不虛傳，熱辣辣湯底香濃，配合瀨粉「扒」入口，燒鵝份量俾得算多，juice多汁，肉嫩有鵝味，個人鍾意個酸梅醬夠酸，我食到一半已經開始執枱收舖，真係遲咗嚟都食唔到，想食嘅話就早啲到。通常要排隊等位我都會放棄食，不過呢間嘅燒鵝排隊等都值得。#天鴻燒鵝飯店地址：元朗建業街88號仁義大廈D鋪電話：24748849