天鴻燒鵝飯店

營業中

休息中

在香港食燒鵝，由於宣傳及人云亦云，好多人都覺得要去到深井。或者是留在港島區，從前是鏞記，如今是甘飯館同甘牌燒鵝。其實，香港說大不大，有靚燒鵝的地方又點止這些。大埔，北角，佐敦.....總之，每一區都有一出色的燒鵝。這一次，隻身來到元朗，為的是品味傳說中的，傳說鏞記也來偷過師的，好多人像我專程入元朗食的《天鴻燒鵝》。 《天鴻燒鵝》，只是一間小店，位於建業街的行人專用區，不算難找，只是由大馬路行入去，要行到好入姐。當我一到門口，就已經有一氣小小的人龍在等候及買外賣。我一個人來，當然快，有位可以攝。而在門口吊著的燒鵝、燒肉、白切雞等等，可是說是看見就吸引。 燒鵝出名，當然叫一個燒鵝飯啦。這兒說明，包保有鵝肉食，出來的鵝件並不是全屬同一個部位，有頭有尾也有鵝胸肉，不會因為不好彩，拿到鵝肋，害到楊修要斬頭。吃入口，鵝味香濃，鵝下半 part 的皮厚而脆，中間夾著更香口的鵝肥油，令到成個燒鵝飯的整體，有肉香，有脆鵝皮，有鵝油香，而且鵝汁同豉油汁亦涉透在米飯之中，香口惹味，就係咁樣出黎。 單是吃燒鵝飯，其實並未能試出《天鴻燒鵝》的真正美味。不過，單是他們的鵝肉分配法，吃到夠香的夠脆的鵝皮，有足夠的鵝

聽聞天鴻燒鵝的大名已久，今天專程到元朗試試，小店的位置不在大街，找了好一陣子，店舖也不太大，內面只有五至六張枱，但門外還有數張枱，但就無冷氣，夏天時都會幾熱。燒鵝的價錢都幾貴，每隻要$488，原隻燒鵝脾$115。燒鵝飯（$52）燒鵝果然名不虛傳，皮薄多汁又不太肥，飯粒分明，份量都算多。燒鵝瀬（$52）來到這裏，當然要試馳名的燒鵝瀬，燒鵝肉厚皮薄，瀬粉的湯底滲著濃濃的燒骨味，瀬粉爽彈，燒鵝跟瀬粉真是絶配。

又新街總係好多好野食 今次同相公試試燒鵝馳名燒鵝瀨粉 $52相較於平日連鎖式/ 燒味店既「骨」呢度真係可以講 鵝 全部都係鵝啖啖肉 皮很脆 份量也不少湯並未有大家食評形容得咁「濃味邪惡」但都係好味的 $52係鵝 唔係扮鵝既鴨 抵！滷水鴨舌 $35 OK原本想點韭菜鵝紅（限星期六、日供應）但已經賣光光了試試鴨舌啦 鴨舌同台北滷天X一樣都係有排鴨咀既 但無咁彎 比較易食滷香相對較淡 但也不錯店子小小 但堂食外賣也很多人燒鵝亦係不斷整新的 初試感覺良好會不日再戰的

聽說這間店舖名氣好大下。決定一試。11時半到達，選了下庄。優點：1）新鮮出爐。決點：1）上枱時沒有飄出燒鵝香味 - 失敗。2）皮太簿且韌，咬下時未能把皮肉做到水雨交融作用 - 失敗。3）鵝肉欠決鮮味，應該喺鹅種和飼養日子未夠問題。沒有齒頰留香效果。- 失敗中失敗。4）雖然店主應該燒後做了 resting 才拿出樓面售賣，但肉汁仍不是太豐富- 失敗。5）上味時間太短。醃料味只停留在鵝殼表面，上不到肉質內- 失敗。6）鵝size 不大，肉簿，應該不是正宗黑鬃鵝 - 失敗。總括而言：這裡燒鵝除了新鮮出爐之外，相比其它我只能說都是中等級數。$140 下庄，其實只得隻肶肉可食，因鵝隻太廋，其餘部份根本冇乜肉食。這裡服務態度(包括老闆）真是有待改善。根本吾當你喺客一樣，試一次就夠，永冇下次。

年三十晚的這天, 早上剛探完在元朗開店的朋友, 便跟另外的友人找一下有沒有些元朗的特色美食, 言談中提到這裡的原隻燒鵝肶免切質素不錯, 便一同來看看. 看過一會餐牌後, 燒鵝肶飯的價格差不多要$120, 而半隻燒鵝則$240左右, 朋友便說不如乾脆上半隻燒鵝嚐嚐不同的部份更暢快, 也好.坐下點菜後過了一會, 店員已開始不做堂食客人, 想來店子年三十晚想做外賣以減省功夫, 中途亦見客人駱驛不絕. 2人分享半隻燒鵝實在是豪氣, 燒鵝的皮脆肉嫩, 雖然斬件上但裡頭仍充滿油香, 半隻燒鵝剛好吃到不同的部位. 埋單連白飯大約$270, 但燒鵝的份量非常令人滿足, 燒鵝的質量雖非最好但以價格而論, 質素令人滿意. 翻食指數: 80分.  燒鵝水平頗高, 雖然路途遙遠, 但有專誠前來一吃的價值. (此指數平衡店舖交通, 味道, 環境, 價格... 等等, 個人作出的評價.)

天鴻燒鵝唔單止係元朗出名, 就算區外人都會黎幫襯, 因為真係幾好食。放假既中午又去左食燒鵝, 今次要左個燒鵝飯同燒鵝瀨, 飯麵同價, 不過近排加左價, 之前$50碗, 以家要$52碗, 加幅都算可以接受。燒鵝飯既份量都幾多, 燒鵝皮好有光澤, 燒得幾脆, 連帶有小小脂肪,好香鵝油味, 隻鵝都算肥仔, 有d肉地, 所以食落都幾啖啖肉, 不過今次就有小小韌, 味道搭救番。另外個碗瀨粉係無要求又無加錢情況下, 竟然比左隻燒鵝脾我地, 好開心! 可能見我地成日幫襯啦!燒鵝脾果然係好食d, 瀨粉唔太碎濕, 好滑身, 都幾彈牙, 湯唔油都唔太咸, 又有鵝油香幾好味。下次瞄準燒鵝出爐既時間, 買隻返屋企加餸慢慢歎先!

由於時間關係，外賣返屋企冊。由落單計，企係餐廳門口等左5分鐘左右，略略望過下門面好快餐既感覺，內籠應不大，4，5張枱左右，好油立立。外面有人負責收錢，同處理外賣單。路途遙遠左d，飯微暖，但就索晒隻鵝漏出黎既鵝油，夠香$52既燒鵝飯，價錢同同味道成正比，味道ok，分量足夠。當晚所食既鵝肉偏瘦，又因外賣所影響試五到皮脆，難免有小小失望下次有機會會試下$120既鵝脾(真心覺得貴左D)，如果黃昏五係咁多人排隊，希望老細可以斬隻肥美皮脆肉嫰既美腿俾我啦

唔使再多介紹 呢度既燒鵝 街知巷聞 好多人認識 不過都想係度推介下 因為好野要開心Share主角燒鵝 ：新鮮出爐既最好食 唔使去度 深井 嘆燒 鵝 睇下外表先 色澤勻混入口 外皮鬆脆 肉質嫩滑 出色過好多大 牌子 最重要熱辣辣 送啤酒更加正。環境不會有華麗裝修 不過勝在親民GO GO GO

搬入元朗已有一段時間, 每次想食燒鵝, 第一時間會想起"天鴻燒鵝"的招牌燒鵝。 平日放工去到, 很多時都已經賣光, 甚至鐵閘都拉上, 想食瀨粉更是妄想。 星期日下午, 心癮又起, 於是走過去, 每次都是外賣, 坐下來堂食卻是第一次。 下午接近三點, 食客仍有幾檯, 店子不是大, 店外也設有座位, 當然裝潢沒有大集團, 連鎖店的誇張豪華, 是街坊地踎小店的味道, 食客卻是來自江湖四海, 除了附近街坊, 還有跨區的嘴饞人, 隔離檯更是來自台灣的遊客! 竟然自己摸路來到元朗食燒鵝, 還要是兩個人吃一整隻, 認真厲害! 除了馳名燒鵝, 食店還有燒肉, 油雞, 燻蹄和叉燒等提供, 大家到來焦點還是落於招牌身上。坐下不久, 店員已叮囑只剩下燒鵝, 老闆也前來多說一篇, 但天真的我不用半秒就回答: 叉鵝瀨唔該! 大家靜止了一秒後, 我立即遭老公的當頭捧喝道: 玩野呀?!人地都話得番燒鵝!! 我尷尬得以大笑遮醜, 老闆也忍不住跟我大笑! 為了淡化事件, 還是隔一會才再下單! 老公跟我同是要了燒鵝瀨 ($50), 他那碗先來, 之後才到我那碗! 但我那碗在沒有要求下, 老闆竟“私人醒”了隻燒鵝脾給我呢

強烈推介！當日同朋友行山誤打誤撞試新野！真係有驚喜！見好多人排隊所以就試下。果然，燒鵝非常好吃！當日叫了一客燒鵝㸊，上菜速度算快，味道非常好！我們大約十二點左右到達，趕及尾水。後來再來的顧客已無緣吃燒鵝，售完即止，有限額。價錢公道，五十多元。建議如二人進食，索性叫個例牌燒鵝加白飯。仲抵食！

唔洗特登去深井都可以食燒鵝啦。今次去到元朗覓食，去咗這間由住元朗朋友推介嘅燒臘店食個午飯。我當然要食出名嘅燒鵝啦，叫咗個燒鵝飯，大大碗飯，燒鵝份量亦很足，鵝肉雖然唔係好彈牙，但好入味。友人叫了叉雞飯，個白切雞都好嫩滑彈牙，試完覺得下次我要食雙併飯。店員推介例湯，話冇味精，一嚟到原來大大碗，好多料，又確係冇味精，而且好似住家湯，好正，要推介！！

今日黎到呢間比較老牌的燒味店食下燒鵝飯。一上台望到好瘦啊！不過就啖啖肉，骨都無！食落好香醇鵝味，好入味，食落唔靭，不過有少少似滷水甘，皮雖然系燒過，但唔脆的，皮下有好少好少脂肪，比較多肉，整體黎講算ok,

因為工作關係要入元朗開會，作為一個平民食家，到了午餐時間一定要試該地方的美食，隨便在Openrice找了家評論好點的便馬上出發尋找美食之路～店也不難找，遠望已見門口坐滿了食客 店內外都擠滿了食客，環境一般，店舖不大因為一位關係，所以馬上有位～ 一坐下便有小二拿筷子及水給我了，服務一流～ 先點碗燒鵝飯加多個湯 單看外表其實不吸引，但當開始食燒鵝時，鵝肉味道高質濃味，肉質/肉汁超正，皮脆而不膩，配上酸梅汁真是一絕！而我一般都不食肥膏的也比他的鵝香吸引吃了很多脆皮下次真要帶朋友及家人來品嚐品嚐～

入元朗，除了懂得識B仔之外，天鴻燒鴻也是不可錯過的地點。它特選5-6斤的燒鵝，比一般酒樓的4-5斤大，貨源更是同鏞記一樣的佛山黑鬃鵝，老闆每日早上9點就把冰鮮鵝清油上色，睇火燒脆，不是靠工場大量生產。我光聽到這 ，已經眼睛發亮，準備大快朵頤。說真的，它小店還真有個性，每日開11點至3點，5點至10點半，鋪位亦只有約廿位。如果想食燒鵝，請閣下早點出門。千里迢迢來到元朗，一吃便要食盡它，就來一碗 叉鵝脾飯($125)，不消十數分數，熱騰騰的叉鵝脾飯便出爐了。大大隻鵝脾，顏色油亮，棕紅色的，看似又入味又脆皮，而叉燒也不遜色，肥瘦均勻，更附有少許焦香，光看它美艷動人，但還是食左先講。事不宜遲，先食燒脾，一吃就是它份量夠。第一，肉多油夠，鵝的嫰肉混合香透鵝油，每口都是精彩，怕食得太濃，呷一口白飯中和一下，然而又再食一件鵝脾。第二，皮脆味香，吃燒鵝最忌食塌掉的鵝皮，油淋淋的令人倒胃口。而它就是正脆的鵝皮附帶一層鵝脂，香味四溢。而叉燒的表現亦不錯，肉質鬆香烤得不俗，如果甜味再多一點，會更合我胃口。可能你說那樣的鵝很肥不好吃，但是你食燒鵝，就是要享受那滿咀鵝油的滋味，那口感那味道，你是不可錯過的。

那天天氣凍突然想起天鴻燒鵝, 難得我放早所以馬上急急步去了. 我Order了燒鵝瀨粉和例湯(紅青蘿蔔湯). 以下是我的comment紅青蘿蔔湯 -熱辣辣, 好多料和無味精. 味道有點淡, 但配上濃味的燒鵝又不錯咼.燒鵝瀨粉 - 鵝肉味道跟平常一樣高質濃味, 雖然肉質有點韌但仍然皮脆有肉汁, 配上酸梅汁真是一絕. 仲有少許椰菜. 讚