太子茶餐廳 (鯉魚門廣場)

營業中

休息中

食物質素一般，職員態度非常惡劣，特別是餐廳內一個戴眼鏡推送貨物的男職員，之前油塘吃早餐的茶餐廳沒有太多選擇，所以經常光顧，現在選擇多了，所以很久沒有再幫襯了，餐廳門口近送貨出入口，多次看見有行動不便及老人家被撞到，所以要非常小心。

外賣了鮮茄牛肉飯，沒有時間吃放了兩小時後打開⋯⋯⋯有數片牛肉有藍藍的痕跡，有點可怕不敢吃 ，致電他們問問，被大聲地問道 為什麼兩小時才吃！我們沒有外送服務！不會送餐給你 ！要麼下次再來可補回！事隔數日，再度致電想取回補餐 ，不斷被大聲警告 ！不可以再放兩小時才吃！明明出餐時沒有問題！沒有理由這樣！好好好 ！你沒有問題我有問題 ！我不敢要了！我不欠錢 ！不欠一餐飯 ！以後不再光顧便是！長知識了！真的不明白牛肉是放著兩小時就會變藍色的嗎？恕我孤陋寡聞！

#94 用家感受，不是打手！Walk In 唔駛等。8️⃣0️⃣CP值，2023/4/23/Sun/19:16，假日晚膳三人埋單(免加一)HK$275，平均每人$92。位置在街市入面，唔易搵，同事帶路先識去。裝修光猛，坐位算闊落，但坐位有污糟。價錢抵夾好味嘅，又食又拎，值得一試。8️⃣0️⃣二人晚餐$208，抵食，3個人食就岩岩好，3個餸，跟例湯，2杯飲品，2個飯。8️⃣0️⃣沙薑雞，好大碟，好味。8️⃣0️⃣蒸盲曹，正8️⃣0️⃣雲耳勝瓜炒鮮尤，正7️⃣0️⃣跟餐2杯凍檸茶，凍飲加$3，多檸檬，正常。8️⃣0️⃣乾炒牛河$54，牛肉多，夠乾身，正。

叫咗個日式拉麵，等咗五個字，吹左三次，最後問一個紋身，好似黑社會嘅伙計，跟住佢隻手指住有拉麵，我心諗佢唔識講野咩，我之前問佢我真係趕時間囉，跟住成埋伙計喺度玩嘢，喺度鬧我，又個女人大閙我癲婆 ，成埋員工嚇我，又係我隔離掃垃圾，整色整水，我等咗五個字，杯奶茶變咗水，我問可否換過杯，個經理竟然話加d茶俾我, 真係完全痴線，希望佢快d 執…

朋友話太子茶餐廳抵食夾大件,鐘意食香口野同大胃王有福！有個邪惡餐有炸脾同辛辣麵,仲有其他野食都好豐富！不過預左座位就比較迫始終位於街市中舖唔算好大間適合快食..

好難食嗌凍檸茶少甜少冰 點知佢就比多甜多冰甜到完全飲唔落到正餐嗰個西芹腰果炒牛肉，啲牛肉難食到嘔 未食過一間茶餐廳啲牛肉係可以咁難食，完全係劣食中既劣食，只可以食吓啲西芹同腰果而嗰個枝竹粉絲雜菜煲，啲菇係臭，搞到連啲菜都臭埋，真係食嗰落。永不再食！

是否要換外賣盒？食物熱到溶錯已經不是一次，食得多引致癌症就對食客不好打開睇見都吾想食，將所有食物放埋一堆，漢堡扒浸哂落豆及沙律醬，是否可以好啲？太子茶餐廳食物包裝其劣質已經不是第一次，做個有良心的東主吧

太子茶餐廳午餐有驚喜， 雖然只係街市茶餐廳但係質素非一般， 午餐有多款選擇， 每款大約50元送飲品及例湯今日叫咗個焗豬扒飯， 豬扒非常大件又夠鬆軟，焗嘅時間覺得非常恰當簡單嚟講，街市質素已非常非常ok

星期五去油塘做野，又係一處冇事唔會特登去嘅地方！正愁中午唔知食乜好，附近有大食代但難得黎到油塘想試下其他，咁同事Miss🍊提議到九龍塘鯉魚門廣場地下油塘街市搵下，得一個鐘食飯見到間唔洗等位就決定呢間-太子茶餐廳-。Miss🍊叫左A餐‘燒汁雞扒拼火腿飯’，但Miss🍊覺得飯少扒細唔夠飽，另外叫左個焗豬仔包！我叫左D餐 ’廈門炒米‘，份量ok 但炒得好濕唔夠乾！味道淡左dd!最後講下服務唔錯，門口侍應探熱時會講唔該，走時各侍應都會講多謝、記得攞齊野！讚👍🏻👍🏻

新嚟嘅哥哥仔 應該係做樓面 服務態度招呼一流 處事又細心 雖然餐牌耐的食物他介紹得不夠熟悉然很耐心款待+++ 值得一讚！ 最好食就是晚餐 嗰一條蒸魚 很鮮美很美味 形容詞一個 好好好

今日同同事食飯 咁岩見到街市呢間茶餐廳好多人食咁我地就四個都叫左個洋蔥豬扒飯 一人45蚊 塊豬扒都幾大塊同好食 同埋d飯都夠多 不過係稍為多人左小小 整體上都ok

上到台果時，個飯係凍既，而且重有飯粒。佢唔係即叫即炒囉，甘都算啦!但好帶都整反熱個飯，凍既飯點都講唔過去，叫人點食呀! 重要個雞粒係勁少囉。個湯又無味似水，甘就收左$45。真係貼錢買難受。

6點半去買4個麵餐自取返到屋企發現佢地包少杯檸茶打去問返佢個收錢叫下次收返我我宜家食飯下次先飲野呢個問得真係非常好笑我要佢要即刻送返上黎！5分鐘路程用一個鐘頭先送返上黎！真係超垃圾

位於鯉魚門廣場街市內，位近街市上落貨通道出入口。於門外輪候入座時或會阻塞通過，容易引起運輸工人及客人不便。環境算新，店內牆身是灰白色的漁村風景相，亦有幾頂草織漁夫帽作掛牆裝飾，餐廳設計似乎以漁港為主題。餐廳桌面黏笠，不整潔。桌旁放餐具的抽屜亦是髒亂的。廚房狀況衛生情況可想而知。店內主動提供飲管及冷熱飲即棄膠羹及攪棍，走塑人士注意。餐廳素食選擇大概有羅漢齋飯及雜果沙律。午餐選擇沒有素食午餐提供。午餐C豆腐斑塊飯，飯量偏少，豆腐及斑塊分量各三件，等候時間短，價錢以街市食肆來說偏貴。豆腐表現軟硬適中，不會太硬和乾。斑塊我不吃，所以不知道味道如何。汁打了芡但不平均，味道一般，分量剛好。隨餐跟的例湯要提先有。服務侍應禮貌及態度真的是有待提升。

夜收工油塘街市無選擇下入左呢間太子茶餐廳，估唔到係惡夢既開始，晚市叫個小菜西蘭花炒牛肉，足足等左25分鐘，我都明白有時係要夾單一齊先煮，但都無理由要等咁耐，追單都追左兩次，次次都話煮緊，黎到碟野細碟到呢，大佬收我$59有無咁細碟呀，我唔係叫下午茶餐囉，碟野仲要係西蘭花唔熱，牛肉就少少暖咁，好似碟野放左係度半個鐘無人拎出去咁，永遠blacklist呢間野，真係是旦一間都好過佢，下次行完少少過大本型食好過。