太子餅店 (已搬遷) 新店位置

其實西灣河都有一間...我系個到坐低..享受左個咖啡餐!又有芝士蛋糕都系20幾元!低!又好好味....我最想讚既系..我見到佢地d清潔做得好認真!連門口玻璃都由員工打理得好乾淨!

睇到各人對本店的支持，深感高興。希望大家多給本店評語，從而盡力改善，務求做到最好為閣下服務。

公司附近有所以無早餐既日子都會去幫襯下今日入到去行左一個轉之後見到個紫菜肉鬆包佢陣紫菜味好香就夾左一個都ｏｋ香而且好足料而且又大個一個拳頭再大ｄ不過就略嫌個包唔係咁好只係好ｓｉｍｐｌｅ既面包不過６蚊咁大個而且又足料都抵食ｐ．ｓ個肉鬆ｗｉｔｈｓａｌａｄ　ｓａｕｃｅ嫁有ｄ酸酸地幾醒胃

經過包店又忍不住入去睇下有咩包食...見有豬柳包就買來試下...心想都唔會有太大期望...點知又幾正又有蕃茄醬芝士係入面...$5.5個都抵食p.s佢地既服務員都係好抵讚..態度勁好.

今日經過買New York Cheese Cake試, cheese味好rich, 但就唔夠滑, 不過$14都ok架啦!所有cake都全面加價, 冇超抵的$8 or $10 lu~~

買了……花生醬包($5)：沒有花生醬，取而代之的是椰蓉，覺得被騙了，相比起深水埗某間麵包店，實在差得遠芝士軟心蛋糕($5)：芝士不知是否忘記落蛋沙律熱狗($7)：幾好味，但價錢與份量不合比例收銀員幾冇禮貌

今日有點事件要辦, 所以要到太古城走一趟, 呢到有間太子餅店, 經過好幾次, 但未幫襯過, 記得在食評中, 見多位食家都對此餅店給予好評, 於是辦完事後, 便專誠到此餅店, 選購了幾件凍餅品嚐一下! 1. 士多啤梨拿破崙strawberry napoleon ($8), 上下兩層既圓形拿破崙, 未算很脆,但卻幾鬆化, 中間夾住幾片士多啤梨同吉士, 士多啤梨唔酸, 頗鮮甜, 吉士亦唔太甜, 但未夠香滑, 不過我覺得比我家樓下餅店所造既拿破崙好!2. 黑森林卷black forest roll ($8) 朱古力蛋糕軟熟, 內裡夾住朱古力mousse和車厘子, 蛋糕面仲鋪滿朱古力碎, 朱古力mousse既味道不及美心既濃烈, 但仍有朱古力味道, 所以感覺不會太漏, 而令我估唔到既就係有車厘子果肉, 美心都只係以jelly代替車厘子, 而呢件黑森林卷就係用真正車厘子, 雖然車厘子係切開左, 唔係原粒, 但卻唔係罐頭貨(蛋糕面個粒除外)!3. 藍莓芝士蛋糕blueberry cut cake ($9) 我見呢件蛋糕既英文名唔係cheese cake, 於是問下店員, 佢話呢件係芝士, 仲話呢件好

公司一眾同事都愛吃，每次有人去買麵包總有無數搭單！麵包新鮮出爐熱辣辣，好過皇后，價錢相宜，抵過Panash。個人心水是雞尾包，新鮮熱食無得彈！裝修後去過一次，沒有熱盤(盛麵包布甸之類)，不知現在有沒有。

一袋有８塊，有ｄ一粒粒籽，包身好soft，食幾日都依然soft,ok!黑芝麻cake$3，好香黑芝麻，但油左ｄ，都唔錯！

Walnut cheese cake: Cream cheese 非常軟滑，不會過甜。但如果只想嘆cream cheese的人，可能選擇淨cheese cake較好，因為Walnut cheese cake內實在有太多walnut。另外，只是幾元一件，絕對超值!

真係, 幾塊錢o既芝士蛋糕, 我feel 絕對係超值, 夠cheese 味, 不過可以再滑一d

試過呢間既"健康無糖poppy seed 麵包" (全名唔多記得)﹐買返黎擺係雪櫃成晚﹐第二朝食早餐既時候﹐D 包仲好軟熟﹐唔洗擺落多士爐焗熱都好好味!!其實袋麵包我擺左落雪櫃四日﹐每朝食既時候都好軟熟。。。唔同其他鋪頭既麵包﹐雪一晚已經變得好硬身

廿四小時開始倒數，臨天光始小睡片刻。晨早番工已不在狀態，放假兼壽頭心情。十時許，空降一件太子至愛；實在有點感動，一切盡在不言中。依然係厚實的芝士料，脆脆餅底，小小藍莓醬加數粒藍莓，確實一絕，八蚊大大件，此等價錢同Size 非一般咖啡店可以做得到，味道本人而言算是好。唔講金，只在乎那份心意；誰有勇氣表現真我一面，別再假惺惺罷。

看過大家的食評，便買了marble cheese cake($8)、芝麻切片蛋糕($3)和肉鬆卷($5)試果真味道不錯，尤其以$8和$3的價錢分別有如此品質的cheese cake和切片蛋糕，超級抵食!!!!!一定會再幫襯!!!

今晚煮西餐，要買點甜點來助興。在東峴吃完越南菜，在去UNY買菜途中，行經此處，見店員將一盒拿破崙捧出來。太座是拿破崙迷，當然要買番來吃。這裡的拿破崙，圓型的有三層，不太大，但只賣6蚊，是橫看豎看也抵食。吃落也不差，層層酥皮，但當然不是十分之酥化；中間的吉士味道不錯，不太甜，卻不夠滑。以6蚊來說，已是交足功課，起碼比之後買的Italian Tomato好。同場加映出爐蛋撻，迷你size。今日做特價，只賣一蚊一個。記得上次來這裡的蛋撻仍不是酥皮，不過而家係，買左兩個一路行一路食，幾難想像今時今日仲有一蚊一件的野賣，講緊係太古城。都講過，呢間餅舖自設工場，自家出產的各類麵包西餅，水準不差，價錢亦平，經過呢頭值得一試。