太子餐廳

營業中

休息中

同鄰居出太子剧扒，點知壞冷氣，咁就即刻轉場地。另一個鄰居話有間去食開，咁就去試吓。呢間成日去花墟都會經過，但係一個人就真係冇諗過嚟食。鄰居強烈建議飲洋蔥湯，咁我就嗌咗一個，不過就貪心啲加咗塊酥皮。跟住見到鄰居個洋蔥湯好似水咁，同我期望有少少分別。因為我加咗酥皮，就要等耐少少先至嚟。個酥皮做得幾好夠薄脆，塊皮唔會太厚，唔會食到太飽。不過個洋蔥湯就清咗少少。我就唔知想食咩好，所以就嗌咗個雜扒餐樣樣試d。樣樣都薄薄地，煎得幾脆口。至少唔係嗱得好勁個啲old school牛月豬。最後個芒果布甸，食落去好有細個自己開粉整布甸嘅感覺，而是回憶全部返晒嚟，個黑啡啡底都做得幾好唔太苦，亦都唔酸。可以值得一試。

首先講食物質素，叫了一個肉醬意粉、 咖哩豬扒飯，和芝士蛋糕，三樣都好難食， 如果連一個小朋友都話難食，相信應該係幾難食，唔明白點解普通嘅菜式，都可以整到咁難食！第二，侍應服務質素真係好一般，原本跟餐係有杯免費餐飲，但小朋友點了蘋果汁，原來收正價（即當另外散叫），都算了，但又不解釋比工人姐姐知，還有一杯免費飲品可以點，終於明白點解佢咁多負評了！呢間餐廳已經很多年歷史，但係一直都好多人話唔好食，而家發現原來唔止唔好食，仲覺得佢哋做生意手法，有待檢討檢討！

5:30pm 入門口前問清楚話6pm前係有下午茶， 入到去老闆娘過嚟落單， 我話要蘋果批下午茶餐， 佢就話要等好耐喎 ，之後叫我諗清楚先落單 。然後我5:40pm 再搵第二個侍應落單 ，跟住佢同我講話冇下午茶😑 ，要叫晚餐。我話頭先入門口嗰時問清楚個侍應話有下午茶 ，跟住佢問我邊個話，冇呢件事。 今日公眾假期冇下午茶喎。 今時今日咁嘅服務態度 ，唔怪得知生意咁差。之後老闆娘仲話晚餐要按人頭計，每人要叫一個餐😫。 晚餐質素一般 ，不見得有什麼特別， 不會再有下次。

早兩日再去呢間餐廳食嘢，之前去過幾次都冇問題，嘢食嘅質素都可以嘅，今次四個人去其中一個係三歲小朋友，坐低攞住個餐牌叫嘢食，攞住個餐牌指比嗰個人知話要啲乜嘢，嗰個人話我睇唔到，你讀出嚟，態度已經好差，寫完就擰轉面走咗去，因為小朋友想飲嘢先，就想嗌埋嘢飲，咁唔好彩佢又喺附近，就叫佢，黑口黑面走過嚟，話使乜咁急啊⋯⋯都算啦，然之後佢話你哋四個人唔可以叫三個餐，有人頭低消，佢又冇寫有低消，一個三歲小朋友都有低消，唔知係咪得罪咗佢，去咁多次有個女士同埋後生仔都好有禮貌，係得呢個有啲年紀嘅男人成日黑口黑面，講唔該有尾音嗰種禮貌，可能佢係老闆，所以唔會再幫襯了。

呢間懷舊餐廳都食咗幾次，事關空間大，環境夠靜，服務同食物質素都好。不過唔知係咪換咗廚師抑或佢SICK LEAVE，同之前食嘅感覺好唔同。花旗安格斯西牛扒 （配薯茸田螺+湯+甜品＋飲品） $278：五成熟，切開似嘅。可惜，一食落去，肉質煮得過熟，5成熟都好靱，食完成碟牙都軟。有啲失望，味道同質感都唔理想。花旗安格斯牛柳 （配蒜茸青口+湯+甜品＋飲品）$298：淋過西冷，但一樣食到牙軟。成碟最好食係薯條，佢係熱辣辣淋身果種。焗薯茸田螺：薯茸好食，好重牛油味同好綿，但田螺無味。蒜茸焗青口：好香嘅蒜茸味，青口還好。

基本上每一次嚟到太子呢一邊，我都會揀呢間餐廳食飯，不過平時好多時都係午餐，今次過嚟食晚餐，講認真佢嘅味道唔係真係好特別，但係呢度餐廳比我嘅懷舊感覺，同埋呢度嘅服務態度，係其他地方無辦法比到我。希望佢唔好執，一直做落去，一間屬於香港人嘅餐廳。

3人點了3個午餐，食完後問我地食唔食甜品。叫左兩件蛋糕講左3人share食。蛋糕上桌後只見一隻空碟，問佢可否俾多2隻碟，我們分來食。一個唔駛著制服的女士話:載住蛋糕咪有兩隻碟。你留番d 空碟自己用!

今日喺太子補完習，同阿仔兩個人去太子餐廳，食物質素同預期中更差，大家樂大快活都好食過佢啊！食物質素先唔講。我12:10落單，12:15有包食，12:18有好似水咁嘅羅宋湯，12:35有主餐，12:50餐飲到，因為阿仔只飲水，所以兩杯凍檸茶都係我飲，只不過放住一杯係佢面前先，當我差唔多飲完我個杯嘅時候12:5x收銀員突然間行去同我仔講，細佬你快啲飲啦喎，我哋要收返張枱，出邊有人排隊呀。嚇到我仔成個彈起諗住準備走，我叫佢坐返低，我未飲完。然後個收銀員拎張單過嚟我枱面，叫我賣咗佢，佢雖然有講唔好意思，但行動上仲係趕緊我走。其實我食咗都冇一個鐘頭，加上個主食你12:35先到，12:5x就趕人走，點可以咁樣！食完1pm我都走。但係呢啲餐廳唔會有下次

午餐食評: 香煎龍脷柳意粉味道幾好，魚柳煎得perfect, 意粉若煮耐些少會比較好，有少少硬；配菜也煮得不夠火喉。茄汁豬扒飯比較差，豬扒及飯有少少硬，不夠火喉！永隆銀行中心入面有間花園餐廳，佢嘅茄汁豬扒飯係一絕，超好味，已經食過幾次，水準一流。7-11 d frozen 嘅盒裝茄汁豬扒飯，以前用白飯，現在改用炒飯底，變咗超差及太硬， 但豬扒超級好食，連老人都食得。

令人失望的太子餐廳我們昨天（22/8/2023）前往太子餐廳吃午線。在餐牌上見到蕃茄焗牛脷飯，於是我們對侍應說請把兩個飯改為扁意粉。誰知食物上枱卻是一個牛脷飯而另一個是扁意粉。太太對侍應說弄錯了，我們叫的是兩個扁意粉，侍應於是就把該牛脷飯拿回去。卻在不到1分鐘，穿淺藍色恤衫、戴眼鏡的，估計是老闆娘，卻把該盤飯放回我太太的枱面，說：「你是叫了一個飯及一個扁意粉」。態度十分堅決，說完就走了。看見她的態度，我們當時都呆了。但我太太十分清楚。當時落單是說兩個飯都要改做扁意粉。另外一件事就是該套餐有餐湯及麵包。我在享用麵包時不小心把麵包弄丟了掉到地上，於是我拾回放在枱邊。太太代我叫侍應來問可否更換呢？該女侍應是一位上年紀的女士，戴眼鏡及剪短髮，穿白色為主的T恤。她前來問我，其口氣像是質詢：「阿媽話掉了麵包應該如何」？我回應說：「執返起來吃」。於是她用叉子把那個我放回枱面上的麵包拿走了。不久，她放了一個麵包在我面前，說：「下次再跌就冇啦」。跟着她說講笑啫，笑了一下。雖然她給了一個麵包，但其說話及語氣令我們覺得難受。我現在始在此食評見到不少對太子餐廳的劣評，但仍然發生此事，相信他們不會理會。但穿制服

去完花墟買花，周圍都係人，唔想行咁遠搵嘢食，近近哋又去咗「太子餐廳」，大大話話呢間餐廳我都食咗10幾年，貪佢地點夠方便，環境又唔會太嘈，永遠都唔使等位，我諗一年總會幫襯三四次左右🤔每次都會叫佢嘅法式洋蔥湯🥣唔係佢特別好飲，而係冇乜西餐廳會有有呢個選擇，今次都唔例外。而主菜今次叫咗三文魚、大蝦意粉，仲有羊架，一如以往，保持一貫水準。雖然佢價錢唔係平，但佢咁多年都保持住一定嘅水準，而且有舊式西餐廳嘅陳設。另外，作為太子嘅老餐廳，佢仲好有心咁喺舖頭入面陳列左舊太子嘅相片同介紹，好有舊情懷🥰

親戚家孩子在這裡丟失了長輩給的紅包，打電話到餐廳後，職員爽快地如實回答，讓家人到餐廳拿回，非常感謝。整體體驗非常良好，服務態度佳，等待食物時間也不算長。下次會再光顧～

真.失望+一肚氣到餐廳時,已經靜到水靜河飛,落單時候已經講咗3份扒餐要跟炒飯,腦細話ok ok 點哂頭咁,唸住no problem 啦 點知嚟嘅時候,三份餐側邊有薯蓉 ,明明嗌咗炒飯,以為係伴碟,於是問班waitress又話唔知又盛....腦細話落錯,話廚房出錯,跟住拎返份扒餐入廚房,心諗個薯蓉細到=3個5毫子咁,咪攞隻碗拎走佢,is it necessary to take the whole plate into the kitchen again?份餐又等得耐,嚟到已經凍哂😊😊嗌左嘅肉眼扒係靭到一個點咁又咸,食完真要係要去醫院洗腎(: 加埋啲waitress收野收唔切,人地d醫汁都未用完就收都收唔切,以為有炸藥😔😬 仲要倒瀉埋我杯凍咖啡,搞到成枱都係🤗 因為同同事食所以埋單$800 態度又差,野食直情係不予置評添啦. 叫腦細俾多少少蒜蓉汁都好似好唔情願咁,咁度縮就咪鬼開門做生意啦.間餐廳d食客已經屈指可數最弊係7點幾,正值繁忙時間. 見佢同名寶石比,差幾條街啦. 奉勸各位大佬,咪鬼幫襯呢間垃圾,食呢間野真係腎虧,仲好意思收人一份$238 肉眼扒未計加一.總括而言,離哂大鋪,伏到爆

📍太子餐廳太子太子道西162號每次去太子揾食，總是走了去隔離的懷舊餐廳。直至聽到朋友提及呢間餐廳才第一次入內光顧，之前都無留意到呢間餐廳添。餐廳座位算寬敞嘅，算是坐得舒適，木製傢俬帶出一點懷舊味道。侍應態度亦友善啊。叫了煎豬扒伴洋蔥汁，整體上肉質算嫩嘅，不錯呢。蒜茸大蝦伴天使麵，大蝦就一般😬。套餐包咗餐湯，一個餐包，甜品同餐茶。我哋甜品分別叫咗啫喱同涼粉。整體來說，食物不過不失啦，香港嘅懷舊餐廳越來越少喇，真係要幫襯多啲，希望所有懷舊餐廳繼續營運落去。😊

今日行花墟行到肚餓嘅時候見到間餐廳好似幾好味，咁所以就入咗去食，叫咗個白汁龍脷柳意粉同埋肉眼牛扒，個白汁龍脷柳意粉，味道同埋相都幾好食，但係一到咗個肉眼扒之後就完全改變左我食牛扒嘅定義，點解一間餐廳牛扒可以咁難食嘅難食都唔緊要，佢連個汁都非常之難食，都唔明點解可以咁多人去食，價錢又唔係平得去邊仲要貴過去xx餐廳鋸扒，嘢食就唔多講啦，因為真係好難食，侍應嘅服務非常之差叫極人佢哋都好似睇你唔到咁，要叫幾次先應得你一次，成個場成10個侍應個個都好似唔係做緊嘢咁，所以唔會再去呢個餐廳食浪費時間