太平洋咖啡 (太子大樓)

營業中

休息中

Nov 25th 大概3點幾過去想買杯嘢飲，嗰個做咗好耐個位男店員喺收銀機後邊，望住部手機，我叫咗兩次唔該都唔抬頭，唔認，唔望。佢不嬲都冇乜禮貌，而家態度再差。 今日再見到係佢都唔再入店 。

太子周末早上 難得有間早開的coffee shop呢間細細間嘅pacific coffee服務員態度好好 食物又多選擇朝早飲一杯熱的Americano 再加一個意式腸芝士牛角包服務員好細心咁加熱了個牛角包另外再order咗一杯 凍焦糖咖啡焦糖味濃 咖啡都幾香坐係窗旁 有少少路邊景望住 都坐得幾舒服

因為細路在附近補習，每星期都來坐一坐、飲番杯。呢個習慣都已經兩三個月。呢間係好細，全場唔夠十張枱。因為疫情，大家都唔想搭枱，有時好難搵位。DSE之後好咗，因為冇咗坐喺度溫書嘅後生仔女。今日試新嘢，一杯係white peach mocha，一杯係white peach沙冰咁。mocha我飲，沙冰係外賣俾細路嘅。mocha第一啖入口酸甜味，應該係白桃糖漿嚟嘅，加埋苦苦地嘅mocha，幾好飲⋯⋯問題係啲桃肉有少少大，用粗飲管都飲唔到，剩晒喺杯底！！！

午饭在花墟逛逛，顺便看看盆栽和年花。然后找一个地方歇歇。这家 Pacific Coffee 不大，里面才有十几个座位，第一次进去没位后在附近走了一圏。十五分钟以后再进去看看，幸好找到一带电源插座的座位。看到玻璃柜内的 chocolate brownie 才16元，不假思索就买了一个配咖啡。Brownie 加热后有点干，但充满朱古力的香味，而且很实，没有吃空气的感觉。它的密度比一般蛋糕高，吃了以后会感觉很饱。至于那杯 Americano, 水准有点参差，淡淡的没咖啡香，不怎么样好喝。以环境而言，这里是很方便的歇脚点。

好熱好攰咁樣行完街之後，見到有間Pacific , 我哋就入去坐低飲吓嘢食下野先。我地點左chocolate romance 同埋芝士菠菜卷😊朱古力、奶、朱古力碎、cream加埋一齊好好飲😊 暖暖嘅菠菜芝士卷味道都好香濃，好夾。食完我地又再有氣力行花墟🌼

同富貴同事同食神同事食完主食之後大家意猶未盡所以話不如飲杯野激死我哋本身諗住去朗豪坊嗰間P仔點知佢執咗😡😡😡😡然後我哋就轉陣去呢一間其實通常如果飲咖啡呢，同啲朋友一齊都係偏向揀S記多啲，不過富貴同事就話P記嘅咖啡好飲啲但係我都係揀咗一杯Double Chocolate因為富貴同事推介話呢杯係有朱古力粒係入邊😱嘩真係好好飲吖呢個沙冰👍🏻因為呢杯野我對P記另眼相看😆跟住我試咗富貴同事杯咖啡可能我唔識欣賞都係麻麻地啫😅

天氣太熱行街又要等朋友，行黎行去又辛苦，於是搵左間pacific coffee坐下抖陣。呢間pacific 燈光比較光，而且好高。雖然店細，但都有sofa，冷氣又夠，坐得舒服。下晏時間，實在不宜飲咖啡，飲完都驚夜晚訓唔著。唔幫襯又霸住個位黎坐就會勁衰，但又唔肚餓... 哈哈，好彩仲有乳酪。一杯最底層係甜甜既果醬，中層大半杯淡酸乳酪，上層係分隔開黎既甜甜脆穀物，撈賣三樣一齊食，酸甜混和，令乳酪更好食😋 份量又唔太多，就算飯前一食，都唔會頂胃，分分鐘係開胃菜，令人愈食愈多，哈哈哈。

未夠鐘食晚飯，先來一個 tea 打發吓時間。比較少去連鎖式的咖啡店，但見剛巧有位，便入咗去學人飲下咖啡。 cappuccino($30 short size) 原來某張信用卡有升級優惠，只需用short size 價錢就可以享用升級 medium size 咖啡，足足慳了$8- 好抵啊！原來連鎖店的咖啡都唔錯，奶味香濃，咖啡沒有苦澀味，而且容易入口，好適合我這初哥飲。抹茶柚子撻（$30）賣相吸引，成棵聖誕樹咁，綠茶味香濃，但柚子味稍為欠奉，甜度都OK。如果我吾講依家係四月，仲以為聖誕節來臨，好有聖誕氣氛啊！

行過見到pacific coffee有買一送一優惠，只限新口味，新口味有三款，全部都係岩鹽系列，好似係岩鹽馬卡龍，岩鹽杏仁同岩鹽榛子朱古力，買左兩杯岩鹽杏仁牛奶咖啡試下，50蚊兩杯幾抵飲喎。優惠只限新口味，呢個口味唔可以走甜，因為用杏仁味糖漿，問過可唔可以唔要杏仁糖漿，店員話咁就唔係新口味，不能用買一送一優惠，咁算了，甜就甜吧。老實講，都係普通的咖啡好飲啲，呢杯野得個甜字，杏仁味係有嘅，但無乜特別，如果想飲杏仁味，去飲杏霜好過。btw，可能因為夜，店唔多人，坐左好耐傾偈，50蚊坐人成晚。

今日睇完戲想飲返杯野，行完條花園街經過Pacific Coffee, 見到有新出品，有岩鹽馬卡龍牛奶咖啡，岩鹽烤杏仁牛奶咖啡，岩鹽榛子朱古力咖啡,我同朋友都話要試。 朋友的係岩鹽杏仁牛奶咖啡，佢嗰杯幾好，味道夠balance, 唔太甜，飲到一粒粒， 同飲到咸味。 我嗰杯係岩鹽馬卡龍牛奶咖啡，但就零覺得似馬卡龍，完全唔知同Macaron有乜關係，而且極濃，無鹽味，同普通double shots 焦糖牛奶咖啡(可能係 triple shots 添),我都驚夜晚訓唔到，所以飲到一半就放棄左。依杯野都成$50一杯，唔係因為要試新野唔會還囉。。。(零特別的！！)

如果想要一個安靜嘅空間，呢間Cafe唔係一個好嘅選擇店內短短20分鐘連續3次聽到店長鬧下屬，手上嘅Double Chocolate Chillo頃時變得乏味我嘆息人與人之間仍然未能學會尊重，希望當日嘅店長可以領悟到Cafe嘅可貴之處