太湖海鮮城

營業中

休息中

星期天到銅鑼灣睇阿拉丁中午塲，兩個多小時的戲故要先吃點東西。銅鑼灣廣場二期的太湖海鮮城早上10:30 營業，這間得獎很多的食肆早茶有其捧場客，朋友先去拿位說未開市已經有人在電梯口等候。我們二人叫了三個點心，開了壼普洱茶，水滾茶靚帶有點香甜。鮮蝦燒賣皇-賣相不錯，燒賣頂鋪有一隻大蝦，豬肉餡彈牙，咬口爽滑。香茜叉燒腸-叉燒份量足夠，食起腸粉來有口感，豉油另上任君喜歡加多加少。青蔬雞絲湯米-青菜兩小段，雞絲份量不太多，米粉幼身，湯底味道則不錯。整體來說，這餐早茶都不錯。

之前有朋友介紹，話好抵食，服務又好好，咁就二話不說即刻過去試下，果然好味，最值得讚嘅係，員工們嘅工作態度，超級好嘅服務，星期一晚都坐滿晒人，仲發覺有好多係熟客，有個仲疑似退休人士嘅伯伯，自己一個人食，叫一個蒜蓉開邊蒸蝦，加個白飯食，一個人的晚餐都不錯😋目測大部分黎嘅食客都係港人，唔覺意聽到captain 嘅對話，當日有幾個熟客郵差又上黎食；我今日兩個人叫多好多餸，叫到captain 叫停😬，見到好多客都叫冬瓜盅同片皮鴨，等我下次試下先✌🏻, 最後仲有蛋散，紅豆沙，糯米糍，里三樣甜品都不容錯過，最後埋單都唔駛$800，好滿足，值得支持💪🏻

包房開番2圍食好西公司春茗, 訂左2圍大家開開心心食飯. 係食飯之前, 緊係開下台, 玩下啤牌show hand 是常識吧 是日頭盤, 每台叫左1大條象拔螃, 2食, 可刺生,可即陸即食,  waiter 好貼心, 一早係台面set 好晒爐, 之後先上大盤冰震象拔螃, 好鮮好正!!  全日12道菜, 最正係鮑魚同龍蝦, 好新鮮仲有個飯, 但無影相, 脆米炒飯果D, 超正有人即場煮鮑魚俾你食啖啖肉龍蝦 無疑問地,可encore !

今日去太湖帶埋二個老人家飲茶D野超抵食炒菜也不錯已經一段時間無同屋企人飲茶點心好正😊下次再約埋屋企人來先得地點方便雖然人多但也好有意思最後我重點推介甜品又係正到爆

同屋企人約去銅鑼灣飲茶，翠園、明苑都有排等，見到太湖唔洗等咁耐，又……記得好耐以前，間中都有晌太湖食下晚飯，印象中都唔錯㗎，於是就決定轉場，晌太湖飲茶，真係第一次晌太湖飲茶，我哋都叫點心，炒飯……。不過，無論賣相到味道，都……，可能都係晚餐會好D吧！第一次連影相都冇心機，所以，勉強影咗一張半張po下啦！好彩家人共聚，志在傾下聚下，如果，請客就……有D……唔好意思😁！下次嚟，都係食晚飯穩陣D喇！服務都ok嘅😄！

多謝艷玲真誠深邀，好開心同吔得豐盛滿足吖😍之前飲茶就多次，晚餐就好多年前同幾年前試過，印象中係都可以嘅，但這晚嘅感覺，大厨師好得，每一道菜唔可以叫做天菜，但係樣樣都比可以更好味plus,條班對我嘅標準控制得非常好，豉油煮得好靚，香不油而甜招牌🐓啱晒我咀型，龍蝦雖然無好好啜到離地，但啱我口味都非常踏實真心，服務唔係貼身，但係都叫nice 醒目，不足嘅地方係人手唔夠，昨晚都睇得出嘅旺，但樓面d靚佬靚仔靚女都好smart,辛苦晒。樣樣嘢嘅食味唔係飛天，但係夠撚手，唔錯，對我嚟講，可以再到訪。

香港人最喜歡一盅兩件，一盅是茶，因為粵式舊式茶樓用碗取代杯，而茶碗多是用上有茶蓋的，所以為一盅，加上兩籠點心，為港人的飲食傳統文化：飲茶。🍵今次去左米芝蓮推介點心及燒味的太湖飲茶。水滾茶靚係最基本要求但佢水是夠滾，但茶唔靚點心好食牛肉球新鮮。蜜糖脆蛋散，超脆，甜甜的，必叫。墨魚豆腐，墊底的滷水豆腐好味。肴肉加青瓜，好清爽。懷舊味的蘿蔔牛筋腩，必食推介👍🏻很惹味的沙薑雞腳。熱辣辣雪山叉燒包，雖然比較甜咗少少，但熱辣辣真係加晒分。薑汁九層糕，必食推介，好味。飲茶唔叫咸水角會有失落感。仲有叫左其他如蝦餃、燒賣，蝦🦐爽口彈牙，質素比點心鋪好，不過不失，保持水準。叫埋時蔬水餃，都算是幾多菜。蜆介鯪魚餅，蜆芥醬汁另上，有原粒蜆肉，但醬料太咸香。結賬：三人連茶芥，$540左右。

呢期鍾意去太湖。。。因為點心選擇多。。。成日有新意。。。服務又好喎。。。除咗點心。。。佢仲有好味既燒鵝啦～海鮮啦。。。真係好多選擇。。。有時等到下午茶仲正。。。因為又平啲。。。佢有個蒸鱔係點心。。。好味又抵食。。。呢樣真係每次必叫今次試咗幾樣新嘢。。。個蟹餃ok南乳豬扒唔係次次有。。。但佢有都多數叫。。。幾好味佢仲有即煮當食。。。果日食梅煮鴨。。。幾特別。。。都係計大點。。。但因為已叫咗成十樣嘢所以就無叫呢樣了

因為親戚好想食冬瓜盅但又搵唔到介紹邊度嘅冬瓜盅最好味咁親戚嘅朋友介紹食太湖原來都幾好食但今次我掛住食, 完全冇影相 炸蝦片我遲去到嘅一坐低就食左一塊鬆化的但就多左少少油 燒肉都係我到之前已經食緊嘅都脆皮嘅, 正常野 芝麻雞好食呀皮好脆隻雞唔算太肥所以食埋個脆皮都冇問題 燒鵝呢個皮就唔算脆肉唔鞋 星班2食繼續正常食魚 魚湯時蔬清清嘅, 清到當湯飲 椒鹽豆腐這個好味道不過就椒鹽可以少DD就PREFECT 肉碎豆角香口, 唔算太油 冬瓜盅重點的冬瓜盅都多海鮮不過有同枱食客發現自己冇咩料, 可能阿姐分得唔太平均啫到再添時, 就只有瓜同湯了 超好味蛋散太湖3寶其中一寶真係好好食超鬆超散得唔會食到成口油 陳皮紅豆沙大大片陳皮, 好足料呢紅豆都起晒沙嘅 好似呢度有夜茶飲仲開到凌晨2:00下次有機會去飲個夜茶先不過堅多人食完一枱又下一枱入好誇張下所以枱與枱之間空間有限佢地仲會突然間房俾幾圍咁食

服務一流, 真心提供意見又招呼細心. 不論海鮮或熱薰, 上菜時都熱騰騰.烹煮海鮮時間控制得好好, 剛剛熟. 本身腸胃敏感, 好易肚疴, 但在這的一餐完全沒事,而且外面的海鮮店會加入好多調味, 食得好感到口渴, 但這裡不會, 好舒服. 飯後又有紅豆沙, 蛋散煎堆, 壽包送.直得推薦

今日放工SHOPPING後去左太湖食晚飯因為可以有茶飲叫左鐵觀音黎飲,今晚都幾FULL..因為間開左有人包左一部份場叫左個餐,焗加拿大龍蝦一隻煎米底,西芹腰果黑豚肉象拔蚌..諗住一個餐搞掂飯都唔需要叫,結果個份量都算OK,都夠晒飽LU,有D咩食下面慢慢講焗加拿大龍蝦一隻煎米底--龍蝦都好新鮮好食,實肉爽口彈牙..用個湯去點煎米底去食脆口得黎又入到個鮮味西芹腰果黑豚肉象拔蚌--象拔蚌份量唔算多,不過個味都唔錯..黑豚肉夠林..用蝦醬去點黎食真係唔錯甜品小食--幾脆口,連糖漿一起食好正糖水--紅豆糖水,不過就一般般

拜完先人，成隊親戚家人往往都會去飲茶，因為一大班人飲茶較為方便。今次選擇了落銅鑼灣太湖海鮮城。時間下午2:00，下午茶時段啱啱開始，Perfect Timing! 「脆皮甜梅菜包」好特別，出面未食過，外面脆脆，入面有甜甜的梅菜。難怪我親戚次次嚟都order。「素翅豆苗蟹肉餃」賣相精美，有好多蟹肉及蟹粉，豆苗是本人至愛。正！10大人加一個BB，每個大人大概$60，太湖海鮮城下午茶的確好抵食！*酒樓有提供一般BB櫈。

是晚公司開年飯，喺太湖擺咗幾圍，未出發已經有3個同事分別同我講d嘢好好味，我心諗例牌”去飲”食物，會有幾好食？一去到酒樓已經見到大大塊易拉架寫住前米芝蓮推介餐廳，即刻睇吓今晚嘅餐牌，再google吓有咩邊味出名！😂第一碟「脆皮即燒BB豬」，個餸名同呢間傳統舊式裝潢嘅酒家完全唔襯，不過賣相一流，急不及待要夾返件！方型切法啱啱好一啖放入口，外皮燒到脆卜卜，仲有甜甜嘅燒汁味，連甜醬都唔洗點！乳豬不油不膩，不太肥，我食咗三件都唔覺膩😋緊接上枱嘅係「三蔥野菌爆鮮蟹鉗」，比平時食嘅炸蟹鉗煮法更有誠意，蟹肉新鮮甜美，一絲絲蟹肉口感比炸蟹鉗嘅雪藏味同咬口贏成條街！之後到出名嘅「花膠姫松茸燉螺頭湯」，冇味精得嚟夠火喉，非常鮮甜！到咗最期待嘅「蠔皇原隻36頭鮑」上枱，湯匙咁大隻嘅鮑魚肉質爽甜，冬菇煮到入口即溶，墊底嘅生菜吸晒濃濃嘅蠔汁，係我認為全晚最美味嘅菜色！得獎名菜「金湯焗加拿大龍蝦配煎米粉底」，一人分到半隻之餘，仲另外斬件上多一碟，份量好似多過菜單上寫嘅六隻份。龍蝦肉夠晒新鮮彈牙，又係要食多兩件先夠喉🤤最誇張係另上一碟煎到餅狀嘅米粉，再由侍應即場倒落金色浮誇大碟的龍蝦汁上浸汁食，米粉餅浸汁之後有少少

睇完戲食少少嘢....七味白飯魚冇味，似柴枝九層塔肥牛百頁結，冇乜味，打包回家加味。估唔到咁好來，豆腐超級滑，番茄鮮甜。加埋魚雲，真係好好飲啊！加多個椰汁燉燕窩......$360/2人

必吃 薑米鮮魚炒飯 每次來都會點這個！一碟最好四個人一起吃。如果只有一個人或兩個人的話，可能就太飽，吃不下其他東西。燉湯：不會太鹹，材料十足。海鮮類也是非常新鮮，調味剛好。 因為一心是來吃薑米鮮魚炒飯的，所以其他菜式沒有太注意，只是印像中每樣都有鑊氣，不會太鹹，也不是太油。咕嚕肉有沒有加太多的炸粉或麵粉之類，這點非常難得。反正每樣都挺好吃的！服務方面，所有人都很友善、很細心，這是有點樣我意想不到的。非常欣賞記得要訂枱，那就不用等了。