太興 (已搬遷) 新店位置

本身已經諗住去太興食燒味，點知遇上午餐時間又有其他餐牌，所以就睇吓食咩先，而且午餐比較抵，我哋點咗梅菜扣肉，之前晚餐小菜都試過，反而午餐冇咁油和肥，味道仍然好味啱送飯，另一個叫咗肉餅飯，味道亦都唔錯係比較薄啲😆不過都夠送飯👌🏻太興午市套餐都多選擇，怪不得咁多人排隊！

講起食燒味大部份人都會講食太興燒味啦！但原來唔係間間太興燒味都好食，講到好食😋一定要嚟元朗yoho 呢一間太興燒味。如果你嚟元朗呢間分店食一定要預早少少時間，因為一般都好多人排隊，不論lunch or Tea長期都排緊隊😅咁坐低嗌咗個下午茶餐雙拼燒味「叉燒燒鵝飯」😋睇個賣相就知不得了🤩半肥瘦叉燒兩個字「嫩滑」，而燒鵝部份會有少少煙熏味，雖然煙熏味唔係個個都喜愛，但食落去都幾特別嘅👍🏻飲品方面當然係凍奶茶啦！但我就唔係太鍾意冰鎮，而係鍾意傳統嘅奶茶👍🏻

梅菜扣肉煲$70 扣肉炆得好淋同入味，梅菜用來撈白飯好開胃，不知不覺食晒食碗飯。而且用砂鍋上菜，保溫效果很好，可以保持食物溫度。蝦乾魚肚浸娃娃菜$68 叫咗比較肥膩既扣肉煲，㨂返個清d既娃娃菜平衡返。鍋入面有蝦乾，魚肚，豬肉粒，娃娃菜索晒d濃湯精華，食落幾鮮甜。杏汁潤肺湯，套餐加$28可轉燉湯。燉湯份量都夠兩人飲用，送來時用蓋蓋好，就算食完飯先飲湯都夠熱。湯底杏仁味好濃郁，豬肺亦清洗得夠乾淨，仲有雞同瘦肉一齊煲。

總有時候不太想煮飯，就找間餐廳隨便來個晚餐，今次嚟太興唔食燒味，就叫小菜套餐！我哋叫咗咕嚕肉、魚香茄子煲😬一嚟到已經第一時間話增肥餐！咕嚕肉味道酸酸甜甜好開胃，魚香茄子一上枱已經好香仲熱辣辣，當然仲見到好多油啦，不過味道真係好正可以送碗！太興除咗燒味好味呢啲小炒都幾吸引方便啲唔想煮飯嘅人！

太興上市前食左多次，早餐 晚飯都OK嘅。疫情好耐冇去了。今日住處停電，必須出走...呢輪見亞港版IRON MAN賣緊义神，好喎，試下啦。去左YOHO MALL店，哇！有人龍！睇下APP, 真係奇，明有取票系統又唔用，係都要排隊。當時14:50。10分鐘後有位，點左义鵝飯+熱奶茶 $69。下午茶不算平宜啊！又話逄一三升級金箔，冇冇冇喇！！飯唔係好熱，义燒真係燶邊，好燶添鵝肉肥過我，皮又唔脆 係杯奶茶還可以 服務呢：又冇掃碼下單，服務員又唔多...、無言總結：一次過，罷啦！

昨天是家中老人生日正日，雖然已經在酒樓慶祝了，但正日晚餐還是想加料助慶。於是去了Yoho Mall 太興燒味，買了一份 “八面玲瓏”，貪個好意頭。誰知食的時候，竟然發覺只有七味！後來網上查看資料，原來少了一份牛𦟌。老人好不安樂，因為 “食七” 是大吉利是的意思！這個加料原本是想取個好意頭，結果弄巧反拙！真心覺得太興這個錯誤，是不可原諒的！唯有希望老人家萬事吉祥，否則我就變成罪人！😣😰

點餐時態度惡劣，問佢幾多號「唉」一聲唔知做乜嘢，好似好唔耐煩咁（主要）飯菜嘅質素唔穩定，有時好味，有時唔好味，上次嗌個鵝絲炆米，有一浸蘇味，仲要油到睇到都唔開胃（次要）

以前食燒味一定記得太興，尤其係元朗 Yoho mall 果間，食物水準一向保持好好味，另外就係我喜歡服務員態度非常好，細心又體貼。但係近期的食物品質尤其是燒肉，一係得個咸字，一係皮唔脆！其他 雞、鴨 及义燒 唔知係咪將啲好嘅陪位比哂外賣，堂食好似食下欄嘢！條伴菜都係硬到食唔到！而家叫個餐又食唔飽肚！服務員態度都無之前咁好！

新年訂左隻燒乳豬（5斤重），價錢唔算好貴。太興啲燒味一向都幾有質素，今次隻乳豬都幾靚呀。荔枝皮燒得好脆，隻豬又唔會話好肥，唔太多肥膏。調味都還可以，可以咸多小小。

今日8號風球諗住冇餐廳開門食晏要自己係屋企煮，點知唔夠12點所有風球除晒。即刻出街搵嘢食睇吓有咩好食，啱啱行過太興,見好耐都冇食過燒味飯咁就行入去試吓啦,叫咗個鹹蛋油雞飯，真係不得了，啲雞又唔會太肥，又入味，平時去嗰啲燒味檔D油雞飯實在太鹹食唔到，太興嗰啲就啱啱好，不過啲飯就比較少啲，如果大食嗰啲人就未必夠飽，（因為我老婆好大食㗎，佢食完一碟都唔夠飽）加埋杯冰鎮奶茶就真係一絕，冇得頂。所以去太興食飯一定要嗌佢杯奶茶。

今日難得到元朗， 因為疫情嘅關係，都係去啲比較有名嘅茶餐廳食下午茶， 比較安全。係'形點'有間太興 ，見佢門面都乾淨企理，走入去醫肚先。我揀咗燒鵝瀨粉($40)， 燒鵝好咸，而且係凍嘅，有點失望， 瀨粉湯味道還可以。朋友食燒鵝飯($65)，下午茶來說都唔算平，但他也說燒鵝比較咸，不過鵝都算多肉，有得咬吓。我加咗$8飲特飲紅豆冰，紅豆起沙，唔太甜，都唔錯朋友都加$8飲咸檸7， 咸檸檬加七喜，絕配呀！下次再來唔會叫燒鵝了!

開年一盤都係叫盤菜，省了很多麻煩。今年試下太興。準時有得攞，個盆可以用電磁爐加熱。太興阿姐仲提醒翻熱要耐小小。很有心。盤菜擺得好靚，至於材料，都算唔錯。只係有一樣唔係咁好，冇豬肉，只有豬手，仲要唔腍。家人冇乜投訴，但我下年未必會再叫太興。

簡單晚餐之餐魚香茄子🍆飯🙌🏻加太興冰鎮奶茶魚香十足❤️茄子5夠林但夠入味😅不過如果林d會再好食d叫煲仔要加飯同飲品+$19冰鎮奶茶鎮店之寶奶茶香滑，茶味5會澀佢既冰鎮奶茶☕️必飲👍🏻👍🏻👍🏻👍🏻而且冰係出面，5會令奶茶愈飲愈淡奶茶控必飲推介————————————————滿分5🔆🏝環境🔆🔆🔆🔆🛋服務🔆🔆🔆💲價錢🔆🔆🔆😋食物質素🔆🔆🔆🔆💥翻兜指數🔆🔆🔆🔆————————————————📍餐廳名稱：太興📍地點：元朗 #food #foodies #美食日記 #美食分享

端午節做節晚餐，第一次食太興既盆菜。賣相跟宣傳單張上的圖片一模一樣，真的四個字可以形容，足料到爆。鮑魚、花菇很大隻，翻熱之後都沒有縮水。最估不到真的是跟宣傳單張上一樣用瓦煲裝住餸菜，方便用明火直接翻熱。跟其他大型連鎖快餐店相比，有過之而無不及。價錢也很合理，味道不錯，分量亦都很足夠，一定會再幫趁。

都有一段好長嘅時間冇去過太興燒味，佢哋餐廳地點當眼，今次我叫咗一個叉燒飯+1個招牌冰鎮奶叉燒有叉燒味份量10分足夠豉油汁好食，加埋佢嗰冰鎮奶茶，可能佢地冇加冰所以奶茶茶味特別香濃10分地道地方整潔但價錢偏貴