太興 (好順泰大廈)

營業中

休息中

今次一家大班人在家中食飯，為方便起見，我們選擇了叫太興的盆菜。這次點的是鮑魚豐盛盆菜（6位用），其中包括：原隻蠔皇鮑魚（6隻）、蠔豉（6隻）、燒鵝、大蝦（8隻）、桶子油雞、紅炆花菇、蘿蔔、炸芋頭、雲耳、枝竹、紅炆火腩、魚腐、蟮肚、鯪魚丸、花膠仔、西蘭花、發菜、素翅、豬手和豬軟骨。這樣豐富的配料，讓我們6個人食得剛剛好，份量非常合適。每樣食材都非常美味，特別是鮑魚和燒鵝，鮮嫩可口；大蝦和桶子油雞亦是味道十足；其他的配料如紅炆火腩、炸芋頭、豬手等也無不讓人滿意。整體來說，這份盆菜質量上乘，每道菜都能滿足我們的味蕾。如果大家都像我們一樣，有大班人聚餐的話，不妨考慮太興的盆菜，絕對是一個既方便又美味的選擇！🦞🍗🦐🥢

等又等得耐，永遠都係兩個入，搭檯搭成世，鬼有機會比其他人入，嘢食又黎唔齊，成日淨係上嘢飲先，要催先有嘢食黎，勁垃圾，同佢地反映佢地又唔會理你，建議去yoho個間，呢間真係好垃圾

今早入咗屯門搵朋友吹水吹到點幾鐘，夠晒鐘要返過元朗搞啲啲嘢，就告別朋友向元朗出發，落到元朗兩點幾又嚟有啲肚餓，喺西菁街見到間太興，入去食個燒味下午茶，眾所周知太興燒味貴，下午茶的確比較便宜，叫咗個燒鵝紅腸飯，飯嚟到不禁暗笑，嘩～燒鵝肶喎，雖然係上半肶，都已經超開心，正價燒味飯都無啦…何況下午茶餐，燒鵝肶真係特別好食，皮脆肉嫩又有柴火香味，紅腸都鹵得好，刀功仲好切得好薄，真係運氣話嚟就嚟，最後飲埋杯即磨咖啡，太興嘅即磨咖啡都係唔錯的。

我落單是叫餸食 1. 梅菜扣肉 2. 油雞 拼 叉燒 3. 加大油菜，奶茶1杯。梅菜扣肉 已經是最正常，口味同份量，就只是唔夠熱，無咁吸引。雙拼燒味無論份量同口味都強差人意，雞的份量 只有6、7件，而叉燒未夾起就知道唔方好食，色澤灰黑色，又柴又乾，乜太興唔係出名燒味嘅咩，點解…？還有最差一樣係：薑蓉竟然放埋雞同叉燒一齊攪到又油又咸，真是衰過街邊檔口燒味買外賣，還有份量又唔係咁多俾個紙盒咁大個，送到來東歪西倒！叉燒仲要將肥及瘦的位置斬開，做食的時候一係得瘦到柴皮，一係食肥豬肉！加大的油菜不足10條，所謂熱奶茶，是微暖。

其實太興本身食品的品質應該唔差，不過我地今日個外賣，蝦皇醬菜心炒鮮魷 (通菜賣晒)，食食下就發現有好多黑色的小點，相信應該係無洗好隻鑊所引致。就算味道唔錯，應該都唔會再幫襯。提議大家幫襯呢間時，最好都睇睇有無小黑點。

一上台啲野食好似跌完落地再兜亂咁款。條菜突出黎，呀姐一手揸落碟邊啲飯，一野飛落台。燒鵝無皮，全肥膏，飯底濕到爛屎咁款。$66蚊畀碟咁既野我，離曬譜，衰過街市飯。台同台之間隔一尺都無。

八月十六追月晚, 2人飯腳食太興。食腳話元蹄巧味喎！19:30有位唔使等 8分鐘後已有人企住等喇!西菁街呢間座位比較Yoho2期間逼少少。服務幾好。馬上椅打元蹄先。再來(左望右望)隔離枱鍋湯的東西幾靚, 一問係雜茶煲..咪攪 (除非冇餸食, 否則筆者絕不會點雜菜煲)。餐牌有個 胡椒魚肚鷄鍋 $70 就呢個啦！紅燒元蹄(堂食)$58 一上枱: 嘩2聲。一聲我喊，另一聲隔離枱！"好大隻呀"！ 一會兒隔離都上, "吓！"左聲, 佢地隻細左個碼 據食友講:係我們今次的特大樣子(色)非常好, 過張相。質感唔錯, 皮冧入味, 好骨膠原feel。肉再冧dd就好(隔離話好冧，估計時間以細隻計), 但配埋個汁食, 仍是咀lam-lam。胡椒魚肚鷄鍋上枱熱呼呼的, 重滾緊...魚肚大大塊，都有四五塊，咬入口個心未夠軟冧。鷄塊反而老左d, 最後食剩2塊鷄。湯底微辣都幾好味。不過一次都夠了。ps後來睇單見到"跟爐", 邊有爐啫！今餐冇叫飯, 肉多都好膩好飽! $128找數。

今日下午去了太興食下午茶，太興出名燒鵝，燒腩肉，而它的鵝，豬都是在大陸自設農場養殖，看一下餐牌，就決定食燒鵝湯米粉食一口燒鵝，皮下脂肪甘香，肉的纖維並不爽燒鵝要連埋他的皮和肥膏一齊食才是最好味這杯熱奶茶尚算合格，有茶香，奶味夠濃郁

我本身係一個好鍾意食燒鵝，太興下午茶推出咗個輕盈燒鵝米粉只售$38，仲包埋一杯飲品見到價錢都幾吸引😁下午茶嘅種類都算多，但其他嘅並不吸引！下午茶時段人流不多，入邊冷氣嗰邊見到有幾個staff, 都非常得閒😂燒鵝米嘅份量相當不錯米粉比較少，味道不太濃，米粉嘅軟硬度適中但燒鵝嘅肉對比返$38是合理，性價比都叫高，因為本身焼餓係比起燒鴨貴，而且平時一隻燒鵝髀都要差不多$100，坐得舒服同朋友談天都係一個好嘅地方選擇

好耐都冇食過太興今次專程來食，中午時段來食飯非常多人，一定要搭枱，一到鋪頭店員招呼我坐下這次我叫了一個叉燒紅腸飯，不消7分鐘就已經送到，食了一口，叉燒肥瘦適中叉燒夠林身，還不錯而紅腸沒有特別，是買現成的，白飯軟硬適中加了叉燒汁幾好味而這杯凍檸茶和普通茶餐廳差不多，沒有驚喜

元朗嘅西菁街出名多嘢食，有日本餐，有茶餐廳，有日本菜，又有譚仔米線，又有台灣嘢食，見到周圍都好多人，唯獨是太興不算多，但都要等位，我就同朋友入太興食個下午茶😁茶餐種類有很多，離不開當然有燒味餐嘅下午茶叉燒紅腸飯，叉燒太瘦，不夠肥，所以有些鞋口，很難咀嚼，但是叉燒的味道調校得很好，甜甜地，紅腸份量很多有六片，飯上面加了一些燒味汁更加好味😝如果太肚餓的客人就不夠吃了，因為飯太少，職員話不可以多飯，因為這是下午茶😭茶餐嘅雪菜肉絲米份，米粉非常幼，肉絲比起出面的餐廳多，整體來講，好味😬湯底鹹鹹地，好像是豬骨湯底一樣👍🏻本身茶餐只是跟炒蛋加多士，我加咗$6有一片午餐肉，朋友話太興的午餐肉是最好吃的所以我就試試，午餐肉外脆內軟，又厚身，非常好味👍🏻炒蛋非常滑，多士又剛剛整起，非常脆🤟🏻太興最好味的當然是冰鎮奶茶或者熱奶茶！冷氣有啲凍今日就選擇熱奶茶， 奶茶味非常香濃，而且又滑口，奶嘅味道有足夠😁整體來講好好味嘅奶茶三個人都係食咗$151，一人平均$50，合理🤣

幫襯咗佢幾年，雖然唔係日日幫襯，但比例就係食十餐，都會有一餐正常滿意，收費佢較附近茶餐廳貴 3-4 蚊，貴在都覺得佢表面幾乾淨，大部分時間我都係幫襯早餐，永遠叫雙熟蛋都唔會有雙熟蛋出現，最慘係個蛋如果唔係好靚嘅蛋，唔熟係好腥 😑 叫多士大烘又永遠唔會有大烘，真係興到想講粗口 😈 ，提到個米粉或通粉，湯就好多，但d米粉食兩啖已無咗，通粉都不相伯仲，食完係好似無食咁，其他比多少少，人地食完都有食嘅感覺，咪覺得你貴都可接受囉 😑 認真失敗

元朗三間太興，最好味是這一間了。燒排骨唔係成日有，今日有食神了。太興嘅燒排骨，真係一絶咸魚蒸肉餅，細咗啲，但真係一流魚香肉鬆茄子煲，一般一般，可以唔點。因為都係打包。

又食下午茶喇！今日去咗西菁街間太興，之前應該係喺富達廣場樓下，依家比以前地方係細啲但感覺良好，最少清潔同光猛好多。下午茶叫咗佢地出哂名嘅餐蛋麵、星汌米加一份西多士share。餐蛋麵用出前一丁，餐肉厚切，滑蛋又真係唔明點解會炒得咁滑，呢個麵從來冇令人失望。食下麵食啖西多，又甜又鹹，不過又幾好食(主要係個西多好食)，炸得夠脆啱啱好！但星洲炒米就可叫可唔叫，雖則色水幾靚，點知食落冇乜咖喱味，好在份量唔大，如果唔係就實浪費食物。食哂後飲埋杯凍檸茶同熱奶茶就非常滿足，皆因太興嘅奶茶真係聞名~

二個字：好味估都估唔到會去太興做冬個豉汁蒸倉魚，真係頂瓜瓜個豉油同個豆豉醬混一混....個胡椒魚肚雞，小小胡椒辣，雞肉嫩滑。飲晒啲湯反而個魚香茄子肉碎煲比較失色。可以不點