太興 (+WOO嘉湖二期)

營業中

休息中

新年期間，可選擇的餐廳唔多。是日吃簡單晩餐-燒味飯餐同通粉。八寶飯： 這兒的燒味時好時壞，睇你彩數。八寶即魷魚，咸旦，燒鵝，叉燒，油雞，燒肉，燻蹄同紅腸。是曰水準平均，仲有油菜同柚子蜜，ok la. 火腿旦通粉：是我食過最美味的湯通粉。 炒旦勁滑仲有流心旦汁！火腿幾好味不是又乾又淡個D茶餐廳貨式。個通粉爽夾滑，唔會太林，而湯清得嚟幾鮮味，不錯！杏汁豬肺湯： 有杏仁味，又鮮又足料，飲一碗都覺得個肺潤囇！強烈推介！

今曰凍冰冰又有屋企人生曰，一於唔煮飯落街食。簡簡單單叫左兩個餸一個咖喱牛腩飯。海皇一品煲： 屋企人讚好，佢地話淸得嚟幾好味，最緊要喺樣樣都有，有魚塊，蝦仁，冬茹，魷魚等。炒帶子鮮茹： 帶子非常細粒，毫無口感，最㢢是成碟嘢燶味蓋過黑椒味，唔多掂。咖哩牛腩： 是今晚亮點，牛腩炆得非常軟林入味，而咖哩汁香而不辣，充滿椰香，是好送飯的一道餸，強烈推介！

天水圍的食肆選擇不多，全都是大集團的例牌餐廳。食厭了快餐店，一於試一下港式餐廳。午市除炒粉麵飯和燒味以外，還有台式擔擔煎旦飯和星州喇沙，聽說這喇沙不太辣，便二話不説點了這麵及冰鎮奶茶和福建炒飯。喇沙湯帶微黃，一點鮮甜味或椰奶香也沒有！魚片非常薄，沒有味道，兩隻蝦明顯過熟，豆卜也很鞋口，而米線林得嚇死人。相反，友人的福建炒飯則恰如其份，配料充足，口感濕中帶鮮味。

屋企人提前同我慶祝生日，本來去元朗,因阿媽感冒未好改去銀座，揀了新開太興，我們大約7:45去到門口，冇咩人等位,只是等了5分鐘，店員安排入座,安排我們坐梳化卡位,就點了2個小菜，另加19元有白飯/飲品,這間太興可能講求健康，味道偏淡，屋企人直情話冇味，我覺得可以接受，座位設計幾舒適，3個人吃了180元,價錢合理，我覺得整體一般,這間太興不算特別好吃亦唔算差,服務又好好,店員主動幫客人寫單,送野好快，不用客人追單,這個是幾好地方，環境其實幾好,食物水準只是一般味道:太興而家講求健康，味道較淡，我覺得都OK服務:我覺得幾好環境:這裡都幾好價錢:180元,平均60元一個番吃:未必再來

最近銀座有好幾間餐廳陸續開張，早前去過香港達人吃早餐，當時樓上的太興和拉麵店仍未開幕，得悉已開幕後趁平日跟家人一起嚐嚐新店！在平日晚飯時段也不乏食客等候，尤其是旁邊的拉麵店，相信跟天水圍缺乏日本料理選擇大有關係。一行三人共點了三款小菜，首先是我提議的菠蘿咕嚕肉（＄６４）。後來查看照片才發現手震了，請多多見諒！伴有菠蘿、青瓜、洋蔥和木耳，咕嚕肉酸酸甜甜，肉質軟腍，有咬口，合格水準。第二道菜是北菇豆腐魚柳煲（＄７１）。這個煲沒有讓我們失望，來到時非常熱辣，煲用上木盒盛載，感覺較為安全。煲內的材料很入味，最喜歡是魚柳，熱噴噴，咬下去很鬆軟，夠香口。當然不少得點一份蔬菜呢！我們選了滑蛋蝦西蘭花（＄７１），配搭較不肥膩。滑蛋滲進西蘭花內，吃起來清新，不過不失。最後還追加了一份乳豬達人（＄６４）。色澤不俗，但質素依然使人失望，皮脆肉不會太肥，但卻沒有特別好味的感受，燒味類水準普通。 上次在其他分店時已覺得太興的燒味一般，希望店方可以提升燒味的質素，不然會被小菜水準蓋過主打。但值得一讚的是，員工的服務質素很好，很有耐性且會主動為客人推介！