太興

營業中

休息中

勁多年冇食過太興早餐，因為我印象中呢度嘅早餐款式唔多！送咗小朋友返學就一個人嚟呢度食早餐，叫咗個雞扒炒蛋米粉加熱茶走🫰🏻✨雞扒我覺得都算好食嘅有肉汁同埋唔會太硬✨至於我嘅唔鍾意炒蛋倒埋落碗麵嗰度唔知點解而家好多餐廳都係咁樣🥺✨朝頭早我成日覺得嗰杯奶茶好重要🫶🏻今日你杯茶走係好好飲嘅———但朝頭早嚟講太興都算好多人坐滿晒，感覺比較擠迫，但落order同送餐速度都算快，唔使等好耐👍🏻👍🏻 如果$43嚟講我覺得不過不失但係未至於話有種感覺想再嚟食！

好日唔食，一食就中伏👍🏽薄蒸土魷肉餅超級限量版。完全見到個廚師對「留白」藝術嘅要求。嗰種無微不至驚人食滯嘅感覺真係好好。健康星洲炒米，嗰種健康程度簡直係近乎完美！👍🏽👍🏽👍🏽❤️❤️由於本人唔係好健康，所以加咗兩兜辣椒油。浪費咗大廚嘅一番心機。飲品方面，本人嗌咗凍齋啡。唔知係邊一個國家嘅咖啡呢？色澤有啲似桑寄生茶🍵味道方便感覺今日可以又係一個懶洋洋嘅日子。真係可以令人放慢腳步返去繼續瞓覺。

買咗一盒外賣叉燒$54，店員擺到好似打風咁。幫佢排返靚仔之後，賣相都係好唔吸引。份量好少，叉燒又乾又柴，又冇肥瘦均勻。本來諗住太興出名燒味，好失望。去街市買盒$25燒味雙拼飯應該都好過佢。太興 (將軍澳)將軍澳坑口重華路8號東港城2樓217A號舖

走過路過千萬唔好錯過👀！今日行到腳攰，見到一間太興茶餐廳，心諗歇下腳，嘆個茶嚟滿足下肚餓。「咸魚雞粒炒飯」嚟咗，睇落係相當普通，但一炒尚好，鑊氣夠晒喉，雞粒幾嫩滑，咸魚味道剛剛好，揸筷子就唔由自主咁一口又一口，吓吓要飲口茶解解鹹。提杯「熱咖啡」，嘩，香濃得滯，輕輕一啜，暖笠笠嘅，幾好，比啲星巴克檔嘅咖啡強多啦！😌冷風吹，盆菜心水開，就揀太興試吓有咩驚喜。擺上枱嘅「冬至盆菜」，睇落賣相正！鮑魚、蝦全部閃閃發光，豬手炆到腍，入口即化，好過連劇都唔好睇😂；墨魚丸跳嚟跳去，彈牙得黎爽口非常，西蘭花綠油油，口感脆生生，簡直係完美地平衡咗呢碟重口味大餐。不得不讚一下，盆菜底嘅蘿蔔，吸滿咗精華，吃落口中滿是幸福感。🍲最後，朝早叫嗮桌友去太興搞個早餐會。來個「炒滑蛋加泰式扎肉肉碎米粉」，嘩，蛋真係軟滑得黎唔流油，扎肉肉碎仲要略帶香辣，同嗰面香意瀰漫，一試難忘。佢地話食早餐要輕鬆，但我食呢盤要大讚，真係正中紅心！🎯總之今次嘅食評完啦，下次想再嚟試下佢地嘅「腿通粉」同埋「沙嗲牛肉麵」呀，每次去太興都有新驚喜等緊我！

例牌星期日會同屋企人去泰興食早餐，而家新出咗沙嗲牛肉麵，好邪惡超惹味！我就例牌要咗火腿通粉轉米線，炒蛋同熱奶茶。佢哋嘅奶茶最啱我飲，喺其他地方真係飲唔到，不過早餐嘅價錢真係越嚟越貴，唔覺唔覺有30頭食到而家四十幾蚊。

我去過太興試過佢哋嘅黑椒牛肉炒麵，真係有驚喜！雖然我諗住食個簡單午餐，但個炒麵給嘅感覺絕對唔簡單！首先，我留意到個麵底炸得好脆，啲麵條係金黃色嘅，一口咬落去就有個脆脆嘅口感，好開胃！而個黑椒汁同牛肉都非常出色。個汁香濃，帶有微辣同埋獨特嘅黑椒香氣，真係令人垂涎三尺！牛肉炒得剛剛好，肉質嫩滑，保留住牛肉嘅原汁原味。同埋佢哋嘅配菜亦都好豐富，令整個炒麵更加美味豐盛。一直對太興都無咩期望，呢次經驗令我竟然有想再去嘅感覺！

昨天中秋節晚飯光顧太興(將軍澳分店)，令人十分失望。太興以燒臘聞名，其义燒一向好吃。但昨晚的义燒不但燒燶，並且鞋、韌、實。鞋若柴皮，韌如橡膠，實不可嚼。如此义燒，百年難得一見。其紅棗雲耳蒸雞胡椒味重，味道濃郁，應是食材並不新鮮，以胡椒及濃味掩蓋。海味雜菜煲比較正常，但海味甚少，味道一般，沒有特式可言。杏汁白肺湯還好，尚有一些水準。白飯食落口旱旱，應是平價劣質的舊米。食物整體評分低劣差勁，難登大雅之堂。

今天經過太興食午餐，我用QR Code柯打咗個肉絲炒麵午餐。一上枱賣相好唔掂，透明芡汁好多，豬肉白曬曬好似千年殭屍肉又無味道，冬菇絲豬肉都好少，完全沒有味道，麵都有一點點脆口。雖然食材貴，都唔係畀啲垃圾食材，而且中成為70蚊㗎。我忘記拍低這張肉絲炒麵個樣比大家給睇。因為冇諗過真係咁差囉。唔通嚟太興只可食最好味咖哩牛腩飯、燒味和冰鎮奶茶？！其他就唔使食？！服務一般啦，反正都係用QR CODE落單不經人手。

今日黎到太興食飯，知道太興出名燒味，咁啱想食乳豬，所以就試下🫣我地叫左1️⃣乳豬燒鵝飯💰84乳豬非常好食，估唔到燒味飯有乳豬揀，外皮好香脆，肉又唔乾身，點埋乳豬醬一流😍燒鵝今日好好彩，師傅切左燒鵝髀🫣🫣🫣唔需要問都知好食，燒鵝好香，肉質鮮美👍👍👍2️⃣燒鵝、叉燒、切雞三拼飯💰90燒鵝係比左胸口位置，肉質無燒鵝髀咁好食，但係鵝味都香濃。切雞🐔推薦，好嫩滑，叉燒叫左瘦叉，有少少乾身，下次會食半肥瘦😋另外加3蚊有冰鎮奶茶，好飲，抵消費價錢：2人💰180，人均💰90結論：（10分為滿分）味道：7/10性價比：8/10回頭指數：7.5/10餐廳名稱：太興餐廳地址：將軍澳重華路8號東港城2樓217A號舖

好久沒吃了，感覺以前水準比較高，尤其燒味飯，現在以這價錢來說不太划算，如果要去食，建議食燒味，乳豬燒肉都唔錯，其他餸就普普通通，不過不失。唯一維持到係杯冰鎮奶茶，仍然非常香滑。

朝早食多士，一個好開始😹 其實係一個big breakfast朋友7:00am搭緊車時打去call定，7:15拎到👍🏻叫咗輕盈香辣肉碎扎肉湯米粉，連埋炒蛋多士嘅套餐。熱檸檬茶。食嘅時候冇研究過原來嗰個蛋係可以配多士haha。總之都幾好味幾輕盈。佢個米粉其實係粉絲，不過我都鍾意。多士都ok, 可以脆啲。檸檬茶比其他茶餐廳已經算係冇咁苦澀。美好的早上，就$41而已。都值得😌😌

7.1去左東港城行下，在掛8號風球之前，趕緊食個下午茶先番屋企😆😆我哋最後決定去太興食，叫咗兩個燒味飯，另外仲加了個炒飯，都係下午茶餐，值得一提，仲可以加飯添，大家有需要可以諗諗佢😚叉燒就略嫌太過瘦，兩個燒味都好似標配了一隻鹹蛋，燒鵝都幾好食👍🏻👍🏻XO醬元貝菜粒炒飯要等耐d，一上就知道佢係即炒，炒飯一粒一粒的，感覺好正，夠鑊氣。下午茶餐有飲的，加$8有杯紅豆冰（加$8係特飲，凍飲就加$3） 抵食就唔算抵食，係咁二咁啦😆

難得放假早起身緊係要去嘆返個靚早餐☺️天氣凍食返個全餐真係全身都暖晒，好滿足✌🏻黎到太興竟然朝早都要等位，不過等左5分鐘左右都已經入得🙈🍜香煎雞扒滑蛋公仔麵（$42）平時好小會係餐廳食早餐，但記得好多人都讚太興既公仔麵，所以一於試下😝質素確係唔錯👍🏻雞扒煎得好香，而且肉質燉滑👻滑蛋亦都炒得出色，好香滑😋公仔麵就正常，一路食既話浸得耐啲麵質都變林左🙃所以真係要趁熱食 🤓🥪火腿通粉拼香滑炒蛋配香脆多士（$40）呢個就係正常茶餐廳常餐既配搭🤗火腿通粉一上枱個賣相真係好唔得，一啲都唔吸引😂好彩食落味道都唔錯，火腿都好有誠意，唔係得幾條🤪通粉軟硬度亦岩岩好，唔會浸到林晒😌加埋生菜絲令成件事加左分，多左啲脆脆既口感🤩多士滑蛋就正常發揮，呢個既滑蛋反而冇乜味，勝在上枱時仲熱辣辣出煙🤤但服務就麻麻，催左幾次個多士滑蛋都未送黎🥴最後要等到通粉都差唔多食完先送到🤐開頭仲諗住等埋一set先食🧋冰鎮奶茶（套餐+$3）黎得太興都係為左杯奶茶❤️因為用冰鎮唔係直接加冰落奶茶度，所以由頭到尾濃度都一樣，奶茶好香滑😍奶同茶既比例perfect，淨係呢杯奶茶都已經值回票價 😋💯📌太興將軍澳坑口重華路8號東港城2樓217A舖

今天遲咗起床，沒有食早餐便十點幾行山。行完山大概十二點到，肚餓要食飯，好想食咖哩牛腩飯，便諗起去太興。我們柯打咗，馳名椰香咖哩牛腩飯配熱檸水，另一款係星洲炒米配咖啡。椰香咖哩牛腩飯色澤好靚，好多牛坑腩又大件，又有牛筋同埋有薯仔。處理得好淋，牛筋有咬口，椰香味嘅牛腩好濃沃好正。另外一款星洲炒米，味道濃沃，好重黃薑粉味帶點微辣，隻蝦都幾大隻。啲米粉炒得煙韌，係好味嘅。 冇諗到咖啡都好飲喎，唔係冰鎮奶茶領風騷。而家太興轉咗自助落單，只要素描個QR code就可以落單，方便快捷。環境都係一般茶餐廳，乾淨企理啦。整體嚟講，食物質素係好味嘅。

其實太興真係食咗好多年，雖然來來去去佢嘅菜式都係一成不變，你會覺得悶，不過我覺得佢冇乜用味精，食完又唔會話好口渴，同埋份量都啱啱好，又唔會太少。最鍾意飲佢嘅冰鎮奶茶同埋燒味，尤其是燒鵝髀，真係非常好味😋