太興 (雅蘭中心)

營業中

休息中

話說朝頭早去雅蘭中心睇醫生，想食個早餐先，見到樓下有間太興就入去啦⋯⋯我其實都食過好多次太興早餐，通常都好少會出事😂😂😂係試過一次喺香港仔太興有啲不愉快經歷，不過我冇做到OpenRice 評語，只係私底下出個意見比佢哋總部就算⋯⋯今次冇乜問題, 早餐都OK正常，乾淨。啲職員都有招呼，雖然只有一間集團式茶餐廳，但依間做到了應有嘅要求…始終旺角區都會搭枱的，呢個唔係問題…少少like就係嗰塊麵包多士又整熱上👍

基本上日日中午都幫襯叉燒油雞飯，但近排叉燒水準真係慘不忍睹，一食落口有強烈獵肉怪味，而且非常硬，已向職員提過反映，但沒改善，可能每人口味不同，但變成獵肉味叉燒而沒有本身燒味的叉燒，最後食埋今天，真的不會再點了。因為每次幫襯都是為了吃太興的叉燒，基本上每天雅蘭太興職員都認得我，希望會反映比上面，現在太興的叉燒比起囍運冰室，九龍餐室的叉燒差了一大截，而且是80蚊一個叉油雞飯。所以若太興沒改善，看來我也要換地方吃午餐。香港現在餐飲已經難做，希望 貴公司能保持質素。

自從上次幫襯點心到mix.大排檔的杏汁燉白肺湯失敗之後，今日去到太興 品嚐真正嘅杏汁燉白肺湯，杏汁味道濃郁、白肺潔白兼且質感嫩滑， 如果喜歡喝豬肺湯嘅人士，這個杏汁燉白肺湯我必須推介給你們。正

這間太興食物真的太差，隨便一家茶餐廳的叉燒燒肉飯都比這一家好吃。燒肉很硬，而且有一陣怪味，完全沒有松脆感，最基本功都達不到。實在令人太失所望。價格貴，味道差。沒有一點水平

今日打8號風球，屋企冇嘢食，好彩太興有開令我有早餐食！雖然打風，但是製作仍然認真，最好風景係睇住廚房幾位打手似打風閃電手，超級超級快，老闆可以請到佢哋應該認真好開心！有位平時做樓面既雪姐仲入去做埋廚房，真係冇得頂，超級快！見佢快到幫埋隔離同事，真係比個Like你！我好鍾意太興既荷包蛋，你睇個蛋黃顏色都知係好級別既雞蛋果隻！所以我覺得以呢個價錢食份早餐係可以接受嘅，希望你哋keep住水準，我不嬲都唔想讚壞任何一間餐廳。我發現每次都忍唔住食左個食物先至會影相寫食評，咁好似真實好多.不過我都想講返琴日食下午茶，叫咗個肉絲炒麵，質素非常差，完全沒有味道的，只有炸面質素係OK，但無論個汁及肉都完全無味，咁琴日個下午茶價錢就真係唔係太值得了！簡直係嘥左我既錢！好彩杯奶茶紅豆冰超水準，否則真係感覺太差！肉絲炒麵，必須必須必須要改善！我建議應該取消呢一個食物，加返之前個排骨麵線吧！果個好食好好好多！

連鎖快餐店太興餐廳 ---在香港是很多人吃午餐的選擇。 因為它的品質非常好， 雖然價錢有點小貴， 而且門外常常大排長龍，但仍然不損打工仔對它的喜愛。 我自己對他的叉燒也是十分喜愛， 今日點了叉燒飯$76， 到桌上對它的外觀十分失望， 色澤暗淡。俗語有云：色、香、味俱全。食物的顏色排第一，對人的第一印像也是非常重要 。 所以我對他的好感大打折扣， 甚至不想進食。 但是我付要付出76元， 只好硬著頭皮去吃了。 入口味道雖然不俗，但是整個外觀、整個感覺也不好了。 看著旁邊那兒的客人也是叫叉燒飯， 但他的職責備我的漂亮很多。心裏不平衡了 冰鎮奶茶非常 好喝，還是值得推介

今日晚上去左太興 一坐底 張櫈幾污糟有食物殘渣 沒有人清理點左碟 西蘭花炒青衣魚球未熟 又拎左入去炒 幾分鐘再拎出來都係未熟 再拎入去炒 魚肉都係冰職員態度差 又一問三不知再同職員講 點解炒3次都係未熟？職員講：咁取消囉呢個係一句取消就解決到的問題嗎？唔好意思都唔講一句？食左咁多間太興 只係得呢間先係咁已唔想再去呢間太興因掛住想食飯 冇影到碟魚相而且最後果時想影 職員勁快拎走左碟野各位如果去呢間就要諗諗環境差 職員差 食物更差比職員玩到 飯都凍曬 已沒有想食野的心情

好多謝你用心敷衍我呢個晚餐😅66蚊完全食唔落眾所周知，量少≠精緻，新鮮燒味≠未熟腥味三條菜都好委屈你啊😭未執簡直係宇宙奇跡之一唔講先啦 返去落樓下街市買$20飯盒先🥰

行街經過有啲肚餓，入去食個下午茶。餐單入邊有部份野已經售罄，叫咗一份腿蛋治烘底，加杯凍好立克。腿蛋治有少少意外驚喜喎，已經切細咗仲加支牙籤，個樣似足公司三文治。好少見三文治會咁樣擺盆，幾好喎，既衛生又方便食。味道都唔錯，凍好立克都正常發揮。

心血來潮好想食叉燒飯，咁啱就喺朗豪坊出嚟見到太興. 已經好多年冇食過，但係心諗做燒味起家，叉燒一定好食. 點知我仲天真過天真嬌. 一上枱見到已經唔係好開胃，食落去叉燒好鹹好鞋. 得其中有兩個係紅色嘅，其他都係深啡色，我直覺覺得啡色個堆係隔夜叉燒. 個飯落左好多汁，每一啖都好鹹. 我已經叫少飯，但係都只係食咗三份一. 再食落去對唔住自己個胃. 其實成$70一個飯都唔算平，但係點解質素差得咁緊要？求其一間酒樓既叉燒都好食過佢… 我唔知太興仲有咩好食，亦都唔想知，因為以後唔會再嚟.

本人自問常有光顧太興，原因是感覺食物質素不錯，店面整潔，員工有禮。今日中午在旺角附近，在眾多的餐廳中我選擇了質素尚算可靠的太興。奈何食物質素差劣到連街市燒味飯都比不上，完全感到極之失望👎🏿 圖為切雞飯，下午茶承惠$67，質素見下圖。其實已經不是第一次經驗，以為是個別店鋪問題，原來是問題已成為常態。如果貴 店打算一直以這種方式招待客人，我只好說一句，祝您好運！不過眼見貴 店的方向是令願花費千金賣廣告，也不打算提升食物質素，應該是感覺品牌已建立，而家也有一班長期客戶。本人不會再光顧了。

由於我媽媽給了我50元太興禮卷，我去了街，夜晚又不煮了，於是想叫之前叫過的玫瑰豉油雞，原來已經沒有了，今期是外賣是「醒胃話梅軟骨鴨」HK$78有一隻，我抱住不妨試下的心態，我要試新口味，不能獨沽一味。我在乘車途中，已經嗅到了鴨香，雖然外賣叫不到雞，叫鴨也是不錯選擇😋😋！抗渡在家才安心吃。我覺得不是每一家太興分店的水平都一樣，有時候睇師傅和原材料的。一打開，一隻鴨份量算多，我自己一人吃了七成，仔仔又不多吃(他嬾不多吃肉)，但一吃吃掉最滑的鴨腿，話梅的甘甜味，令人特別開胃，減少鴨的油膩感，鴨肉竟然比之前叫玫瑰雞更滑，不用多咀嚼，骨頭也很軟，果然有「軟骨鴨」之稱，好味到不用筷子，用手直接吃，令人回味無窮，齒頰留香，連不吃鴨皮的我也吃不少(因為怕胖和膽固醇高)，因為鴨皮才最入味。

今日5點係旺角，單身寡佬，走入太興吃個早飯，佢哋下午茶時間截單到5:30，剛剛好有時間吃佢哋既豬扒雙蛋飯，大大塊豬扒，熱辣辣，應該有五六分厚，加埋2隻荷包蛋，爆漿的，有蔥油及豉油，碟飯又係熱辣辣，塊豬扒係好易切，好爽口，用門牙已可以輕鬆咬開，非常好食，非常抵食，還有歺飲送，高水準👍🏻👍🏻呢個歺收$50，絕對超值

見今日餓餓地 又想食燒肉 見太興俾人裝修關左門一個星期諗住幫襯下 就去太興旺角雅蘭分店買個外賣返公司食啦 $77 燒肉飯連杯凍檸水在等候期間見到燒味師傅處理堂食切雞燒肉飯 見到燒肉望落外皮雖然黑d 但望落都叫做脆咁我就諗我果份應該都脆脆地 見處理我個外賣燒肉飯時將d頭搭尾既肉 切出黎再將一塊望落都叫脆脆地既皮搭上去 我都覺得還好 起碼都叫做望落脆脆地 之後師傅將啲垃圾部位全部掉晒落個飯度皮一望就已經係好淋果種 肥膏多過肉 完全唔知係咩部位 咁我就同師傅反映：我都聽同事講你哋外賣燒味永遠俾最差嘅部位，問佢可唔可以俾好d 師傅話唔夠燒肉 建議我將唔靚一大部份拼其他咁我就轉左燒肉拼切雞飯 當我滿心歡喜嘅時候見到師傅將靚果少少燒肉換左切雞 實在讓人覺得非常恐怖 處理手法十分低劣$77既燒肉飯嘅燒肉質素可以差過街市$15一盒燒肉飯 而更恐怖嘅事師傅竟然罔顧顧客要求 千方百計想將啲垃圾部位送俾叫外賣嘅客人將靚少少既部位留俾堂食嘅客人 價格一樣 是否有雙重標準？不多說 去圖 讓大家不要再去太興買外賣燒味

今日朋友仔叫我陪佢食飯，諗唔到食咩嘅情況下跳左入黎太興，以往對太興嘅印象都係食燒味，但今次我地嗌送食飯😋我地叫左個蝦仁洋蔥蕃茄炒蛋同炸菜蒸雞肉，蝦仁洋蔥蕃茄炒蛋就略為多左啲洋蔥，如果多少少蛋會比較好，炸菜蒸雞真係好好味，雞肉好滑，好好送飯😋😋坐位非常舒適，下次會再黎😋