太興 (荃新天地2)

營業中

休息中

今日落去見到外賣自取88折，於是買了2個晚餐，跟2杯熱飲，咁我就叫咗2杯熱奶茶，再加一份散叫的奶油多。到隔一陣我返嚟拎的時候，個侍應同我講執齊，咁我當時無為意，信佢講就咁比返張單佢拎走咗。點知，之後返到屋企後發現原來無執到2杯熱奶茶。咁我諗住打電話去問，點知分店電話長期打唔通，打咗半粒鐘都唔通。而家抗疫時期，唔通又再落過街追佢？咁我之後真係越諗越激氣，結果落返去追佢，然後個侍應我無單(咁我比返佢先拎到嘢食，點會keep返張單?)，唔補比我。太興本身啲食物定價都已經係偏貴，而家仲要咁嘅處理手法，真係好離譜！

已經試過兩次飲熱檸茶飲完之後發覺隻杯有好多污跡，投訴過都沒有改善｡食物價錢一般,服務態度一般,食物餐具如果發現有污跡真是令人嘔心不可接受,究竟有冇清潔過杯杯碟碟。_

乘西鐵到荃灣 總是人頭湧湧，行過Aeon 想入內購物，原來今天周三感謝日，見到長長的付錢長龍，算了吧。荃灣還可行先施百貨，如果是減價時候貨品相當抵。行完又是休息時候，享受一下太興的下午茶餐，這是6時才完結，不用太早進餐。今天大家都是選擇 羅宋湯通粉，我配四式卷 內有魚肉蟹柳等，好惹味。另一個配雞中翼，皮脆肉嫩，好吃。主角羅宋湯通粉好吃，湯中有好多各式雜菜，味道香濃，通粉硬度相當好，有咬口不會太稔，甜甜酸酸好開胃。阿華田香濃充料，奶茶茶香帶回甘，相當好。

今日晏咗出嚟，行咗去荃新天地。細路仔咁鍾意食荃新天地一期嘅嘢，我哋就行咗去二期。 開頭係想食米線，但係見到荃新天地二期嗰度有間太興。 排得嚟入座已經是下午茶時間， 我叫咗個冬瓜蠔仔泡飯及 一杯凍喊檸七。 我朋友叫咗一個輕型燒鵝米粉及 一杯凍檸七。 我另外一個朋友叫咗大都牛肉麵及 熱阿華田。冬瓜蠔仔泡飯算是份量夠，有 許多蠔仔同埋冬瓜， 食落都幾好食。輕盈燒鵝米粉， 可能是因為是下午茶，所以分量比較細少少 ，味道都ok。大都牛肉麵， 分量都係小了一點， 味道不過不失。凍咸檸七，咸咸地加檸檬同埋七喜， 好好飲。熱阿華田就一般。下午茶價錢的確係平咗，下次應該都會再去。

N 年無寫過食評，但今次實在忍無可忍。一點半入座，叫左叉燒飯，鵝肶飯，轉頭侍應話無叉燒。中午一點半就無叉燒？太好生意？唔緊要，改要午餐蠔仔湯飯，隔左兩分鐘，第二個侍應在身後行過話無蠔仔湯飯，其實我唔肯定佢係唔係同我講，事關佢講哂成句說話都無停步過，於是叫第三個侍應問清楚，真係無，於是再改星洲炒米，時間已經係一點九。等到兩點，燒鵝飯已經食完，碟都收埋。下午茶餐牌都換埋，仲未見星洲米的踪影。於是問第四個侍應，第四個侍應又問第三個侍應，仲要係我隔離講：吹咩吹？即時無名火起，咁大間太興，叫乜無乜，唔關要，但啲服務咁差，仲要係客人面前咁講嘢，毫無服務可言。

今朝一早放低阿囡去興趣班學畫畫，然後就係同老婆二人世界的時間。我哋去咗太興食早餐撐檯腳。叫咗兩份早餐，一份係多士煎火腿 + 雪菜肉絲米配熱奶茶，另一份係多士炒蛋 + 雪菜肉絲米配熱奶茶。奶茶好飲，香夾滑。雪菜肉絲米粉份量都大，所以老婆食唔晒，由我負責清埋佢。味道方面過得去。火腿和炒蛋都係一般水準。多士就唔同，因為係經過老婆主理，幫我搽牛油，搽得好均勻，所以食得出特別香脆，特別溫馨。一路食，一路用手機睇紙，睇咗成粒鐘，店員都無趕客。咦! 時間到，同老婆拍住拖去接阿囡放學，然後帶佢去玩。

平時有食開早餐的習慣，因此今日來到太興當然要試試早餐。F餐：黑椒雞扒拼香草香腸問阿姐唔想食腸，可唔可以改成太陽蛋，阿姐問完話唔得，失望！作為一間港式茶餐廳，一點flexibility 都沒有，真令人費解。講返d食物，雞扒細塊左少少，而且配腸仔真係唔咪幾夾，配蛋會好一點，希望以後可靈活變通。E餐：頂級午餐肉滑蛋公仔麵午餐肉真係世界級，配埋滑蛋咪幾好！麵質算彈牙，呢個餐冇得彈！冰鎮奶茶黎到太興又點少得飲佢杯冰鎮奶茶？茶味香濃奶味細滑，冰鎮得來唔會影響味道，抵讚！

本來諗住食瑞士汁炒牛河，聽聞好正，又夠味，點知七點鐘嚟到啲河粉已經賣晒，好失望，所以就叫咗欖菜炒飯加杏汁豬肺湯，另外在叫咗個油鴨芋頭煲！首先個欖菜炒飯，啲飯粒雖然吵到粒粒分明，但係太太太乾身食幾啖已經𡁻到個口好攰，好夾硬咁食埋剩低嘅，下次唔會再叫！個餐加左$28轉杏汁豬肺湯，嘩，超正！正價都要四十幾，呢個湯真係好抵飲杏汁味好香，豬肺洗到好乾淨，總之好好飲好濃嘅杏仁味！個湯係平時大約1.5碗湯嘅份量！必叫，推薦！另外就叫咗個油鴨芋頭煲，臘鴨大約五至六件，芋頭就蚊到好入味，係完整一條條，但係食落去係混合左臘鴨嘅油香好入味，好正，雖然咸左少少，但係攞呢個嚟送飯簡直係一流！希望下次食到瑞士汁炒河！

未食之前已經好努力搵燒鵝肉，我知道圖片和實物是有分別，但今次分別大到有啲震撼。只是炒米粉＋奶荼未免太貴了吧！這是燒鵝皮數少片和少得可憐嘅燒鵝肉！有理由相信是砧板上切剩啲肉碎！大家千萬千萬不要試！！！員工質素........不想動氣了

緊有一間在左近。 諗唔到食咩，太興個早餐總係有水準同埋夠飽。個多士烘底加牛油，米粉oohing 特別彈牙， 炒蛋又滑，加埋杯太興奶茶，食完成個早餐就充滿元氣。價錢可能對比大快活果d 貴小小，但物有所值。

報紙最近又有優惠劵啦!!!!上一次在大圍買過，香氣迫人，醬油味香，雞大細啱啱好，最重要係平!原價78元，使用優惠仲有10元減，非常超值。因此，我都忍不住下午4點後走去買，番屋企加送。首先要去燒味部，同師傅講斬隻雞，之後才到收銀比錢。當日剛好冇人排，果頭比完錢，好快就有得取。上次果間會有醬油用杯分開上，可免浸得太耐以至過咸，又不怕倒瀉。但這間就直接淋上面。對比起上一次，香味不夠出，依然入味，肉質係滑，但好像有些遜色。不過，心想幾十蚊野唔好咁高要求吧!

Come here for lunch once in awhile as it’s close by my office. Their lunch menu have quite a lot of selections of sets to choose from. My colleagues and I arrived at the restaurant around 13:00, and was lucky enough to have seats right away. This Tai Hing shop is quite big compared to other shops from other locations, and the shop can served about 50 customers.Overall, will rate this Tai Hing restaurant 4/5. Fried Veggies with Pork Rice:- very evil meal as pork are fat, but it’s really tasty

Ordered a pineapple bun with scrambled egg breakfast set with coffee. First. The bun came without the egg, coffee never came even after 4 reminders, until I had to go to shout at the waitresses who were chatting away after taking my reminder.Totally unacceptable. Wasted my time waiting for the wrong food and delayed coffee. Never come here again!!!

點解哩間太興，可以有咁差既員工，係到工作？唔係一，兩個係咁，幾個都係咁，公司係咪應該了解下員工情緒問題？連放底食物比客人都咁差？態度實在太差啦！以後都唔會再幫襯!

由於工作嘅關係，思想會喺荃灣食快餐，相信好多人都同我一樣雖然食快餐但係都會有少少要求，就係起碼要坐得舒服少少同埋食物嘅質素又有保證，今日下午茶時段就嚟幫襯咗佢嘅燒鵝飯，一天熱騰騰的小我放假飲都係四十零元，唔可以話好平,但係起碼我一個人做可以坐一個卡位，服務員嘅態度就一般般，最唔鍾意就係嗰啲機械式嘅招呼，都唔知佢係咪對住你講嘢，好在食物嘅質素係有一定保證，相信係呢一間連鎖店最令我鍾情嘅地方，除咗燒鵝飯之外，特別推介佢嘅大刀牛肉麵，當然唔少得嘅係冰鎮奶茶！