奇華餅家 (皇后大道東)

營業中

休息中

臨近農曆新年當然要買定d賀年食品送禮自用。今年就見到奇華出咗迪士尼米奇與好友賀年禮盒，包裝喜慶得嚟又夠晒精美特別，送俾親朋戚友就啱晒。迪士尼米奇與好友系列賀年炮仗禮盒 $298呢款模仿炮仗外型嘅禮盒設計就夠晒特別，外面印有迪士尼人物嘅唐裝造型，打開入面除咗有兩個迷你年糕，仲有花生脆糖、黑糖杏仁脆糖、歡樂笑口棗同鬆化香酥角4款小食，有齊晒新年基本嘅要嘅賀年食品。兩款迷你年糕，分別係米奇造型嘅亞嫲糖年糕同米妮造型嘅椰汁糖年糕，睇得又食得。迪士尼米奇與好友系列賀年什錦蛋卷禮盒 $92另一款鐵罐裝禮盒，入面有獨立包裝嘅特濃朱古力蛋卷同牛油蛋卷，蛋卷夠晒鬆脆，亦好香蛋味。呢兩款迪士尼禮盒仲做緊限時優惠，只要係奇華會員(優惠期至15/1)，又或者用Citibank信用卡/Alipay(優惠期至20/1)就有優惠。精選迎春禮盒 $138另外仲買咗個迎春禮盒擺喺屋企，入面有齊蝴蝶酥、曲奇同蛋卷。當中嘅曲奇有杏仁片朱古力、小紅莓牛油、腰果牛油同椰絲蛋白4種口味，歡歡都咁鬆脆香口，啱晒成家唔同人口味。紅棗桂圓烏龍茶年糕 $128今年年糕就揀咗佢哋呢款全新研製、純素嘅紅棗桂圓烏龍茶年糕。加入咗紅棗同桂圓呢d

🥮週末無咩計，走咗入一間老字號香港式糕餅店嚟個小探險。一入到門口，就聞到一股撲鼻嘅酥香混合住各種烤餅嘅香氣，立即食指大動！🤤第一擊係招牌流沙包，咬落去外皮超級鬆軟，黃金流沙餡即刻溢出，呢個甘香絕對係閃亮嘅開場！轉個頭，又鎖定咗個肉鬆芝麻脆餅，肉鬆入面嘅混合咸香與芝麻嘅香脆對碰，真係咁滑嘅perfec match！試完呢啲，絕對唔可以錯過佢哋嘅牛油菠蘿包😍，外面嘅菠蘿皮香甜得嚟帶點酥脆，牛油味濃郁不膩，個包彈性十足，麵包控必撲。每款小吃都有佢獨特嘅香味，味道正宗得黎又唔會太甜，適合大朋友小朋友。尋日嘅短暫品味之旅，真係令我食到停唔到口，期待下次再嚟尋寶！🧧

尋日經過奇華原來已經開始有得賣臘腸喇，店員仲介紹我哋好受歡迎嘅珠姐XO醬👏🏻我哋即刻買返屋企試🥰🐷奇華切肉臘腸用咗每日新鮮運到嘅豬上肉作為主要材料，加入香醇玫瑰露酒同自家調配嘅頂級醬油，味道濃郁且香甜美味🤤💰(4條裝) $95 (10條裝) $228🦐奇華極上珠姐XO醬獨門秘製配方加上頂級瑤柱、金華火腿、蝦米及蝦籽等多種矜貴材料熬煮👩‍🍳味道香濃惹味，加入食材後烹調絕對能夠提升餸菜鮮味😋💰(100克) $110 (170克) $155

奇華 Amedeo 朱古力月餅，一開始就俾佢個朱古力月餅吸引咗，其實我唔鍾意啲傳統口味嘅月餅，白蓮蓉月餅唔好搞我，奶黃月餅食咗幾年都有啲厭，反而朱古力月餅係我嘅心頭好，奇華啲朱古力月餅好好食喎，又唔漏，又唔會好甜，啱晒我呢啲怕甜又想食甜品嘅女士 🥰🥰

這算唔算是奇華餅的旗艦店？ 好像只得這門店有「現場烘焙」的工場，樓上還有奇華茶居😀？ 如果撞到新鮮出爐的烘焙品， 認真不錯。其實早前已試過多次其蛋撻， 可是質素參差， 有時質素可媲美「金園」 等老牌茶餐廳的蛋撻。 因為其蛋味香濃，蛋漿金黃， 不會太水稀稀，保持水潤， 也帶點動感。酥皮鬆化油牛油香，且帶點脆， 只是欠了層次感， 可能這就是「金園」這茶餐廳的傳統手藝/秘方， 所以在酥皮方面還是不及「金園」。但有時就如今天這樣焗過火了點， 蛋漿看來有點乾果然咬下去， 以往吃到的蛋味消失得無影無蹤， 只有死甜的甜味和水稀稀的口感。塌下來的蛋漿像沒有蒸透和混合要過多水的老燉蛋。這次也吃不到酥皮的酥鬆帶脆， 只有酥和實。 另外的叉燒酥好一點， 叉燒酥$13.5拿上手是微溫的， 應該不是新鮮出爐的了酥皮不太堅挺， 有點兒淋了咬下去，的確酥皮已經淋了點。甚牛油香很重酥皮外皮少脆， 內𥚃煙韌， 有點拉扯感，少少鬆軟，感覺像在吃牛角包🥐般新鮮出鮮應更佳叉燒餡多， 不會只有肥肉肥瘦適中， 也切得合適， 有咬口唔會柴太嚡叉燒醬味唔會太濃始終外皮的牛油味較突出

咁快又到一年一度嘅買月餅時間啦！今年依然選擇奇華☺️喺灣仔食完中午，就順便過嚟呢幢有三級歷史建築物內嘅奇華餅家選購今年份嘅月餅🥮一入門口就見到今年嘅聯名月餅系迪士尼嘅主題😍米奇與好友系列，特別既燈籠月餅禮盒真系超好睇！！！裡面分別有米奇蛋黃奶黃月餅、唐老鴨蛋黃奶黃月餅同鋼牙與大鼻朱古力味香橙乳酪奶黃月餅（各兩件）😘收銀台處仲有已經拆開嘅雨遮和環保袋嘅展示品可以睇到（收銀靚女睇到我喺影相仲會主動避開，實在貼心👍🏻）不過送禮長輩仲系買咗經典嘅御金奶黃同迷你余仁生陳皮豆沙😋🐇御金奶黃優雅簡約嘅禮盒內，打開就見到每個月餅上都點有金箔，非常貼心有透明蓋，避免壓倒脆弱嘅奶黃🤣根據盒內小卡嘅方法，我比較鍾意第二種，加熱後，攤涼1-2分鐘，軟綿綿嘅奶黃搭配鬆化嘅外皮，更加多享受😋🥮迷你余仁生陳皮豆沙幼滑清甜嘅紅豆沙，配以甘香醇厚嘅遠年新會陳皮，健脾益氣，入口甘甜。絕對送長輩嘅嘅最愛，畢竟享受每年一度嘅節日同事，最怕佢哋攝入過高🤣冇話，呢個我都幾鍾意，唔會好漏☺️咁當然山長水遠過嚟灣仔呢家店就系為咗打卡！！！店內有以1:12仲原咗想當年嘅第一家上海街奇華店嘅模型，店內當年嘅陳列品全部都非常精緻！仲有一個大玻

身為80後既我 以前係酒樓飲茶 往往會嗌一口蛋撻仔做甜品😋 時移世易 而家有一口蛋撻仔嘅酒樓少之又少 一切成為回憶🥲 灣仔賣酥皮蛋撻既有好幾間 較出名既有 奇華 蛋X王 檀X 等等 選擇都唔少🤔 今日行過奇華見到蛋撻幾靚仔 雖然唔係新鮮出爐 旦都買左隻試下蛋撻($10) size唔細 外觀啲蛋唔會塌陷左 放左一陣都仲挺身👍🏻 食之前用氣炸鍋加熱咗一陣 酥皮有層次 係酥既 蛋超厚🤯 同皮既比例接近9:1 有蛋香 甜度適中 如果蛋/皮比例可以接近8:2 我諗口感同味道會平衡啲 整體係接近我記憶中兒時嘅味道 總括黎講味道上係一隻中上既蛋撻🙂

啱啱同媽咪行街路經呢間港式老字號餅店，就同媽咪入咗睇吓有咩嘢食。最後買咗土鳳梨金酥，海苔肉鬆鳳凰卷，杏仁條。土鳳梨金酥外皮黃金鬆脆，裏面有真嘅菠蘿肉，一絲絲有咬口，帶點微酸的菠蘿味。而且都大嚿，長方形狀，下午茶食完一件都有啲飽飽地。去唔到台灣旅行都可以買來食。而海苔肉鬆鳳凰卷都好好味，非常鬆脆，入邊嘅肉鬆同紫菜混和。杏仁條口感鬆脆，帶微微的甜味，面頭鋪上滿滿的杏仁粒，味道不錯。佢重有好多其他食品，下次再路過都可以買d試下。

由1938年創業至今的 奇華餅家🔸，多年來糅合傳統和創新，創造出一系列美味又吸引的香港風味美食。由一間在油麻地上海街的小店，發展成馳名中外的國際企業，實力和質素當然有保證啦。秉承著「用心製餅，以質取勝」的理念，每件產品都用心製作，把傳統味道延續下去。❝ 迷你無花果果仁月餅禮盒 $248/盒❞今年首度推出的 迷你無花果果仁月餅🥮，嚴選由著名無花果出產地土耳其🇹🇷 出產的果乾，再加入椰棗、杏脯、腰果、合桃、杏仁和小紅莓等製成，口感超豐富，酸甜可口，😍果香四滋，深得我心，很好吃呀!❝ Sanrio characters迷你奶皇月餅 $40/盒❞今年奇華再度聯同Sanrio，推出可愛到爆炸的月餅禮盒呀。一套4款的手提箱外形禮盒🎁，分別印有 Hello Kitty、My Melody、布甸狗和XO仔，每盒有一個迷你蛋黃奶皇月🍳 或 迷你朱古力奶皇月🍫。而且更會附送1個麻布袋，送給小朋友最敵合啦!購買仼何奇華產品滿$50，可用優惠價換領以下產品:1.Sanrio防UV雨傘☂️ 換購價$45（原價$118）2.Sanrio旅行收納袋套裝🛍換購價$36（原價$98）3.Sanrio防UV雨傘及Sanri

又就到中秋啦，又係介紹下月餅嘅時候啦。我覺得奇華朱古力月餅同奶黃月餅🥮都唔錯。朱古力月餅有好濃烈嘅朱古力味，佢嘅咸好實，好正，而且有啲牛油味，都幾好食。奶黃月餅有少少蛋黃嘅咸香味，咸料都係好實，都係唔錯嘅。

中秋未至，月餅先食……當看見一盒令人垂涎的月餅置於面前，那會忍得住口？今年收到兩盒月餅，一盒是傳統的雙黃蓮蓉月，還要是老字號奇華的出品。餅盒是奇華的古裝人標誌，一眼便認得出。小人拿月餅的時候，店員千叮萬囑開封後要放入雪櫃，所以吃的第一個是原裝室溫的。切開月餅時看到有些油溢出來，還以為會很油膩。誰知一啖咬落，竟然是清甜的，一點也不覺漏滯。餅皮薄之餘，蓮蓉更是細軟香滑、甜度適中，令人回味無窮！唯一要數的是鹹蛋黃少油，難免較乾，香味亦打了折扣。這個月餅，吃完飯吃半個做甜品都不過份！

一向喜歡老字號「奇華餅家」的「陳皮豆沙月」，「奇華」今年新推出了一款同樣是八個裝的「迷你無花果果仁月餅」（$248），我同樣喜歡。喜歡「陳皮豆沙月」主要是喜歡它那陳皮的芳香與甜中帶點兒討好的苦，而這新推出的「迷你無花果果仁月餅」呢，我就喜歡它滿有五仁月餅的口感和獨特的無花果甜味，適中的甜味，豐富耐嚼的口感，成為一款既好吃，又健康的應節月餅，在中秋節吃一個賀節，可真不錯呢！

仲有唔夠兩星期就到端午節，今年大家都冇得外遊，大家就乖乖留在家吃糭過節吧。陳皮鴨腿湯飯就食得多，今年奇華竟然將呢個經典口味變成肉糉，既創新又充滿香港情懷。鴨腿用秘製滷水煮至入味，陳皮嘅份量好足，每一口糯米都吃到陳皮嘅清新香氣。如果大家要送禮的話，可以考慮購買「種糭滋味」套裝禮券，只需$245便有三隻糉，分別係果蒸糭、XO醬五花腩肉糭、及陳皮鹼水糭一隻，我們都買了一張送給嫲嫲，氹得老人家她笑逐顏開

今日 去利東街食完飯 個飯嘅份量有啲細 周圍行下，睇下有咩買，等下午茶可以填下圖肚， 見到有間奇華餅店‘原來有新鮮麵包賣， 都有不少款式 另外有我買咗嘅蛋撻同埋蝴蝶餅。因為我成三點半先食,所以蛋撻已經凍咗, 但佢個蛋漿都好好味， 唔會太甜，充滿蛋味，酥皮有好多層，但係因為我麻麻地蛋撻嘅酥皮, 所以唔會十分欣賞。 另外蝴蝶餅係同朋友share嘅， 好鍾意佢嘅sugar層面, 亦都係唔會過份甜,剛剛好食落口好脆口，另外亦都唔會太重牛油味。我覺得店員嘅服務都幾好因為我哋諗緊要邊樣嘢嘅時候都擾攘咗一陣 佢都冇乜不耐煩嘅感覺 如果行開呢頭食嘢嘅話，下次都會選擇買呢間。

At this flagship store, besides selling the usual moon cakes, it also has freshly baked moon cakes. Recently, they are collaborating with Sanrio and I chose the Hello Kitty(Strawberry Yogurt) one(there are 4 others as well). It was much softer as it was freshly baked and more fragrant. The skin of the moon cake was thin and strawberry flavor really popped up. Due to its tartness, it doesn't taste too oily like the traditional ones.