奈良上釜 (已結業)

訂左7點晚飯，舖頭爆滿，侍應問我地會不考慮樓上ta ta mi, 要跪响度食，我地都冇咩所謂，就話ok。點知上去係要經過條又黑又濕既後巷，然後從後門廚房上樓梯上去，成個感覺已經大打折扣，上到去既環境，我完全係打個突，環境同深水步啲老自號大排檔式飯館同出一徹，見到個冷氣既污糟程度，已經唔願意坐冷氣位，看見一些類似吸濕大笨象既吸濕器，已滿水了都不換，連正正經經買部抽濕機都不會!侍應明顯係生手，動作緩慢，木口木面，完全不懂服務，連最基本既斟茶都要人叫，斟一次就不會主動有第二次。有時間都只會對著電話。但有一點我會了解並同情他，閣樓樓底低，坐位是塌塌米，成層只有他一人，彎腰工作彎得多確是會辛苦。當閣樓坐滿人，人人都晚飯中，冷氣明顯不夠，全層只得一部冷氣，很多客人都邊抹汗邊食飯，我實在覺得環境惡劣，吃一個298元的蟹盛，就是給我這個用餐環境!釜飯的相片跟其他食評無異，食物上正正常常，沒有特別出色之處，亦就是這樣，價錢就是貴了。我是經openrice 訂位的，這店居然話我沒有出席，我最後還要提供收據做証明，這店的服務真的十分求其。

登龍街日式料理林立 各間過江龍互相爭寵 使出渾身解數希望博得食客青睞 今日就決定試下呢間「奈良上釜」的日式釜飯專門店釜飯——係日式煲仔飯，用一個傳統小鍋，加入米，高湯、醬油、味醂等調味，再鋪上不同配料烹煮的米飯料理。做法很簡單，只須20分鐘香噴噴的鍋飯就做好了。奈良上釜提供多款釜飯，各種海鮮魚類甚至和牛釜飯都有提供，以定食上枱。另有多款單點小食可供選擇。兩年前係金澤食過一次鯛魚釜飯，魚質滑溜的程度簡直永世難忘！所以今日見到有期間限定的櫻花祭的兩款桜の海釜めし，都係用上桜鯛魚，決定要試！！桜の海釜めし($268)配有櫻花蝦櫻鯛鮟鱇魚肝釜飯簿切櫻鯛刺身 有六厚片 肉質彈牙鯛魚湯 茶碗蒸前茶漬物三大件櫻鯛 魚肉厚身滑溜 拍得住我係金澤食個個！釜飯的鮮味突出，口感硬度剛好！蟹盛($298) 大大個蟹蓋上枱 一揭開係大量蟹膏，蟹肉同魚籽 撈匀食 每一啖飯都被蟹膏的鮮味包住 好好味另外配有長腳蟹腳同長腳蟹天婦羅整體水準高 價錢合理！i will be back!

由細到大都愛食有味飯，無論是兒時媽媽用電飯煲煮的那種"冬菇雞飯"已至冬天紅人"煲仔飯"及大個先識的日本釜飯都是我的喜愛。近期食過三間有釜飯提供的日本餐廳，我會推介奈良上釜的釜飯。尤其是它的"蟹盛"，真是無得輸！沒有了解蟹盛是否期間限定或是必有之選，所以愛食蟹的朋友最好訂位時問清楚。順帶一提，現在透過openrice 訂位有優惠。全set蟹盛就有這幾種食法，最能食到蟹的鮮味就是凍蟹腳及蟹飯，天婦羅就有點浪費了蟹的甜味。蟹腳肉有柚子蓉及醬汁提供，但我個人就提議不沾，食原味已滿足！肥美的抓釜飯裏的蟹肉很多，蟹飯充滿了蟹的鮮甜及蟹膏的香，每啖都好滿足！另一樣推介的食物是炸墨魚咀，很適合作飯前小食，爽爽的很過癮。至於月見和牛釜飯及海膽天婦羅也是可以的，牛肉算多，但牛粒我會覺得切得細了點，在鍋裏容易很快焗至全熟，食到中段肉質已變硬身。我還是覺得海膽是要生食最能表現出它的獨特濃郁味，炸了質感亦會硬些，沒有溶在口裏的效果。今餐太飽太飽！

放工經過銅鑼灣，唔知食乜好，見間日本野嘅門口唔錯，於是入去試吓...喺門口等左幾分鐘，就有得入座。不過坐近門口，大門又開又閂，有啲辛苦...不過餐廳人唔多，座位都算寬敞，坐得幾舒服。打開餐牌，望下價錢係有啲貴，但坐低左又唔好意思走。叫咗兩個飯，先嚟前菜，係燉蛋。燉蛋好似好簡單，但賣相唔錯，加埋食具，好似去咗日本咁。燉蛋食落好有驚喜，簡簡單單嘅燉蛋加汁，好有層次，唔單止燉蛋滑，個汁好夠味，又足配料，非一般燉蛋！之後兩個主角——飯上枱，更加驚奇！個蟹肉飯好乾身，配料好足，加埋少少嘅魚子，啲鮮味出晒嚟！至於個牛肉飯仲正，牛肉同飯嘅比例可以話係一比一，啲飯滿晒牛肉味，唔使加汁 ,每啖都好香嘅牛肉味，加埋隻溫泉蛋，色香味俱全！

<第一篇食評>難得朋友轉新工，可以相聚係銅鑼灣一齊食lunch，當然要食得好d啦！我哋叫咗3款釜飯一齊開心share，分別係海膽，蟹肉同鰻魚，3個釜飯差唔多同時送到，我哋逐個逐個食，越焗得耐嗰個就越多飯焦，好香好滋味！每個飯都分到3碗仔，食曬都幾飽！海膽份量都ok，蟹肉就啖啖都有，鰻魚份量比較上就少d啦我哋仲加咗要埋茶碗蒸，好足料！有魚子又有黑松露！做嘢咁辛苦，吊頸都要抖下氣！緊係要食返d好嘢，對自己好d啦!!

登龍街已經變成米芝連排隊專區係星期六中午1點左右，超過一半既餐廳外都有人龍，成個情境變左行人專用區咁。想食既上海餐廳要排隊，時間唔允許，隔離就有一間日本餐廳，望望下發現一早係OpenRice 收藏左，入面仲有空枱，即刻推門入去。點知侍應哥哥問有無訂位？OMG 食lunch 都要訂位😱⋯⋯結果我哋話只需食30分鐘就走，佢就俾位我哋坐低。係我地叫錯嘅食，人哋餐廳個名都叫釜飯，明明出名食釜飯真係唔應該叫其他菜式，就好似去西餐扒房叫乾炒牛河食咁，錯哂！講返啲食物，由於釜飯製作需時，首先叫咗個蟹肉釜飯定食，再加一客炸蟹肉天婦羅湯蕎麥麵。先嚟咗份炸天婦羅蕎麥麵，一眼望落去已經知唔對路，果三條蟹柳炸到油淋淋，而下面嗰張牛油紙完全發揮作用啦，係咁幫手吸油。。終於鼓起勇氣試吓食，不出所料油到根本食唔到，啲炸粉又厚又咸！雖然得嗰三條咁多，結果都係食唔哂。相返，碗蕎麥湯麵就相對正常，尤其係上邊嗰兩大塊腐皮，相信係現成交貨嘅材料，所以想整得難食都幾困難，至於碗麵都算食得落。到重點釜飯定食上枱。賣相非常好，已經做到大部分食客嘅基本要，爭取收視成功。腌菜，前菜齊備，味道都可以，到開始食主菜蟹肉釜飯，佢有埋三文魚子

千篇一律食釜飯, 如果好食係ok既, 無奈款式不算多, 食叫蟹卻竟然會無貨, 惟有試佢個鰻魚同牛肉釜飯, 但鰻魚苦, 牛肉卻有渣, 失望正一個點, 而且價錢都唔平, 為係百九蚊一個餐, 可幸的是, 豆腐同茶碗蒸卻意外令人滿意, 但應該不會再幫襯。

香港貴為美食天堂，然而想吃一煲靚的煲仔飯卻不容易。坤記要排長龍，其他很多食肆的煲仔飯則是先在電飯煲煮好，最尾才放入瓦煲內的速成貨色，風味欠奉。港式靚煲仔飯難求，日式又如何？在這個黑色星期五傍晚6:30來到，不用排隊。點了鰻魚釜飯，和牛釜飯。不消一會，前菜便送到。麻醬豆腐，醃蘿蔔水準不過不失。碗蒸蛋材料豪華，有三文魚籽，蟹肉，冬菇，松露油等，少許咸香的三文魚籽配以鮮甜的蟹肉，在蒸蛋的細滑口感下十分美味，可謂先向食客下個馬威。食過前菜後，等了近三十至四十分鐘釜飯才送上，以生米煮成熟飯的速度來說屬正常。先試自己的和牛飯，熱到燙口，粒粒飽滿的珍珠米，完全吸收了牛肉汁的味道，即使單吃白飯已是頂級享受。再混上流心的雞蛋，那帝王級的享受已難用筆墨形容。和牛雪花分佈平均，不太肥膩，在油香和牛肉味下取得平衡，過癮！還未夠？花點氣力，把釜飯碗邊緣的飯焦挖下，滿口的焦香足以為完美的一餐寫下句號。太太稱她的鰻魚飯也非常好吃，在自己沒吃的情況下，不評論之。上次吃到完美的釜飯是在日本大分縣，當地有新鮮的頂級豐後牛肉加持，味道當然更上一層樓。但在香港，奈良上釜能做到這個質素也真的十分之好了。推介！

難得今天放平日假，過左繁忙的午餐時間吃我的中午飯是最好不過的，人流漸散，可以安靜地享用午飯呢到裝潢設計似日本的風格，以木系為主，店內不是很大，有看得見的廚房，而我正正坐在廚房外的桌子，看看餐牌先，款式都多，花多眼亂，最後我選擇了三種盛釜，有齊我想吃的海鮮包括蠔，蝦，鰻魚，真係一㳄過滿足曬我的願望見著廚師煲緊我的飯，好肚餓但是要耐心等待！等待期間，侍應也不停地為我加茶，好細心，終於有得食，有麵䜴湯，醃製的蘿蔔，飯以木蓋蓋上，一打開，香氣四溢，海鮮的味道出曬黎，眼見以為好少飯，原來個器皿好深架，蠔好鮮美，又唔腥，🦐好大隻，肉質彈牙，好甜，鰻魚肉質嫩滑，唔乾爭爭，仲有菇，豆個D，不馬虎的製作，我不得不提及個飯，珍珠米，好彈牙，好入味，D海鮮鮮味滲透至每一粒米當中，又唔會話乾曬，水份調較得很好，仲有飯焦！食下食下都不會令個飯涷曬，因為有佢個器皿保持溫度，好回味

上次係奈良只顧餵d 小鹿斑比， 完全錯過左奈良有名既釜飯， 前日係cwb 經過見到呢間打住奈良釜飯旗號的鋪頭，決定試試於是同友人係tea time 去左, 店舖比起平時冇好多人，因為平時晚上經過都要排隊，宜家即時有位我地分別點左豚角煮同銀雪魚釜飯，頭盤放係一個木盤度好靚， 頭盤有豆腐加芝麻汁，面豉湯，同蘿蔔，味道唔錯，plating 滿分所謂釜飯，其實話係煲仔飯都不為過，簡單來說都係有飯焦既飯，又有d 似韓國🇰🇷既石鍋伴飯銀雪魚肉質好滑好嫰，d 飯一早吸索矖d 汁，伴d 飯焦一齊食，囗感好好，而且唔會太油膩，畢過個飯既size 比想象中細，因為我地果日係當brunch 食所以都ok豚角煮其實係豬腩肉,所以都有一層肥一層肉既效果，入口都ok ，唔會太韌，但係會比較推薦點銀雪魚Ps 佢地4pm 會收鋪，晚上再開番

難得放假想跟屋企人吃好東西剛好看到推介連在日本也沒吃過的釜飯於是就快手訂了位🙈店內不大但有二層裝潢很舒服尤其燈光很適合拍照哈哈哈哈不過桌與桌間空間不大餐點不算多但來吃的都是為了釜飯所以無礙！除了釜飯還有蕎麥麵和一些小吃炸物一行4人分別點了一蟹盛，海膽，鰻魚釜飯和一個南瓜炸物蕎麥麵釜飯都會跟一前菜有酸蘿蔔，芝麻醬豆腐和松露魚子蒸蛋蒸蛋很好吃💓特別是松露不多，但味卻很突出然後蟹盛的前菜是三根長腳蟹腳和炸蟹腳長腳蟹很鮮甜，肉不沾殼加上店會先剪開配上工具非常易吃👍炸物沾粉剛好也是即炸入囗不燙，外脆內鮮到了主角釜飯還會配個面豉湯，蟹鉗蒸蛋和綠茶糕點釜飯的蟹肉和蟹膏非常多基本上每囗都能吃到！😍😍至於其他餐都嘗了一囗都很不錯！整體來說雖然價錢真的貴但服務和食物質素絕對配得上是值得過來豪吃一次的哈哈哈🌝👍

銅鑼灣「登龍街」無疑是一條，充滿大量日本菜餐廳的食街。「登龍街」除了原本存在已久的七間日本拉麵店之外，其實還有一檔賣日本菜，賣日本釜飯美食的日本菜餐廳，店名叫做「奈良上釜」。「奈良上釜」賣的日本「奈良釜飯」，「奈良」是日本其中一個城市名稱，但是是否只有在日本「奈良」才能吃到「奈良釜飯」呢？我撫心自問，自己不是一個「日本通」，所以對「奈良釜飯」認識實在有限，所以我不敢貿然在這裡再亂講。我對「奈良釜飯」的深入認識，都要等到試食完「奈良上釜」之後才能下定論。由於「奈良上釜」曾經上過排行榜跟食店選舉，所以「奈良上釜」成功累積到一定程度的知名度，「奈良上釜」選擇在「登龍街」開門做生意，店內都不乏上門幫襯的食客，只差沒有排隊的人龍而已。我就屬於比較幸運的食客，所以今次來到「奈良上釜」，不用等候太久，就已經有單人座位可以入座。「奈良上釜」晚餐的食品，「釜飯」口味眾多，很多「釜飯」都有以「定食」套餐形成提供上檯，。「奈良上釜」在定食以外，還有單點食品，供幫襯「奈良上釜」的顧客選擇。就好像我今次幫襯「奈良上釜」，選擇了的「赤雞釜飯」定食，除了主角「赤雞釜飯」之外，還有很多前菜小食，跟傳統日式餐湯「味噌湯

終於去左試呢間釜飯喇 期待左好耐！喺OpenRice訂左位 去到等一陣就有位 好方便😆一坐低 我即刻叫左海膽釜飯！期待期待！睇住師傅成板海膽咁放落我個釜飯度！勁開心！好滿足！啲飯吸左啲湯 都好好味！啖啖飯都食倒海膽 超滿足！我已經諗定下次食咩喇，下次想試下個和牛釜飯！另外個fd就叫左蟹肉釜飯 都好好味！不過我都係鍾意海膽多啲😆連佢地杯茶都好好飲 總括而言 呢個價錢食倒咁多海膽既釜飯 係超值！好期待下次個和牛釜飯😊

在香港能夠找到一些日本地區的特色菜好像比較少見而且這家釜飯出名吃蟹，兩樣加起來都很吸引我訂了週五晚上的7:30, 但由於人太多, walk in跟訂座都要排隊所以稍稍在門外等了十多分鐘, 最後安排坐在門口位, 店員也說了不好意思店門是日式趟門，但因為人來來往往, 所以門也經常開關冷風吹進來也實在不太舒適不過整個用餐感覺還是良好的茶具都很精緻, 可以想像在日本吃的話，文化氣氛會很濃厚食物：朋友點了蟹釜飯，前菜就已經很給力了蛋的配料很足, 有很多海鮮, 也很嫩必須說, 二人枱很小, 所以不把前菜吃完, 是不可能上釜飯的重點來了，雖然只是點普通的蟹釜飯，不是招牌蟹盛但蟹肉已經很多，而且味道都滲進飯裏飯量也不少, 大滿足！然後就是我點的抹茶蕎麥麵其實我知道在這店點蕎麥麵是有點怪, 但當天就是想吃冷的麵抹茶味其實很突出, 有茶甘南瓜天婦羅也很好吃但餸跟麵卻好像不太搭的感覺所以來這裏還是吃釜飯吧小記：店員上主菜都會教吃的方法, 汁是配甚麼的, 很窩心日本酒只列寫了一瓶的價值, 不太知怎樣order在這裏訂座可以賺asia miles也很吸引風口位可免則免

成日經過銅鑼灣呢條街，從來都冇留意呢間店。個日Mr C 話想試。我就一試愛上了。我點咗個銀鱈魚釜飯 ，Mr C 就點咗個和牛釜飯。鱈魚釜飯$178首先黎咗個前菜。有蒸蛋，有酸瓜，有芝麻醬豆腐。蒸蛋除了平常有既野之外，上面有蟹肉，有魚子。味道唔錯！豆腐滑滑的，撈芝麻醬，冇得輸。到個主食。開個木蓋，香噴噴既飯味湧出黎。好精致咁，銀鱈魚放得好齊整，有菇有幾條荷蘭豆。銀鱈魚有大概5塊！哇！正！原來食法係“筆”啲飯過去細碗，然後可以蓋返個釜飯，keep 住啲熱！“筆”下“筆”下，發覺分量都唔小！咁既價錢有5塊銀鱈魚。好抵哦！啲銀鱈魚調味好夠，好入味。魚肉好滑。撈飯一流！和牛釜飯$188相對個銀鱈魚，我個人覺得個牛冇咁出色。雖然都好味，分量好夠，味道唔錯，但冇銀鱈魚個飯咁鮮甜可口。肉上有個半熟蛋，可以撈勻一齊食，口感幾好。雖然價錢偏貴（lunch 黎講），但我超級推介銀鱈魚個飯。Mr C 都話下次要點銀鱈魚！