奏鐵板燒日本料理 (已結業)

一月一度的同事生日飯來臨，今次我們選擇了位於尖沙咀的鐵板燒店。坐下不久就上了刺身，賣相平平無奇的刺身組合，味道竟然十分好，算是有驚喜。反而魚子醬雞蛋賣相一流，但魚子醬的味道卻只算一般，沒有成功提升雞蛋的分數。其他菜式包括有大蝦、鮑魚、還有我初嚐的日本飛驒牛。據聞飛驒牛是日本牛之王，油脂分佈、肉質和香氣都可帶來不同級數的享受(當然價錢也是不同級數)。以前已經食過各種日本和牛，這次初嚐飛驒牛之後就明白為何可以賣到這麼貴。之前旅行時找到日本的鐵板燒餐廳，看到menu上100克的飛驒牛已經要一千多港元 最後仍要讚好一下他的火灸深海池魚炒飯，油香撲鼻，加上蔥花後味道更加昇華。

同事生日，到奏鐵板燒吃鐵板燒料理，太盡興未能每道菜也拍照。簡單介紹一下，前菜的剌身魚生，presentation略嫌普通，但Tuna刺身和海膽剌身不錯。魚子醬燉蛋正常口感吧。鮑魚鐵板燒，鮑魚新鮮。燒大蝦最好吃，大蝦新鮮，蝦身大隻爽脆，蝦膏也很香。燒和牛每人兩片，份量不多剛好，和牛真的不適宜吃太多。最後就是左口魚香蔥炒飯，除了魚油香其實味道很淡，必須加醬油調味。食物總體感覺還可以，但說實在尖沙咀鐵板鐵還是有太多選擇，但這間鐵板燒不算貴，還是有價格優勢。

奏鐵板燒最近推出左個BUFFET SET，而佢地個SET既安排又好抵食，絕對係黎到尖沙咀食飯既首選！餐廳會提供左三個SET，我就揀左生蠔呢個SET，佢一份生蠔入面有6隻，而且每隻都好厚肉又好肥美啊！生蠔保持到新鮮，新鮮既生蠔又夠鮮甜，好美味揀完個SET之後，佢地既其他菜式都係任點任叫，超多款選擇提供。同埋佢地仲會額外送一盤刺身拼盤，唔好睇佢話送咁，意外地佢既拼盤超豐富，款式多，真係好抵食。而且佢地既刺身同生蠔一樣都KEEP得好新鮮，質素好高！食完成餐飯後仲會每人都有一杯奶凍做甜品添啊～

唔好以為出到嚟旺區 尖沙咀等等呢啲地方既餐廳就一定係高消費 今日我就出到嚟尖沙咀食dinner,而且仲係平食好西添.呢間奏鐵板燒 佢外相好精緻高質,但價錢卻意外地叫實惠.餐廳裏面都算為寬敞,以TATAMI形式座位,都幾新鮮 而且坐落又幾舒服.佢地呢到既芝士龍蝦好吸引,而且味道唔差,食落好重蝦味,啖啖芝士味得嚟又會特出番啲新鮮既蝦味.呢到仲有加$28一杯酒精飲品,細細杯又易入口,我仲額外點左份鵝肝嚟配酒食,意外地都好夾,佢地既鵝肝又燒得岩岩好,唔會太亁得嚟又有少少油份係到,入口即溶既感覺

其實尖沙咀都可以話係香港既美食之都,因為尖沙咀有好多各式各樣唔同菜式既餐廳,想食乜就有乜 而最重點係 尖沙咀個到既餐廳質素都好高,今次我就嚟試左呢間叫奏鐵板燒既餐廳.嚟到呢到佢地既芝士龍蝦一定要試下, 龍蝦新鮮肥美 體積又夠大, 配埋焗溶左既芝士, 香味濃郁,每啖既龍蝦同芝士都係分唔開,試過番唔到轉頭!!而佢地既刺身拼盤睇得出師傅好用心擺設,攞嚟打卡影相真係一流無得頂啊!同埋餐廳既座位擺設都好精美優雅feel 確係唔錯!

好耐無食鐵板燒 呢幾日個外國朋友黎香港 我就帶佢食下唔同嘅菜式 呢間鐵板燒一直好想試 就一於book位試下夜晚時間 咁岩我地黎到係Happy hour有酒任飲 啱曬我個friend 飲極都唔醉嘅🤷🏻‍♀️我成日周圍去試枝豆 一定要叫返跌比朋友試下 朋友話枝豆好特別 做伴酒菜一流 仲問我有無得買 想帶返屋企呢款餃子又係好特別同平時食開既好唔同呢款係用雞皮整㗎脆卜卜仲有雞皮既油香 好正望到人地個蟹蓋好多膏好似好惹味估唔到蛋黃撈蟹膏係咁好食朋友本身都有啲質疑呢個蟹蓋食唔食得🤣🤣🤣帶得佢黎食好嘢點都要試下😌我地仲叫咗個和牛 啲肉質好鮮嫩多汁😆😆

對上星期同班朋友去開呢邊吃飯，呢間睇落幾好既日本餐廳，睇個餐牌，價錢又唔係話好貴，今日就同朋友黎左食野。我地叫左份魚生埋２份午餐食。魚生我中意佢既生蠔，好甜，有海水味～海膽亦都好鮮甜，因為我平時唔多食海膽，成日覺得好似食泥，呢度既海膽我就幾欣賞既。我同朋友一人叫左一個飯食份量其實係由價錢果度已經睇得出唔會好大份。不過我朋友食得好開心，亦都岩岩好滿足左佢既胃。由於我份午餐對我黎講只夠７成飽，所以蠔同埋海膽都係我食既！唔知係咪食少少特別吊胃口，下次收工同朋友再食真個晚市佢先！

住在呢邊就真係幾多野食，成日行過覺得呢間個價錢好似好貴。但行埋啲睇個午餐餐牌，唔算話好貴咋喎，而且又可以享受環境與美食 今天突然心血來潮想來試下，真的幾好唔錯，而且又可以同師傅一邊傾一邊食，又有海景看，真是好抵食既一餐。一個人點左芝士龍蝦同埋焗蟹蓋芝士龍蝦龍蝦新鮮鮮甜, 芝士好香, 真係好香, 食到唔停口焗蟹蓋材料好豐富, 好足料, 抵食之選食飽整返杯熱檸茶消化一下, 真係what a good day即使唔食鐵板燒，其他定食也很超值，絕對是午餐首選。

同友人喺尖沙咀搵野食，等友人放lunch食中午，順便周圍行下，經過見到呢間日式嘅餐廳，見到都幾靚，價錢合理，就同友人入去試試。大家都係想搵個地方聚下。估唔到食物有驚喜喎!!! 環境都唔錯，幾啱食飯傾計. 仲有抒情音樂, nice!講重點,食物:牛柳粒，好有料! 味道豐富，好食過喺日本食過嘅牛肉! 至於燒吞拿魚鮫，好味，燒得好有驚喜!魚肉好滑好香, 好好味! 諗起都想再食! 下次去都要再點呢樣!另外，午市跟餐既湯都唔錯，又多料，雖然依家日式餐廳都好common,但有心機既真係唔多, 呢度已經值滿分~

跟朋友聚會唔知去邊度食野好, 因為又要好食又要坐得舒服，朋友知道我很喜歡食日本野，所以就book 左呢間日本料理，入去之前發生小插曲，可能隔離枱有小朋友唔舒服，嘔到地下污糟哂，但他們沒有通知經理，好彩職員發現得快，即時搵人處理清潔。而職員都都好好，即刻幫我地轉枱，雖然有少少阻滯, 但服務真係好好, 完全唔覺得有任何掃興。講返食物質素，以同區黎講十分唔錯，有大蝦，元貝，有炒飯，有炒野菜，味道亦十分唔錯, 炒飯有質素, 乾身香口, 用料豐富, 野菜新鮮, 好甜最後坐得個幾鐘先走, 環境都幾好

啲同事真係好鐘意食日本野，今次黎尖東呢間奏食午餐試一試。一入去就有店員招呼我地，即刻帶位入座，服務都算唔錯。出面有一個自助Bar 有沙律、飲品都係任拎。主食叫了一個刺身壽司拼烏冬，三色刺有拖羅赤身、赤貝、油甘魚，而壽司有4件連埋烏都都夠飽，而海膽壽司有驚喜鮮甜好食，因為出面食到的多數有啲腥味，呢間真係好好味，另外再叫了一客黎食。另外呢度有鐵板燒套餐，等我下次黎再試下先。如果係尖東返工都係一個唔錯既選擇。

點菜落單，都覆左我點咩菜都仲可以話無聽到。發緊夢咁。 另一個服務員仲好笑，人地叫佢做咩佢都聽唔明咁，我地問係咪漏左單，佢兩隻眼未訓醒咁，聽唔明人講野。到埋單又係搵呢個服務員來，就咁比本埋單本簿我，唔打開既，又唔出聲！呢間都叫向旺區做生意，搵個咩都發緊夢，一個連兩三個order 都記唔到既服務員，經濟幾好都唔會再來你度食啦！野食真係好一般，好好食又唔到囉！如果用呢個價錢買咁既服務態度唔值。我男友生日都想佢食得開心！

跟老公慶祝結婚週年飯，老公知道我很喜歡食日本鐵板燒，所以就book 左呢間鐵板燒，入去之前發生小插曲，可能隔離枱有小朋友唔舒服，嘔到地下污糟哂，但他們沒有通知經理，好彩經理發現得快，即時搵人處理清潔。而經理都好好，即刻幫我地轉枱，不過當晚太full，最後冇bar位坐，鐵板燒就係要坐bar枱睇住燒，燒完即上碟食架嘛，攪到有d掃興。講返食物質素，一個餐$600-700 都可以接受，有大蝦，元貝，有炒飯，有炒野菜，有甜品，而壽司及黑毛豬另外叫，味道中規中矩平平無奇。

本身這間餐廳的確不錯特別是午餐 ， 去過兩三次之後 發現啲食物質素有變 他們告訴我就是沒有貨 要轉貨過一排就會回復原本質素，結果 食物質素越來越差，原本受歡迎的午餐加價了 有加一服務費 還可接受，但特別內裡的蝦，牛柳已經換了品質，轉差了很多，可一不可再了 蝦 越來越細隻了, 牛柳質素大降, 整體上完全非常之失望, 前菜同沙律的質素也越來越求其

對上星期同班朋友去開呢邊吃飯,就黎到呢間門口睇落幾”高大上”既日本餐廳,但望個餐牌,價錢又唔係話太貴,而且果陣咁o岩都唔洗等位,所以就入左黎試新野。坐低之後先發現,呢間野食種既種類都幾多，除左日式裡面基本要有既刺身魚生同埋鐵板燒之外，仲有埋串燒，和食,打邊爐等等,而且價錢適中,應該都係走中高檔路線。我地一人叫左個「午市特價定食」,個三文魚飯都幾好食,而且好大份,岩曬我呢D大胃口既人黎食,最後埋單每人都係一百蚊到,值得黎呢到試下。