好佰佰

營業中

休息中

今日喺火炭一個活動中心開會，開會開7點先散會，同事話食埋飯先返屋企，咁一齊喇，一齊過去駿洋邨商場1樓茶餐廳，可能屋邨關係晚上生意都比較靜，餐廳只有兩三成客人。燒鵝三拼飯，亞姐話係預設咗燒鵝、油雞、叉燒，無得揀的，叉燒唔係好似燒爐出品，似係焗，係唔同風味都好食，油雞切咗雞髀位置得3件仔，雞皮夠滑。燒鵝就比咗最肥近尾部位，係好香鵝油味，不過就無肉，有人最喜歡這部位，我喜歡啖啖肉唔多識欣賞，燒味整體味道唔錯。焗豬扒飯即叫即焗，豬扒軟軟炒飯底，上面有菠蘿、洋蔥、蕃茄茄醬芝士焗好香，灑咗香草落去，又係唔係個個人都會欣賞。

今日和朋友去咗火炭買床品，不經不覺行到下午1點鐘，知道駿洋邨巴士總站有巴士出返尖沙咀，就行上去搵食，食飽先搭巴士出尖沙咀，駿洋邨商場店舖不多，但食店就有4-5間，我地選擇咗商場一樓嘅呢間好佰佰，店內都幾大但人很多，見兩個吉位即刻坐低叫嘢食，朋友叫咗個午餐，黑椒汁牛排腸仔蛋飯加凍檸茶。我就叫咗餐廳精選菜式，梅菜扣肉叉燒飯加熱即磨咖啡，好搞笑精選仲平過午餐，啲定價真奇怪。朋友話佢個飯都幾好食，我個飯甜梅菜，腩肉淋，叉燒就合格，價錢係合理。

今早去行山，終點位於火炭工業區，又到午餐時間，想起月頭才到過的茶餐廳，位於火炭駿洋邨的好佰佰，就提議朋友近近地醫肚，今次我們坐在近窗的卡位，景觀開揚遠望沙田，都不錯。今日朋友點了午餐雪菜肉絲炆米，我試咗少少，味道都唔錯，係即叫即炒，有啲鑊氣，就係覺得水分多少少。常餐煎豬排蟹王麵餐配火腿奄列.丹麥多士豬排煎得香，蟹王麵軟硬適中，火腿奄列正常無特別，丹麥多士就好似普通多士，仲要烘得唔脆。最欣賞依舊係即磨咖啡，香濃。感覺環境衛生度比上次體驗還低分了一點點。

今日喺火炭早收工搵地方食個下午茶， 今次 揀咗呢間屋邨嘅茶餐廳 -好佰佰， 店舖環境 乾淨企理光猛 ， 地方都幾大 ，行過門口見到餐牌 下午茶都幾多選擇同抵食， 我哋叫咗個乾炒牛河同星洲炒米。星洲炒米:即叫即炒， 裏面有蝦有火腿有 叉燒， 上面再灑咗 蛋絲， 都好豐富👍 香辣適中， 米粉質地夠乾身 好惹味。乾炒牛河: 上枱時熱氣騰騰 ，食得出 有鑊氣，牛肉鬆軟 唔會有根，河粉有嚼勁。凍奶茶： 茶味幾香濃，夠滑。嘢食幾好食，不過服務 就有待改善😅

今日某品牌喺火炭工業區開倉， 於是約咗朋友諗住一齊去掃貨，不經不覺行咗兩個鐘， 大家都買到心水貨品，準備走人，唔係喎，肚餓添！睇下附近有咩食先，知道火炭有條新公共屋邨喺附近，決定過去搵嘢食，上到去見到間名為［好佰佰］嘅茶餐廳，餐廳光猛都幾大間，圍住窗邊大約有十張卡位，我地揀咗一張坐，入坐時啱啱兩點，餐牌寫下午茶2：30開始，但又咁啱聽到隔離枱落單下午茶餐，於是問一問侍應生姐姐有下午茶未，姐姐答有。於是我們點了兩個下午茶餐。炸雞髀沙律飲熱咖啡😋炸雞髀新鮮即炸熱辣辣皮脆，炸得有少少過火，不過都幾好食。沙律有驚喜，唔係話超級好食，但覺得好新鮮好清新， 墊底兩塊生菜都好脆綠，唔似喺雪櫃雪咗好耐嗰種。咖啡係即磨咖啡幾香濃。吉列豬排奶油豬配熱奶茶😄吉列豬排同樣即炸，切開豬排發覺雖然炸粉厚過豬排，都係接受到嘅程度，奶油豬面脆底就唔夠脆，尚算好食。奶茶夠滑茶味濃。38蚊下午茶餐對得住價錢，份量足，質素唔差。

無論堂食定外賣，都係一樣差，食物質素都愈黎愈差，執外賣個個好似欠左佢咁，唔想有人幫襯其實就唔好打開門做生意，就算平都唔想在去比錢受氣，而堂食都係叫極都扮聽唔到，落張單慘過咩咁，足足等半個鍾先落到張呀，上菜又慢，同趕客無分別

下午買了一個燒味雙拼飯，凍檸茶！燒味飯大約2至3分鐘已經做好，但再等了10分鐘凍檸茶仍然未做好！（當時堂食及外賣沒有顧客等，所以上前問包外賣的職員我這個飯還要等什麼！這位職員答我：等凍檸茶囉唔係等乜嘢啊！另外一個職員說水吧在睡覺，沒有人沖飲品！今時今日還有這樣的服務態度！

黎呢度食嘢，好似欠左呢度啲人咁！超級差，似住有隔離酒樓同一集團唔休做就可以咁既態度茶餐廳唔要求你有服務有態度，但都唔係呼呼喝喝，一句我唔得閒大哂落單明明講左3次都聽錯，仲要話番你轉頭真係祝呢間嘢生意興隆

洋蔥豬扒飯🧅🐷🐷🧅洋蔥嘅香甜同豬扒真係百年好合，😋點煮都好食，🏡亦係唔少家庭嘅常用菜式，👨‍👩‍👧‍👦所以好容易食出家嘅味道！🧇最地道的美食，往往能勾起心中最深刻的回憶。

叫個外賣，樓面d人 就叫 嗌你呀聽五到呀？哇心諗 你嗌得咁細聲我點聽到呀？好似差佢錢咁😅我都知你地五休做架啦 態度差成咁 衰過出面旺角d茶餐聽呀大老 🤣🤣🤣🤣🤣🤣🤣🤣🤣🤣🤣🤣🤣🤣🤣

叫左個外賣，啲叉燒係燶嘅，仲要燶到苦既都出俾客😒認真覺得，佢地價錢雖然平，但係食物質素麻麻地，可能係想搏外賣客唔會返轉頭投訴佢掛🤷🏾‍♀️為左慳個幾粒叉燒做衰自己名🙄

行山後食下午茶是旦搵最近估唔到商場最高果層都有餐廳見佢門面有燒味好靚就入去試試估唔到下午茶咁多選擇冬陰公豬扒湯飯👍🏻😋好食過泰國菜館個湯好濃另外更係叫燒味啦叉燒瀨$20 份量正常加飲品$6 都ok 杯咖啡即磨唔錯

平均一星期都光顧一至兩次，食物水平不過不失，但染紅色頭髮既收銀態度極之惡劣(不止第一次發生，也經常俾客人投訴！) 我黎食野唔係黎受員工氣😡剛才買半斤叉燒，因銀包只得一張五百蚊紙，收銀話：我地只收一百蚊紙，唔收五百蚊架喎！What? 唔收五百蚊紙我真係第一次聽，加上你貼出黎既告示都係話唔收毫子。咁我就直接話唔落單，取消，我冇錢俾。收銀先話落左單啦！冇得唔收，先肯找錢俾我（明明見住有好多張一百蚊紙）再有下次直接投訴😒

收工就去食個晚飯醫肚我哋就火炭的「 #好佰佰 」餐牌上的食物好啱我口味之外仲有我最鍾意嘅看燒BB乳鴿二話不說即刻入去試吓先🤤⊰⊹════════════════⊹⊱✎ 食後感 ：✨二人套餐 : 先飲老火湯濕一濕口🤎️「 #酸菜魚 」呢一盤酸菜魚頗大鍋咁有份量二人食唔使爭食先飲一啖酸菜魚湯味道很濃郁哦還有魚的份量很多魚肉質感滑溜但食唔到有味不過欣賞佢入面配菜非常足料可以索哂湯底嘅精華味道配以白飯一齊食就更match💛「 #香燒BB乳鴿 」點少得我最鍾意食嘅乳鴿即叫即炸新鮮美味果然係好Juicy啊而且肉質好鮮嫩令我哋食得好滋味❤️「 #尖椒回鍋肉 」回鍋肉肉質鮮嫩最喜歡半肥瘦咬口的感覺而且佢嘅醬汁少少辣好惹味仲好有鑊氣是送飯一流的家常小炒！再飲埋杯暖笠笠嘅熱華田為呢一餐咁豐富嘅川菜晚餐畫上句號

駿洋邨正式入伙都已經好一段時間，商場食肆交通🚏都運作了好一段日子，與之距離十多分鐘⏰步行路程的我其實一直都沒有來過這裡😅，這次就趁假日走來這邊吃🍽早餐，順手看看這個新屋邨🏙沙嗲牛肉出前一丁 配 自選兩款食材 及 牛油多士 連熱飲 $35 （+$3 冷飲）（+$3 轉奶油豬或蘿蔔糕）香港人愛吃出前一丁，但要在茶餐廳吃這個就要額外💸收費；可是這裡就有一個「出前一丁」系列，連自選兩款食材跟多士和熱飲不過$35，不配自選食材也只是$30，很便宜😆呢！麵身煮得不錯，出餐時偏硬一點直至送到客人口中就變得剛好👌🏻！湯底不算有太濃郁的沙嗲味，添加最重點✨的麻油包也好像沒有麻油香，始終前者味道較濃必然遮蓋後者，如果我點其他口味的會比較好☺️沙嗲牛肉份量多，不過味道跟肉質就中規中矩沒太驚喜💁🏻‍♀️；搭配的自選食材點選了太陽蛋🍳跟香腸，略嫌太陽蛋有點太生，香腸味道正常自問不是太愛吃茶餐廳🧈牛油多士的我（澳牛另計！），看到這裡可以加錢另配奶油豬或蘿蔔糕這個加配選項表示很可以🥳！加配了一件蘿蔔糕，一般只有快餐店有這個選項，這店的味道不錯，😋煎得香口～ 而熱奶茶就正常發揮，以這個價錢絕對滿足🥰！店家位於新落成公共屋