好包 (已結業)

山長水遠入黎元朗，35度高溫去同事的村屋天台燒野食，是一件玩命的行為！既然入得黎，一定要叫同事仲紹呢區食好西！我地食左幾間，因為鍾意周圍食下野，所以唔坐低食正餐，其中一間記係食無骨雞翼包通常食雞扒包、雞柳包，但雞翼因爲有骨所以唔會用來夾包，但有人去左骨服待本大爺又唔同-蜂蜜無骨雞翼包-好食！用既係法包，店員係烘暖佢先，雞翼係無骨雞翼，岩哂我呢啲懶人😄，夾埋蜂蜜醬好好食！入面有生菜，洋蔥，唔鐘意可以叫店員減左佢，即叫即做，等大概10分鐘都ok!值得encore 👍🏼-秘製慢煮豬腩肉包-朋友叫左呢款，呢個味道就一般，冇咩太大特別，一個普通豬肉包，所以都係推介無骨雞翼包

上網見咁多人推介 比佢個無骨雞翼賣點吸引左 所以就想一嘗無骨雞翼包既味道 今次買左蜂蜜無骨雞翼包同加配$8菠蘿青檸蜜 食落味道整體唔錯 平日我都不太喜愛這款麵包 但今次一嘗就對這麵包改觀了 咬落去麵包鬆軟 配埋甜甜地既醬汁加埋已經去埋骨既雞翼 絕對係非常啱晒我呢d懶人食 至於飲品方面 酸酸甜甜係夏天飲既時候非常解渴最後 服務方面有待改善 等左勁耐都未到我地 但眼見遲買既都快過我地 之後就去問店員 佢就話我地個號碼叫左好耐 最後發現原來係個女店員叫單號勁細聲 企遠左係完全唔知佢有叫到號碼囉無理由要全部客人企晒係個收銀面前等聽佢叫號碼掛同埋店員明明眼見企遠左既客人係未攞包 都無動於衷 唔會再叫多次號碼 仲要晨早將個包同凍飲品入袋 令到枝野飲都已經唔凍 服務態度真係有待改善

一間以無骨雞翼包做主打的小店，雞翼包有四種不同口味，包括：香蒜椒鹽無骨雞翼包、香草醬無骨雞翼包、青咖哩無骨雞翼包及蜂蜜無骨雞翼包，此外，還有飯及飲品供應。今次我點了香蒜椒鹽無骨雞翼包及桑椹蜜，包方面該店選用意大利包，包烤得外脆內軟，無骨雞翼啖啖肉，再配上青瓜片、生菜及沙津醬等，口感豐富，桑椹蜜微酸甜度適中，絕對是誠意之作!

見到有至愛嘅豬腩肉即揀！即叫即整，入口熱辣辣，用左好好味嘅ciabatta做包底，烘到岩岩好，外面少少香脆內面軟熟👍🏼慢煮豬腩肉好厚肉，每塊都係半肥瘦好平均，應該係用秘密嘅魯汁煮，非常夠淋同入味，入口即融，客人點左，會再煎一煎，好juicy！配料亦都有用心配搭過，加左青瓜片同蘋果片，非常解膩，食左都唔覺有罪惡感😂當然唔少得Bap應有嘅西生菜同椰菜啦，有肉感得黎有爽脆嘅口感！認真唔馬虎，下次一定要試埋其他包🔥

近年看元朗愈黎愈多人專誠入黎覓食，發現好多特別野食，由其哩個雞翼包，無骨雞翼係最吸引嘅賣點，知道食雞翼真係要好有麻煩，要拆骨先食到，所以出哩個無骨緊係要食返次，仲有好包嘅包係每日新鮮製造，所以要試下。今次點咗個招牌食，雞翼醃得入味，加上蒜香味好吸引，入口雞肉都幾多汁，幾滑，仲有個包真係幾鬆軟，價錢雖然都有返咁上下，不過一次半次係可以嘅，唔洗自己拆骨食，係要咁嘅價錢嘅，不過地方就唔大，要係附近食，要小心啲蚊。

本人最愛最愛就係食包啦，無論漢堡包抑或普通麵包定係蛋糕只要係麵粉做嘅包我都鐘意就係咁我就俾尼間名為「好包」既店吸引左來試啦店門面有教大家點食包😂😂⬆️⬆️這裡還有各式蜂蜜飲品擺設⤴️⤴️⤴️尼間小店位於元朗既一個小角落，大家都知元朗出名小食多，而尼間隱世「好包」主打無骨雞翼包，有香草🌿、椒鹽、蜂蜜等口味而我可能太夜晚上7點左右來所以香草味已售罄轉左食《蜂蜜無骨雞翼包》$35另配健康蜂蜜飲品原價$16加配$8我加配左《蜂蜜綠茶》由於店內只有兩個人，即叫即做所以要等大概15分鐘先有得拎每個包有3隻無骨雞翼再配青瓜絲同菜,蜂蜜好甜好惹味而且吾會太油配合青瓜絲同菜整個包好清新，兩個包樣就似豬扒包加牛油烘過脆卜卜所以包裝提示大家5分鐘內好食啦以尼個價錢來講算係好抵食啦簡而精既好包，而蜂蜜綠茶好健康似飲緊涼茶

係Facebook page 睇到好似好好食咁，我細佬大人叫我去買比佢食。好啦！我就去。舖頭細細都唔算太難搵嘅，門口有張企枱可以企係到食。我相信小店即叫即做。所以需時等候！我買了兩款包 蒜香椒鹽味和蜜糖味雞翼。包裝上有寫建議5分鐘內吃！外賣有紙袋裝好！其實食得出小店係用心製作，雞翼好有咬口，去左骨好多肉，麵包又唔會乾，不過我們覺得其實雞翼同麵包係未能融合在一起。不過總結味道係不錯，都可以一試。$35 大洋值唔值就見仁見智，有朋友想食我都可以再食嘅

呢間小店喺網球場隔離既一個角落鋪頭冇位本身冇檯凳但隔離有d位可以坐喺度食今日黎到唔係好多人大概等四五個人左右叫左兩個包香蒜椒鹽無骨雞翼包呢個包蒜味同椒鹽都好重 兩者都十分夾雞翼鋪頭人手去曬骨 食落好滑而且啖啖肉 好正但稍微覺得佢乾左少少其他幾款幾無骨雞翼包會多d醬汁估計都會冇咁乾秘制慢煮豬腩肉包呢個包一見到既時候有少少失望明明張相係有三塊肉疊起架點解我呢個得兩塊肉平放既食落覺得豬腩肉唔夠肥 甚至有d乾麻麻地

事緣買包可以以$8優惠價換飲品 第一次落單果陣我話唔加 後尾大熱天時企喺街邊等等下又想加返 走埋去同個收銀女人(疑似老闆娘)講 佢首先黑面 繼而喺收銀機上顯示銀碼為$16 我一於唔理佢 照比$10蚊紙佢找 此時佢居然黑口黑面話「今次照做比你啦 下次無」無尾音加黑面 唔知以為係我賣返比佢 所以今次經驗太差 唔會再有下次 嘢食幾好食都冇用 我絕少寫食評都要專登上嚟寫佢 想食到一肚氣就去啦🙄平心而論咁講 食物真係唔差架可惜嘅係可能自己生意 滿不在乎

Couple & the Bao顧名思意，由一對90後情侶開設，主打的就是包。這包有異於Soho的Little Bao，因為店主堅持自家即日製作意大利Ciabatta。這裡還有兩道名物，一是已拆無骨雞翼，二是秘製慢煮豬腩。是次選擇了香草雞翼包，Ciabatta經烘烤後，捧在手裏暖暖的，初時有淡淡麵包的香氣，後來即被煎雞翼的香氣蓋過了。Ciabatta外脆內軟，雞皮煎得香脆，雞肉細嫩多汁，還有些青瓜生菜以解油膩，想不到此包豐富的口感。煎雞翼的香氣奪去香草醬的角色，不過，雞皮的香脆和雞肉細嫩之口感實在滋味非常，雞翼去了骨吃起也十分方便，下次可試試濃味些的選擇。小店該有其獨特的出品，而非一窩蜂的順應潮流，在香港已有太多千篇一律的咖啡室、所謂隱世小店等，提供的是裝修、過於吹捧的食材，沒有靈魂、沒有用心的食物，很浪費。

👫呢間小店👱🏽‍♂️👱🏻‍♀️想試好耐👾 今日👱🏻‍♀️嚟到元朗gel甲終於試到🤗 仲同左👱🏽‍♂️一人一隻包🙆🏻‍♀️ 一一一一一一一一一一一一一一#香草醬無骨雞翼包 <$38>雞翼包有四款口味：香蒜椒鹽、蜂蜜、香草同青咖喱💕 今次👱🏽‍♂️揀咗香草醬味，一打開個包，綠油油咁💚 Total有三隻無骨嘅雞中翼，啱晒啲鍾意食雞翼又唔想啃骨嘅人👍🏻 包裝得幾好，食嘅時候雞翼唔會走位、唔會漏汁👅 即整即烘嘅意大利包唔算脆但比較硬身🤔 配料方面仲有青瓜、生菜，同埋自家製醬汁，溝埋一齊超正🤤 香草醬🌿睇落好濃好多，但其實唔太重香草味😳 雞翼雖然煎過但都keep到肉汁，食落好嫩好滑，值得一試🖖🏻！#香蒜椒鹽無骨雞翼包 <$35>同樣有三隻無骨嘅雞中翼，面頭鋪滿咗椒鹽碎粒🤤 食落雖然比較乾身，但加咗Wasabi醬同檸檬汁嘅自家沙律醬，食落就啱啱好😳 非常惹味🖖🏻 意大利包烘得比較硬身，如果軟熟啲會更正💞 下次嚟要食埋呢到嘅招牌秘製慢煮豬腩肉包😆一一一一一一一一一一一一一一👾驚喜指數：❗️❗️❗️🔙翻撻指數：❗️❗️❗️❗️（5個❗️最高）一一一一一一一一一一一一一一💑提提你：▪️店外兩個企位，客人

元朗工作食午餐好幸福，因為太多選擇，今日唔太肚餓，記得同事介紹呢間漢堡包店！去到門口在路邊轉角位，好在旁邊係花糟，所以唔會好迫，黑白色開放式廚房，店內做晒廚房位，只做外賣，漢堡嘅款式唔多，揀好就去收銀落單，攞飛等叫號碼！仲有台式飲料，店內只有兩位店員，落單後可以睇晒店員烘包同煎肉！油煙唔勁，抽風應該唔錯！焦糖洋蔥大啡菇包（$38）店家包得企理，包紙再加小三角紙袋，包裝上提醒建議5分鐘內食，防止漏汁，意大利包烘過外脆內軟，入面啡蘑熱辣辣，多汁煙韌，生菜淋咗，索咗汁好味，芝士半溶香口，好好味！不過份量細，男仔應該唔夠飽同事食：蜂蜜無骨雞翼包（$35）香蒜椒鹽無骨雞翼包（$35）店員斯文，不過無乜接觸立食期間都見到有學生來買！

放假入元朗睇戲  趁住未開場就去左搵依間小店試下果然名不虛傳 好包！買左個椒鹽無骨雞翼包試試！個包都幾大個有3隻雞翼係入面 即叫即煎 啖啖肉超正！無骨雞翼依個發明真係好偉大椒鹽同炸蒜脆脆地 好香蔬菜亦配搭得好好 有生菜洋蔥同青瓜食落好清新唔會漏好想試埋豬腩肉包

[ 元朗高質小店 | 果然無令我失望😍]••一直想食好耐...第一次到訪竟然無開🤦🏻‍♀️我係元朗做facial，一個月都去元朗2次，都無機會去😾因為每次我提議去食，男朋友都唔願意去食包🥪今日終於比我去食到，好感動要即日出post😭(平時post一個月前食既野👻)-🔹蜂蜜無骨雞翼包($35)⭐️8.5/10自家製的意大利包內外層都烘到好香脆，包好軟熟👍🏻有生菜青瓜紫洋蔥墊底🥒個三隻雞翼無骨真係太爽了！入味又嫩滑既雞肉，仲有我至愛既燶燶地雞皮😻蜂蜜味道非常突出，每一啖都甜甜的，感覺好幸福喔❤️-🔺仲有蒜香椒鹽味、青咖哩味、香草醬味🌿仲有豬腩肉包🐷我下次要再去食呀！(聽到未啊?☺️)🔺之前死都唔肯去食包的男朋友，都食到lamlam脷👅佢話要比8分🏅-

西菁街屬於元朗市腳程較為遠的地方, 不像大馬路, 又新街般交通方便,  但老實說, 那邊好吃的店絕不比又新街那邊少, 像這次的「好包」便是一例.之前已從不同的媒體聽聞過這家店子的雞翼包很有名, 但抱著百聞不如一試的心態,  還是親身拜會一下方知味道如何. 此店位於西菁街, 要是從西鐵站步行到此要大概15分鐘的路程, 就在網球場的旁邊.  是日來到, 門面已有5-6名等待取食物的食客.   店子並沒有座位,  但在其對面的花槽邊設有幾張小方几供食客擺放食物.  菜單的選擇不算太多,  有6款不同的包及兩款飯,  包的價格約為由$35至$42, 亦算合理.   我點了香蒜椒鹽無骨雞翼包, 是喜愛香蒜及椒鹽的香口,  另加一杯洛神花蜜梳打.雞翼包是即叫即製的, 下單以後便安心等待店員把包炮製好,  店很開揚,  可看到廚師不斷的在煎雞翼.  我在店外等了10分鐘, 食物便已準備好了,  可能是因為食客不算太多的緣故.論雞翼包的賣相, 意式麵包中間夾了三隻外皮煎得金黃的無骨雞翼, 灑上金蒜, 下面墊著生菜, 青瓜及蕃茄等配菜, 拿上手還可感到麵包的微溫.  一口把所有材料咬下,  雞翼煎得外脆