好叉好味 (港灣道) (已結業)

Lunch港式外賣店😋呢一間係外賣自取專門店 霸氣係Lunch只開12pm-2pm 其他時間都唔開 仲要間鋪係商場裡面比較隱蔽 食物選擇唔多 所以專門做一件事情既食物都真係好食😝 灣仔臥虎藏龍外賣店🤤🍖🍚辛麻叉燒菜飯🌶️ $58呢一間既招牌菜飯 佢整嘅辣椒真係整得好好食 真係辛辣得嚟又帶一點麻 辣得黎又係大家可以接受到嘅辣 又唔會蓋過叉燒既味道 所以真係啱啱好 加上佢啲叉燒有肥有瘦 口感嫩口細滑 最後頂頂仲有流心蛋 配搭得非常之好好食 真心推薦

朋友見到話見到網上好多人推介叫我試試，叫我試下再話佢知掂唔掂😂。衝到通去以為排長龍，點知又唔係多人，原來大家open rice 落咗單，直接上去拎，唔使等，仲有折扣。咁我趕唔切，唯有付全費。一心想試辣味，點知賣晒。所以試下柚子味，加埋果隻溫泉蛋，真係真心正！第二次試到辣味反而無驚喜添喎！佢賣點係一層叉燒一層飯咁一層層，可以食到底都可以有餸送飯，確實唔錯。唯一唔好就係面果幾層會好濕，但食到底層又會覺得太乾。所以第二次再食時，就插深d 諗住可以撈勻嚟食，點知，啪一聲連隻叉都斷埋😂😂。有機會再試埋佢個原味先😋

今日去咗會展附近，諗住就喺附近搵嘢食，結果行過對面瑞安中心兜咗個圈，間間餐廳都好多人，之後就俾呢間好叉好味吸引咗😋其實沿路都見到好多人揸住一一杯杯嘅外賣已經好好奇！原來就係佢！！雖然佢靜係得外賣，但係lunch time 佢勝在夠方便快捷，而且佢剩係得三個飯可以揀，啱晒選擇困難嘅我😂最後我地揀咗柚香叉燒菜飯同焦蜜叉燒菜飯，再加個咖哩墨丸。啲叉燒切到四四方方啖啖肉，而且唔韌唔乾唔鞋口，仲要有埋個燶邊，再加上個流心蛋黃，真係好好味😋柚香叉燒係有驚喜嘅，估唔到係可以咁Match，柚子清新嘅味道中和左食肉食得多嘅油膩感，好適合想食肉但又覺得滯嘅人咖喱魚蛋就食得多咖喱墨丸就真係第一次食🤣 可以見到佢咖喱墨丸嘅咖哩係煮到好似咖喱醬咁，小食嚟講呢個質素好OK

之前見人推介過呢間 但個時見到係觀塘就覺得太遠無去到食 點知而家開左係灣仔 好近我～ 所以今次食lunch 就試一試佢！😚佢有別於一般既叉燒飯 唔係一個外賣盒 而係有一個筒裝住 😱而且有心思既位係一層叉燒一層飯 咁食個時就唔會唔夠餸去撈飯食😍柚香叉燒菜飯 $58柚子超香 好似已經滲入左落叉燒裏面 焦蜜叉燒菜飯 $54我比較鍾意食呢個多啲🤣 夠甜☺️ 菜飯比較濕一啲 如果乾身啲會更加好🤔瑞士雞翼 $28入味 嫩滑👍🏻烏龍茶 $10雀巢檸檬茶 $8

好叉好味 (港灣道) 網址:地址: 灣仔港灣道6-8號瑞安中心1樓112號舖電話: 54022003=====================專一專注，個店只有义燒飯買，只做外賣，有唔同口味架叉燒，同兩款小食供應。$58 麻辣叉燒飯 加隻蛋 ，叉燒切粒口感同食開切對片，比較上來有咬口d,隻蛋就半熟可以吉開蛋黃撈叉燒，別有一番風味。唯份量比較細盒，同廣式大大盒燒味飯比，只有2/3 ，女生還好，男生食完未必飽。柚香lime 清新口感，橘子皮架香味，都幾得意，而店仲有傳統架蜜汁叉燒好彩買飯時有叫多份$28 咖哩墨丸，味道ok架，有咖哩香味。

公司附近的瑞安中心又有新的餐廳，這間餐廳專門做外賣自取，全店竟然只售三款叉燒飯。完全想像不到的受歡迎，當時12:50便所有飯也售罄了。幸好早了十分鐘到現場，但當時只有辛麻叉燒菜飯還有貨。辛麻叉燒菜飯 - $58叉燒飯以桶型紙盒分五層盛放：溫泉蛋、叉燒、菜飯、叉燒和菜飯這樣子。色澤紅潤的叉燒邊角稍稍有微焦，肥肉紋理清晰，少許肥肉與瘦肉交錯，肉質細膩緊緻，軟嫩多汁帶着點香甜口感，再拌以少許辛麻醬，不太過份辛辣，但又帶來更惹味的刺激感。溫泉蛋的蛋白似豆花般嫩滑，流出濃濃的蛋黃汁。菜飯有些蔥花和小唐菜絲，平衡肉類的肥膩感。瑞士雞翼 - $28鮮甜潤澤的瑞士雞翼一共有四隻，雞皮色澤通透沾滿了香甜滑溜的瑞士醬汁，裡面的雞肉則鮮嫩多汁。

瑞安中心餐廳多，是打工仔lunch的天堂，而我喜歡當中的叉燒外賣店 好叉好味。的確是好叉好味呀！.見到宣道單張上的橫切面，就知道這個高身的紙盒有好多layers，有2層叉燒，最上面又有溫泉蛋，個idea好創新喎。.而且叉燒是大大粒的，更有口感，啖啖肉好正。而且不會太肥，調味適中，有肉汁不至於太乾硬。特別是吃到一半，發現有更多更多的叉燒，有種莫名其妙的滿足感 lol而且用的是菜飯，燴製得很暖很窩心，感覺更加健康呢。叉燒方面有三種口味，蜜汁應該原味，而柚子就帶點清香。.小食方面，瑞士雞翼十分入味，睇顏色就知道。.準備得也很快，完全符合打工仔節奏。

難得上星期可以暫時脫離苦海，即刻黎一個高瘋會議，議題「生舊叉燒好過生你🤪」一桶桶叉燒飯桶好得意，而且包裝我好吸睛唷😍打破人類對叉燒飯嘅麻甩味道🤪叉燒都有三種味道：辛麻叉燒、柚子叉燒、焦蜜叉燒基底有三個選擇：白飯、菜飯、沙律辛麻叉燒菜飯 HKD58辛麻叉燒有微微辣味，入口更惹味！而且佢哋嘅⚠️叉燒飯份量巨多⚠️！！！以「叉燒-菜飯-叉燒-菜飯」四層夾心設計，每一啖都可以食到叉燒同菜飯！撈埋流心溫泉蛋一齊食更滋味！柚子叉燒菜飯 HKD 58偷咗午膳小隊員嘅一舊柚子叉燒🙈冇諗過柚子同叉燒都幾夾，叉燒帶果香味，清新又開胃！流心溫泉蛋令到菜飯更濕潤😝夏天絕對啱食唷！瑞士雞翼 HKD 28色澤鮮艷，若然再重口味啲就更滋味😝整體來講呢間嘅叉燒菜飯同小食偏向健康，叉燒肉比較多，脂肪比較少！配埋菜飯有更多食用纖維更健康！而且佢哋嘅食物調味唔會太多，味道比較清，可食到原材料嘅味道唷！有別於傳統嘅燒味飯😝⚠️叉燒菜飯嘅份量巨多⚠️唔係大胃王嘅你可以要求少飯👍🏻呢個價錢配埋呢個份量都幾抵唷😝會議結論：要好好珍惜願意同你食叉燒飯嘅女仔唷😌

係附近返工，過來呢邊食lunch，見到呢間係新開嘅外帶店，睇menu覺得還可以，一於試下佢啦~.🌸柚香叉燒菜飯 $58同事點左呢個口味，佢覺得叉燒比較甜，口感軟熟，搭配柚子蜜醬酸酸甜甜 唔會覺得膩。窩蛋唔會老，同菜飯攪拌后食好好味。叉燒份量足夠，食完成兜好飽。 .🌸辛麻叉燒菜飯 $58辛麻辣度係中辣，好似冇得揀其他辣度。味道好特別，好惹味。其實有兩層叉燒，一開始見到表面個層，覺得有d少。但食到中間發現原來仲有一層。.Lunch買完都好快就可以拎得，翻到office都仲熱辣辣~

WOW 又幾好食的客飯，一杯紙杯睇落細細碗，食落份量都幾多。因為開會所以遲了一點到餐廳，只剩下原味，辣的都賣哂了。叉燒夠入味，但如果可以用上再肥一點的肉同再燒燶D就會更加好食。菜飯的菜的比例都足夠。跟同事二人行，再加了一個咖哩墨丸，可能是外賣的關係，回到公司咖哩汁涼了變杰撻撻，口感不太好。

之前出去做野經過左幾次, 都覺得門口大POSTER個叉燒菜飯好吸引。今日終於抽到時間黎買個外賣。 鋪頭位置係瑞安中心, 好易搵, 一見到大POSTER就係!!MENU 好簡單, 就係3種唔同味既叉燒菜飯, 唔夠既話仲有2款小食可以加。今次買左2人份, 一個焦蜜叉燒一個辛辣, 再加個瑞士雞翼。鋪頭12點開門, 已經KEEP住有人叫外賣, 我12點到都等左10分鐘左右, 建議趕時間或者唔想等既話可以電話落單先。可能因為專做外賣, 個包裝都幾靚仔個辣啱啱好唔會搶咗叉燒既味道，又隱約食到蜜味。菜飯底食落好爽唔會好淋, 唔似上海菜飯超油個種,  夾層設計食到中間又會挖到叉燒, 其實都幾爽😂 成個飯味道好平均，唔會食食下得番白飯而冇汁。我自己覺得叉燒唔乾, 幾好咬口。總括黎講, 我覺得以叉燒黎講幾健康, 見到有D COMMENT話乾又多菜, 我自己覺得岩岩好, 同埋多菜少油少澱粉質又唔好太燶, 其實都好合乎依家既飲食法則,XD  推!

灣仔lunch hour人山人海，見到有新開嘅「好叉好味」，個名都咁得意，試吓先😂😂舖頭只做外賣，沒有堂食位，仲有好多OL喺度等外賣添😉等咗唔係好耐就可以拎啦，個包裝幾精美！原來而家做緊promo, 免費送一隻溫泉蛋。呢個係焦蜜叉燒菜飯，半肥瘦叉燒好香蜜糖味，咬落去好鬆化，唔會實的的咁，一口正方size 啱啱好👍🏻份量對我來講比較多，本身以為得一層叉燒喺面，下面係菜飯，點知食食下又有一層叉燒係下面，再有一層菜飯係最底🙈好彩係菜飯，食落唔會好漏

今日嚟咗呢度附近做嘢，餐廳選擇真係唔多。經過見到呢間外賣店，感覺上都幾企理，試吓囉！餐廳非常專一，餐牌得幾款食物，主打就係叉燒不過有啲比較創新嘅味道。我哋一人一兜飯再加一個小食。食物包裝唔錯，拎到返公司食個賣相都依然好好。我哋揀咗焦蜜叉燒菜飯。叉燒佢係切得比較厚身，食落口感唔錯。叉燒落咗好多蜜糖，味道偏甜，好啱我口味！咁多件叉燒都肥瘦均勻，食落唔會好乾好硬菜飯入面嘅小棠菜都好多，感覺都幾健康。小食咖喱墨丸都幾爽口，味道都唔錯！下次趕時間想食嗰快lunch，可以嚟呢度買外賣！

平日放lunch度度都咁多人😵 食黎食去都係個幾間連鎖快餐店真係有d悶見到公司附近開左間新嘅餐廳就即刻去試下新野🤩-#柚香叉燒菜飯 $58第一樣映入眼球就係流心溫泉蛋🥚撈埋落飯度有種幸福嘅感覺而叉燒就切成一粒粒正方形 好似一口牛咁方便易食 而且仲好厚肉至於菜飯就用左小棠菜 令到平日少食菜嘅打工仔都可以保持均衡飲食最特別係呢個叉燒飯加左柚子嘅香味 感覺清新而且好有創意😋-#辛麻叉燒菜飯 $58簡單黎講佢同柚香叉燒係差唔多不過調味就轉左做麻辣我就覺得呢個辛麻都幾辣🌶️🌶️ 而且同平日嘅辣椒醬唔同味估唔到叉燒飯都可以係辣 啱晒鐘意食辣嘅朋友-#咖喱墨丸 $28墨魚丸有秘製沙嗲辣汁 非常惹味而且口感亦都實淨 真材實料-有樣特別嘢就係由於飯盒呈圓筒形 基本上係冇辦法飯同餸一齊食但係餐廳將叉燒同菜飯分成四層 (叉燒、菜飯、叉燒、菜飯)食嘅時候有種食極都有嘅感覺呢一個設計就可以避免食完d餸剩返d飯 設計真係好貼心👍🏻-📍好叉好味 (港灣道) (灣仔)灣仔港灣道6-8號瑞安中心1樓112號舖

午飯時間去了附近的瑞安中心買午餐，見到這間好叉好味，一睇就知玩食字。餐廳主要以外賣為主，款式不多，只有幾款叉燒菜飯及小食，以紙杯仔盛載，非常環保。柚香叉燒菜飯：以高身的紙杯盛載，份量都唔少，飯面還有隻流心蛋，撈勻食令白飯有陣陣蛋香，比較濕潤，叉燒厚切，肉質嫩腍，帶點點柚子香，用了菜飯底令整體更健康。焦蜜叉燒菜飯：個人覺得叉燒帶有蜜汁焦香，比柚香更惹味，多了點炭火香。瑞士雞翼：雞翼滷得入味，甜香味十足，入口嫩滑。