好味餃子店

營業中

休息中

自從轉左工之後，已經有幾年無嚟過葵廣。難得屋企人有興趣去葵廣掃街，咁我就順道叫佢地陪我試埋呢間評價唔錯嘅餃子店🤓。星期一下午2點半嚟到，首先點左一隻雙併煎餃，等到3點再點個下午茶餐。本身想試芹菜餃，可惜當日無供應，所以煎餃揀左芫茜拼沙葛$49。等左7分鐘左右，熱辣辣嘅煎餃就上枱~~🤤呢度嘅餃子睇得出係即包即煎，所以餃皮無完全痴實；扁扁嘅餃子，兩邊煎到金黃香脆，由於餃皮無痴實，所以唔會有爆汁嘅效果，食落唔會有水潤感。肉餡中嘅菜比例較高，所以食落肉味唔濃；芫茜味香，調味亦較輕手，如果係湯餃嘅話，感覺會好健康。第一次見甘筍沙葛做餡嘅餃子，顏色好討好，食落微甜，但沙葛切得太細粒，無乜存在感，不過整體唔差，可以試。煎餃加醋，增添風味亦解膩😋。下午茶湯餃五隻+凍豆漿$33豆漿好特別，同平時超市嘅質感、味道完全唔一樣。佢個質地好似加左米漿，輕微少少杰嘅口感；味道似豆花味，甜度偏低，幾好飲。粟米湯餃明顯比煎餃大隻、飽滿、脹身，餃皮厚薄適中，黃色粟米粒若隱若現🙊粟米好多又爽口，加埋佢個脆辣菜脯，好好味。個魚湯都好正，飲落好舒服，又唔鹹，雖然係生魚湯，但唔會好腥，怕腥嘅屋企人都飲得到。原來十隻餃子中，有一

葵芳有好多好嘢食，應該大家都毋庸置疑～估唔到喺葵廣附近仲有一間好抵食嘅餃子舖頭🥟！ 下午茶餐$33就有交易，可以揀煎餃或者湯餃，仲可以雙拼添！我哋今次過嚟煎餃 同埋湯餃 都試咗，最推介都係韭菜餃，我自己就特別鍾意湯餃，每一粒既餡料都勁飽滿好，湯餃仲可以配埋佢哋嘅野葛菜生魚豬骨湯，超正！🤩🤩下午茶餐已經包咗嘢飲，我就揀咗比較特別嘅滋潤雪梨茶，啱晒而家秋天飲呀！🍂野葛菜生魚豬骨湯🥣（細碗）$26每日新鮮熬制4小時，不含味精，肉眼可見嘅奶白色，真正真材實料！呢個湯有養陰清熱、化痰止咳嘅作用，平時返工好少有時間可以煲湯，過嚟食個餃子，飲返碗就啱晒啦！

今日同阿媽係葵芳行街， 行行肚餓又唔想喺葵廣企喺度食嘢， 所以就落咗去天橋附近嘅餐廳搵嘢食。 見到呢間餃子店， 好多人食所以就入咗去。 餐廳係小店形式經營， 裝修簡樸， 但充滿人情味。 呢間餐廳主打家庭式嘅餃子， 每個人都食得津津有味。 我同阿媽見到餃子嘅賣相都流口水， 就叫咗幾樣餃子😆 1） 雲耳椰菜豬肉餃+ 韭菜肉餃（10隻） 配野葛菜生魚豬骨湯 - 個湯未到濃郁， 冇味精， 好有家的味道。 另外湯餃 皮薄， 餡料好多， 每粒都脹卜卜😋 2） 甘筍沙葛肉餃+ 白菜肉餃（6隻） 煎餃 - 煎得好脆身， 配埋秘製辣椒油菜脯， 好香口 3） 羅漢果甘草茶（凍）- 飲落好解菜脯既辣， 好舒服好清涼！ 推介大家去呢間咁有質素既餃子店！

聽朋友說，葵芳的好味餃子店 ，餃子十分出名。 所以， 贪食的我們，今天下午 ，我們便去到葵芳葵福大廈好味餃子店(葵芳) 下午茶。我吃了兩餸車仔麵，真是美味， 例如 碗裡的麵條滑嫩，搭配上鮮美的蘿蔔和爽口的榨菜。再來一杯冰涼的可樂， 在這炎熱的天氣， 解渴又提神。此外， 朋友 還點了一碗雲耳椰菜甘筍沙葛湯餃子，裡面有十隻餃子，湯頭鮮香，餃子皮薄餡多，咬下去瞬間爆汁。最後， 朋友 還點了一杯凍豆漿，清新又健康，結束了這頓下午茶。

今日係Keeta 叫咗$83 午餐, 點知一食啲餃子好重油膱味！ 打開個上海麵仲過分！ 一坺嘢咁完全食唔到兼且無味的！ 湯又冇🤬🤬跟住搵客服影晒相俾佢睇，竟然依間舖話自己啲餃子係新鮮包！ 啲油係今日先倒入去！ 係新喎！ 如果係新嘅話點解啲餃子咁重油益味! 唔好講大話啦! 做生意做到你咁! 你真係好快D執笠😡! 唔好呃人！ 跟住又話俾咗啲湯我😡奶有湯啊？ 呀姐！ 我成兜成個袋得兩位野！ 依個老闆仲喺度死撐！話啲湯倒落去食！ 冇湯又點食啊？阿姐🤬講咗幾次話俾你聽冇湯你又唔信我，我影晒相俾你睇！ 唔通我講大話呃你咩？ 自己錯又唔認呢間都唔知乜嘢舖嚟㗎！ 全數退返都好應該啊，成包嘢根本唔食得！ 餃子超級勁重有益味🤬🤬🤬⋯⋯啲麵一pat pat叫人點食！ 又冇湯！ 你老闆自己睇吓啲相啦！ 仲喺度屈個客！

湯餃皮薄外層都見到入邊內餡一粒粒粟米，湯冇味精味既因為選擇困難，所以揀咗雙拼煎餃外層煎到脆卜卜，就算相機食先都唔會冧咗仲有餃子必備菜莆，入邊有豆豉辣椒，少少辣唔係好食辣嘅，我覺得都會食到

下午路經好味餃子，香氣四嗌，於是入內淺嚐，發現驚喜無限。甘筍沙葛肉餃 大碗雙併(湯餃) $49清甜甘筍粒，爽口沙葛，加上足料的肉，材料配搭起來有微微的甜香味，令你一試難忘雲耳椰菜肉餃 大碗雙併(湯餃) $49清爽的雲耳加上椰菜。咬口十足，提升餃子的味道，加上足料的肉餡，必點之作 粟米肉餃 大碗雙併(煎餃) $49爽口粟米配上豬肉餡，咬落去有豐富肉汁，加上粟米爽口彈牙，包你食不停口 白菜肉餃 大碗雙併(煎餃) $49煎餃呈上有微焦已令人食指大動，加上白菜豬肉的經典配搭，實屬誠意之作好味餃子店葵芳禮芳街15號葵福大廈地下8號舖

再次回訪🔥呢間餃子舖主打無味精湯底，野葛菜生魚豬骨湯湯底，天然無味精，對於鍾意飲湯嘅人嚟講，絕對可以清哂成碗湯🔥我哋揀左兩碗雙拼餃子，包括粟米、韭菜、沙葛甘筍、雲耳椰菜，整體餃子都新鮮飽滿。野飲方面都揀左熱嘅雪梨茶，好甜！個底仲有雪梨肉，唔係落糖水，唔會死甜。📝舖頭開12點，大家唔好太準時去🙊啲餃子會未翻好貨😂

開門無耐就入去，但鋪頭未準備完，得幾款餃子揀😢▪️ 煎餃子 - 粟米肉餃（7/10）💲47（10隻）煎得唔算係太均勻，有啲會比較燶，食落就幾脆身，粟米亦清甜，不過成碟真係幾油，睇相都見到堆油🙈配上辣菜脯幾香口，尾段不得不加多啲醋黎解膩😂▪️ 餃子粉麵套餐 - 5隻湯餃 - 韭菜肉餃＋粉麵＋自制豆漿(凍)（6/10）💲47 個皮都算薄身，入口會偏軟🤔餡料飽滿，但韭菜味唔夠濃烈，粉麵只係得米粉或米線，可惜煮到太腍，配野葛菜生魚豬骨湯，味道清淡一點🥣豆漿略甜🥛🔎 整體評分（6.5/10）

店舖位置第一次去根據google map係有點難揾的！會被老點，哈哈幫襯過好幾次了，餃子皮簿餡多，好吃！尤其湯餃，湯冇味精$47十隻湯餃價錢都還可以。不過沙葛餃略嫌淡口了一啲，如果可以濃一點就完美了，唔多地方有沙葛餃食。

今次嚟到好味餃子店食午餐！呢到主打招牌無味精野葛菜生魚豬骨湯，每日用4個鐘新鮮熬製而成，真係好正好養生咁啊，個人認為湯餃嘅精髓就係在於湯底，所以梗係要坐低食返碗湯餃啦！餐廳座位舒適，桌椅之間留有充足嘅通道空間，唔會令人覺得擠迫～雙拼湯餃(10隻)💰HK$49野葛菜生魚豬骨湯呈乳白色，味道清甜！粟米湯餃賣相比較飽滿，餡料有好多粒粒粟米，好正！而雲耳椰菜湯餃就比較清脆爽口，同樣都口感十足～單拼湯餃粉麵套餐(5隻)💰HK$47朋友就叫咗湯餃粉麵套餐，餃子就簡咗白菜餃配幼麵加埋凍豆漿！白菜餃餡料都好多，內餡多汁，令人食指大動！呢個套餐果然係超值之選～呢度嘅餃子皮比較薄，口感柔軟！另外，食餃子嘅時候，推薦配埋自家製辣菜脯一齊食！呢到嘅辣菜脯與別不同，帶有少少豆豉同埋蒜蓉嘅香味添，令餃子特別惹味～

📍好味餃子店 （葵芳）今日嚟到呢間冇味精餃子店用嘅湯底係野葛菜生魚豬骨湯每日新鮮熬製4小時製成🍽️仲有好多唔同功效架例如養陰清熱 降火排中叫左一個湯餃粉麵套餐 $47我就揀咗粟米肉配上海麵湯底好清甜餃子餡料好足麵質彈牙滑溜😍另外仲叫咗雙拼煎餃 $49分別係韭菜煎餃芫荽肉餃芫荽肉餃啱哂莞茜控！好重茜味🤤韭菜煎餃好惹味兩款煎餃都好香脆😍食得好滿足又無負擔仲可以配埋蒜蓉醬食夠哂香辣😝最後飲埋杯羅漢果甘草茶即刻健康晒😌

手工餃子，家的味道。位於葵廣附近，小店不大，主打用心制作的自家制水餃煎餃。🥟韭菜白菜煎餃（十隻）照片都看得出的卜卜脆🤭餃子兩面均勻地煎得金黃，十分誘人。煎餃肉汁不算多，但肉餡飽滿料實在，十隻就算是男士也夠飽足了。🥦涼拌雲耳爽脆酸甜，很開胃的前菜。🥬灼生菜小店灼菜沒有下太多油很健康，香口野最好配蔬菜平衡下🤭可加蠔油調味。🥛自制豆漿推薦！自家制沒有粗糙的豆渣，很順滑。煎餃豆漿的組合，很配襯❤️

之前試過買佢地嘅生椰菜餃返屋企煮覺得幾好食 哩度有野葛菜生魚豬骨湯係每日新鮮熬製4小時不含味精由於想試埋佢嘅煎餃今次就嚟堂食試吓🔸雙拼湯餃（$49/10隻）餃皮夠薄、好滑！韮菜餃味道好濃。椰菜餃d菜好爽口，仲有啲木耳絲，個人鍾意椰菜餃。😋野葛菜生魚豬骨湯呈奶白色，入口幾濃郁，有養陰清熱、化痰止咳功效，飲多幾啖先！🔸雙拼煎餃（$39/6隻）韮菜餃好適合煎，煎仲仲香！貼埋煎餃個皮食落有煙韌d，口感幾好。另外一款係粟米豬肉餃，口味香甜。🔸 羅漢果甘草茶（$15/樽）係自家製，濃得嚟唔會有澀味，真心幾好飲👍🏻👍🏻仲好飲過出面涼茶舖個啲。

小店喺葵廣附近，主打七款口味嘅餃子，有湯有煎，另外亦可加配粉麵、小食同飲品。店內環境唔大但座位之間有適當距離，平日下午茶去都有唔少人，證明呢間嘢有啲料到😮下午茶有個超抵食嘅餃子套餐，五隻湯/煎餃子加飲品。湯底每日新鮮熬製四個鐘，不含味精，養陰清熱、降火排中，益處多到數唔晒，飲落暖胃，好好味道，唔怪得之有單點選項～湯餃要咗雲兒椰菜同甘筍沙葛肉，外皮唔算好厚，餡料飽滿，兩款帶咬口，而且味道較清新。韭菜肉要咗煎嘅，上枱時香噴噴，煎嘅話餡料就會比較少，但勝在夠香口又惹味！