好好冰室 (已結業)

一心想食個「星洲炒米好難」，要行過諗住呢啲小型茶餐廳，炒粉麵飯應該都食得下冇走雞。買到返嚟，外表好似仲見得吓人，一食落去得咖喱粉嘅味道，完全冇任何調味或鹹味，好似食緊白灼米粉溝埋啲咖喱粉咁🙄🙄🙄絕到連啲配菜、火腿，都可以係淡而無味。而杯凍奶茶，都可以差到冇朋友，完全冇茶味，飲緊花奶加冰水咁嘅感覺，到底點樣先可以做到咁差？建議大家，除非就快餓死，否則都唔好幫襯完全理解唔到，點解可以喺旺角咁多年仲生存到。

📴放工唔想煮，就梗係茶記幫到手啦！ 黎個快食晚餐！冬天最鍾意去茶餐廳食臘味飯，我係俾佢嘅煲仔飯menu 吸引入去嘅，點知今次想食啲菜， 就無揀煲仔飯，我揀咗芥蘭炒臘味飯，本來以為好似套餐，點知原來係碟頭飯😸仲跟杯飲品， $58 ok 啦我見搭枱對面啲”臘腸雞煲仔飯”好勁咁，又唔覺人哋咬好耐，但我啲臘肉同臘腸都幾硬，同埋冇潤腸，其實都幾失色，醫肚嚟講都OK嘅😆就唔好咁高期望，同埋佢唔知點解要加啲芡，可能想個飯冇咁乾，但係其實唔夾🤣🤣成間餐廳，座無虛席💪🏼大部分嘅人都係食煲仔，如果下次再去 我都寧願試煲仔飯，今次應該係我叫錯飯啫😅🥲我見到有遊客入去， 佢地都有英文menu, 同待應都有啲係可以英文落單，都幾好service😎😎

一去到未坐低已經「坤」我要落咗單先，但原來無位要等；等咗一陣有位原來係細size 卡位仲要同人share，由於對面已經坐咗個size 唔細嘅，都係決定再等。等到有位，但入面真係有啲嚇人，又迫又污糟。早知係咁嘅環境我一定唔會食。嗰個要預先落單，價值$82 嘅臘腸排骨煲仔飯，得3 嚿仔臘腸，雖然唔係難食，但亦唔算好食，不了不了。另外叫咗牛筋腩麵，不過不失，唔係濃湯嗰種，呢個有杯熱飲送，叫左杯熱檸茶，又係無乜味。總括而言，唔抵食，環境衛生差，無下次 👎🏻

幾個月前食過一次 覺得幾好食 今日喺附近睇完戲 就介紹個朋友一齊去食一次 唔知係唔係晚市時間比較繁忙 今次個煲仔飯太大火 嚟到枱嗰陣時一打開 已經一浸燶味 令到成個煲仔飯已經成浸燶味 本身想再焗一陣 但一打開已經聞到浸燶味，就知道唔可以再焗多一陣 所以有啲失望 冇第一次咁好食 可能師傅今次失手 上次真係好好食 其實都算抵食性價比高

尋日求期食個午餐，豆腐班腩飯，都多豆腐同魚柳，奶茶都唔錯，有時一個人貪平都食依間本來無咩值得提話說有一個亞婆入左黎問：有無廁所，有我就幫襯煲仔飯師父好好人咁話😁：你唔幫襯都比你去咁亞婆就坐低落單有個亞嬸係水吧講：你快啲起(煮)亞婆碗麵，等佢食完快啲走，最衰你，叫個亞婆入黎😡🤬其他枱都有人打躉。點解要祈視個亞婆 👌🏻👌🏻唔會再去

每次行過咗都有個叔叔企喺門口嗰度好殷勤咁叫大家入去食飯門口又有好大浸煲仔飯嘅味道經過幾次都想試吓佢一行二人嗌咗兩個餐芝士焗大蝦球飯（$68），另加凍奶茶3蚊焗飯熱辣辣，芝士白汁味道濃郁飯粒粒粒分明有咬口唔會軟腍腍美中不足係蝦球小小鞋整體都唔錯凍奶茶正常，但奶味較重另一個四川麻辣雞煲（$78）跟餐有飯，另加凍檸茶（$3）叫左小辣但已經好惹味雞煲雞肉嫩滑，配料吸哂啲雞煲汁都好正雞肉炒得有鑊氣而且份量唔少雖然價錢有點小貴但係旺角呢啲地段算合理凍檸茶則普普通通冇特別臨走時門口叔叔再主動同我地講多謝同拜拜都幾貼心總括來講呢間餐廳幾好食價錢合理見到每檯都叫煲仔飯，可以下次再黎試下

幸福的煲仔飯😌😌夠多款夠火候，黃鱔拼白鱔煲仔飯😝最幸福係開蓋飄來一陣極香又和暖的溫暖感，灑下豉油時吱吱叫，及最後煲底脆香可口的飯焦片🤤雖然呢個季節食一定無冬天食咁正🤣🤣雖然宜家裝修後好似無左之前果種好古舊本地感🤣🤣不過單憑門口位個呀叔，啲感覺番晒黎～好味指數😋：8/10翻啅指數🙆🏻：8/10 人均消費💰：101-200服務態度👨🏼‍🍳：7.5/10 乾淨指數🌝：6/10

天氣凍打算食個煲仔飯 難得經過見到有間茶記午市都有煲仔飯食就打算試下本身都怕伏所以只係叫左一煲臘味煲仔飯試試上到嚟個樣又難睇又冇香味一開就係得啲燶味 個底又燶又黑 冇飯焦臘味得果幾舊仔係面 幾舊仔臘腸潤腸同臘肉啲豉油冇味 撈曬都冇味食落一啲都唔香 得啲燶底味 冇臘味香啲飯擺到明係電飯煲煲完再放入去咁嘅嘢要70蚊真係食其他嘢好過不過呢個都唔叫極品見個煲仔飯唔得掂 兩個人食唔夠食就叫多個碟頭飯 叫左個泰式燒豬頸肉飯 點知嚟到真係俾狗食咁款白飯加左幾舊豬頸肉 上左加左啲蠔油 佢地對泰式係咪有咩誤會啲豬頸肉似普通炸豬排 又唔香又唔滑 仲要加蠔油真係唔知做乜成餐飯最正常係得杯奶茶 但都係一般奶味重冇茶香 澀口仲有啲苦 整體好淡味旺角咁茶記真係是但揀都唔好食呢間 嘥錢仲衝擊味蕾

今日同朋友喺旺角行街，行到5點諗住無晚市堂食前搵間可以快靚正嘅茶餐廳食個飯，入面大約有6,7枱客人，我見有客人食緊煲仔飯，好想試下，一坐低即刻就order左喇，5:15pm落單，朋友叫左個下午茶炒公仔麵，我就叫左個臘腸滑雞煲仔飯，凍檸茶，飲品等左一陣就上左，諗住都應該係有效率嘅，朋友個炒麵好快都上埋，我諗住煲仔飯都要啲時間煲，所以都未有催促，但5:35pm時仍未有，就叫啲侍應姐姐問下，但佢問都無問廚房，就咁同我講"整緊架喇"就企左喺度，完全無諗過幫我望下有冇漏單，咁就諗住再等多一陣，到左5:47分仲未有，就再同侍應姐姐講如果仲未有就取消喇，個姐姐都仍然話整緊，咁我開始唔耐煩喇，可能個姐姐都feel到，所以佢就入左去廚房問，但問完亦無諗住同我講返究竟個飯有定無，諗住等多5分鐘無就算喇，最後5:52分終於出現左，我就問個姐姐點解咁耐未有，個姐姐竟然同我講話廚房煲燶左我個飯，重新再整過，咁點解整燶左後唔即刻通知我呢？我可以選擇第二樣唔洗等咁耐。同埋個飯根本就唔夠時間整，無飯焦之餘，飯底有超多油浸住啲飯，啲米都只係差唔多熟，完全唔值得我俾$70,好失望，唔會有下次😩