好好運快餐店

營業中

休息中

星期六早上十時許, 為了品嚐報稱世一沙爹牛肉麵, 專程前往！不用排隊便能入座, 而吃後感是沒有沙爹味, 湯色濃, 只有咸味！配料牛肉, 紅腸及午餐肉也一般貨色！唯一可讚是員工服務態度良好！

平時好小食 沙嗲牛肉麵傳聞中好出名路經果頭就試下基本枱枱都係叫沙嗲牛肉今次叫左沙嗲牛肉麵紅腸蛋麵同沙嗲牛肉包 沙嗲牛肉包有下午茶餐都幾抵食麵底煮得好好軟硬合適中沙嗲牛肉落左麵都唔會好淡如果鐘意食濃味可以考慮食沙嗲牛肉包味道會濃好多整體黎講值得一試

星期六早上10點前去到仲有幾個空位落完單之後外面就已經開始排緊隊😆✨沙嗲牛肉雙蛋麵👉🏻沙嗲牛肉係偏甜嗰種又偏濃一啲花生味唔算好明顯👉🏻有啲炒咗嘅洋蔥啲洋蔥真係好加分👉🏻煎蛋蛋係燶邊嘅好好食！👉🏻麵既軟硬程度適中整體都唔錯！✨熱檸水檸檬都好新鮮冇苦澀味現場都坐滿人所以搭檯都係基本服務係茶餐廳既正常水平上菜速度都快👍🏻

唯一追求最出色嘅沙嗲牛公仔麵，今次特登嚟荔枝角試吓，我11點幾已經到咗，都見到有條人龍，證明佢真係好出名，足足等咗20分鐘，終於到我了！坐低就一定係沙嗲牛公仔麵啦，即刻加隻蛋同埋個個都叫嘅紅腸，叫埋杯凍檸茶，真係完美嘅組合！等咗5分鐘就有得食，首先，見到個沙嗲湯底上面有洋蔥，就知道佢嘅沙嗲湯底唔簡單，整體係唔錯！再試啲牛肉，首先份量都幾多，啲牛肉冇筋，唔會黐牙，啲牛肉整體都幾好！沙嗲牛配隻蛋真係完，另外講返啲紅腸，佢真係好闊綽，大大件，不過啲紅腸有啲鹹，可能太多份量，加埋原有嘅沙嗲汁，整體鹹咗啲，但不失為一碗好嘅沙嗲牛麵！整體都係值得排隊，如果湯底可以淡少少就一流啦！

最近我去荔枝角的好好運，品嚐了他們的沙爹極上牛肉紅腸和黑蒜出前一丁。雖然正值超級繁忙時間，但餐廳的氛圍依然熱鬧。沙爹牛肉紅腸的牛肉嫩滑，沙爹醬香濃，搭配流心煎蛋，讓人垂涎欲滴。而黑蒜出前一丁則是另一番風味，湯底濃郁，黑蒜香氣四溢，麵條煮得剛好，讓每一口都充滿幸福感。即使人多，服務也相當到位，讓整個用餐體驗愉快無比。絕對值得再來！

又一間出名食沙嗲牛嘅茶餐廳，仲要係人稱世一，所以今次一定要試試佢，一直都知道呢間沙嗲牛都會多人排，所以今次一早就嚟到，好在岩岩好有位，坐低左之後出面已經開始排哂隊。今次試左呢個煎蛋紅腸沙嗲牛，好大碗份量十足，好多牛肉而且紅腸仲要係勁大舊，沙嗲汁好濃郁，一啖湯一啖麵好滿足，見到隔離枱係叫炒蛋，個炒蛋感覺好似仲吸引過煎蛋，下次一定要再試炒蛋！！！另外仲叫左份鮮奶多，烘得岩岩好，又係好出色。另外佢嘅檸檬茶都係出呼意料茶味好夠，好飲！！整體而言，世一沙嗲牛呢個名係不負眾望！！

未寫過食評都忍唔住寫下.  都係荔枝角上班卜放, D 牛肉  唔係A5和牛, 但算得上係沙嗲牛肉面既頂流.  開頭見到78 蚊心諗有無搞X 錯. 但佢D 餐肉同炒旦既份量完全係交足課.  以前係隔離食完個常餐仲有少少空肚感覺,  今次食完覺得勁飽仲飽足幾粒鐘.   以一個食左超過1000 次常餐既人黎講我係俾98 分, 純粹留返2分俾我再發掘其他. 

「好好運快餐店」喺荔枝角區名店😅長期都要排隊，不過時間唔算等好耐因為點餐快，上餐快，大家又食得快！而且食客們多數都好自律，食完就起身走盡量都唔會慢慢留喺個位度坐電話吹水😅因為大家知道出邊好多人等緊位👍🏻不得不讚這裡的沙嗲牛肉真心好出色個醬汁十分濃郁😍牛肉大大塊每一碗除咗沙嗲牛肉之外，仲可以配多兩樣餸我揀咗炒蛋，同埋紅腸！😀😀炒蛋好大份，炒得滑👍🏻紅腸好肥好厚😬題外話，水吧都好出色😀杯檸檬茶沖得好好飲！不過唔記得影相😂推介👍🏻👍🏻希望下次有機會再食到😝😝

沙嗲牛肉麵配紅腸加煎蛋沙嗲夠味牛肉份量多，但牛肉煮得比較老。紅腸厚切，食落有味道，唔似一般舖頭切到薄唧貼，一啲味都冇，值得一讚煎蛋，雖然蛋味唔夠濃，但係煎到燶面蛋，值得一讚。麵質煮到啱啱好彈牙，入味。凍飲唔夠大杯，亦唔夠冰，因為食物夠熱（其實係好嘢），但冷氣唔夠大，所以杯凍飲唔係好夠飲，亦唔係好夠凍，建議大杯啲，多啲冰。環境冇乜特別要求，所以OK。但冷氣比較弱，建議加大冷氣。我係晏晝去食嘅，收$56唔係特別貴，但亦唔係特別平。因為只得一碗麵加一杯嘢飲。但冇得電子支付，只收現金就比較麻煩呀。因為找到一袋都係碎銀。

聽說這裡的沙嗲牛肉很馳名的, 這次我和西門先生一起來試試看, 我跟他同樣點了沙嗲牛肉麵, 飲品我配凍檸茶雖然價錢不算便宜$56 五點既時間, 一個麵一杯凍飲, 不過份量確實係交足功課的, 沙嗲牛醬好濃花生醬, 汁是濃, 但又不會死咸, 湯底都不是雞粉湯那種, 麵底似係大光麵(我不確定), 然後凍檸茶是很好渴, 勁篤檸檬都不會苦澀, 而且入口舒服, 整體是滿意的最最最令我感動的是, 凍飲雖然是紙飲管, 但不是入口會吃到牛皮紙皮味,飲到尾霉軟那隻啡色紙飲管, 那種飲管真的很倒胃口, 他們家是白的紙飲管, 但浸了一會都不會有紙皮味浮出亦不會軟, 這點要一讚! 地方座位空間感都算闊落, 整體衛生, 確實可以一試

🔹 沙嗲牛肉麵餐 ($56)終於試到傳說中最好食的沙爹牛長期都排長龍 今次自己一個人去可以直入！麵可以揀轉米粉、米通、米線、意粉我揀咗米通 食落有少少似年糕沙嗲味好濃 用洋蔥辣椒仔炒過但就係爭咗花生味🥲有啲似食緊大牌檔個種鑊氣炒牛肉牛肉份量偏多 食到最後都有滑蛋真係炒得好滑好嫩 無可挑剔💯腸仔係廚師腸 有煎香過👍🏽我覺得中意食沙嗲花生香嘅朋友一定唔啱食但以常餐/早餐嚟講都可以一試會畀多次機會試特濃沙嗲牛肉雙太陽蛋飯🍚┄┅┄┅┄┅┄┅┄┅┄┅┄┅┄┅┄#foodie #foodiehk #food #hkig#eatgoodd #沙嗲牛 #香港美食#egd_常餐 #egd_荔枝角 #荔枝角美食

I visited this restaurant twice and had very bad experiences both times, particularly due to the service from an older man. I believe service is the heart of any restaurant.The quality was poor, with dishes featuring what appeared to be frozen meat and spam.My dissatisfaction peaked when I accidentally left through the wrong door. Instead of a polite correction or guidance, the older man yelled at me and gave me an angry look. This was not only embarrassing but also completely unprofessional.

自從三星期前食完好好運，實在太掛住佢嘅沙嗲牛麵。於是忍唔住一朝早揸車出去荔枝角買外賣。🥰本來都擔心嘅外賣嘅質素會下降，誰知包裝穩妥，有分湯之餘，外賣盒亦夠厚身，拎上手唔燙手。😀跟餐有埋多士、熱飲，抵食😙⭕️沙嗲牛肉公仔麵，配榨菜、太陽蛋🐂🍳沙嗲依舊濃味，牛肉嫩滑、爽口，不過覺得外賣牛肉份量好似少啲。另外唔建議食榨菜，因為個湯本身都濃味，榨菜浸埋落湯度，令個湯鹹咗少少。⭕️沙嗲牛肉公仔麵，配雪菜、太陽蛋🐂🍳雪菜比咖喱湯嘅味道冚晒，感覺雪菜都係配米粉最正。🥦太陽蛋出色，蛋味濃郁，由煎得啱啱好，中間流心，正！貴為沙嗲牛肉關注組第一位，舖頭真係長期有人龍，唔想等嘅話，外賣都唔錯。😎

舊舖食過一次，覺得好鹹所以無諗住再去 但朋友未食過，佢好想試所以陪咗佢去食 上星期六10點去排隊，可能落大雨同埋都算早無乜人 所以等左10分鐘到就有位 我地入咗去坐低之後門口就開始又多番啲人排隊今次啲沙嗲牛相比起之前舊舖無咁鹹嘅價錢都好合理 $44 ， 仲要凍熱飲同價 （而家到到凍飲到要加錢 ，其實幾好 ） 個炒蛋幾厚 ， 佢地比好多牛肉 ，食極都好似仲有 😂 真係足料 ！ 暫時試過都覺得佢啲沙嗲牛肉係最好食嘅不過個人口味覺得如果無咁鹹味道會再好啲

#好好運快餐店 之前舊舖冇機會試 宜家重開返就去試了🥹下晝兩點去到 都係要排一陣隊·沙嗲牛肉麵餐 ($56) 沙嗲牛肉麵之後可以另外揀多兩款餸 今次叫咗炒蛋同埋紅腸好重沙嗲味 而且沙嗲醬入邊有少少洋蔥絲同埋紅椒 口感豐富左同埋有帶少少蔬菜甜味但係個湯偏鹹 所以食耐左覺得好口渴炒蛋非常出色 好滑 紅腸外表煎左 所以個皮都好脆