好彩海鮮酒家 (已結業)

終於等到星期六放假天，當然要跟媽咪去飲飲茶啦！好彩酒樓算是大埔交通方便的酒樓之選，叫了幾個點心，紫薯包是必食推介，很有紫薯香味而且不太甜，吃完亦不會有飽滯感，點心拼盤有點失望，沒有寫是甚麼點心，酒樓可隨意配搭，因此不知道甜的那件糕到底是什麼，只有甜味吃不出任何味道，不清楚到底是紅棗糕還是椰汁榚，下次不會再叫點心拼盤了！

服務態度差到不得了，特別係企reception果位阿姐。黑面點做知客？呢間酒樓請到啲咁嘅知客等執火。同區大把酒樓服務、環境、食物質素比佢好，如翠園（雖然係藍店）、彩福等等。。。Will not come again !!!!! The restaurant has terrible service especially the receptionist. Obviously shenever have any professional training. If her attitude remains the same, the restaurant must be shut down just the matter of time. Good luck !

傳統嘅中式酒樓永遠都係一家大細老少咸宜濟濟一堂相聚一刻嘅地方。最近酒樓都變咗好多有分現場亦都有擺百日宴甚至乎食公司飯或者係團年飯，更甚至開年飯。咁啱成個屋企家族都出嚟有老有嫩有大有細，有長輩又後悔作為中間輩分嘅我真係唔知可以喺酒樓度叫咩送畀大家。所以最簡單，由長者話事。叫咗兩款素菜，噉長者有時話要食清啲佢哋都可以滿足佢哋。係足個黃金嚇大家後生仔傾下偈嘅時候食落又幾滋味。依條蒸魚，就值得一提嘅因為啲肉煙韌之餘呢又好香口豉油汁又夠，想啲嘅時候熱辣辣，非常新鮮，一啲雪藏味都食唔出。蒜蓉粉絲蒸扇貝，非常香口扇貝都好彈牙，粉絲分量適中，佢哋個汁都好特別好好食。不過今日嚟嘅時候哩，就好多人好多客人所以職員都應接不暇，不過佢哋都好專業地，同我哋攞位開位同埋問我哋食乜嘢同我哋落單我哋要叫嘅，要多份餐具啊或者係要多少少要求呢佢哋都會做到嘅噉佢哋真係好努力好肯付出。服務方面我好滿意環境一般啦見仁見智因為始終酒樓好難乾淨得去邊。成日我覺得，非常之高分嘅，因為中蔡嚟講佢都算，喺好彩酒樓分店度做得算係唔錯。由於今晚有好多長者嘅關係所以，影相方面唔可以太過講究同埋飲飲食食嘅時候冇得評論太多。就反老人家黎講都算係咁

好彩海鮮酒家都係香港好多年, 我有好耐都未黎呢到, 就黎懷舊一下!食物都算新鮮睇得出係即叫即整.都有好多款選擇，鐘意食煎溥餅, 因為呢到個溥餅煎得岩岩好, 唔會太燶, 食落都唔錯, 脆脆地

多得酒樓有早巿特價時段，多咗食早餐的選擇，唔使吓吓去茶記或快餐店。早巿食個咸魚肉片煲仔飯加個點心，足夠應付去郊遊所需。煲仔飯熱辣辣，飯粒分明，軟硬適中，塊咸魚比想像中大件兼唔係死鹹。煎釀茄子、煎金粟魚餅、乾蒸牛肉都有特價，乾蒸牛肉個樣雖然歪歪斜斜，味道係三個之中較好。正價點心叉燒腸，皮薄得嚟叉燒多，甜豉油味道啱啱好，喜歡；芝麻煎堆仔內有蓮蓉，甜度適中，一定要趁熱食。樓面職員數目少，但佢哋好有 team spirit ，互相補位極有默契，做嘢超勤快，默默冇停手咁開工，真心大力給讚！

大年初六一覺醒來，已經近10點，要去一田買餸預備今晚的拜年晚飯，先和媽媽去好彩飲茶。新正頭，人頭湧湧，幸好沒有人等細枱，等了十多分鐘就入座了。安排了中間的1張細枱，枱與枱之間很迫呢=,=今天沒有媽媽最愛的椰皇燉鮮奶，所以只點了4款點心。可能是人多，等了15分鐘才有第一樣點心腸粉上枱，牛肉腸粉的牛肉算多，腸粉較厚，但糊，有馬蹄粒，不過有些咸。之後的雞包仔夠熱，雞肉粒也多，還有菇粒，但包有些韌，似是雪過翻蒸。之後的上素野菌餃，餃皮晶瑩不淋，饀料有粟米，菇粒，青豆和芹菜，很清爽的點心。雞扎是漏了單的，等了15分鐘才有，上枱時熱辣辣，鮮竹捲著炸芋頭，冬菇，魚肚和雞肉，雞肉是有骨的雞背，魚肚只有手指尾大小的一小條，沒有汁，很淡的2件點心。

今晚真係嬲嬲豬🐷，本來開開心心🥰去大埔好彩食團年飯，因為早在13/1看中了星級海鮮宴晚飯（價值$888半席），15/1叫了家人去1問清楚在31/1/19是此餐及價錢，酒樓回應過兩天再查詢，17/1 得知呢個餐加多了$100，家人覺得合理所以去book 位，book 位時仲當面問清楚31/1/19可以食到呢個餐並用$988惠顧，負責的職員表示你落訂就無問題，所以落了$500訂。今晚入門口仲見到呢個餐$988，點知檯上的menu 呢個餐就寫$1488🙈，即叫侍應表達我們已落了訂呢個餐及$988，仲比埋訂金收據，佢話今晚只做到$1488，我叫佢查清楚及表明落訂的細節，佢先後回應了3次表示「呢個餐$1488」「負責同事無返工」「唔好意思做唔到比你」「同可以揀食其他野」「經理好忙」，我要求同經理對質，擾攘了15分鐘最後我寧願唔食取回訂金也不屈服「海鮮價」晚餐，我唔明如果我嚟到再揀餐我只需訂位，應該不用落$500訂，最終見到好忙的人事經理，經理解釋係呢兩日先加價😡咁大間酒樓都違背口頭承諾（後悔落訂），真無好不滿，對呢間酒樓做生意方法非常失望，我估好多人會費時麻煩唯有焗食，估唔到仲有咁樣誤導顧客，最

今天一月廿日星期日中午到上址飲茶，此店人事經理態度極度惡劣，我埋單後要求賬單副本，他叫我去櫃台取。我到櫃台後，他給我别人的賬單副本，我不滿，他問我想點？我說要取回我的賬單，他之後很不願意地給我的賬單副本，並說：「先生你要賬單副本已俾咗你，你仲想點！」之後我說要投訴你，人事經理在餐廳大聲説好啊並給我咭片叫我一定要投訴佢先好啊，唔好唔投訴！當時好多食客都聽到。這樣的服務態度，實在令人失望！另外此店隨便給其他客人的賬單做法實在不對和不明白

呢間酒樓超差，要咩冇咩，晚市開始冇耐，咩都話賣晒，菜又上得慢，人又唔夠，想追人上菜，都要個客四圍走去搵人，我已經係一個有耐性等嘅人，今次真係等到過左我底線。從未試食餐晚飯食到咁嬲，夜晚7點，蝦賣晒，湯又話賣晒，都算，落左order，45分鐘都未上到菜，要續個餸追佢上，等到啲餸上晒，個魚肚𡙡都未上，要催佢，佢先即刻上。知佢咩都賣晒，落單時已叫定雙皮奶，order叫收，點知再追佢，竟然話賣晒，激到火都嚟。我會Black list左呢間酒樓，以後都唔會幫襯😡

服務十分差入去等執枱等左15分鐘先有人執，而且邊執仲邊抱怨。我要一盤炸魚柳，問佢地攞沙律醬，唔比不特只，仲要話返我。話佢好忙，唔好煩9著佢，有得比你食就好啦。跟著佢上錯菜，仲怪係咪我地自己叫錯。D侍應做野基本上全程黑臉，好似你差佢地錢咁，而且十問九不應。間公司應該搵時間train返d員工做人既基本禮貌同尊重。雖然我知佢請唔夠人，請d連廣東話都唔識既新移民，都會有人食，因為附近得佢。但係我想問下大家真係甘心比錢買難受嗎？野食還可以，普通茶樓水準。

今日端午節，好多大埔人飲茶。但是食物貨不對辦，韭黃鮮蝦腸揾唔到韭黃，無味蝦，腸粉凍特點價錢，物非所值，令人失望！松露燒賣無松露香味，只有潮州粉果味道尚可，但外形大小似餃子。

發現有新酒樓喎，就相約爸媽一齊茌個下午茶吧 ﹗Saturday Family yum ha Ng cha。發掘新地方、新酒樓，唔洗食來食去都得幾味，好悶架麻 ﹗阿媽話開左幾年，唔係掛？我完全留意唔到。點心名起得十分有創意，激發好奇心，就算平凡的蝦餃燒賣鳳爪排骨，改個前衞靚名即刻想試。口水雞，面層只有甜甜豉油味，辣味麻味全部沉底呢，撈混再食更好味。微麻微辣加微香，不幸帶點澀味。肥雞肥得黎未算過份，可以接受。胸棉有點乾，髀夠滑而皮香嫩。黑松露醬燒賣，輕煙飄飄剛剛出爐，大大舊啖啖肉熱辣辣又香噴噴 ﹗蝦爽肉彈，味道不錯，如果有豆瓣醬就更好心啦。不太食到松露味喎，發現倒轉入口才正確，讓味蕾跟黑松露醬直接碰撞，即時感受到濃濃芳香黑松露味道，哈哈 ﹗四寶雞紮，包得實淨美觀，完整無穿窿，無甩皮甩骨，靚靚仔仔送到，Good ﹗不用芋頭用鮮淮山非常好，一向以為芋頭極平所以間間食肆搶住用，好怕芋頭那種霉霉的異味。阿媽話芋頭好貴架，比淮山貴好多喎，但點睇個樣都係鮮淮山比較貴。有皮雞柳真少見，不過不失有點硬但嫩滑，醃味普通。魚肚索盡肉汁爽甜，香菇味濃彈滑，淮山半爽半粉大愛，腐皮半爽半嚥韌，整體蠻不錯，讚。水晶蝦

響大埔中心想食中菜, 又唔想食家傳, 於是試試好彩晚餐menu有大量孖寶優惠, 2人餐都唔算太貴; 最後揀咗1. 海哲燻蹄2. 乳鵨2隻+扇貝3. 雜菌豆苖碟頭好足, 但係啲調味好唔啱口味: 海哲燻蹄同雜菌豆苖徧淡, 而乳鴿又好鹹...扇貝係最okay食物同味道, 同北京樓個啲相比就似乎太過粗糙埋單4xx, 我諗我下次會去翠園用信用卡優惠, 好似抵啲...

好彩海鮮酒家其實食過好多次，亦唔同嘅location都試過。呢次主要係想重點介紹佢地嘅欖角骨。呢個餸去親任何一間好彩都必叫，因為真係非常好送飯嘅一味菜，但唔係間間都做得好，觀塘同大埔呢間就真係做得好好，而油麻地嗰間就唔得喇！講返個骨，啲骨同個汁嘅配搭真係洽到好處，唔太多或太少，肉質方面嫩滑同肥瘦適中，每舊都骨細細肉多多，雖然份量比較少但大概七十蚊都還可接受。另外個椒鹽豆腐都好香口，每件細細粒容易食。個炸子雞方面我就覺得有點兒比下去了。總之去好彩食飯，欖角骨一定係穩膽。

我同屋企人午市去飲茶⋯原以為會等好奈⋯但唔洗5分鐘就有位～啲侍應又幾好人～個環境都幾好比起其他酒樓地方比較寬少少～bb 車同輪椅都有足夠既空間放置！唔洗擔心阻住其他人出入～😏我地總共叫左11種食物～最令人驚喜係個棉花雞～送到黎個陣⋯都諗緊我點左啲咩用鐵板上既～一打開發現～～原來係棉花雞黎～啲雞比起其他酒樓滑好食！！！鍾意食既朋友記得叫返個黎食啦～😚另外個馬拉糕都幾好食～其他食物都唔錯～今餐都係比左大約$500幾～都👌🏻啦～