好彩酒樓

營業中

休息中

前兩日同我家人去飲茶，送漏咗嘢仲要照收錢冇俾收據同佢講 啲態度極度惡劣櫃檯收銀機個阿姐同個男經理簡直幫公司倒米奉勸所有人去食嘢請謹慎！真係請都唔去！！！不知所謂 ！

彩虹飲茶疫情限聚令的關係，出了2人份的點心～飲早茶點心很多都是2件😃味道中等普普通通，不會很差#蝦餃 $16 普通#粉果 $10 建議叫他給豉油或者辣醬#鳳爪 $17 甜甜的不會辣#豆苗餃 $20 多豆苗#鹹水角 $10 熱辣辣脆卜卜😋#炸雲吞 $12凍咗不過都好脆，大大塊雲吞皮，像薯片一樣，旁邊有酸甜汁沾點（味道像咕嚕醬）服務質素：6/10環境舒適度：6/10ᶘ ᵒᴥᵒᶅ個人口味評分：7/10#food #hkfood

好多時都有機會嚟到彩雲邨好彩海鮮酒家食飯，佢嘅叉燒同埋燒腩仔都好好食（雖然鹹咗少少），不論晚飯或者係食套餐，餸菜都做得好好，新鮮熱辣又夠大份量！一家人食餐晚飯，已經係一個好滿足嘅晚上！

一早就起左身…假日約左家人一齊去嘆個早茶…入到茶樓，前排就無乜人去飲茶，好多都係吉台，今日就比平時多人左好多台。好好彩唔使排隊等位，就有一張八人台可以俾我哋四人享用早茶，坐低左，叫左好幾樣點心：六福點心拼盤，咸水角，炸雲吞，蒸鳳爪，鳳爪排骨飯，煎蓮藕餅，燒賣，煎薄餐，馬拉糕，鮮竹卷。除咗叫左野食外，最緊要就係嘆茶～一壺普洱茶，一壺鐵觀音和一壺滾水，侍應都好快手俾到我哋享用，飲左一個鐘…服務都幾好。

今日見長腳蟹好抵 所以叫咗個長腳蟹，都有四磅幾！六個人食啱啱好，隻蟹好新鮮海水味好足！肉質肥美，價錢唔貴，所以好抵食！叫多幾個小菜，推介欖菜炒四季豆，夠獲氣，味道不錯！

老人家都係仲意飲茶多，所以就去咗彩雲的好彩試下，本身屋企附近都有好彩集團的茶樓，而且味道都ok，所以就諗住彩虹呢間應該都唔差，點知…其實彩雲呢間好彩都ok 好坐，因為個場都大，所以唔會好逼點心都係一般茶樓有的點心，無咩特別，但佢呢到有鵪鶉蛋燒賣！依家唔係間間都有賣，所以我一見到就點咗，但係好鹹，佢成粒燒賣肉都好鹹！佢的其他點心，例如荷葉飯，炒麵一樣逃不過鹹的命運…我地仲點咗煎餃，佢的煎餃好大隻而且肉好多，不過唔知係佢本身無醬汁點定忘記了俾，單食無醬汁點有d 乾

昨天下午到酒樓飲茶,佢係自由入座時間,由於我地8個人, 搵到一張大格但咩都未整, 咁我問下西裝服的男人, 身份矮小, 一開始已經態度惡劣, 話: "你坐左落去先啦, 你坐左落去就有人起台! " 嘩~我都係問下, 不知情情況下問下都好正常, 如是者, 就開始飲茶, 下午我明白點心好多都冇都好正常, 所以都冇特別問題。之後去結帳就開始黎啦, 首先, 我結帳時有一個呀姐收銀, 我排第二, 之後有幾位呀姐都有排隊, 跟住有一個高既西裝服的男人(經理) 一行過黎, 一收錢就收我地後面果個先, 我俾張單佢佢冇反應, 算! 我等前面呀姐, 跟住呀姐到我結帳時 前後都係用同一部PAYWAVE機, 我諗住拍啦,點知呀姐態度勁串話: "後面已經收緊錢啊, 你仲拍! 收左你錢就唔好啦" 第一, 我排緊前面 點解係收我後面錢先! 第二, 我見你做緊結帳,我緊係拍卡啦! 都算!!   我行返位時, 有推車仔個呀姐, 話"有個珍珠雞啊! 你未食" 我話"我結帳了, 我要退返錢" 行返去收銀處同服務態度極之惡劣果兩位經理同收銀講, 佢就話"拍左卡啦wor!" 我話野食好耐未黎, 經理指住個呀姐就話: " 咪到左!

同屋企人食飯最緊要就搵一些方便的地方， 這間好彩海鮮酒家是我們經常來的。 這裏中午飲茶和晚市都很抵吃， 今次點了一個套餐， 六人份量，$1000全包宴。 這個價錢份量非常多， 味道亦唔差， 白灼蝦和蒸魚都很新鮮，菜和燒味的味道中規中矩， 炸海鮮卷外層脆卜卜，入面是沙律醬做。 還有這裏的紅豆沙和壽桃包， 每次都覺得很好吃。 紅豆沙很濃郁， 甜度適中，這一款甜品多數是搶手貨， 有時遲了就會賣曬。 壽桃包外形不算太大個， 但餡料的蓮蓉特別香滑。這間酒家多數做街坊生意， 所以侍應們的服務態度當然很好啦！

間中都會到彩虹的好彩酒樓吃晚飯， 這裏非常容易搵位， 食物質素 都可以接受。 這間酒樓多數都做街坊生意，當晚點了孖寶白灼蝦＋沙爹肥牛煲$198， 胡椒豬肚煲$78， 薑汁糖酒炒芥蘭$68， 燒味拼盤$108， 福建炒飯$105。白灼蝦大隻新鮮爽口彈牙， 沙爹肥牛煲啲肥牛比較硬，沒有沙嗲味， 胡椒豬肚煲， 味道普通帶點辣。薑汁糖酒炒芥蘭， 芥蘭新鮮有菜味。 燒味拼盤有油雞，叉燒和燒鴨， 油雞有雞髀， 叉燒半肥瘦， 燒鴨偏瘦。 福建炒飯好大碟， 濕濕地容易入口。其實已經到過好彩酒家很多次， 對這裏食物的評價都是中規中矩， 但有時貪方便，所以都會到這裏幫襯的。

2pm開始下午茶，2點3落單，十分鐘後一個便裝男人口黑面黑行過嚟話“薄餐”無，俾張唔係我地嘅單叫我地揀過，家人見其他tick咗嘅唔係我地揀嗰啲喎～誰不知個男人喝埋嚟：「我叫你揀就揀啦 都無話呢張係你嗰張！」真係著咗～咁唔要啦！咩都唔要呀～垃圾屋邨酒樓有d咁垃圾嘅經理幾好食都唔會再黎。嚟飲茶好似殺左你全家咁

中秋前夕，與家人一行七人，來到這一所酒家吃飯，位於彩雲邨，相當受村內居民喜歡，當天如果不訂枱應該也沒有位置。我們點了一個五至六人套餐，再另加了兩款小菜。首先上桌的是燒味拼盤，包括有叉燒、燒鴨、豉油雞、木耳。叉燒肥瘦剛好，好吃。而豉油雞亦不錯，不過油略多。由於我們肚子餓，叫了侍應先想荷葉飯，結果速度很快，立刻就來了。在香港來說，這個荷葉飯算是好吃，當然不是最正宗的，但已經不錯，入邊亦有大蝦。燒乳鴿兩隻，不過不失，一般。蒸鮑魚，由於老人家牙齒不好不能吃，所以我吃了兩隻，個人覺得有點淡，需要多點豉油才好吃。西蘭花炒帶子，兩極，西蘭花非常入味很好吃，但帶子雖然很大隻，但是有點不新鮮。兩條魚，紅色那條是東升斑是我們自己另外點的，下邊那條忘了叫什麼名字是套餐中的。沒有對比就沒有傷害，本來覺得下邊那條也還不錯，但一吃上面紅色的那條，肉質滑很多很多，果然還是另外加錢點的最好吃。蝦仁炒蛋，這個也是另外點的，符合老人家的口味。蝦十分大隻，蛋的份量也很多。不錯。這味菜也忘了叫什麼名字，有菜、冬菇、素包片，和大家在宴會或者酒樓吃到的一樣味道，沒有什麼特別。最後來了一味伊面，剛好能醫飽個肚。5至6人套餐$138

一年一度中秋節快到，幾個朋友相約一同慶祝 ，為咗方便其中一位朋友，我哋決定前往位於彩雲的好彩酒家， 本身一心諗住食套餐，完全冇諗過，一個星期前已經冇得食 ，咁就只好散叫。欖角排骨粒， 欖角味好重，味道偏鹹，外皮唔脆， 以肥膏為主，有點失望，份量亦算是一般。北菇扒豆腐， 好難難食， 一樣比較重口味，鍾意食咸野嘅朋友啱曬， 但有一樣嘢，值得讚，佢裏面仲有生菜底，令到成個餸都健康咗。薑汁芥蘭苗， 薑汁味十足，配合埋芥蘭苗，入口有口感，完全唔會過老過火， 各方面都唔錯， 但係可能因為喺屋村裏面，油份比較重。如果下次再約近朋友食飯，一定要試下對面嘅另一間酒樓。

雖然是位於屋邨，但質素是很有保證。甚至比尖沙咀銅鑼灣的中菜要好。首先不論是東星，彬斑，還是普通倉魚，都蒸得非常好，從不過火。魚肉又鮮又滑。而且不會有俗稱的火水味。蒸魚鼓油味道也非常配合。他們的海鮮都很新鮮，價錢也公道。有次吃到本地大龍蝦，俗稱土龍，見他們剛好有入貨，便試試。屋村酒樓來說，雖然是有點貴，要 $1200，龍蝦肥大肉厚，肉質鮮美，絕對回味。如果是其他酒家，此龍蝦相信要 $2000 以上。最後必試他們的綠豆沙，又香又多豆。如果喜歡要預留呀。

去搵朋友傾計,順便一齊食個飯,所以去左朋友屋企附近的茶樓。我地點了一份套餐,都幾抵食的。有湯,三個小菜及一份燒味。湯都都約足料,味道都唔錯。不是味精水,真係湯黎的。燒味雙併,可自行配搭。燒肉脆卜卜,元蹄都幾夠味。其他小菜味道都幾好,特別係蝦仁炒蛋,蛋很滑!

星期日去左彩雲邨探朋友，同朋友一齊落左去飲茶傾計意外發現呢間屋邨酒樓都幾有水準喎，咁就同大家分享下啦！呢間酒店環境非常寬敞，好大雖然星期日好多人黎飲茶，但係都唔洗等好耐位等我分享下我地食左咩特式食物啦1. 甜酸炒淮山呢一道菜真係好特別，係出面係無食過既！佢係用整咕嚕肉既方法去整淮山首先佢炸左D淮山先，之後就用咕嚕肉既醬汁去將淮山、洋蔥同青椒炒成一碟超級好食！口感好特別！推介！！！2. XO醬腸粉我第一次食XO醬炒腸粉係用煲上既上到碟既時候仲係熱辣辣，非常可口！3. 星洲炒伊麵星洲炒米就食得多喇，星洲炒伊麵就真係第一次食呢間竟然有一道咁特別既炒野，認真特別喎！咖喱味好濃，我直情覺得星洲炒伊麵仲好食過星洲炒米出面既茶記都可以考慮下加呢一道炒野落佢地餐牌度今日真係超驚喜，估唔到可以係屋邨地方搵到一間咁高質素既酒樓可能有人會覺得呢間酒樓環境爭D但我反而覺得咁樣係有一種地道風味依家呢D老派酒樓已經買少見少大家快D係空閒時間既時候去下！