影片
港鐵銅鑼灣站 C 出口, 步行約5分鐘
繼續閱讀
電話號碼
63673243
付款方式
以上資料只供參考, 請與餐廳確認詳情
放工買野，行左條新路返屋企，就見到間"好正"，d野食各式各樣都有，有飯、有麵、有小食，橫掂都係要買宵夜就揀左佢不得不讚，佢嘅外賣包裝好有誠意，唔漏係基本，佢將凍、熱分開放都係基本，餐廳好貼心，用保温袋放，喺咁凍嘅天氣，經過大半個鐘頭嘅車程，返到屋企，凍嘅依然凍，熱嘅都仲係暖嘅，好用心⭐胡椒雞腳湯（小）除左雞腳，仲有豬肚同花生，飲落啖湯，一入口清清地，吞左啖湯之後有後勁，胡椒味好出，豬肚好淋，仲好入味添，咬落啖啖都係胡椒味，雞腳唔會煲到散曬，仲好爽口，正呀👍⭐碗仔翅夠杰身，真材實料，除左平時食開有嘅料之外，仲有蟲草花、乾瑤柱、金華火腿，蟲草花豐富左個口味、乾瑤柱提鮮、金華火腿多左d鹹香，正呀😋，本身就已好夠味，唔洗再額外加調味，食落仲有少少辣添⭐️豉油王煎腸粉腸粉煎得好香脆，仲有d芝麻香，職員好細心除左個面落左d甜醬，連個底都有，唔怕食到落底冇醬，腸粉食落甜甜😋⭐魚蛋燒賣各5粒雖然魚蛋同燒賣都係d普通嘅野食，但係又唔係間間鋪頭入嘅貨都好食，li間魚蛋彈牙，燒賣有咬口，兩隻都係我鐘意嘅口味，個面仲放左d辣醬，加埋一齊食好正，唔係死辣，食落好香😍⭐️牛油果香蕉燕麥奶昔第一啖入口就飲到好香嘅香蕉味，牛油果味再慢慢出現，飲多兩啖成個口都充滿燕麥奶嘅味道，宵夜飲你，罪害感即刻大減🤭又好飲，又健康，正呀😍⭐楊枝甘露足料大大碗，有好多芒果，仲要大大舊，同埋係甜嘅😍另外仲有好多西米同西柚，啖啖都有好多料，食埋li個甜品真係大滿足呀😋
繼續閱讀
今日行過灣仔見到有一間好古色古香外賣店。好鐘意它（飽安）的燈，覺得佢每一樣擺設都有心思。廚師好有心機煮食，有好多湯例如紫菜胡椒雞腳湯，土茯苓陳皮老鴨湯，適合冇時間煲湯的人。佢哋嘅食物都係富有特色好似咖喱飯咁樣就嚟自日本米，潮州米線同埋各色甜品🍮。裝修設計都十分古典。牛油果香蕉沙冰睇住佢用新鮮嘅牛油果同埋香蕉整。食咗潮味川香牛腩米線真是超級入味，有住家飯的感覺。咖喱雞飯都係全碟食晒🤤🤤 鼓勵大家幫襯這間有家庭温暖的外賣店。Today, I passed by a charming takeaway shop in Wan Chai. I really like its Chinese style light and and feel that every decoration has been thoughtfully chosen. The chef puts a lot of effort into cooking, offering many soups like seaweed and pepper chicken feet soup, and old duck soup with soil poria and dried tangerine peel, perfect for those who don’t have time to make soup. Their food is very distinctive, such as curry rice made with Japanese rice, Teochew rice noodles, and various desserts 🍮. The decor is quite classical. I watched them make avocado banana smoothie using fresh avocados and bananas. The Teochew-style spicy beef brisket noodles were incredibly flavorful, giving a home-cooked vibe. The curry chicken rice was also completely devoured 🤤🤤. I encourage everyone to support this warm and family-friendly takeaway shop.
繼續閱讀
位於銅鑼灣與灣仔交界，店舖小小，但路過是一眼就望得見，因為好像日本的路邊屋枱一樣，好有風味。看到販賣食物的種類好多元，由滋補靚湯到街頭小食，應有盡有，我路過想外帶回家吃，也選了好一會兒。✴️🥣土茯苓陳皮老鴨湯（細）$48細碗份量都已經好多，沒有湯渣，以我們來說兩個人喝都好足夠。湯色比較濃，個湯味道好“甜”，喝下去喉嚨好舒服。✴️🍜秋名山咖哩豬扒烏冬 $68好大塊的炸香茅豬扒，沒甚麼脂肪，但肉質爽脆，好食。咖哩香濃，撈烏冬夠味，還有生菜及酸蘿蔔。✴️🍢街頭三寶（蘿蔔／魚蛋／燒賣）$30蘿蔔好淋好入味，魚蛋燒賣正常發揮，我有叫老闆幫我加辣椒油，原來是他們自己特制的，是蒜蓉辣椒油，特別香。✴️🥗土匪雞翼配沙律 $68雞翼好香孜然味，炸得酥脆，沙律菜的質素出乎意料的好，有新鮮爽脆火煎菜及其他沙律菜／青瓜，份量夠一個人當一餐了。✴️🥤楊枝甘露 1杯 $38好大杯，滿滿的芒果肉／柚子肉，目測有半杯，餘下半杯是西米，非常足料，搞勻後口感香甜中帶點酸，開胃。名符其實“好正”的一家小店。老闆員工都好有禮，提供的外賣盒好漂亮，看到外賣袋也是保溫袋，我就問老闆你們成本挺高吧，他說沒辦法，小店就希望盡善盡美，在各方面留住客人。
繼續閱讀
收工係灣仔附近行下，就見到呢間"好正"心諗個舖頭名改得咁直接就試下咩料子!🤭野食種類繁多，有湯、有飯、有小食、有糖水睇到我都眼花花，店員好好人有出黎介紹佢地熱銷🥰土茯苓陳皮老鴨湯強調無落味精無落鹽，但飲落好夠味飲得出好純樸食材味道!🤤本身擔心會有藥材味，但絕對唔會~飲湯怪必叫!我想會試埋其他款嘅湯老村長咖喱牛腩飯牛腩好入味，而且香氣十足!😬唔係平時食開個種無口感嘅牛腩，係有保留左一定彈性~欣賞佢蘿蔔好腍好入味~😛干魚仔煎腸粉一上檯個下超級香!腸粉煎到有脆面正😋加上咸香魚仔超惹味，入面仲有唔知係梅菜定菜浦，令口感更豐富~🤓楊枝甘露最後當然要食個甜品，芒果汁真材實料芒果肉唔酸，大大碗食完滿足晒😙仲有好多好正野食未試，下次再行黎買先得!
繼續閱讀
間嘢應該齋做外賣，都有少量位俾人坐住食行開見到咖哩牛d咁經典嘅賣緊$88，又話咩1949開業至今經典味道不曾改變，想試吓究竟抵唔抵蛋入味，蘿蔔甜無筋，全部有生菜墊底，所以食落咖哩有明顯菜味（唔係好理解到，本身咖哩味唔突出，加埋菜味勁奇怪）但個咖哩真心麻麻，就係超級普通嘅咖哩，冇香料味，唔辣，唔夠鹹，又冇椰漿乜乜，講咖哩嘅話覺得唔係合格嘅咖哩，又唔係瑪莎拉又唔係泰式又唔係日式，唔通落咗姜黃粉就係咖哩咩⋯⋯唔洗試收銀熱情
繼續閱讀