好煮意 (已搬遷) 新店位置

▫️招牌藥膳醉雞煲米線_$55 「有鮮雞湯、新加坡喇沙湯、酸辣湯揀，三款都有基本配菜：芽菜、韮菜、䓤花。小編揀嘅鮮雞湯清得嚟充滿藥材味，唔會過苦之餘亦襯托出雞肉嘅鮮味，仲可以點辣椒豉油轉口味。極建議加$10轉雞脾，舊舊肉都又大件又嫩滑～」 識食：🧡🧡🧡🧡🧡🧡 ▫️車仔麵_$50 (三餸價錢) 「同樣有得自選湯底同麵底，朋友揀嘅喇沙湯底濃郁惹味。配菜方面，鹵水豬耳雖然貴啲但好入味，比一般食到嘅大舊啲同厚啲。牛腩腍得嚟有咬口，又唔會太多脂肪。」 識食：🧡🧡🧡🧡🧡🧡 . 環境：🖤🖤🖤🖤🖤🖤 服務：🧡🧡🧡🖤🖤🖤 抵食：🧡🧡🧡🧡🧡🖤 //鳳鳴居長期都排長龍，如果唔想等咁耐，行過幾步就會見到依間好煮意。環境方面，唔只迫到轉身都冇位，仲有幾隻昆蟲喺空中吊曬絲咁，希望老細改善一下。// . 🍽好煮意 🚪未有IG賬號 📍上水新祥街2號地下E3號 . 

上水呢間可以話係主打雞嘅一間老鋪🤤每次經過鋪頭都聞到藥材嘅香味同每次都full晒仲排晒隊一直都未有機會試🥲因為疫情依家只售外賣🔛今次叫咗招牌藥膳醉雞麵$55 轉出前一丁$4 再加豬紅$8 吾知係咪分湯所以收咗我$70🙊淨叫一碗的話我覺得簡直係超值雞有差吾多8-9件 仲要大大件另外黑色一塊塊我吾記得係叫雲耳定木耳又係大大塊 一啲都冇慳料🤙🏽豬紅有啲失望 冇咩味🙊吾知係咪因為藥膳湯底食完之後成身暖晒🥳🥳好煮意 (上水)上水新祥街2號地下E3號舖

疫情下好多餐廳都唔做堂食，前幾日行過呢間舖，好耐冇食過，所以幫襯個外賣。我選了鹵水豬大腸，腩肉同魚腐，河粉加底，連外賣盒要$58，我要承認只留意"至少三餸"，冇留意個基本底已經要$25，所以侍應大姐講$58，我呆了數秒，但冇所謂，好食就可以。返到公司打開個盒，係塞滿的，不過整體幾失望，最大問題係鹵水豬大腸你只係比幾小粒!？唔係咁矜貴掛~ 其他好普通。幫佢兜的話，唯有話我自己冇加多$2分湯，搞到佢地整得唔好囉。又或者佢專長係藥饍雞，而我冇幫襯囉~

間中都想食吓藥膳雞🐔，天氣凍又想飽肚暖下身，上水石湖墟內有一間可能係做街坊生意，地膽嚟講應該唔會唔識。招牌動作當然係醉雞🐔同醉豬手🐽，此外仲有車仔麵🍜可供選擇，價錢經濟實惠，又夠飽肚，感覺很滿足☺️———————————————————————————🥢招牌藥膳醉雞米🍜💬藥膳湯底係最重要❗️夠藥材味夠濃郁，配米粉可以更索湯。雞件亦要熬煮足夠時間，唔好太過韌，呢度整體嚟講做得很不錯☺️

全晚爆滿只剩廁所門口兒童枱，最憎坐得屈質質迫夾夾！再次想迫我坐廁所門口迷你枱，忍無可忍我今次懂得反抗！首次被編排到隔離侷促的密室，沒有窗沒有透明玻璃沒有電視沒有裝修，只有密麻麻的枱椅及火爐。每次都由我發版，難得女朋友仔突然有興趣點點菜，非常好﹗兩口子撐枱腳，溫馨愉快簡單食。青島啤酒，再來藥膳雞煲補補身！ 沒有日本啤，無選擇唯有大陸啤。指天椒豉油，阿姐們可能真係太忙，剪到指天椒十分大粒，這樣難出味啊！只有椒天椒及豉油提供，沒有生蒜、炸蒜、蔥花，調不出秘製雷式混醬啊！養生藥膳雞煲細，雞件入晒雪仍未完全解凍，有雪味仲有霜黏著，無味大肥勁厚皮帶太多肥膏。冰鮮雞質素明顯一般，幸運地湯底真材實料濃郁美味。某次到訪雞肉竟有陣陣雞甜美，真是難得一見，非讚不可﹗皮脆髀滑胸綿，啖啖肉最可愛。湯極濃紅棗味到最後添點肉味更加好飲。紅棗味強烈特濃，我本身不吃甜的，我喜歡藥材味更多，酒味滾一滾已完全消散。略厭酒味唔夠濃及紅棗味太嗆太甜，另上增量花雕酒先來半杯，滾開熄火浸幾分鐘，酒香醇嫩滑雞登場！頭啖湯厚醇甜美，甘而不澀，尾聲時要再來一碗，必定更有驚喜！酒味太弱要加錢增量，估不到是一大杯滿滿的啊！那麼可以由頭到尾一

「必食」藥膳醉雞！無得輸！真材實料😍今日終於試到我一直好想食既藥膳雞米線！藥材味濃昱，今酒既湯一流！凍天食一流，補身之餘又保暖！行氣活血！D雞一D都唔係Hea 俾，大份得黎又好味！足料！不過提提大家，唔識飲酒既，食完呢碗，飲哂D湯，真係會醉！對於我黎講就緊係未夠喉，但非常非常好食！只能用3個字形容「好很正」😂😂😂！大家🈶️機會一定要去上水試吓😍😍😍5⭐️是滿分CP值：⭐️⭐️⭐️⭐️⭐️價錢:⭐️⭐️⭐️⭐️⭐️味道:⭐️⭐️⭐️⭐️⭐️位置:⭐️⭐️⭐️推薦: ⭐️⭐️⭐️⭐️⭐️除咗因為間舖係上水有D遠之外(對於九龍人/港島人）其餘我都俾5⭐️必食:藥膳醉雞👍🏻👍🏻👍🏻醉香豬手👍🏻👍🏻👍🏻醉蛋👍🏻👍🏻👍🏻

係上水粉嶺區居住或者工作的人都知道，上水粉嶺基本上出色的小店係小之又小，呢間小店每次經過都有陣幾香濃的醉雞味，所以今日lunch去試一試。我地一行四人都係清一色叫招牌藥膳醉雞麵，講真，小店都唔好預期座位會太好坐，但呢樣野我都接受到，算係小店風味的一種。碗麵上嚟，我先呷一淡湯，感覺良好，但藥膳冇想像中咁濃，甚至有d食唔出有藥膳，但酒味係幾濃的。因此我覺得係同出面的醉雞藥膳有另一種唔同的食法，我比較欣賞的係豉油，有辣味同唔辣揀。我點左辣味，個豉油味幾正。至於雞肉，幾十蚊的麵，不能太要求，正正常常啦。係上水嚟講，我覺得間鋪都ok的，因為上水難食的鋪比較多

上水有兩間都幾出名醉雞米線，一間係大街，一間係內街。咁自問平時都係食得多係大街果間良心店，今日就黎試下呢間。坐起上黎，menu 黎講都係果幾款招牌湯底米線，有樣野值得讚既係可以加10蚊變雞髀，由於好緊要，要講多次可以轉雞髀。雖然坐得就真係麻麻，但係等待係值得。我想講酒香黎講真係好看，個湯底又唔會有冰糖果種太甜，但係又唔會有酒果陣苦澀味，整體黎講好過大街果間，所以如果我再黎就唔會再食大街果間。整體黎講，雖然無咁好坐，但係湯底真心一流，雖然遠左小小又難搵位，都會再黎❤️❤️❤️

幾年無食過呢間，再去食，點知令我失望！😔😞米線唔好食，湯底唔濃無咩藥膳味，好似加左水，記得以前既味道依家唔同左味啦，雞無味好硬，價錢加左價，好唔滿足，麵上既韮菜唔熟，草青味，失望😞😒

以為要等位，膽粗粗山長水遠入去，竟然剩低最後一張門口二人台，門口冇人等位，證明疫情之下香港人還是堅持抗疫，值得讚賞.🐔半隻雞煲，湯好味，飲咗幾碗🥬🥟 苘蒿、西洋菜餃、竹笙、出前一丁、午餐肉各一碟，手切本地牛兩碟（細），早知叫一碟大既比較划算，肥仔食食下想食一丁，話要多碟肥牛撈丁，好大食，暈～🤦🏼‍♀️🤦🏼‍♀️埋單$658！味道都維持到水準，唯一的缺點係除了張台太細、d位之間太逼，仲有埋單的時候，因為我地坐隔離舖位，要返過去另一邊舖比錢，可能間舖太窄佢費事我地行入去，個姐姐已經係門口等我地埋單，冇詳細的List比我地看，只是寫咗個總數，除非之前自己計定條數，否則都唔知有冇計錯，如果改善咗清清楚楚就更好！

係附近買完野，聞到好香既醉雞味，跟住香味既來源搵到呢間藥膳雞煲堂食既話藥材雞煲湯底係 $45 雞件大份係 $138但我地外賣佢就要收我地 $220 應該係因為外賣 我地既總消費會少左佢幫我將湯底同花雕酒分開尼裝 湯底都有2大碗 未加酒之前湯底都幾甜 反而落左少少酒之後我覺得無咁好食 同埋藥材味唔係好出雞件份量都好多 裝滿成個發泡膠盒塞到塞哂 肉質都好嫩滑我地自己再加菜，烏冬已經好飽  2個人其實食唔哂d雞值得一讚既係佢個豉油 少少蒜味 已經夠帶出食物既香味 平時嗜辣既我無加辣醬都覺得ok總括尼講 個湯底味道唔算好突出 聞落係好香 但食落就有少少失望

大埔有間人氣泰國海南雞飯店，入面除了海南雞飯外，花雕酒醉蝦都係我每一次必食的，老公知道我喜歡食醉醺醺的食物，所以他推介我食這小店的人氣“藥膳醉雞米線”啦😋！今次係我們2夫妻第二次食，二次都係老公買回家同我一齊食，店員會主動把熱湯及米線分碗裝及主動介紹食物👍👍👍!今日我們2夫妻都係食藥膳醉雞米線，因為雞件好多，每次都係有乒乓球咁大件，有8件，所以我們各另配一個配菜就夠，老公配肥牛，我就配牛腩，估唔到今次我地今次的雞件有翼尖、雞翼及雞脾肉，而牛腩係q彈肥瘦平衡的坑腩啊😍！雞件本身已浸到雞骨都入晒味，雞件及牛坑腩浸係熱的醉雞湯入面超正呀！仲有必食係炸骨魚皮，炸到薯片咁脆（唔會係其他店食炸魚皮了）👍😋，連指天椒豉油及蒜油辣椒都係店主自製，勁惹味!我們今日第一次試埋滷水拼盤，有豬肚、豬腸、粉腸及豬耳，入晒濃香滷水味，必食架😍😍😍!

上水石湖墟有2間食醉鳮麵店，我較喜歡好煮意，喜歡它的藥膳味，而另一間是偏甜，可能不是藥膳主打關係。但最近幾次幫襯好煮意，鳮的份量少了一大截，只有4件加一隻鳮翼尖，而且沒有鳮脾肉，吃了4次都是這樣，証明不是偶一為之，以前起碼有6件，部位平均，反而另一間保持水準，6件，部位平均，價錢還要平2元。我們已轉移陣地去另一間了。奉勸好煮意顧客的眼光是雪亮的，快點回復番以往的質素吧！

輪候時間有問題，6人檯等左個半鐘仲未入得去，很掃興，原因不是冇位，是因為有2人位會不斷放人入去，理論可以永遠冇位。野食一般，藥材湯好飲，冇咩特色了。建議兩人時候去食，佢會卑你打尖入去先。

今天放工突然想吃雞煲，記得曾經經過上水見到一間小店專門吃藥膳雞的，所以就過來找找看。到了門口聞到陣陣藥材味，好吸引。小店店面唔大，有兩間房，我同朋友兩個叫咗大份雞($138），個阿姐話大份有差唔多半隻雞，雞切得都幾大件，但無乜雞味，所以要沾醬油先夠味。花雕藥膳湯底($45)，湯底勁重花雕酒味，第一啖飲落去好似飲酒一樣，真係怕自己會醉，但藥膳味道就唔夠出，無當歸味，因為湯底只有就味同紅棗甜味，所以放落去煮嘅嘢都唔味，好淡。韭菜餃($32)6隻，皮太厚，咬落去好多粉。青菜都幾新鮮，洗得幾乾淨。總結，價錢唔算貴，不過味道好一般。