好燒味 (已結業)

好燒味拆開個字就係女子燒味，由出身自金融界既女老闆創立，主打燒味外賣，製法有別於用爐去燒叉燒，反而係將叉燒慢煮至6成熟才開始燒製，新派燒味料理❤️過左新年後去買樣樣都加哂價，仲要加得都幾多🙈好在12點前外賣自取有85折，而12:00-12:30都會有9折，除左有燒味飯盒之外，仲有健康餐，會計哂卡路里、蛋白質蜜汁叉燒｜$58一份例牌有7-8件，用上環保紙盒，叉燒厚度適中，帶少許肥肉，肉質鬆軟😋而醃料甜度鹹度控制不錯，唔會太重味

近日收工留意到一間特色燒味店✨有別於一般傳統燒味店，外賣盒特別可愛型格雙拼燒味飯有好多種類揀，除咗叉燒燒肉之外，仲有肉燥、燻蹄、貴妃雞豉油雞燒鴨等等仲有羊肩肉叉燒，款式比較多。另外配料可以加日本溫泉蛋、自家製泡菜、麻辣青瓜有別於傳統嘅燒味店！聽講慢煮叉燒好好味，好快就賣晒。我揀咗雙拼燒味飯，叉燒拼燻蹄叉燒肥瘦適中，加上蜜糖醃過味道剛好，唔會太鹹，燶邊叉燒幾香，肉質軟滑傳統燒味店好少有燻蹄揀，肉質嫩滑，唔錯啊~燒味飯嘅份量剛好，下次有機會試吓慢煮叉燒先~

返工成日都唔知中午食咩好～～見到公司樓下有間燒味店，食物選擇多，包裝都好精緻！於是買外賣返去試下😋😋🍱叉燒+貴妃雞髀飯 $66✨首先賣相好吸引！一打開已經流哂口水🤤🤤叉燒肉質偏瘦，有咬口！如果肥返少少會更好食🤏🏻🤏🏻雞髀好大隻，皮滑肉嫩，啖啖肉！！再撈埋啲薑蔥一齊食更惹味❤️❤️提提大家，中午12:30前外賣自取都有優惠，幾抵～～喺金鐘返工既朋友可以試下喔🙆🏻‍♀️🙆🏻‍♀️

無左晚市, 但係工要照返...出去食餐飯分分鐘要排通宵testing都係買個外賣自我lockdown 安全D燒味飯夠地道為左食好D揀左叉燒拼油雞肶呢個外賣望落真係幾精緻打開見到個樣真刻肚餓左油雞肶都整得幾滑幾嫩不過招牌叉燒就一般好似無想象中咁好下次如果試慢煮叉燒唔知會唔會好啲呢??$66 喺金鐘唔算貴, 但係燒味飯黎講算高價, 咁計落好似可以有其他選擇呢間餐廳無lunch set, 只係可以加錢要例湯/ 油菜不過價錢上唔吸引, 無令人有衝動要加番樣配搭可能加啲唔係罐裝/ 紙盒裝既飲品可以揀會好啲!!整體而言係多個選擇但又未至於係會成日再去果種吸引力

今日喺金鐘工作比較匆忙，經過金鐘廊時見到有一間「好燒味」，有幾張餐枱可以堂食，而外賣自取 12:00 前有85折、12:00-13:00可享九折，也可以WhatsApp落單自取，他標榜 「no added colouring」，包裝是用紙做，感覺上比較環保，而我今天 lunch time 只有半小時，所以就堂食試吓。雙併燒味飯$54，隨便點了一個叉燒油雞飯，同事點了一個叉燒燒腩仔飯，燒腩仔要額外加$10，即係$64，我見他燒腩的賣相也不錯，唔會好肥，而且外皮是香脆的；叉燒味道是不錯的，有點酒香，只是肉質有點乾身，不是太嫩滑。飯底略嫌少，唔夠一碗份量，比起下午茶的份量還要少，我一個女仔吃完覺得唔夠飽，不知道我的男同事吃完有什麼感覺😅；飯及燒味的溫度像冷氣商場內溫度，有點冷，建議溫度起碼都要微溫，特別是在冬天😅 ，唔頂肚起碼吃完都要有溫暖嘅感覺。

餐牌幾多選擇，同同事嗌外賣拎返 office 食（office離餐廳8分鐘，全程行室內）食物：- 慢煮叉燒 + 貴妃雞髀飯：以為慢煮叉燒啲叉燒會軟啲好食啲，點知係冇味又唔滑；雞髀一般；啲飯好林好難食唔記得其他同事嗌咗咩，但係全部一致都覺得好難食，而且全部人啲飯都係勁林勁難食，結果最後要嗌下午茶。其他：- 幫手落單嘅職員係咁落錯單，重覆講幾次先得。總結：- 唔叫做對得住個價錢，唔會再食第二次，希望以後會有改善（雖然期望不大）

今日lunch唔知食咩好，兜咗好耐都無心水。諗起講咗好多次話想試吓的核蛋肉燥飯，終於的起心肝試吓。個飯size算細，女仔食剛剛好。可能因為外賣關係，蛋連殼另上，方便運送唔會咁易爛o掛。外賣自取9折，即$44。見招牌有話12:00前whatsapp下單，可以平到85折。味道方面，隻蛋好香蛋味，堅溫泉蛋。整體味道有點淡，肉燥其實唔錯，仲落咗d脆口碎碎，幾得意。不過唔知點解，食完無一種好想下次再食意猶未盡的衝動，唔難食，但又唔會將佢放priority list嗰種...^^；

麻辣貴妃雞飯晏就諗住試下新野，呢間啲肉燥飯四十蚊左右，我有啲想食辣就食左呢個麻辣貴妃雞飯，仲加左$10轉雞髀，但雞髀都唔滑。食食下仲好咸唔辣，我覺得都唔需要試了！

叉燒慢煮同唔慢煮沒分別，一樣難食，好硬，磚頭感，不新鮮。已經第三次光顧，應該有足夠資格評論。買了5分鐘內食，飯菜微溫，好快凍晒。加半分菜唸住食均衡d，得幾個西蘭花，加一份就比一盒白煮西蘭花。個羹好似牛油刀咁，又唔夠力，個紙盒又細，食到煩。服務態度麻麻，價格分配奇怪，你可以用50蚊食得好過80蚊。

我真係好鍾意食燒味，當決定要寫呢個食一百次燒味嘅project其實令我好興奮，因為我會刻意去一啲本身好喜歡但唔想去嘅地方返食我喜歡嘅嘢。好燒味就係其中一間。今日路經金鐘，做完嘢我就買個飯盒返公司食。我以往好鍾意食佢嘅核蛋叉燒飯，雖然比別人貴，但慢煮叉燒加日本溫泉蛋，諗起都流口水。去到好大個Menu寫住燒味雙拼，咁我就問佢單拼幾錢，佢話一樣$49因為會比兩份我。加多隻溫泉蛋$9 ，總共就$58。加多一杯嚟湯，$18，跟餐$15標榜冇味精，細細杯，但我覺得價錢尚算合理。而且都應該真係冇味精，亦都尚算香濃。但係我買完先見到原來有核蛋叉燒飯$51蚊，點解佢唔同我講？而且我唔覺得叉燒多咗！如果好食都算啦，蛋嘅質素維持到，但啲叉燒又乾又柴皮，比以前退步咗好多！我街口嗰間街坊燒味店都好食過佢！令人非常失望，浪費咗我一餐飯嘅quota ！以後唔會再食！

午餐叫了個麻辣雞配飯 $68，選擇去骨加$10，麻辣雞啲汁係好好味，送飯一流。不過全部都係雞胸，唔滑，都多味精。餐廳座位唔多，大約得15個。繁忙時間好多人都拎走不堂食，因為未必有位，而且有啲客人會將手袋放在隔離座位，令到其他客人冇得坐。小店不設加1服務費。

好燒味/女子燒味😆（金鐘）核蛋叉燒飯$51+例湯（西洋菜瘦肉）$15由於疫情嘅關係闊別左金鐘半年，一直都好掛住佢地既叉燒飯，就算係貴過中環都唔緊要，幫襯下啦！點知依家差左勁多，本身都好猶豫究竟要唔要試新豬肉嘅叉燒飯，依家一次睇嚟已經冇下次啦😭叉燒硬，又咸，好失望🙈堂食隻溫泉蛋幫我打到咁鬼樣...算啦5點嚟到淨係得返叉燒，但叉燒係咸到啦喉，好口渴，又大舊，又硬又乾！要搵日去中環食返個正正既四寶飯補數🥵 呢餐下午茶食到頂住頂住！

上次係希慎見過呢間燒味店，點知係金鐘又見到，見過兩次唔係唔試啊嘛？其實係因為唔係特別肚餓，見佢有叉燒包食幾得意，無見過燒味店有叉燒包食，於是就叫一個嚟食下。佢有分兩種叉燒包嘅，一個核蛋叉燒包，一個就叉燒包。我就唔鐘意食蛋，就只係點咗叉燒包。見到有啲驚喜，因為佢原來唔係我地普通係茶樓食嘅叉燒包，係有幾塊大大舊叉燒，仲有蔥條，青瓜。食落口感味道都唔錯。但個包其實分上下兩層會好啲，因為夾埋一齊就食得有啲論盡。會想再試下佢其他燒味。

燒味其實好多選擇，點解要揀呢間呢？原因就係佢嘅外賣盒完全滿足咗我嘅少女心，仲可以打卡，真係兩全其美。今日就捉埋同事去食，但佢本身拒絕我，因為佢呢排健身，好彩我有朋友食過，同我講仲有健身餐食嘅。佢就肯同我去食啦。佢叫嘅係雞胸大隻仔餐：有雞胸，西藍花，雞蛋，仲有少少飯。無醬汁。真係好啱健身啲人，高蛋白質同纖維。我就叫咗六寶飯：五寶飯就食得多啦，六寶飯真係無食過啦。望落真係色彩繽紛，好豐富，有燒鵝，叉燒，雞，燒肉，燻蹄，同半隻鹹蛋。分量都好多下，樣樣都有四五舊。我特別中意食佢啲叉燒，不愧是主打，口感鬆軟又juicy。

係金鐘想搵碗叉燒飯真係唔易行下lab concept見倒間咁嘅野就諗住試下啦門面巧靚靚有哂design同一般賣叉燒飯嘅老牌店實好唔同咁都係食下過下口癮 唔係話預到好好食收倒個外賣覺得 嗚啊巧靚呀真係成份禮物咁搞到我拎個外賣盒出嚟都戰戰兢兢唔想整污糟個袋成套同一設計嘅一打開 喂！又唔曳喎！打埋隻溫泉蛋落去 perfect!!飯都ok 不過就唔係好夠熱 食食下就變涼喇份量都多喎叉燒就好正喇 半肥瘦 又切得夠厚最驚切到好薄嘅叉燒 好冇feel ga肉好嫩口好腍！勁好咬💕本身諗住$51都係買口癮同包裝呀估唔到質素都ok喎 係金鐘嚟講 呢個價錢呢個質素Ok la ~~~~